දියත

ඛනිජ තෙල් වෘත්තිය සමිති නායකයන්ට වාහනත් දීලා

ඛනිජ තෙල් වෘත්තිය සමිතිවල බොහෝ දෙනෙක් පසුගිය කාලයේ විශාල වරප්‍රසාද ගණනාවකට හිමිකම් කී බවත් ඛනිජ තෙල් ගබඩා පර්යන්තයේ වෘත්තිය සමිති නායකයන්ට එම ආයතනයෙන් නිල වාහන හතරක් වෙන්කර තිබූ බවත් විදුලිබල හා බලශක්ති අමාත්‍ය කංචන විජේසේකර මහතා පැවසීය.

මුහුදේ යන්න ගිය රුසියානුවාගේ දිවි බේරයි

මොරගල්ල වෙරළ තීරයේ දිය නාමින් සිටි රුසියානු ජාතිකයකු මුහුදේ ගිලෙමින් සිටියදී ඒ අසල සිටි සංචාරක මග පෙන්වන්නන් තිදෙනකු විසින් ඔහුගේ ජීවිතය බේරා ගෙන තිබේ.

තායිලන්තය ගංගාරාමයට පාත්‍රා පූජා කරයි

ශ්‍රී ලංකා - තායිලන්ත නිදහස් වෙළෙඳ ගිවිසුම් සාකච්ඡා සඳහා ශ්‍රී ලංකාවට පැමිණ සිටින තායිලන්ත වෙළෙඳ සාකච්ඡා දෙපාර්තමේන්තුවේ නියෝජිතයෝ කොළඹ හුණුපිටිය ගංගාරාම විහාරස්ථානයට පාත්‍රා පන්සියයක් පූජා කළහ.

සාරා ජස්මින් මියගිහින්

පාස්කු දින ප්‍රහාර සම්බන්ධයෙන් චෝදනා එල්ල වී සිටියදී 2019 වසරේ අප්‍රේල් මස 26 වැනිදා සයින්දමරුදු ප්‍රදේශයේ නිවසකදී මරාගෙන මැරෙන බෝම්බයක් පුපුරුවා හැරීමෙන් මියගිය පිරිස අතර සිටි පුලස්තනී මහේන්ද්‍රන් හෙවත් සාරා ජස්මින් මියගිය පිරිස අතර සිටින බව රජයේ රස පරීක්‍ෂක දෙපාර්තමේන්තුව නිකුත් කළ වාර්තාව තහවුරු කරන බව පොලිස් දෙපාර්තමේන්තුව නිවේදනයක් නිකුත් කරමින් පවසයි.

රට බාර ගන්න නවීන දැනුමෙන් සන්නද්ධ වන්න

රටේ සිසු පරපුර 2048 වන විට රට බාර ගැනීමට හැකිවන පරිදි නවීන තාක්‍ෂණයේ සියලු අංශ පිළිබඳ දැනුමෙන් සන්නද්ධ විය යුතු බවත්, තාක්ෂණයේ නවතම දියුණුවත් සමග යාවත්කාලීන වෙමින් අනාගතය සඳහා සූදානම් විය යුතු බවත් ජනාධිපති රනිල් වික්‍රමසිංහ මහතා පැවසීය.

දුම්රිය මගීන්ට තෙල් සහනය නෑ

ඩීසල් මිල අඩු වුවද දුම්රිය ගාස්තු අඩු කිරීමේ හැකියාවක් පිළිබඳව සාකච්ඡා කර නොමැති බව වැඩබලන ප්‍රවාහන අමාත්‍ය ලසන්ත අලගිවන්න මහතා අද (29) පස්වරුවේ පැවසීය.

නාවික හමුදාවට පාට් දැමූ ධීවරයෝ තුනක් මාට්ටු

ත්‍රිකුණාමලය බැක්බේ මුහුදු තහනම් දැල් භාවිතා කරමින් ධීවර කටයුතුවල නිරත වූ ධීවර පිරිසක් අත්අඩංගුවට ගැනීමට ගිය නාවික හමුදා යාත්‍රාවක ධීවර යාත්‍රාවක් හප්පා අලාභහානි සිදු කළැයි කියන ධීවරයන් තිදෙනෙක් ත්‍රිකුණාමලය වරාය පොලීසිය විසින් අත්අඩංගුවට ගනු ලැබූහ.

කැබ්රියට යටකර මරන්න හදලා

පලෙයි ඒ 9 මාර්ගයේ දී හිතාමති පුද්ගලයකු කැබ් රථයකින් යටකර ඝාතනය කිරීමේ සිද්ධියක් සම්බන්ධයෙන් පලෙයි ප්‍රදේශයේ ව්‍යාපාරිකයකු අත්අඩංගුවට ගත් බව පලෙයි පොලිසිය කියයි.

පොලිසියට කඩු පහරදුන් IRC කාරයා පොලිස් වෙඩි පහරින් මරුට

වෙන්නප්පුව කොලොන් ජාඩිය ප්‍රදේශයේ පොල්වත්තක දී පොලිස් කොස්තාපල්වරයකුට අද සවස කඩුවකින් පහර දී බරපතළ තුවාල සිදුකර තවත් පොලිස් කොස්තාපල්වරයකුට ද ප්‍රහාරයක් එල්ල කිරීමට උත්සාහ කළ බව කියන පුද්ගලයකුට එල්ල කරන ලද වෙඩි ප්‍රහාරයකින් එම පුද්ගලයා මියගොස් ඇතැයි වෙන්නප්පුව මූලස්ථාන පොලිසිය පවසයි.

හරක් කටාගෙන් පෙත්සමක්

තමාට ජීවිත ආරක්ෂාව සපයන ලෙසට රහස් පොලිසියට නියෝගයක් නිකුත් කරන ලෙස ඉල්ලා දැනට රැඳවුම් නියෝග යටතේ රඳවා ඇති පාතාල නායකයෙක් යැයි කියන නදුන් චින්තක වික්‍රමරත්න හෙවත් හරක් කටා නැමැත්තා ශ්‍රේෂ්ඨාධිකරණයට මූලික අයිතිවාසිකම් පෙත්සමක් ගොනු කර ඇත.

ඉන්ධන බැස්සත් පාන් බනිස් අඩු නොවේ

ඉන්ධන මිල අඩු වූවාට පාන් ඇතුළු බේකරි නිෂ්පාදන වල මිල දැන්ම අඩු කළ නොහැකි බව සමස්ත ලංකා බේකරි හිමියන්ගේ සංගමයේ සභාපති එන්. කේ. ජයවර්ධන මහතා පවසයි.

දුම්රියෙන් තෙල් ප්‍රවාහනයත් සාමාන්‍ය පරිදි

පෙරදින අඩපණ වූ ඉන්ධන ප්‍රවාහන කටයුතු අද සවස්වන විට සාමාන්‍ය පරිදි සිදු වූ බව දුම්රිය දෙපාර්තමේන්තුව කියයි.

ඉන්දීය බිත්තර හෙට සිට අළෙවියට

ඉන්දියාවෙන් ආනයනය කළ බිත්තර තොගයට සත්ව නිෂ්පාදන හා සෞඛ්‍ය දෙපාර්තමේන්තුවේ අනුමැතිය ලැබුණු බවත් ඒ අනුව ලක්‍ෂ 20 ක බිත්තර තොගය අද (29) නිදහස් කරගැනීමට නියමිතව තිබූ බවත් රාජ්‍ය වාණිජ විවිධ නීතිගත සංස්ථාවේ නිලධාරියෙක් පැවසීය.

හරක් කටා- සලිදු නිකන් එළියට ගෙනියන්න ‌එපා

රැඳවුම් නියෝග මත රඳවා තබා ගෙන ප්‍රශ්න කරමින් සිටින මහා පරිමාණ මත්ද්‍රව්‍ය ජාවාරම්කරුවන් මෙන්ම සංවිධානාත්මක අපරාධකරුවන් බව කියන නදුන් චින්තක වික්‍රමරත්න නොහොත් ”හරක් කටා” සහ සලිදු මල්ශික ගුණරත්න නොහොත් ”පානදුරේ කුඩු සලිදු” යන අය විමර්ශන සඳහා ඔවුන් රඳවා සිටින ස්ථානයෙන් පිටතට රැගෙන යන්නේ නම්, මහජන පැමිණීලි අංශයේ ස්ථානාධිපතිවරයා භාරයේ ආරක්ෂාව සහිතව දෑතට සහ පයට විලංගු දමා රැගෙන යන ලෙස කොළඹ කොටුව මහේස්ත්‍රාත් තිළිණ ගමගේ මහතා අපරාධ පරීක්ෂණ දෙපාර්තමේන්ත

ඊයේ එහෙමයි - අද මෙහෙමයි

වකුගඩු රෝගීන්ට සහන සේවාවක්

අඩු ආදායම්ලාභී පවුල්වල නිදන්ගත වකුගඩු රෝගයෙන් පෙළෙන රෝගීන්ට නොමිලයේ රුධිරකාන්දුකරණ ප්‍රතිකාර ලබාදීමට තම රෝහල වැඩපිළිවෙළක් ආරම්භ කර ඇතැයි හේමාස් රෝහල් සමූහයේ කළමනාකාර අධ්‍යක්ෂ ආචාර්ය ලකිත් පීරිස් මහතා පවසයි.

බස් ගාස්තුව සියයට 12.09කින් අඩු වෙයි

බස් ගාස්තුව සියයට 12.09 කින් අඩු කළ බවත් එම බස් ගාස්තු සංශෝධනය හෙට (30) මධ්‍යම රාත්‍රීයේ සිට ක්‍රියාත්මක වන බවත් වැඩ බලන ප්‍රවාහන අමාත්‍ය ලසන්ත අලගියවන්නන මහතා මීට සුළු මොහොතකට පෙර පැවසීය.

ශ්‍රී ලංකා-තායිලන්ත නිදහස් වෙළෙඳ ගිවිසුම් සාකච්ඡා ඇරැඹේ

ලබන වසරේදී (2024) අත්සන් තැබීමට යෝජිත ශ්‍රී ලංකා - තායිලන්ත නිදහස් වෙළෙඳ ගිවිසුම(SLTFTA) පිළිබඳ සිව්වැනි සාකච්ඡා වටය කොළඹදී ආරම්භ කෙරිණි.

ත්‍රීරෝද රථ ගාස්තුත් අඩු වෙයි

පෙට්‍රල් ලීටරයක මිල රුපියල් 60 කින් අඩු කිරීමට සාපේක්‍ෂව ත්‍රීරෝද රථ ගාස්තුව අනිවාර්යෙන්ම අඩු කරන බවත් පළමු කිලෝමීටරය රුපියල් 100 ක් සහ දෙවැනි කිලෝමීටර රුපියල් 80 ක් අයකරන ලෙස ත්‍රීරෝද රියදුරන්ගෙන් ඉල්ලා සිටින බවත් සමස්ත ලංකා ත්‍රීරෝද රථ රියදුරන්ගේ වෘත්තීය සමිතියේ සභාපති ලලිත් ධර්මසේකර මහතා ‘ලංකාදීප’යට පැවසීය.

ඉන්ධන බවුසර් 212 ක් කොළොන්නාවෙන් පිටත් වෙයි

කොළොන්නාව සහ ඔරුගොඩවත්ත ප්‍රධාන තෙල් බෙදාහැරීමේ මධ්‍යස්ථාන ඇතුළුව රටපුරා ඛනිජ තෙල් සංස්ථාවේ ඉන්ධන බෙදාහැරීමේ මධ්‍යස්ථානවලින් අද (29) පෙරවරුවේ පෙට්‍රල් සහ ඩීසල් බවුසර් 212 ක් පිරවුම්හල් වෙත යොමුකළ බව ලංකා ඛනිජ තෙල් සංස්ථාවේ උසස් නිලධාරියෙක් පැවසීය.

පැය 24 කදී රුසියානු - යුක්රේන අර්බුදය අවසන් කරන්න පුළුවන්‘

තමන්ට පැය 24 ක් තුළ රුසියානු - යුක්රේන අර්බුදය අවසන් කළ හැකි බව ඇමෙරිකානු හිටපු ජනාධිපති ඩොනල්ඩ් ට්‍රම්ප් ප්‍රකාශ කර ඇත.

ලොව පුරා කෝටි 30කගේ රැකියා අනතුරේ

දිනෙන් දින වර්ධනය වන කෘතීම බුද්ධිය අනාගතයේදී මිනිසුන්ට රැකි රක්ෂා මිලියන 300 ක් අහිමි කරනු ඇතැයි නවතම අධ්‍යයන වාර්තාවක් පෙන්වා දී ඇත.

ජෝසප් මයිකල්ගේ දේහය හෙට මැතිසබයට

ශ්‍රීලංකා පාර්ලිමේන්තුවේ හිටපු කතානායකවරයකුවූ ජෝසප් මයිකල් පෙරේරා මහතාගේ දේහය අවසාන ගෞරවය දැක්වීම සඳහා පාර්ලිමේන්තු සංකීර්ණයට හෙට (30) පෙරවරු 9.00ට රැගෙන ඒමට නියමිතය.

බස් ගාස්තුව සියයට 30 කින් අඩු කරන්න

ඩීසල් මිල රුපියල් 80 කින් අඩු කිරීමට සාපේක්‍ෂව අවම ගාස්තුව රුපියල් 20 ක් දක්වා මෙන්ම සමස්ත බස් ගාස්තුව සියයට 30 කින් වහාම අඩු කළයුතු යැයි සමස්ත ලංකා බස් මගීන්ගේ සංගමය නිවේදනයක් නිකුත් කරමින් පවසයි.

වෘත්තිය සමිති නායකයන් 20ක් අනිවාර්ය නිවාඩු යවයි

ඛනිජ තෙල් සංස්ථාවේ වෘත්තිය සමිති නායකයන් සහ සේවකයන්ට බාධා කළ පුද්ගලයන් 20 කට අධික සංඛ්‍යාවක් අනිවාර්ය නිවාඩු යැවීමට කටයුතු කළ බවත් එම පුද්ගලයන්ට ඛනිජ තෙල් සංස්ථාවේ කිසිඳු පරිශ්‍රයකට ඇතුල්විය නොහැකි බවත් විදුලිබල හා බලශක්ති අමාත්‍ය කංචන විජේසේකර මහතා අද (29) පෙරවරුවේ පැවසීය.

කොටුව දුම්රියපොළේ උද්ඝෝෂණයක්

පාතාල නායකයකු වන හරක්කටා නැමැත්තාට නීතීඥ සේවා ලබාදෙන බවට සහ අපරාධකරුවන්ට උඩගෙඩි දෙන බවට චෝදනා කරමින් ජනාධිපති නීතීඥ සාලිය පීරිස් මහතාගේ ක්‍රියාකලාපය හෙළාදකිමින් පිරිසක් අද (29) උද්ඝෝෂණය කළහ.

අවම බස් ගාස්තුව රුපියල් 30ක් වෙයි

ඩීසල් මිල අඩු කිරීමත් සමඟ බස්ගාස්තු පහත දමන බවත් අවම බස් ගාස්තුව රුපියල් 30 ක් දක්වා අඩුවනු ඇති බවත් ජාතික ගමනා ගමන කොමිසමේ අධ්‍යක්‍ෂ ජනරාල් තිලාන් මිරැන්ඩා මහතා පැවසීය.

ඩයලොග් Star Points හරහා රුපියල් මිලියන 27 ක් Little Hearts වෙත

ඩයලොග් පාරිභෝගිකයන් 450,000 කට අධික සංඛ්‍යාවක්, ශ්‍රී ලංකාවේ වෙසෙන හදවත් රෝග ඇතුළු රෝගී තත්වයන්ගෙන් පෙළෙන දරුවන් වෙනුවෙන් සැකසූ, ’’Little Hearts’’ ව්‍යාපෘතිය සඳහා රු. මිලියන 27කට අධික Star Points පරිත්‍යාග කර තිබේ. 2016 වසරේ සිට මේ දක්වා Little Hearts වෙනුවෙන් පරිත්‍යාග කර ඇති Star Points ප්‍රමාණය රු. මිලියන 122 ඉක්මවයි.