IMG-LOGO

ගුරු ගෞරවය නොරැක්කොත් සමාජයෙනුත් පිළිගැනීමක් නෑ

අවුරුදු 15 ක බාලවයස්කාර දරුවකුගේ භාරකාරත්වය හෝ ආරක්ෂාව දරා සිටිමින් එම දරුවාට වේවැලකින් පහරදීම අඩන්තේට්ටම් කිරීම හිංසාකිරීම හා නොසලකා හැරීම යන චෝදනාවලට වරද පිළිගත් විදුහල්පතිනියකට කළුතර මහාධිකරණ විනිසුරු ප්‍රදීප් එස්. අබේරත්න මහතා රුපියල් ලක්ෂ 10ක වන්දි මුදලක් එම දරුවාට ගෙවන ලෙස නියම කළ බවත් විදුහල්පතිනිය විනිසුරුවරයා ඉදිරියේ එම වන්දි මුදල ගෙවා දැමූ බවත් අප පුවත්පත ඉකුත්දා වාර්තා කළේය.

ගුරු භූමිකාව අති උත්තම භූමිකාවකි. නිරුක්ති විද්‍යාවට අනුව ගුරුවරයා යනු ‘නෙදැනීම නමැති අන්ධකාරය දුරු කරන්නා’ වේ. එහෙයින් ගුරු වෘත්තිය අභිමානවත්වූත් සාඩම්බරවූත් වෘත්තියකි. එහි ආලෝකය ආදර්ශය වේ. මවුපියන්ට දණ නමා නමස්කාර කරන දරුවා අපිරිමිත ගෞරවයෙන් හා ආදරයෙන් ගුරුවරයාටද දණ නමන්නේ එහෙයිනි. එහෙයින්ම ගුරු භූමිකාවේ ගෞරවය හා පෞරුෂය ආරක්ෂා කිරීම ගුරුවරයා ඉදිරිපිට ඇති බරපතළ අභියෝගයක් මෙන්ම අත්හළ නොහැකි වගකීමකි. ගුරු භූමිකාවට එහා ගිය පරිපාලනමය වගකීමක් විදුහල්පතිවරයකුට විදුහල්පතිනියකට තිබෙන බවද අවධාරණය විය යුතුය.

දොඩම්ගොඩ පොලිසිය මගින් 2013 වසරේදී පොසොන් උත්සවය වෙනුවෙන් තුඩුගල හන්දියේ පහන් කූඩු තරගයක් හා ප්‍රදර්ශනයක් පවත්වා ඇති බවත් දොඩම්ගොඩ නවෝද්‍යා පාසල නියෝජනය කරමින් සිදුවකු ඉදිරිපත් කළ බෝතලයක් තුළ කැරකෙන පහන් කූඩුවට ප්‍රථම ස්ථානය හිමිවූ බවත් අධිකරණයේදී අනාවරණය වී තිබේ.

එම වේදිකාවේදී සිසුවා මුදල් චෙක්පත හා සහතික පත්‍ර ලබාගත් පසු එය විදුහල නියෝජනය කරමින් ඉදිරිපත් කළ නිර්මාණයක් කියමින් විදුහල්පතිනිය එම තෑගි එතැනදීම ලබා ගෙන ඇත. ඉන්පසු ඇය තමාට ජයග්‍රාහී තිළිණ ලබාගැනීමට ඉඩ නුදුන් බව පවසමින් පාසලේදී ප්‍රසිද්ධියේ සිසුවාට පහරදී ඇති බවත් සෙසු ගුරුමහත්ම මහත්මීන් සිසුවා නොසලකා හැර ඇති බවත් සිසුවා කැමැත්තෙන් සිටි තාක්ෂණවේදය විෂය ධාරාවෙන් උසස්පෙළ කිරීමට නොහැකිවූ බවත් නඩු විභාගයේදී අනාවරණය වී තිබේ.

බරපතළ සිද්ධියකි. මෙබඳු අවස්ථාවකදී බොහෝ වගකීමෙන් මෙන්ම සංයමයෙන් කටයුතු කළ යුතුය. දරුවා යනු නොමේරූ අයෙකි. එමෙන්ම දඟකාර බව, විසේකාර බව ආවේණික වූවකි. එමෙන්ම තමා නොසලකා හරින බව දරුවකුට වැටහී ගියහොත්, තමා අසමාන සැලකීමකට ලක්වන බව තේරුම් ගියහොත් එය ළමා මනසට ඔරොත්තු නොදෙන්නකි. පසුකාලීනව සමාජයේ විෂමාචාර ක්‍රියාවන්ට අපරාධවලට යොමුවූ පුද්ගලයන් ළමා කාලයේදී එවැනි අත්දැකීම්වලට ගොදුරුවූවන් බව මනෝ විද්‍යාඥයෝ පෙන්වා දෙති.

නඩු තීන්දුව ප්‍රකාශයට පත් කරමින් විනිසුරුවරයා ප්‍රකාශ කර තිබුණේ මෙය දඩ හා සිර දඬුවම් නියම කළ හැකි වරදක් වුවද විදුහල්පතිනිය 2018 වසරේ කළුතර අධ්‍යාපන කලාපයේ හොඳම විදුහල්පතිනිය වීම, 2016 සහ 2017 වසරවලදී සාමාන්‍ය පෙළ ප්‍රතිඵල ඉහළ නංවා ගැනීමට දායකවීම හා වසර 29 ක සේවා කාලය තුළදී සිදුකර ඇති වැඩදායක කරුණු හා මින් ඉදිරියට මෙවන් වැරැදි සිදු නොකරන බවට වූ පොරොන්දුව සලකා බලා ඇයට ලිහිල් දඬුවමක් නියම කරන බවය.

මවුපියන්ගෙන් පසු දරුවා වැඩිම කාලයක් ගත කරන්නේ ගුරුවරයාගේ සෙවණේය. එම සෙවණ තුළ ආරක්ෂාව, රැකවරණය, දයාව සහ සෙනෙහස තිබිය යුතුය. ඒ අර්ථයෙන් ගත් කල්හි කළුතර මහාධිකරණ විනිසුරු ප්‍රදීප් එස්. අබේරත්න මහතා ලබා දුන් තීන්දුව සෑම ගුරුවරයකුටම මග පෙන්වන්නක් බව අවධාරණය කළ යුතුය.

(***)



අදහස් (0)

ගුරු ගෞරවය නොරැක්කොත් සමාජයෙනුත් පිළිගැනීමක් නෑ

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 233 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 758 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1176 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site