එසැණ පුවත්

කැලණි සරසවියේ දේශන නවතයි

කැලණිය සරසවියේ ජලය අපවිත්‍රවීමක් හා සිසුන්ට පසුගිය දිනවල ඇතිවූ අසනීප තත්ත්වයන් හේතුවෙන් සියලු අධ්‍යයන කටයුතු අද(16) දහවල් 12 සිට නවතා දැමීමට තීරණය කළ බව එහි නියෝජ්‍ය උපකුලපති මහාචාර්ය ලක්ෂ්මන් සෙ‍නෙවිරත්න මහතා පවසයි.

16 June 2017

නානුඔය අනතුරින් පසු පොලිස් ස්ථානාධිපතිට මාරුවක්

නානුඔය නගරයේ දී පාසල් දැරියක් ටිපර් රියකට යටවී මියයෑමෙන් පසු ඇතිවූ කලහකාරී තත්ත්වයෙන් පසු නානුඔය පොලිසියේ ස්ථානාධිපතිවරයා ඇතුළු රථවාහන අංශයේ නිලධාරීන් රැසක් තාවකාලිකව නුවරඑළිය මූලස්ථාන පොලිසියට අනුයුක්ත කර ඇත.

16 June 2017

ලක්ෂ 75 ක කේරල ගංජා මුලතිව් වලින් අල්ලයි

මුලතිව් දේවපුරම් ප්‍රදේශයේ විකිණීම සඳහා සැලසුම් කොට තිබූ රුපියල් ලක්ෂ 75 ක් පමණ වටිනා කේරල ගංජා කිලෝ 60 ක් මුලතිව් පුදුකුඩිඉරිප්පු පොලීසිය විසින් අත්අඩංගුවට ගෙන ඇත.

16 June 2017

ඒ -9 මාර්ගයේ අනතුරින් විහාරාධිපති හිමියෝත් රියැදුරුත් දිවියෙන් සමුගනිති

යාපනය මහනුවර ඒ-9 ප්‍රධාන මාර්ගයේ මැදවච්චිය පූනෑව ප්‍රදේශයේ සිදු වූ අනතුරකින් විහාරාධිපති හිමිනමක් නමක් අපවත් වී ඇති අතර රියදුරු ද මිය ගොස් තවත් හත් දෙනෙකු තුවාල ලබා ඇති බව මැදවච්චිය පොලීසිය පවසයි.

16 June 2017

පිළියන්දල දී පොලිසියට වෙඩිි තැබු සැකකරු මැදිරිගිරියෙන් අල්ලයි

මත්ද්‍රව්‍ය වැටලිමක් සඳහා ගොස් සිටි පොලිස් මත්ද්‍රව්‍ය නාශක කාර්යාංශයේ පොලිස් කණ්ඩායමකට ඉකුත් මැයි 9 වැනි දා පිළියන්දල නගරයේදි වෙඩි තැබිමේ සිද්ධියේ ප්‍රධාන සැකකරු පොළොන්නරුව මැදිරිගිරියේ දි මිරිහාන විශේෂ අපරාධ මෙහෙයුම් ඒකකය විසින් අත්අඩංගුවට ගෙන ඇත.

16 June 2017

උතුරු මහ ඇමැතිගේ විශ්වාසභංගයට විරුද්ධව පෙත්සමක්

උතුරු පළාත් ප්‍රධාන අමාත්‍ය සී.වී.විග්නේෂ්වරන්ට එරෙහිව භාර දුන් විශ්වාසභංගයට විරුද්ධව 15 දෙනෙකුගේ අත්සනින් යුත් පෙත්සමක් උතුරු පළාත් මන්ත්‍රීවරු පිරිසක් විසින් උතුරු ආණ්ඩුකාර රෙජිනෝල්ඩ් මහතා වෙත බාර දෙනු ලැබීය.

16 June 2017

කුවේටයේ සිටි කතගේ මරණය සැක බවට පැමිණිලි

කුවේට් රටේ ගෘහ සේවයට ගිය හලාවත කංජුක්කුලිය වටවන ප්‍රදේශයේ කාන්තාවක මරා දමා ඇති බව කියමින් ඥාතීහු පිරිසක් අද (15 ) හලාවත පොලිසියට පැමිණිලි කළහ.

15 June 2017

වනයේ හිතවතා ඩේස්මන්ඩ් වයිට් සමුගනී

මෙරට ඉතිහාසයේ ආන්දෝලනාත්මක නඩුවක් වූ ප්‍රේමවතී මනම්පේරි ඝාතන නඩු විභාගයේ ප්‍රධාන සාක්ෂිකරුවකු සහ වනජීවී දෙපාර්තමේන්තුවේ ජ්‍යෙෂ්ඨ ක්ෂේත්‍ර නිලධාරියකු වූ එඞ්වඞ් ඩෙස්මන්ඞ් වයිට් මහතා අද (15) පෙරවරුවේ අභාවප්‍රාප්ත විය.

15 June 2017

විශ්වාස භංගයට එරෙහිව හෙට උතුරේ හර්තාල්

උතුරු මහ ඇමැති සී වී විග්නේෂ්වරන් මහතා එම තනතුරින් ඉවත් කරන ලෙස ඉදිරිපත් කළ විශ්වාස භංගය ඉල්ලා අස්කර ගන්නැයි බල කෙරෙන හර්තාල් ව්‍යාපාරයක් හෙට (16) උතුරේ පැවැත් වීමට නියමිත බව දේශපාලන ආරංචි කියයි.

15 June 2017

ගෝඨාගේ අයිතිවාසිකම් පෙත්සම සලකා බැලීම කල් යයි

පොලිස් මූල්‍ය අපරාධ කොට්ඨාසය මගින් තමාව අත්අඩංගුවට ගැනීමේ සූදානමක් පවතින බව දැන ගන්නට ලැබී ඇති බැවින් තමා අත්අඩංගුවට ගැනීම වළක්වාලන අතුරු නියෝගයක් නිකුත් කරන්නැයි ඉල්ලා හිටපු ආරක්ෂක ලේකම් ගෝඨාභය රාජපක්ෂ මහතා ගොනු කළ මූලික අයිතිවාසිකම් පෙත්සම සලකා බැලීම ලබන ඔක්තෝබර් 24 වැනි දා තෙක් කල් තැබීමට ශ්‍රේෂ්ඨාධිකරණය අද (15) තීරණය කර තිබේ.

15 June 2017

මන්ත්‍රී වාහන බලපත් විකිණුයේ‘යැයි ගොණුකළ පෙත්සම ඉවතට

පාර්ලිමේන්තුවේ මන්ත්‍රීවරුන් 27 දෙනෙකු සිය තීරුබදු රහිත වාහන බලපත්‍ර විකුණා අයුතු ලාභ උපයාගෙන ඇතැයි කියමින් තමන් අල්ලස් හෝ දූෂණ විමර්ශන කොමිසමට කර ඇති පැමිණිල්ල කඩිනමින් විභාගයට ගැනීමට නියෝග කරන ලෙස ඉල්ලා නීතීඥ නාගානන්ද කොඩිතුවක්කු මහතා ගොනු කළ පෙත්සම විභාගයට නොගෙනම ප්‍රතික්ෂේප කිරීමට ශ්‍රේෂ්ඨාධිකරණය අද (15) තීන්දු කළේය.

15 June 2017

බතලේගොඩදී පරීක්ෂා කළ සහල් සාම්පල 11 ම යහපත් තත්ත්වයේ

බතලේගොඩ සහල් පර්යේෂණාගාරයේ දී සහ කාර්මික තාක්ෂණ ආයතනයේ දී පරීක්ෂාවට ලක් කළ සහල් සාම්පලවල ප්ලාස්ටික් අඩංගු නොවන බවත් පරිභෝජනයට සුදුසු බවත් පාරි‍භෝගික කටයුතු අධිකාරියේ අධ්‍යක්ෂ චන්ද්‍රිකා තිලකරත්න මහත්මිය පැවසුවාය.

15 June 2017

සරත් කෝන්ගහගේ ජනපති මාධ්‍ය උපදේශක තනතුරට

හිටපු පාර්ලිමේන්තු මන්ත්‍රී ජ්‍යෙෂ්ඨ නීතිඥ සරත් කෝන්ගහගේ මහතා ජනාධිපති මාධ්‍ය උපදේශක තනතුරට සහ ශ්‍රී ලංකා පදනම් ආයතනයේ සභාපතිධුරයට පත් කිරීමට ජනපති මෛත්‍රිපාල සිරිසේන මහතා කටයුතු කර ඇත.

15 June 2017

පොලිසියට අත්බෝම්බ ගැසූ සැකකරුට වෙඩි

මැවනැල්ල මයුරපාද ජාතික පාසල අසලදී පොලිස් නිලධාරීන්ට අත්බොම්බ ප‍්‍රහාරයක් එල්ල කර පලා යාමට තැත්කළ බව කියන පුද්ගලයකුට අද (15) වෙඩිතබා අත්අඩංගුවට ගත් බව කෑගල්ල කොට්ඨාශ අපරාධ විමර්ශන අංශය පවසයි.

15 June 2017

අකුණු සන්නායකය කොල්ල කෑවාට පොලිසියේ 3 ක් රිමාන්ඩ්

අකුණු සන්නායකයක් සහ රුපියල් 55000ක රත්‍රන් භාණ්ඩ කොල්ල කෑමේ සිද්ධියට අදාළව බොරැල්ල පොලිසියේ තවත් පොලිස් කොස්තාපල්වරුන් තිදෙනකු හඳුනාගැනීමේ පෙරට්ටුවක් සඳහා හෙට(16) තෙක් රිමාන්ඩ් කිරීමට කොළඹ ප්‍රධාන මහේස්ත්‍රාත්වරයා අද(15) නියෝග කළේය.

15 June 2017

‘සිංහලේ ‘සංවිධාන අතර ගැටුමකට හයක් රිමාන්ඩ්

සිංහලේ ජාතික සංවිධානයේ සභාපති සාලිය රණවක මහතාගේ නිවසට ගොස් දේපලවලට හානි කළැයි සිංහලේ අපි සංවිධානයේ සභාපති ජඹූරාවෙල චන්ද්‍රරත්න හිමියන් ඇතුළු හය දෙනකු ලබන 19 වැනි දා තෙක් රිමාන්ඩ් කිරීමට ගම්පහ අතිරේක මහේස්ත්‍රාත් ලලිත් කන්නංගර මහතා මීට සුළු මොහොතකට පෙර නියෝග කළේය.

15 June 2017

‘ඇමැතිකම දෙනකොට ඩිජිටල් තේරුමවත් දන්නේ නෑ‘ - හරීන්

තම අමාත්‍ය ධූරය වෙනස් කිරීමට ජනපති කැමැත්තෙන් සිටියත් අගමැතිවරයා ඊට ඉඩ නොදුන් බව විදුලි සංදේශ හා ඩිජිටල් යටිතල පහසුකම් අමාත්‍ය හරීන් ප්‍රනාන්දු මහතා පැවසීය.

15 June 2017

බොරු කියමින් හිඟා කෑ කණ්ඩායමකට වැඩ වරදී

විදේශ ගතවී සිටින තම බිරිඳ කරදරයට පත්ව සිටින බැවින් ඇය මෙරටට ගෙන්වා ගැනීමට විදේශ සේවා නියුක්ති කාර්යාංශයට ලක්ෂ හතරක් ගෙවීමට ඇති බව කියමින් බස්වලට නැග මුදල් එකතු කරමින් සිටි සංවිධානාත්මක කණ්ඩායමක් අත්අඩංගුවට ගත් බව විදේශ සේවා නියුක්ති කාර්යාංශය කියයි.

15 June 2017

බහුතර බලය පෙන්වන්නැයි උතුරු මහ ඇමැතිට දැනුම් දෙයි

උතුරු පළාත් ප‍්‍රධාන අමාත්‍ය සී.වී. විග්නේෂ්වරන්ට පළාත් සභාවේ බහුතර බලය තහවුරු කර පෙන්වනැයි දැනුම් දීමට පියවර ගන්නා බව උතුරු පළාත් ආණ්ඩුකාර රෙජිනෝල්ඩ් කුරේ මහතා පැවසීය.

15 June 2017

වසරකට සිසුන් 5000කට සරසවි වරම් අහිමි වෙයි

රාජ්‍ය විශ්ව විද්‍යාලයන්හි ඇති විද්‍යා පීඨ 11 ට සිසුන් 20 700 ක් බඳවා ගත හැකි වුවත් 2010 සිට 2015 දක්වා වසර 6 ක කාලය තුළ සෑම වසරකම බඳවා ගෙන ඇත්තේ සිසුන් 15 000 කට ආසන්න සංඛ්‍යාවක් පමණක් බව විශ්ව විද්‍යාල ආචාර්යවරුන්ගේ සංගමයේ සභාපති මහාචාර්ය අරුණ කුමාර මහතා ප‍්‍රකාශ කරයි.

15 June 2017

බැසිල්ගේ ලිත් නඩුව නොවැම්බර් 13 සිට දිනපතා

හිටපු ජනපතිගේ රුව ඇතුළත් ලිත් මුද්‍රණය කර රජයට රුපියල් කෝටි දෙකකට අධික පාඩුවක් කළැයි හිටපු අමාත්‍ය බැසිල් රාජපක්‍ෂ මහතාට සහ දිවි නැඟුම දෙපාර්තමෙන්තුවේ හිටපු අධ්‍යක්‍ෂ ජනරාල්වරයාට එරෙහි නඩුව ලබන නොවැම්බර් 13 වැනිදා සිට දිනපතා විභාග කිරීමට කොළඹ මහාධිකරණ විනිසුරු ගිහාන් කුලතුංග මහතා අද (15) නියම කළේය.

15 June 2017

ඥානසාර හිමිට වරෙන්තු

කොටුව මහේස්ත‍්‍රාත් අධිකරණයේ විභාග වන නඩු දෙකකට පෙනී නොසිටීම හේතුවෙන් බොදුබල සේනාවේ මහලේකම් ගලගොඩඅත්තේ ඥානසාර හිමියන්ට කොටුව ප‍්‍රධාන මහේස්ත‍්‍රාත් ලංකා ජයරත්න මෙනවිය අද (15) වරෙන්තු නිතුත් කළාය.

15 June 2017

පල්ලියට බෝම්බ ගැසූවැයි දෙන්නෙක් සැකපිට

කුරුණෑගල මල්ලවපිටිය මුස්ලිම් දේවස්ථානයට ඉකුත් මැයි 21 වැනි දා බෝම්බ ප‍්‍රහාරයක් එල්ල කිරීමේ සිද්ධිය සම්බන්ධයෙන් පුද්ගලයින් දෙදෙනකු අත්අඩංගුවට ගත් බව පොලිස් මාධ්‍ය ප‍්‍රකාශක නියෝජ්‍ය පොලිස්පති පි‍්‍රයන්ත ජයකොඩි මහතා පවසයි.

15 June 2017

හිටපු ජේඑම්ඕ සම්බන්ධ පරීක්ෂණ ජූනියේ අවසන්

රගර් ක්‍රීඩක වසීම් තාජුඩීන් ගේ අස්ථි කොටස් අස්ථානගත කිරීම සම්බන්ධයෙන් චෝදනා එල්ලවී ඇති හිටපු අධිකරණ වෛද්‍ය නිලධාරී ආනන්ද සමරසේකර මහතා සම්බන්ධ පරීක්ෂණය මේ මාසයේ දී අවසන් කරන බව ශ්‍රී ලංකා වෛද්‍ය සභාව කොළඹ අතිරේක මහේස්ත්‍රාත් ජෙයරාම් ට්‍රොස්කි මහතාට අද(15) දැනුම් දුන්නේය.

15 June 2017

විග්නේෂ්වරන් ඉවත් කිරීමේ යෝජනාවක්

උතුරු මහ ඇමති සී.වී.විග්නේෂ්වරන් මහතාට විරුද්ධව බාරදුන් විශ්වාසභංගයට ආණ්ඩුකාරවරයාගෙන් විසඳුමක් නොලැබුණහොත් මීළඟ පළාත් සභා සැසියේදී මහඇමතිවරයා ඉවත් කිරීමට යෝජනාවක් වැඩි ඡන්දයෙන් සම්මත කරගන්නා බව උතුරු පළාත් එක්සත් ජනතා නිදහස් සන්ධාන මන්ත්‍රී වී.ජයතිලක මහතා කියයි.

15 June 2017

කටාර් රාජ්‍යය සහ ඇමෙරිකාව අතර ගිවිසුමක්

ඇමෙරිකාවෙන් ඩොලර් බිලියන 12කට එෆ් - 15 ගුවන් යානා මිලදී ගැනීම සඳහා ගිවිසුමක් අත්සන් කළ බව කටාර් ආරක්ෂක අමාත්‍යාංශය නිවේදනය කළේය.

15 June 2017

අකුණු සන්නායකය කොල්ලකෑවාට පොලිසියේ 3 ක් අත්අඩංගුවට

බොරැල්ල පොලිසියට අනියුක්ත කොස්තාපල්වරුන් තිදෙනෙකු අද (15) කොළඹ දකුණ කොට්ඨාස බල ගැන්වීමේ ඒකකය මගින් අඩංගුවට ගත් බව පොලිස් මාධ්‍ය ප්‍රකාශක කාර්යාලය කියයි.

15 June 2017

සිසුවිය කහඉර මතදී ටිපර් රියට බිලි

නුවරඑළිය සිට හැටන් දක්වා ධාවනය වු ටිපර් රථයකට නානුඔය නගරයේ කහඉරක් මතදී පාර මැරුවු පාසල් දැරියක ගැටී මියගොස් ඇතැයි නානුඔය පොලිසිය කියයි.

15 June 2017