දියත

ලංකාදීපයෙන් දහම් පාසල් සිසුන්ට තිළිණ

සීමාසහිත විජය පුවත්පත් සමාගම සහ ලංකාදීප පුවත්පත වාර්ෂිකව සංවිධානය කරන ‘ලංකාදීප‘ පොසොන් ආලෝක පූජාවට සමගාමීව දහම් පාසල් සිසුන්ට ත්‍යාග ප්‍රදානය කෙරිණි.

කටාර් ජාතිකයන්ට මක්කම මහ පල්ලියත් වැසෙයි

කටාර් ජාතිකයන්ට මක්කම පිහිටි මහ පල්ලියට ඇතුළු වීමට ඉඩ නොදීමට සෞදියේ බලධාරීන් කටයුතු කර ඇතැයි දෝහා හි පිහිටි අල් ෂාක් පුවත්පත වාර්තා කරයි. මේ තත්ත්වය හේතුවෙන් ගල්ෆ් කලාපීය අර්බුදය තවදුරටත් උග්‍ර වනු ඇතැයි වාර්තා වේ.

මැතිවරණ කල් දමන්නේ නැහැ

එළැඹෙන සැප්තැම්බරයේදී පළාත් සභාවල නිල කාලය අහෝසිවීමෙන් පසු පළාත් සභා මැතිවරණය පැවැත්වීම සඳහා දිනයක් ප‍්‍රකාශ කරන බවත් මැතිවරණ කල් දමන්නේ නැති බවත් මැතිවරණ කොමිෂන් සභාවේ සභාපති මහින්ද දේශප‍්‍රිය පවසයි.

තෙරේසාගේ අග්‍ර පුරෝහිතයෝ පක්ෂය හැරයති

එංගලන්ත අගමැතිනි තෙරේසා මේ මහත්මියගේ සමිපතම උපදේශකයන් වූ නික් තිමති සහ ෆියෝනා හිල් අද සිය තනතුරු වලින් ඉවත් වූහ. ඔවුන් දෙදෙනාගේ ඉවත් වීම සිදුවූයේ බ්‍රිතාන්‍ය මහ මැතිවරණයේදී බහුතර ආසන සංඛ්‍යාවක් හිමිකරගැනීමට තෙරේසා මේ මහත්මිය අසමත් වූ හෙයිනි.

කුසල් පෙරේරා තරගාවලියෙන් ඉවතට

ශූරයන්ගේ කුසලාන තරගාවලියට සහභාගි වෙමින් සිටින ශ්‍රී ලංකා කණ්ඩායමේ මැද පෙළ පිතිකරු කුසල් ජනිත් පෙරේරාට ආබාධ තත්ත්වයක් හේතුවෙන් තරගාවලියෙන් ඉවත් වීමට සිදුවී තිබේ.

මහින්දත් සියරට පැමිණෙයි

හිටපු ජනාධිපති මහින්ද රාජපක්ෂ මහතා ජපානයේ දින 10 ක පෞද්ගලිකක සංචාරයක් නිමා කර නරීටා සිට පැමිණි ශ්‍රී ලන්කන් ගුවන් යානයෙන් අද සවස 5.00 ට පමණ කටුනායක ගුවන් තොටුපොළට පැමිණියේය.

අගමැතිට පිරිත් නූලක් බැඳ ආශිර්වාද කරති

වෛද්‍ය පරීක්ෂණ කිහිපයක් ලබාගැනීම සඳහා ඇමරිකාවේ නියෝක් නුවරට ගිය අග්‍රාමාත්‍ය රනිල් වික්‍රමසිංහ මහතා කටුනායක බණ්ඩාරනායක ගුවන්තොටුපලෙන් අද පවස්වරුවේ දිවයිනට පැමිණි අවස්ථාවේදී නුගේගොඩ නාලන්දාරාමයේ විහාරාධිපති තිනියාවල පාලිත හිමියෝ පිරිත් නුලක් ගැටගසා අග්‍රාමාත්‍යවරයාට ආශිර්වාද කළහ.

ගැටළු විසඳුවේ නැත්නම් ගොවීහු අරගලයකට සැරසෙති

ගොවීන්ට බලපෑ ප්‍රධාන ප්‍රශ්න තුනකට කඩිනමින් රජයේ අවධානය යොමුවිය යුතු බව සමස්ත ලංකා ගොවිජන සම්මේලනය කියා සිටි .මේ ගැටළු ඉදිරිපත් කිරීම සදහා මාධ්‍ය දැනුවත් කිරීම 10 දින දඹුල්ලේදී එහි ජාතික සංවිධායක නාමල් කරුණාරත්න මහතා ප්‍රමුඛ ගොවි නායකයන් කීපදෙනකුගේ සහභාගිත්වයෙන් පැවැත්විණි .

මහවැලි ගඟේ නාන්න ගොස් අතුරුදන් වෙයි

මහනුවර ප්‍රදේශයේ ප්‍රධාන පෙළේ හෝටලයක පැවැති විවාහ උත්සවයකට සහභාගී වීමෙන් පසුව මිතුරන් සමඟ මහවැලි ගඟේ දිය නෑමට ගිය අයෙක් ඊයේ සවස 6.30 පමණ සිට අතුරුදහන්ව සිටී.

විල්පත්තුවේ දඩයමේ ගිය 6 ක් මුවමස් සමග අත්අඩංගුවට

විල්පත්තුව ජාතික වනෝද්‍යානයට අයත් මොල්ලිකුලම මනවිල ප්‍රදේශයේදී වියළි මුව මස් කිලෝ 10 ක් සහ මෙරට නිෂ්පාදිත ගිනි අවි (කැප් තුවක්කු) 02 ක් සමග සැකපිට පුද්ගලයන් 06 දෙනෙකු අත් අඩංගුවට ගත් බව විල්පත්තුව වනජීවී කාර්යාලය කියයි.

රුහුණු කතරගම ඇසළ මංගල්‍යයට කප් සිටුවයි

රුහුණු කතරගම මහ දේවාලයේ 2017 වර්ෂයේ ඇසළ උත්සවය සඳහා කප් සිටවීම අද අලුයම 4.30 ට යෙදුනු සුභ මොහොතින් සිදු කෙරිණ. දුටුගැමුණු රජතුමා විසින් නියම කරන ලද මෙම චාරිත්‍රය පෙර රජ දවසේ පටන් අඛණ්ඩව පවත්වාගෙන යනු ලබන දේව චාරිත්‍රයකි.

වටවල ප්‍රාදේශිය රෝහලේ නේවාසික රෝගීන් කුසගින්නේ

මධ්‍යම පළාත් සෞඛ්‍ය අමාත්‍යාංශය යටතේ පාලනය කෙරෙන වටවල ප්‍රාදේශිය රෝහලේ නේවාසික රෝගීන් සඳහා දෛනිකව සැපයෙන ආහාර වේල් සති දෙකක පමණ කාලයක් තිස්සේ නොලැබීම නිසා එම රෝගීහූ දැඩි ලෙස අසරණව සිටිති.

කන්ටේනරයකින් මාර්ගයම ඇහිරෙයි

කන්ටේනරය ගිලා බැසිමෙන් තලවාකැලේ ඩයගම මාර්ගය අවහිර වෙයි

කන්ටේනර් රථයක් ප්‍රධාන මාර්ගයේ ගිලා බැසිමෙන් තලවාකැලේ ඩයගම මාර්ගයේ ගමනා ගමන කටයුතු සමිපුර්ණයෙන්ම ඇණහිට තිබේ. විකල්ප මාර්ග භාවිතා කරන ලෙස පොලිසිය රියදුරන්ගෙන් ඉල්ලයි.

කේරළ ගංජා කිලෝ 56.5 ක් සමග දෙදෙනෙක් අත්අඩංගුවට

නාවික හමුදාවට ලද තොරතුරකට අනුව උතුරු නාවික විධානයට අනුයුක්ත නාවිකයින් පිරිසක් විසින් අද (ජුනි 10) පෙරවරුවේ පේදුරුතුඩුවට ආසන්න තොන්ඩමනාරු වෙරළ තීරයේදී කේරළ ගංජා කිලෝග්‍රෑම් 56 .5 ක් සමග පුද්ගලයින් දෙදෙනෙකු අත්අඩංගුවට ගෙන ඇත. ​

ගෙදර තිබූ පෙතිබිව් නොදරුවා මියයයි

ගණේමුල්ල පහළ යාගොඩ ප්‍රදේශයේ පවුලක සිව් හැවිරිදි එකම දරුවා නොදැනුවත්කමින් නිවසේ තිබු පෙති වර්ගයක් පානය කිරීමෙන් මිය ගොස් ඇති බව ගණේමුල්ල පොලීසිය පවසයි.

ලන්ඩන් ප්‍රහාරය සිහි කළ ක්‍රීඩකයා තනි වෙයි

බ්‍රිතාන්‍යයේ ලන්ඩන් නුවරට එල්ල වූ ත්‍රස්ත ප්‍රහාරයට ගොදුරු වූවන්ට ගෞරව කළ සෞදි අරාබි පාපන්දු ක්‍රීඩකයකු කණ්ඩායමේ අනෙකුත් ක්‍රීඩකයන්ගෙන් හුදකලා වූ පුවතක් වාර්තා විය.

‘කොටි ලේබලය ගසා ප්‍රියයන් සැමරීම වළක්වන්න බෑ‘

තරාතිරම හා දේශපාලන විශ්වාසයන් නොතකා තම ප්‍රියයන්ගේ වෙන්වීම සිහිපත් කිරීම සෑම පවුලක්ම සතු අයිතියක් බවත්, මිය ගිය තැනැත්තා එල්ටීටීඊ සාමාජිකයකු වූයේය යන්න හේතු පාදක කොට ගෙන කිසියම් පවුලක එම අයිතිය අහිමි කිරීම නොකළ යුතු බවත් ශ්‍රී ලංකා මානව හිමිකම් කොමිෂන් සභාව ජනාධිපති මෛත්‍රීපාල සිරිසේන මහතා වෙත දන්වා යවා තිබේ.

බ්‍රිගේඩියර්වරු 10කට උසස්වීම්

බ්‍රිගේඩියර් නිලයේ සිටි යුද හමුදා නිලධාරීන් 10 දෙනකු මේජර් ජනරාල්වරුන් වශයෙන් උසස්කර ඇති බව යුද හමුදාව පවසයි.

තන්තිරිමලේ පුදබිම දෙවැනි දිනයටත් ඒකාලෝක කෙරෙයි

සීමාසහිත විජය පුවත්පත් සමාගම සහ ලංකාදීප පුවත්පත වාර්ෂිකව සංවිධානය කරන ‘ලංකාදීප‘ පොසොන් ආලෝක පූජාවේ දෙවැනි දිනය වූ අද ලංකාදීප ප්‍රධාන කර්තෘ හා විජය පුවත්පත් සමාගමේ අධ්‍යක්ෂ සිරි රණසිංහ මහතා අතින් ආලෝක පූජාව විවෘත කෙරිණි.

වයිකෝගේ මැලේසියා ගමනට තහංචි

පෞද්ගලික සංචාරයක් සඳහා මැලේසියාවට ගිය ඉන්දියාවේ එම්.ඩී.එම්.කේ පක්ෂ නායක වයිකෝ එරටට ඇතුළු කර ගැනීම ආගමන විගමන බලධාරීන් හා ආරක්ෂක අංශ ප්‍රතික්ෂේප කර ඇතැයි ‘‘ ද ඒෂියන් නිව්ස් ඉන්ටර්නැෂනල් ‘‘ වෙබ් අඩවිය වාර්තා කළේය.

ලංකාව ගැන තව වාර්තාවක් මානව හිමිකම් කවුන්සිලයට

ශ්‍රී ලංකාවේ වද හිංසා පැමිණවීම සහ අධිකරණයේ ස්වාධීනත්වය සම්බන්ධයෙන් එක්සත් ජාතීන්ගේ විශේෂ නියෝජිතයින් දෙදෙනෙකු සැකසූ තවත් විශේෂ නිරීක්ෂණ වාර්තාවක් ලබන සඳුදා ( 12) ජිනීවාහී එක්සත් ජාතීන්ගේ මානව හිමිකම් කවුන්සිලයට ඉදිරිපත් කෙරෙන බව ජිනීවා තානාපති ආරංචි මාර්ග සඳහන් කරයි.

පාවෙමින් තිබූ කුඩු කිලෝ පහක් කන්කසන්තුරෙන් අල්ලයි

කන්කාසන්තුරේට මුහුදු සැතපුම් 10 දුරින් මුහුදේ ගමන් මල්ලක පාවෙමින් තිබු හෙරොයින් කිලෝ 5.6 ක ප්‍රමාණයක් අද (9) පෙරවරුවේ නාවික හමුදාව විසින් අත්අඩංගුවට ගෙන ඇත.

හවුල් ආණ්ඩුවක් පිහිටුවන බව තෙරේසා මේ කියයි

බ්‍රිතාන්‍ය මහ මැතිවරණයෙන් අපේක්ෂා කළ පරිදි බහුතර ආසන ප්‍රමාණයක් දිනාගැනීමට නොහැකි වීම නිසා අගමැතිනි තෙරේසා මේ ඩිමොක්‍රටික් යුනියනිස්ට් පක්ෂය සමඟ එක්ව ආණ්ඩුවක් පිහිටුවන බව අද (9) ප්‍රකාශ කළාය.

සිඟමනට යොමු කළ දරුවන් 18ක් පොලිස් බාරයට

ළමා හා කාන්තා අපයෝජන නිවාරණ කාර්යාංශ මුලස්ථානය මගින් ගත වු මාස තුනක කාලය තුළ සිදුකළ වැටලීම් වලින් සිඟමන් යැදීමට යොදවා සිටි දරුවන් 18 දෙනකු පොලිස් බාරයට ගෙන ඇති බව පොලිස් මුලස්ථානය කියයි.

උතුරේ ඇමතිවරුන් දෙදෙනෙක් ගැන තීරණය කිරීමට විශේෂ රැස්වීමක්

දූෂණ චෝදනා එල්ල වූ උතුරේ අමාත්‍යවරුන් දෙදෙනා සම්බන්ධයෙන් වන විමර්ශන වාර්තාව ගැන සාකච්ඡා කර දෙමළ ජාතික සන්ධානයේ ස්ථාවරය කුමක්ද යන්න තීරණය කිරීමට විශේෂ පාර්ලිමේන්තු කණ්ඩායම් රැස්වීමක් ලබන සතියේ කැදවීමට නියමිතව ඇතැයි එම සන්ධානයේ පාර්ලිමේන්තු මන්ත්‍රී ධර්මලිංගම් සිද්ධාර්ථන් මහතා ලංකාදීපයට පැවසීය.

රියැදුරු බලපත් නැතිව වෑන් රිය පැදවූ හිමිනම අත්අඩංගුවට

අනුරාධපුරයේ සිට කුරුණෑගල දෙසට රියදුරු බලපත‍්‍ර නෙමැතිව වෑන් රථයක් පැදවූ බව කියන හිමිනමක් අද (9) අත්අඩංගුවට ගත් බව තිරප්පනේ පොලිසිය කියයි.

ඔළුවිල් වලින් මුහුදු ගිය ධීවරයෝ 6 ක් අතුරුදන්

ඔළුවිල් ධීවර වරායෙන් දකුණු දිශාව බලා ඉකුත් 21 පිටත්වු විජය 2 බහුදින යාත්‍රාව ඇතුළු ධිවරයින් සයදෙනෙකු අතුරුදන් වී ඇතැයි එම ධිවර සමාජිකයින්ගේ ඥාතිහු පවසති.