එසැණ පුවත්

වසර 9කට පසු ඝාතනයකට සම්බන්ධ හතරකට මරණ දඬුවම

සිංහල හින්දු අළුත් අවුරුදු දා පොලු මුගුරුවලින් සහ ගල් වලින් පහරදී ඔරුගොඩවත්ත ප්‍රදේශයේ පුද්ගලයකු මරා දැමීමේ චෝදනාවන්ට වරදකරුවන් වූ විත්තිකරුවන් සිව්දෙනකුට කොළඹ මහාධිකරණ විනිසුරු ආදිත්‍යය පටබැඳි මහතා අද (30) මරණ දඬුවම නියම කළේය.

30 July 2024

කොන්ක්‍රිට් රැගෙන යන බටය පිපිරි සිඟත්තෝ තුවාල ලබති

මොනරාගල දිස්ත්‍රික් මහ රෝහලේ ඉඳිකෙරෙමින් පවතින සිව්මහල් ගොඩනැඟිල්ලකට කොන්ක්‍රීට් මිශ්‍රණ යොදා රැගෙන යමින් තිබූ යන්ත්‍රයක බටයක් පුපුරායාමෙන් කොන්ක්‍රීට් මිශ්‍රණ 15 වාට්ටුවේ වහලය මත වැටී සිවිලිම කඩාගෙන වාට්ටුව තුළට වැටීමෙන් මව්වරුන් තිදෙනෙකු, සිඟිත්තන් පස්දෙනෙකු සහ පවුල් සෞඛ්‍ය සේවිකාවක් තුවාල ලබා ඇතැයි මොනරාගල රෝහල් පොලීසිය පවසයි.

30 July 2024

පොලිස්පති අවුල ලිහන්න ජනපති හමුවක් කැඳවයි

පොලිස්පති ධුරය සම්බන්ධයෙන් ඇතිවී තිබෙන තත්ත්වය පිළිබඳව කථානායකවරයා දිවයිනට පැමිණි පසුව විශේෂ හමුවක් පැවැත්වීමට ජනාධිපති රනිල් වික්‍රමසිංහ මහතා තීරණය කර තිබෙන බව රජයේ ආරංචි මාර්ග ප්‍රකාශ කරයි.

30 July 2024

සෞඛ්‍යයෙන් තෙවන ඇසට සායනයක්

රටේ ජනතාවගේ දැනුම ආකල්ප ප්‍රවර්ධනය කිරීම උදෙසා විශාල සමාජ මෙහෙවරක යෙදෙන ජනමාධ්‍යවේදීන්ට කරන ගරු කිරීමක් ලෙස සෞඛ්‍ය අමාත්‍යාංශය තෙවන ඇසට සුවය සදමු සෞඛ්‍ය වැඩසටහන ආරම්භ කළ බව සෞඛ්‍යමාත්‍යාංශයේ ලේකම් විශේෂඥ වෛද්‍ය පාලිත මහීපාල මහතා පැවසීය.

30 July 2024

’’පොලිස්පතිවරයකු පත් කරන්න’’

පොලිස්පතිවරයකු හෝ වැඩ බලන පොලිස්පති වරයකු පත් කරන ලෙස ජනාධිපතිවරයාගෙන් ඉල්ලීමක් කිරීමට මැතිවරණ කොමිෂන් සභාව තීරණය කර ඇත.

30 July 2024

සත්‍යය සහ සංහිඳියා වෙබ් අඩවිය දියත් කරයි

සත්‍යය සහ සංහිඳියා යාන්ත්‍රණය සඳහා වූ අන්තර්වාර ලේකම් කාර්යාලයේ (ISTRM) වෙබ් අඩවිය නිල වශයෙන් දියත් කිරීම ජනාධිපති ලේකම් සමන් ඒකනායක මහතාගේ ප්‍රධානත්වයෙන් ජනාධිපති කාර්යාලයේ දී සිදු විය.

30 July 2024

ප්‍රතිපත්තිවලට එකඟ නම් රනිල්ට පොහොට්ටුවේ ඉඩ තියනවා

රනිල් වික්‍රමසිංහ ජනාධිපතිතුමාට ශ්‍රී ලංකා පොදුජන පෙරමුණේ ප්‍රතිපත්ති කරුණු සමඟ එකඟ විය හැකි නම් තව දුරටත් එම පෙරමුණ තුළ ඉඩ ඇති බවත් වික්‍රමසිංහ මහතාගේ එම වාසනාවන්ත අපේක්‍ෂකත්වය එම පක්‍ෂයේම කණ්ඩායමක් නැති කළාදෝ යන ගැටලුව මතු වන බවත් පාර්ලිමේන්තු මන්ත්‍රී තිස්ස කුට්ටිආරච්චි මහතා අද (30) පැවසීය.

30 July 2024

’’රනිල් ගාවට ගිය අය ආයෙත් මා ගාවට ආවා’’

රනිල් වික්‍රමසිංහ මහතාට සහයෝගය දැක්වීමට ගිය ඇතමුන් සහයෝගය දැක්වීමට යෑමට පෙර, පසු සහ අද පෙරවරුවේත් සිය නිවසට පැමිණි බවත් මැතිවරණයක් ප්‍රකාශයට පත්කළ පසු එවැනි සහයෝගය පළකිරීම් සහ සාකච්ඡා අපේක්‍ෂා කළ බවත් ශ්‍රී ලංකා පොදුජන පෙරමුණේ ජාතික සංවිධාය නාමල් රාජපක්‍ෂ මහතා අද (30) පැවසීය.

30 July 2024

සර්වජන බලයේ ජනපති අපේක්ෂකත්වයට නම් තුනක්

සර්වජන බල සන්ධානයේ ජනාධිපති අපේක්ෂකයා සඳහා නම් තුනක් යෝජනා වී තිබෙන බව පාර්ලිමේන්තු මන්ත්‍රී උදය ගම්මන්පිල මහතා පැවසීය.‍ෙඉදිරියේදී පැවැත්වෙන විධායක සභා රැස්වීමේදී එම නම් තුන අතරින් සුදුසුම අපේක්ෂකයා තෝරා ගන්නා බවද ගම්මන්පිල මහතා සදහන් කළේය.

30 July 2024

වාර්ෂික ස්ථාන මාරු ගැන නිවේදනයක්

ජනාධිපතිවරණ ක්‍රියාවලියට බාධාවක් නොවන පරිදි 2025 වාර්ෂික ස්ථාන මාරු ක්‍රියාවලිය ක්‍රියාත්මක කිරීමට විරුද්ධත්වයක් නැතැයි මැතිවරණ කොමිෂන් සභාව දැනුම්දී ඇත.

30 July 2024

ගුවන් පාලක 80 ක් රට හැර යති

ආර්ථික ගැටලුව මත ගුවන් ගමන් පාලකවරුන් 80 දෙනකු රට හැර ගොස් ඇතැයි ගුවන්තොටුපොළ හා ගුවන් සේවා සමාගම පවසයි.

30 July 2024

මෛත්‍රීට එරෙහි වාරණය යළි දිග් කරයි

ශ්‍රී ලංකා නිදහස් පක්ෂයේ හිටපු සභාපති මෛත්‍රිපාල සිරිසේන මහතා ඇතුළු පක්ෂ නියෝජිතයින්ට නිකුත් කර තිබූ වාරණ නියෝග නවයක් ඔක්තෝබර් 09වෙනි දින දක්වා යළි දීර්ඝ කිරීමට කොළඹ ප්‍රධාන දිසා විනිසුරු සඳුන්විතාන මහතා අද(30) නියෝග කළේය.

30 July 2024

අ‘පුර පො.ජ.පෙ. සහාය රනිල්ට

කෙළෙහි ගුණ දක්වන මිනිසුන් හැටියට රනිල් වික්‍රමසිංහ ජනාධිපතිවරයාට සහය දක්වන ලෙසට පොදු ජන එක්සත් පෙරමුණේ අනුරාධපුර දිස්ත්‍රික් සම්මේලනයේදී අති බහුතරයකගේ එකඟත්වය පළ වු බව අනුරාධපුර දිස්ත්‍රික් පොදුජන එක්සත් පෙරමුණු කණ්ඩායම් නායක,දිස්ත්‍රික් සම්බන්ධීකරණ කමිටුවේ සභාපති සහ පාර්ලිමේන්තු මන්ත්‍රී එස්. එම්. චන්ද්‍රසේන මහතා සඳහන් කළේය.

30 July 2024

අපනයන බෝග ආදායම ඩොලර් මිලියන 1118.06ක් වෙයි

තේ, රබර්, පොල්, කුරුඳු හා ගම්මිරිස් යන වැවිලි බෝග පහ අපනයනය මගින් 2024 වර්ෂයේ ජනවාරි සිට අප්‍රේල් දක්වා කාලයේ මෙරටට ලැබී ඇති අපනයන ආදායම ඩොලර් මිලියන 1118.06ක් දක්වා ඉහළ ගොස් තිබෙන බව කෘෂිකර්ම අමාත්‍යාංශය පවසයි.

30 July 2024

බලු සුරතලාට වැඩියෙන් කවලා: හිමිකාරිය හිරේ

නවසීලන්ත කාන්තාවකට එරට අධිකරණයක් මාස දෙකක සිරදඬුවමක් නියම කළේය. ඒ, ඇය ඇගේ බලු සුරතලාට සීමාවකින් තොරව ආහාර දී එහි ප්‍රතිඵලයක් ලෙස එම බලු සුරතලා අධික ලෙස තරබාරු වීමත්, අවසානයේ දී මියයෑමත්, හේතුවෙනි.

30 July 2024

දක්ෂිණ අධිවේගයේ රාජකාරිකළ නිලධාරින් 16ක් මිලියන 2.07ක් වංචාකරලා

දක්ෂිණ අධිවේගි මාර්ගයේ රාජකාරි සිදුකළ නිලධාරින් 16 දෙනෙකු පසුගිය වසර දෙකයි හා මාස අටක කාලය තුලදි (2021 වර්ෂයේ සිට 2023 අගෝස්තු දක්වා ) රුපියල් මිලියන 2.07ක මුදලක් ඉක්මවා වංචාකොට ඇති බවට අනාවරණය වි ඇති බැව් ජාතික විගණන කාර්යාලය මගින් නිකුත්කොට ඇති නවතම විගණන වාර්තාවක සදහන් වේ.

30 July 2024

වරාය නගරයේ වැඩ වේගවත් කරන්න පනත සංශෝධන කරයි

කොළඹ වරාය නගරය ආර්ථික කොමිෂන් සභාව පනත සංශෝධනය කිරීම සඳහා කැබිනට් අනුමැතිය ලැබී ඇත.

30 July 2024

යළි බිත්තර ආනයනය කරන්න කැබිනට් අනුමැතිය

දේශීය වෙළෙඳපොළේ බිත්තර මිල ස්ථායීකරණය සඳහා බිත්තර ආනයනය කිරීමට කැබිනට් අනුමැතිය ලැබී ඇත.

30 July 2024

නව ක්‍රිකට් ව්‍යවස්ථා නීති ගත කරන්න යයි

ශ්‍රී ලංකා ක්‍රිකට් සඳහා වන නව ව්‍යවස්ථාව නීතිගත කිරීමට කැබිනට් අනුමැතිය ලැබී ඇත.

30 July 2024

රාජ්‍ය-පෞද්ගලික යාලුකම වැඩි කරන්න නව පනතක්

රාජ්‍ය - පෞද්ගලික ජාතික හවුල්කාරිත්ව නියෝජිතායතනය සඳහා නව පනතක් හඳුන්වා දීමට කැබිනට් අනුමැතිය ලැබී ඇත.

30 July 2024

තෙමහල් නිවසක ගින්නෙන් නිවෙස් හිමියා මරුට

වත්තල මාටාගොඩ තෙමහල් නිවසක ඇති වූ හදිසි ගිනි ගැනීමකින් වයෝවෘද්ධ පුද්ගලයෙක් මියගොස් ඇතැයි පොලිස් මූලස්ථානය කියයි.

30 July 2024

ගිනි අවියක් පත්තුවී අවුරුදු හතේ දැරිය රෝහලේ

නිවසක් අස්පස් කිරීමේදී එහි තිබූ ගිනි අවියක් බිම වැටී පත්තුවීම හේතුවෙන් අවුරුදු හතක දැරියකට වෙඩි වැදී තුවාල ලබා රෝහල් ගත කර ඇතැයි මකුළුගස් වැව පොලිසිය පවසයි.

30 July 2024

තැනින් තැනට අදත් වැසි

බස්නාහිර සහ සබරගමුව පළාත්වලත් ගාල්ල, මාතර, මහනුවර සහ නුවරඑළිය දිස්ත්‍රික්කවලත් විටින් විට වැසි ඇතිවිය හැකි බව කාලගුණවිද්‍යා දෙපාර්තමේන්තුව කියයි.

30 July 2024

පොහොට්ටු මන්ත්‍රී රොත්තක් වජිරගේ ගෙදර යති

ශ්‍රී ලංකා පොදුජන පෙරමුණේ ඇමතිවරු සහ මන්ත්‍රීවරු 75 ක් එක්සත් ජාතික පක්ෂ සභාපති සහ පාර්ලිමේන්තු මන්ත්‍රී වජිර අබේවර්ධන මහතාගේ කොළඹ නිවසට සහ පක්ෂ කාර්යාලයට අද (29) පස්වරුවේ ගොස් ජනාධිපති රනිල් වික්‍රමසිංහ මහතාට සහයෝගය පළ කර තිබේ.

29 July 2024

පක්ෂයේ මොන තීරණ ගත්තත් අපි රනිල් එක්ක

ශ්‍රී ලංකා පොදු ජන පෙරමුණේ දේශපාලන මණ්ඩලය කුමන තීරණයක් ගත්තත් තමාත් තමාගේ පියා ජනක බණ්ඩාර තෙන්නකෝන් මහතාත් සහාය දෙන්නේ ජනාධිපති රනිල් වික්‍රමසිංහ මහතාට බව ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා පැවසීය.

29 July 2024

පොහොට්ටුව ඇතුලේ අද වෙච්ච දේ

හිටපු ජනාධිපති මහින්ද රාජපක්ෂ මහතාගේ ප්‍රධානත්වයෙන් අද (29) පැවති ශ්‍රී ලංකා පොදුජන පෙර⁣මුණේ දේශපාලන මණ්ඩල රැස්වීමට සහභාගි වූ එම පක්ෂයේ ⁣පාර්ලිමේන්තු මන්ත්‍රීවරුන් 16 දෙනාගෙන් එකොළොස් දෙනකුම ජනාධිපති රනිල් වික්‍රමසිංහ මහතාට සහයෝගය දැක්විය යුතු බවට ප්‍රකාශ කිරීම විශේෂ සිද්ධියක් විය.

29 July 2024

”හුස්ම” සහ ”සක්වල” අත්හිටුවයි

සමගි ජන බලවේගය විසින් ක්‍රියාත්මක ”හුස්ම” සහ ”සක්වල” ප්‍රජා සත්කාරක වැඩසටහන් නතර කරන ලෙසට මැතිවරණ කොමිෂන් සභාව දැනුම්දී තිබේ.

29 July 2024

ජනාධිපතිවරණය දවසකින්වත් කල් දාන්න මං කැමති නෑ

ජනාධිපතිවරණය සැප්තැම්බර් 21 දාට වඩා ඉදිරියට ගෙන යාමට තමා කිසිසේත් සූදානම් නැති බව ජනාධිපති රනිල් වික්‍රමසිංහ මහතා පැවසීය.

29 July 2024