නිමල කොඩිතුවක්කු
ඉදිරි මහ මැතිවරණයට සමගි ජන සන්ධානය යටතේ දුරකතනයෙන් තරග කරන බව සමගි ජන බලවේගයේ මහ ලේකම් රංජිත් මද්දුම බණ්ඩාර පැවසීය.

පුළුල් සන්ධානයක් ගොඩනැගීම සඳහා එක්සත් ජාතික පක්ෂය සමඟ සිදු කරනු ලැබූ සාකච්ඡා අසාර්ථක වීම හේතුවෙන් මෙම තීරණය ගන්නා බව ද මහලේකම්වරයා සඳහන් කළේය. ජනාධිපතිවරණයේදී සමගි ජන සන්ධානය සමග එක්ව සිටින සියලුම පක්ෂ සහ කණ්ඩායම් ඒකාබද්ධ කර ගැනීමට එකඟතාව පළව ඇති බව ද ඔහු කීවේය. 
ඒ අනුව නිදහස ජනතා සභාව, ශ්‍රී ලංකා නිදහස් පක්ෂය සහ එක්සත් ජනතා නිදහස් සන්ධානය, ශ්‍රී ලංකා මුස්ලිම් කොංග්‍රසය, දමිළ ප්‍රගතිශීලී සන්ධානය, සමස්ත ලංකා මුස්ලිම් කොංග්‍රසය ඇතුළු පක්ෂ කිහිපයක් සමග ඉදිරි මහ මැතිවරණයට තරග කරන බව ද මහ ලේකම්වරයා සඳහන් කළේය. 
මහ මැතිවරණය සඳහා දූෂිතයන්ට නාම යෝජනා නොදෙන බවත් සමගි ජන සන්ධානයේ ප්‍රතිපත්ති පිළිගත හැකි සියලු‍ දෙනාට ඉදිරි මහ මැතිවරණය වෙනුවෙන් දොරටු විවෘත කර ඇති බවත් ඔහු තවදුරටත් පැවසීය.