අසිරිමත් නත්තල අදින් උදා වේ. ලොව පුරා වෙසෙන කෝටි සංඛ්යාත ජනතාව ඉමහත් බැතියෙන් මෙන්ම අපමණ ප්රීතියෙන් නත්තල සමරති. ඒ, තමන්ගේ මනුෂ්ය ආත්මභාවයේ ගැලවුම්කරුවා බෙත්ලෙහෙමේ ගවලෙනක ඉපදුණු සතුටය. නත්තල අප රටේ එක් විචිත්රවත් සංස්කෘතිකාංගයකි. එහෙයින්, කිතුනු ජනයා පමණක් නොව සෑම ආගමකටම අයත් ජනයා උත්සවශ්රීයෙන් නත්තල සමරති. ජේසුස් වහන්සේගේ උප්පත්තිය සම්බන්ධ ශුභාරංචියෙන් ඉපිලෙමින් නත්තල සමරන ඒ ජනී ජනයා සමග ලංකාදීපය ද මෙසේ සාදරයෙන් එක්වේ.
අති උතුම් මැල්කම් රංජිත් අගරදගුරුතුමෝ සුවිශේෂී ප්රකාශයක් ඉකුත්දා කළහ. එනම්, “මෙවර නත්තල දුගියා සමරන්න” යනුවෙනි. මෙය මෙම යුගයට අවැසි ඉල්ලීමකි. දුකෙන් පෙළෙන ජනයා වෙනුවෙන් කෙරුණු සානුකම්පිත හා මනුෂ්යත්වයෙන් පිරිපුන් ඉල්ලීමකි.
සත්ය වශයෙන්ම රටේ බහුතරයක් ජනයා බලවත් පීඩාවෙන් කල් ගෙවති. දෙතුන් වසරක් පුරා කැළැතෙමින් තිබූ ආර්ථික අර්බුද වගුර දැන් වාන් දමමින් තිබේ. මෙම පරිසරය තුළ ද බොහෝ යස ඉසුරින් පිරුණ දිවි ගෙවන රන් බඳුන්වල රජ බොජුන් වළඳන පිරිස් ද සිටිති. එමෙන්ම, වේලෙන් වේලට අලුත් වන බඩගින්න නිවා ගන්නේ කෙසේ දැයි හූල්ලමින් කල දවස ගෙවා දැමීමේ දුෂ්ට ඉරණමට යටත්වූ පිරිස අතිවිශාලය. ගිනි කෙළි!යක් බවට ජීවිත පත් වූ ජනයාට සැණකෙළි ඇවැසිම නැත.
කිතුනු දහමේ පදනම මානව ප්රේමය වේ. “අසල්වැසියාට ප්රේම කරන්න” යනුවෙන් ජේසු සමිඳානෝ ඉල්ලා සිටියහ. මානව සමාජයට ඇවැසි සහජීවනය නිර්මාණය වන්නේ ප්රේමය මතිනි. මුළු මහත් මානව සමාජයම එකට ඇද බැඳ තබන්නේ ප්රේමයේ රැහැන් පටිනි. එහෙයින්ම, මෙවර නත්තලේදී ප්රේමය එයට හිමි නිසි බරින් හා ගැඹුරින් නිර්මාණය කරගැනීමට සමත් වන්නේ නම්, ඔහු හොඳ කිතුනුවකු මෙන්ම විශිෂ්ට හා විචිත්ර මිනිසකු බවට පත්වේ.
මානව ආපදාවකට පත්ව සිටින මොහොතක තනි තනිව විසඳුම් සෙවීමට යාම නිරර්ථකය. එමෙන්ම, තිබෙන අර්බුද වගුර තව තවත් ගැඹුරු කරන ක්රියාමාර්ගවලට අවතීර්ණ වීම අනුචිතය. විනාශය, විනෝදයක් බවට පත්කරගන්නේ නම්, අපට නෙළා ගැනීමට සිදු වන්නේ පරාජය හා විනාශය පමණි. මෙබඳු අවස්ථාවක අවුළුවාගත් මහා මිනිස් අනුරාගයකින් පණ පෙවී සාමූහිකව කටයුතු කළ යුතුය.
අපගේ ආගමික මෙන්ම සංස්කෘතික ජීවිතය ඔපවත් කළ නත්තල වාර්ෂික ලිත් සැමරුවකින් බැහැර විය යුතුය. එය වසරේ තවත් එක් දිනයක් පමණක් බවට පත් නොකළ යුතුය. කාබී නටා ගයා අවසන් කරන දිනයක් නොවිය යුතුය.
අප සමාජයට තවත් අත්දැකීම් ඇවැසි නැත. ජීවිතයේ තතු එයාකාරයෙන්ම හඳුනා ගැනීමට පහසු සෑම ආකාරයකම, සෑම පන්නයකම අත්දැකීම් අපි ලබා ඇත්තෙමු. ඒ සියල්ල අමතක කර දමා කල දවස ගෙවීමට අපට කිසිදු අයිතියක් නැත. එහෙයින්, පවතින තත්ත්වය මැනවින් වටහා ගනිමින්, එයට සරිලන ජීවන විලාසිතාවකට ජීවන විලාසයකට අප ගමන් කළ යුතුය.
අපට බොහෝ දේ කිරීමට අවශ්ය නැත. අති උතුම් මැල්කම් රංජිත් අගරදගුරුතුමා ඉල්ලූ පරිදි, පීඩාවට පත් ජනයා සමග අප නත්තල සමරන්නේ නම්, ඔවුන්ට දිරියක් බලයක් ලබා දෙන්නේ නම්, එය සැබෑ අසිරිමත්ම නත්තලක් වනු ඇත.
(***)
ශ්රී ලංකා මහ බැංකුව 2023 වසර සඳහා වූ වාර්ෂික වාර්තාව නිකුත් කර තිබේ. බැංකු පනත සංශෝධනය කර ස්වාධීනත්වය ඇතිකරන නමුත් ආකෘතිගත රාමුව නොවෙනස්ය. රාජ්ය ප්රති
බරවාහන රියදුරන් වශයෙන් රැකියා කිරීමේ මහත් බලාපොරොත්තු ඇතිව ලිතුවේනියා රටට ගිය ශ්රී ලාංකිකයන් 108 දෙනකුට සිදුවූ මහා අකරතැබ්බක් පසුගියදා අපගේ ලංකාදීප
ආර්ථිකයේ තත්වය, ණය ප්රතිව්යුහගතකරණය, විසඳාගතයුතු කරුණු ජා.ජ.බ. සමග විවාදය යනාදී කරුණු සම්බන්ධයෙන් ආචාර්ය හර්ෂ ද සිල්වා සමග කළ සාකච්ඡාව මෙවර සඳුදා හම
උත්සවශ්රීයෙන් හොඳ ආරම්භයක් ගෙන සද්ද නැතිවම අතහැර දමන ව්යාපෘති ආරම්භ කෙරෙන්නේම බොරු පුරාජේරු මට්ටමෙනි. ඒවා ක්රියාවට නංවන්නේත් ලාබ ප්රචාරක වැඩට ක
ජනතා විමුක්ති පෙරමුණේ නායකයෝ 1971 කැරැල්ලෙන් පසු සිරගතව සිට 1977 දී යළි නිදහස ලැබූ පසු වෙනස්ම ආකාරයේ දේශපාලන වැඩ පිළිවෙළක් ඉදිරිපත් කළහ.
පාස්කු ඉරුදින ප්රහාරය පිළිබඳ තවත් පාර්ලිමේන්තු විවාදයක් පසුගිය දින තුනක් තිස්සේ පැවැත්විණි. සමගි ජනබලවේගය මගින් ඉදිරිපත් කරනු ලැබූ යෝජනාවක් අනුව ප
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
නත්තලේ අසිරිය සැමට උදාවේවා!