එසැණ පුවත්

අවතැන් අයගේ වියළි ආහාර දීමනාව වැඩි කරයි

හදිසි ආපදා තත්ත්වයක දී විපතට පත්වන ජනතාවට හා ආපදා අවදානම් හේතුවෙන් පදිංචි වාසස්ථාන වලින් ඉවත් කරන ජනතාවට සහන සැලසීම, හානියට පත්වන දේපළ යථා තත්ත්වයට පත් කිරීම සහ වන්දි ගෙවීම සම්බන්ධයෙන් ආරක්ෂක අමාත්‍යාංශයේ ලේකම් එයාර් වයිෂ් මාර්ෂල් සම්පත් තුයියකොන්තා මහතා විශේෂ දැනුම් දීමක් කර තිබේ.

29 November 2025

පැට්‍රල් ෂෙඩ් ගොඩකුත් වතුරේ:ගමනාගමනයට බාධා

දිවයින පුරා ඉන්ධන පිරවුම් හල් රැසක් ජලයෙන් යටවීම හේතුවෙන් රථ වාහන ධාවනයට බාධා මතුව ඇතැයි වාර්තාවේ

29 November 2025

රටින් එවන සහන බඩු ඉක්මනින් නිදහස් කරන්න ක්‍රමයක්

විපතට පත් ජනතාව වෙනුවෙන් විදෙස් රටවල්, රජයයන්, සංවිධාන සහ පුද්ගලයන් ලෙස එවන මුල්‍යාධාර සහ ද්‍රව්‍යමය ආධාර පහසුවෙන් සහ ඉක්මණින් නිෂ්කාශනය කිරීමේ කඩිනම් යාන්ත්‍රණයක් ස්ථාපිත කිරීම අරමුණු කර ගනිමින් විශේෂ සාකච්ඡාවක් ජනාධිපති කාර්යාලයේදී අද(29) පැවැත්විණි.

29 November 2025

පේරේ සිරවූ සිසුන්ට දළදා මාලිගාවෙන් ආහාර

නාය යෑම් ජල ගැලීම් හේතූවෙන් අවතැන් වූ මහනුවර ජනතාවට සහ ගංවතුරට කොටුවී සිටින පේරාදෙණිය විශ්ව විද්‍යාලයේ ශිෂ්‍ය ශිෂ්‍යාවන් ඇතුලු පිරිසට මහනුවර ඓතිහාසික ශ්‍රී දළදා මාළිගාවේ දියවඩන නිළමේ ප්‍රදීප් නිලංග දෑල මහතාගේ අනුග්‍රහය යටතේ පිසූ ආහාර ලබාදීමේ සමාජ සත්කාරයක් ආරම්භ කර තිබේ.

29 November 2025

‘‘දිට්වා‘‘ 191 අතුරුදහන් කරයි

ගං වතුර නාය යාම් ඇතුළු ආපදා තත්ත්වය නිසා මරණ 153ක් වාර්තා වී ඇතැයි ආපදා කළමනාකරණ මධ්‍යස්ථානය පවසයි.පුද්ගල අතුරුදන්වීම් සංඛ්‍යාව 191කි.

29 November 2025

‘‘දිට්වා‘‘ දිවයිනෙන් බැහැරට

මෙරට කැළඹූ දිට්වා සුළි කුනාටුව දිවයිනෙන් බැහැරව ගොස් ඇති බව කාලගුණ විද්‍යා දෙපාර්තමේන්තුවේ අධ්‍යක්ෂ ජනරාල් අතුල කරුණානායක මහතා පැවසීය.

29 November 2025

සාගර් බන්ධු මෙහෙයුම යටතේ ඉන්දියාවෙන් තවත් ආධාර

ඉන්දියාව සාගර් බන්ධු මෙහෙයුම යටතේ ශ්‍රී ලංකාවට ලබා දෙන මානුෂීය ආධාර තවදුරටත් ඉහළ නංවා තිබෙන බවත් තවත් සහාය පැමිණෙමින් තිබෙන බවත් මෙරට ඉන්දීය මහ කොමසාරිස් කාර්යාලය අද(29) නිවේදනයක් නිකුත් කරමින් ප්‍රකාශ කළේය.

29 November 2025

පොලිස් කොස්තාපල් බඳවා ගැනීමේ පරීක්ෂණ කල් දමයි

පොලිස් කොස්තාපල් තනතුර සඳහා බඳවා ගැනීමේ අවසන් සම්මුඛ පරීක්ෂණය තාවකාලිකව අවලංගු කිරීමට තීරණය කර ඇතැයි පොලිස් මාධ්‍ය කොට්ඨාශය කියයි.

29 November 2025

හෙට දහම් පාසල් නෑ

හෙට (30) දහම් පාසල් නොපවත්වන ලෙස බෞද්ධ කටයුතු කොමසාරිස් ජෙනරාල් වරයා දැනුම්දී ඇත

29 November 2025

බිළීන්දන් දෙදෙනකු හෙලිකොප්ටරයෙන් කොළඹට

ජලගැලීම් හේතුවෙන් සේවා අඩපණ වී ඇති හලාවත මූලික රෝහලේ අසාධ්‍ය තත්ත්වයෙන් ප්‍රතිකාර ප්‍රතිකාර ලබමින් සිටි දින 28 ක් හා දින 35 වයසැති බිළිඳු දරුවන් දෙදෙනෙක් සහ බරපතල තුවාල ලබා සිටි වයස අවුරුදු 10 ක දැරියක් වෛද්‍යවරුන් දෙදෙනෙකුගේ අධීක්ෂණය යටතේ ගුවන් හමුදාවේ හෙලිකොප්ටර් යානාවක් මගින් කොළඹට රැගෙන එනු ලැබිණි.

29 November 2025

හැටන් පාරවල පස් කඳු ඉවත්කරයි

හැටන් සහ නුවරඑලියට පිවිසීමට ඇති සියලුම මාර්ගවලට ස්ථාන කිහිපයකින්ම කඩා වැටී ඇති විශෘල පස් කදු ඉවත් කිරිමේ කටයුතු කඩිනම් කර ඇති බව හැටන් කොට්ඨාශභාර ජේෂ්ඨ පොලිස් අධිකාරි ප්‍රදීප් විරසේකර මහතා පැවසිය.

29 November 2025

මහනුවර - මහියංගන මාර්ගයට පස් කඳු කඩා වැටේ

මහනුවර මහියංගන ප්‍රධාන මහා මාර්ගයේ 34 සහ 35 ,කිලෝමීටර් කණු ආසන්නයේ මාර්ගයට විශාල පස් කඳු කඩා වැටී මාර්ගය සම්පූර්ණයෙන් අවහිර වී ඇත.

29 November 2025

කතුන්- ළමයින් ගැන කියන්න දුරකථන අංක දෙකක්

ආපදාවට පත් දරුවන් සහ කාන්තාවන් පිළිබඳ තොරතුරු දැනුම් දීම සඳහා ගාස්තු රහිත දුරකථන අංක දෙකක් හඳුන්වා දී තිබේ.

29 November 2025

ගංවතුර අස්සේ ෆේස්බුක් සාදයක් වටලයි

කෝට්ටේ නව ජයවීර මාවත ප්‍රදේශයේ පැවැත් වූ ෆේස්බුක් සාදයක් වටලා පුද්ගලයන් 30 සහ කාන්තාවන් 2 කු අද (29) සවස වැලිකඩ පොලිසිය විසින් අත්අඩංගුවට ගනු ලැබූහ .

29 November 2025

අතුරුගිරිය හුවමාරුව ජලයෙන් යටවෙයි

අතුරුගිරිය අන්තර් හුවමාරු මධ්‍යස්ථානය අසලින් අතුරුගිරිය මාලඹේ මාර්ගය ජලයෙන් යටවී ඇතැයි මාර්ග සංවර්ධන අධිකාරිය කියයි

29 November 2025

කිඹුලන්ගෙන් ප්‍රවේසම් වන්න

රට පුරා ගංගා ආශ්‍රිත ප්‍රදේශවලට කිඹුලන් පැමිණිය හැකි හෙයින් හෙයින් කල්පනාකාරීව සිටින ලෙස වන ජීවී සංරක්ෂණ දෙපාර්තමේන්තුව සහ පරිසර අංශ ජනතාවගෙන් ඉල්ලීමක් කරයි.

29 November 2025

කච්චිමඩුව ජලාශයේ වාන කඩාගෙන යයි

ආණමඩුව කොට්ටුකච්චිය කච්චිඩුව ජලාශයේ වාන කැඩියාමත් සමඟ මෙවර මහ කන්නයේ වගා කර තිබු අක්කර 1000 කට වැඩි වි ගොවිතැන විනාශ වෙමින් ඇති බව ගොවි සංවිධාන පවසයි.

29 November 2025

ජනතාවට පිහිට වෙන්න ඩ්‍රෝනා යානාත් එයි

විපතට පත් ජනතාවට ආහාර බෙදා දීමට ඩ්‍රෝනා යානා යොදවා ඇති බව යුද හමුදාව පවසයි.

29 November 2025

බස්නාහිර හමුදා භටයෝ 7989ක් සීරුවෙන්

බස්නාහිර පළාතේ ඇතිවිය හැකියැයි පැවසෙන ආපදා තත්ත්වයෙන් ජනතාව මුදා ගැනීමේ මෙහෙයුම් සහ සහන සේවා කටයුතු වෙනුවෙන් හමුදා භට පිරිස් 7989ක ප්‍රමාණයක් සූදානම් කර තිබෙන බව යුද හමුදාපති ලුතිනන් ජෙනරල් ලසන්ත රොද්‍රිගෝ මහතා පැවසීය.

29 November 2025

ආපදාව ගැන දින දෙකක මැතිසබා විවාදයක්

රටේ ඇතිවී තිබෙන හදිසි ආපදා තත්ත්වය පිළිබඳව පාර්ලිමේන්තුවේ දින දෙකක විවාදයක් ඉල්ලා සිටීමට බලාපොරොත්තු වන බව සමගි ජන බලවේගයේ කුරුණෑගල දිස්ත්‍රික් පාර්ලිමේන්තු මන්ත්‍රි නීතිඥ දයාසිරි ජයසේකර ප්‍රකාශ කළේය

29 November 2025

කැබ් ගන්න වෙන් කළ සල්ලි ආපදාවට දෙන්න

අලුතින් කැබ් රථ 1775ක් ගන්න අයවැයෙන් වෙන් කළ රුපියල් මිලියන 12500 ක මුදල ආපදාවෙන් විපතට පත් ජනතාවට සහන සලසන්න යොදවන්නැයි විපක්ෂ නායක සජිත් ප්‍රේමදාස මහතා පැවසීය.

29 November 2025

රට පුරා මාර්ග 206ක් ’’බ්ලොක්’’

ගංවතුර සහ ගස් කඩා වැටීම හේතුවෙන් රට පුරා මාර්ග 206ක අවහිරතා මතුව ඇති බව මාර්ග සංවර්ධන අධිකාරිය පවසයි.

29 November 2025

සජිත් අවතැන් වූවන් බලන්න යයි

විපක්ෂ නායක සජිත් ප්‍රේමදාස මහතා ගං වතුරෙන් අවතැන්න කඩුවෙල ප්‍රදේශයේ සුරක්ෂිතා මධ්‍යස්ථානවල රැඳී සිටින ජනතාව හමුවී ඔවුන්ගේ සුව දුක් විමසීම අද (29) දින දැක ගත හැකි විය.

29 November 2025

දිස්ත්‍රික්ක 11ක නාය රතු නිවේදනය දික් කරයි

දිස්ත්‍රික්ක එකොළහකට නිකුත් කර ඇති නාය යෑම් පිළිබඳ රතු නිවේදනය තවදුරටත් දීර්ඝ කර ඇත

29 November 2025

ජාඇල පාලමේ පිපුරුමක්: මං තීරුවක් වසයි

කොළඹ - මීගමුව ප්‍රධාන මාර්ගයේ ජාඇල පාලමේ ස්ථාන කිහිපයකින් පිපුරුම් සලකුණු මතුවීම හේතුවෙන් ගමනාගමන කටයුතු එක් මංතීරුවකට සීමා කර ඇතැයි පොලිස් මූලස්ථානය පවසයි.

29 November 2025

අසත්‍ය පුවතක් ගැන අල්ලසෙන් නිවේදනයක්

අයහපත් කාලගුණය හේතුවෙන් දිවයින පුරා මහජනතාව ආපදාවන්ට පත්ව ඇති අවස්ථාවේ රාජ්‍ය නිලධාරීන් ක්‍රියා කළ යුතු ආකාරය පිළිබඳව, අල්ලස් හෝ දුෂණ චෝදනා විමර්ශන කොමිෂන් සභාවේ අධ්‍යක්ෂ ජෙනරාල්වරයා කළ බවට සඳහන් ප්‍රකාශයක් සමාජ මාධ්‍ය තුළ සංසරණය වෙමින් පවතින බවත් මෙවැනි කිසිදු ප්‍රකාශයක් තමා කර නොමැති බවත් අල්ලස් හෝ දුෂණ චෝදනා විමර්ශන කොමිෂන් සභාවේ අධ්‍යක්ෂ ජනරාල් නිවේදනය කරයි.

29 November 2025

’’දිට්වා’’ ගොළු කළ ’’හලෝ’’ හදන්න මෙහෙයුමක්

දිවයින පුරා පවතින අයහපත් කාලගුණික හා ආපදා තත්ත්වය හේතුවෙන් බාධාවට ලක්ව ඇති දුරකථන සහ අන්තර්ජාල සන්නිවේදන ජාල කඩිනමින් යථා තත්ත්වයට පත් කිරීම සඳහා ගත යුතු විශේෂ ක්‍රියාමාර්ග පිළිබඳ රජය සහ ප්‍රධාන පෙළේ විදුලි සංදේශ සමාගම් අතර සාකච්ඡාවක් අද (29) විදුලි සංදේශ නියාමන කොමිෂන් සභාවේදී පැවැත්විණි.

29 November 2025

ඉදිරි පැය තිස් හයේ කාලගුණේ හැසිරෙන හැටි

පවතින වැසි සහ සුළං සහිත කාලගුණ තත්ත්වයේ සැලකිය යුතු අඩුවීමක් හෙට (30) සිට අපේක්ෂා කරන බව කාලගුණ විද්‍යා දෙපාර්තමේන්තුව පවසයි.

29 November 2025