එසැණ පුවත්

ජනපති ඝාතන කුමන්ත්‍රණයක් ඇතැයි එස්එම්එස් පණිවිඩයක් දුන් ඉන්දියානුවා අත්අඩංගුවට

ජනාධිපති ගෝඨාභය රාජපක්ෂ සහ අග්‍රාමාත්‍ය මහින්ද රාජපක්ෂ යන මහත්වරු ඝාතනය කිරීමේ කුමන්ත්‍රණයක් ඇතැයි මිරිහාන මූලස්ථාන ප්‍රධාන පොලිස් පරීක්ෂකවරයා වෙත එස්.එම්.එස් පණිවිඩයක් යොමු කළ ඉන්දියන් ජාතික මර්සියෙල් තෝමස් නැමැත්තා අත්අඩංගුවට ගෙන ඇතැයි උසස් පොලිස් නිලධාරියකු අද (25) පැවසීය.

25 February 2020

බැංකු කාඩ්පතකින් ලක්ෂ 28 ක් සොරාගත් අයෙක් රිමාන්ඩ්

කාන්තාවකගේ බැංකු කාඩ්‍පතක් වංචා සහගත ලෙස ලබාගෙන පෞද්ගලික බැංකුවකින් රුපියල් ලක්ෂ විසිඅටක මුදලක් ලබාගත් සැකකරුවෙක් මාර්තු මස 10 වැනිදා දක්වා රක්ෂිත බන්ධනාගාර ගත කරන ලෙස බදුල්ල මහේස්ත්‍රාත් චමින්ද කරුණාදාස මහතා අද (25) නියෝග කළේය.

25 February 2020

මෙගාවොට් 128 ක විදුලිය මිලට ගැනීමට තීරණයක්

පවතින දැඩි වියළි කාලගුණික තත්වය හමුවේ විසන්ධි කිරිමකින් තොරව අඛණ්ඩව විදුලිය ලබාදීම සඳහා මෙගාවොට් 128 ක විදුලිය කඩිනමින් මිලදී ගැනීමට විදුලිබල හා බලශක්ති අමාත්‍යාංශය තීරණය කර ඇත.

25 February 2020

ගුරු - විදුහල්පතිවරු හෙට ලෙඩ නිවාඩු

ගුරු - විදුහල්පති අතුරු වැටුප් චක්‍රලේඛය නිකුත් කිරීම ඇතුළු ඉල්ලීම් රැසක් මූලික කරගනිමින් ගුරු විදුහල්පති සංගම් 30 ක් හෙට (26) දීපව්‍යාප්තව ලෙඩ නිවාඩු වාර්තා කිරීමේ වෘත්තීය ක්‍රියාමාර්ගයට එළැඹීමට තීරණය කර තිබේ.

25 February 2020

ඉරානයේ නියෝජ්‍ය සෞඛ්‍ය ඇමැතිටත් කොරෝනා

ඉරානයේ නියෝජ්‍ය සෞඛ්‍ය අමාත්‍යවරයාට කොරෝනා වයිරසය ආසාදනය වී ඇතැයි ප්‍රංශ පුවත් සේවය අද (25) පුවත් සේවය කළේය.

25 February 2020

ඩී.කේ.පී. දසනායක ජනාධිපති කොමිසන් සභාව හමුවේ සාක්කි දෙයි

සුදුවෑන් වලින් පුද්ගලයන් අතුරුදන් කරවීම සහ තරුණයන් 11 දෙනෙකු පැහැරගෙන ගොස් ඝාතනය කළ බව කියන සිද්ධීන් සම්බන්ධයෙන් වත්මන් ජනාධිපතිවරයා සහ හිටපු නාවික හමුදාපතිවරයකු වූ අද්මිරාල් වසන්ත කරන්නාගොඩ යන මහත්වරුන් වැරදිකරුවන් කර සිරබාරයට ගැනීම සඳහා බලහත්කාරයෙන් තමාගෙන් ප්‍රකාශ ලබාගැනීමට යහපාලන ආණ්ඩුව උත්සහ කළ බව රියර් අද්මිරාල් ඩී.කේ.පී. දසනායක මහතා දේශපාලන පලිගැනීම්වලට ලක්වූවන් පිළිබඳ විමර්ශනය කරන ජනාධිපති කොමිසන් සභාව වෙත සාක්කි ලබාදෙමින් අද (25) ප්‍රකා

25 February 2020

උපාධිධාරීන් - ඩිප්ලෝමාධාරීන් 50,000 කට පත්වීම් ලිපි

උපාධිධාරීන් සහ ඩිප්ලෝමාධාරීන් 50,000 ක් රැකියාගත කිරීමේ වැඩසටහන යටතේ රජයේ රැකියාවලට බඳවා ගනු ලබන අභ්‍යාසලාභීන්ට පත්වීම් ලිපි නිකුත් කිරීම රාජ්‍ය පරිපාලන හා ස්වදේශ කටයුතු අමාත්‍යාංශයේ ලේකම්වරයාගේ අධීක්ෂණය මත එක් එක් දිස්ත්‍රික් ලේකම්වරුන් විසින් සිදුකෙරෙනු ඇත.

25 February 2020

ළමා ලිංගික අපයෝජන වීඩියෝව ගැන හෝඩුවාවක්

සමාජ මාධ්‍ය ජාලාවල දැඩි ආන්දෝලනයකට ලක්ව ඇති කුඩා දැරියක ලිංගික අපයෝජනයකට ලක්කිරීමේ දර්ශන ඇතුළත් වීඩියෝව ඊට මුදා හළ මූලාශ්‍ර ගැන හෝඩුවාවක් ලැබී ඇතැයි ජාතික ළමා ආරක්ෂක අධිකාරියේ සභාපති මහාචාර්ය මුදිත විදානපතිරණ මහතා පැවැසීය.

25 February 2020

නොරොච්චෝලේ අක්‍රීය වී තිබූ යන්ත්‍රය පිළිසකර කෙරේ

හදිසි කාර්මික දෝෂයක් හේතුවෙන් අක්‍රීය වී තිබූ නොරොච්චෝල ගල් අඟුරු බලාගාරයේ විදුලි උත්පාදන යන්ත්‍රය අලුත් වැඩියා කර අද (25) යළිත් විදුලි උත්පාදන කටයුතු සඳහා යෙදවූ බව එම විදුලි බලාගාරයේ නිලධාරියෙක් පැවසීය.

25 February 2020

‘රජයේ පාසල්වල පළමු වාර විභාගය ලබන වසරේ සිට නෑ’

ලබන වසරේ සිට රජයේ පාසල්වල පළමු වාර විභාගය නොපැවැත්වීමට තීරණය කර ඇතැයි අධ්‍යාපන අමාත්‍යාංශය පවසයි.

25 February 2020

සජිත් පිල සමගි ජනබලවේගයෙන් මහ මැතිවරණයට

සමගි ජනබලවේගය නමින් සියලු සන්ධාන නායකයින්ගේ ආශිර්වාද ‍යටතේ සජිත් ප්‍රේමදාස ප්‍රමුඛ සියළු සන්ධාන නායකයින් මහ මැතිවරණයට එළඹීමට තීරණය කර තිබේ.

25 February 2020

මහ බැංකු ගොඩනැගිල්ලෙන් වැටී සිසුවෙක් මිය යයි

කොළඹ කොටුව පිහිටි මහ බැංකු මූලස්ථාන ගොඩනැගිල්ලේ ඉහළ මහළින් වැටී 16 හැවිරිදි පාසල් සිසුවකු මිය ගොස් ඇතැයි පොලිසිය කියයි.

25 February 2020

බෙනින් රාජ්‍යයේ මගියෙකු කටුනායකදී ආපසු හරවා යවයි

ශ්‍රී ලංකාව තුළ සංචාරය කිරීමේ නිශ්චිත සංචාරක සැළැස්මක් සහ එම සංචාරයෙන් පසු ආපසු පිටව යෑම සඳහා ගුවන් ප්‍රවේශ පත්‍රයක් නොමැතිව, ශ්‍රී ලංකාවට පැමිණීමට උත්සාහ කළ බෙනින් රාජ්‍යයේ ගුවන් මගියෙකු අද (25) ඔහු පැමිණි ගුවන් යානයෙන්ම ආපසු යැවීමට කටුනායක ගුවන් තොටුපළ ආගමන විගමන දෙපාර්තමේන්තු නිලධාරීන් පියවර ගෙන තිබුණි.

25 February 2020

‘ඌරු ජුවා’ගේ-‘කංජිපානි’ගේ සිර කුටිවල දුරකතන-සිම්පත්

බූස්ස බන්ධනාගාරයේ රඳවා සිටින සංවිධානාත්මක ආපරාධකරුවන් වන දිනෙත් මිලාන් හෙවත් ‘ඌරු ජුවා’ සහ මොහොමඩ් හජීම් මොහොමඩ් ඉම්රාන් නමැත්තන්ගේ සිර කුටිවලින් දුරකතනය්ක සහ සිම්පතක් අද(25) බන්ධනාගාර බුද්ධි අංශ නිලධාරීන්ගේ බාරයට ගෙන ඇත.

25 February 2020

ට්‍රම්ප්ගේ ඉන්දීය සංචාරය අතරතුර විරෝධතාවලින් 7ක් මරුට

ඉන්දියාවේ දිල්ලි නුවර පැවැති විරෝධතා අතරතුර ඇතිවූ ප්‍රචණ්ඩකාරී සිදුවීම්වලින් පුද්ගලයින් හත්දෙනෙකු මියගොස් තිබේ.

25 February 2020

බුත්ගමුවේ වගුරුබිමක් ආශ්‍රිතව ගින්නක්

රාජගිරිය, බුත්ගමුව පාරේ වගුරු බිමක් අසළ ගින්නක් ඇතිවී තිබේ.

25 February 2020

හිටපු ඇමැති බෝගොල්ලාගමට එරෙහිව අල්ලස් කොමිසම නඩු පවරයි

බ්‍රිතාන්‍යයේ ලන්ඩන් නුවර පැවැති වෙළඳ ප‍්‍රදර්ශනයට හා ගැනුම්කරුවන්ගේ හමුව සඳහා ව්‍යවසාය සංවර්ධන හා ආයෝජන ප‍්‍රවර්ධන අමාත්‍යවරයා ලෙස සහභාගි වෙමින් මහා භාණ්ඩාගාරයේ චක්‍රලේඛන වලට පටහැනිව රුපියල් ලක්‍ෂ 15 කට අධික මුදලක් ගෙවීමට ආයෝජන මණ්ඩල සභාපති හා අධක්‍ෂ ජනරාල්වරයා ලෙස කටයුතු කළ ලක්ෂ්මන් ආර් වටවල මහතා පොළඹවන ලද බවට හිටපු අමාත්‍ය රෝහිත බෝගොල්ලාගම මහතාට එරෙහිව අල්ලස් කොමිසම කොළඹ මහාධිකරණය හමුවේ අද (25) නඩු පවරනු ලැබීය.

25 February 2020

‘රථවාහන රාජකාරී වලට හමුදා පොලිසිය යෙදවීම නීතිවිරෝධීයි’

පොලිස් සහ යුද හමුදා ආඥා පනත් අනුව රථ වාහන රාජකාරී සඳහා යුද හමුදා පොලීසිය යෙදවීමේ හැකියාවක් නොහැකි බවත්, එසේ යෙදවීම නීති විරෝධී බවත් එක්සත් ජාතික පක්‍ෂ කළුතර දිස්ත‍්‍රික් පාර්ලිමේන්තු මන්ත‍්‍රී අජිත් පී. පෙරේරා මහතා පැවසීය.

25 February 2020

බූස්ස බන්ධනාගාරයේ විශේෂ ගණයේ අපරාධකරුවන්ට එස්.ටී.එෆ් ආරක්ෂාව

බූස්ස බන්ධනාගාරයේ රඳවා සිටින ප්‍රධාන පෙලේ පාතාල අපරාධකරුවන් ,මත්ද්‍රව්‍ය ජාවාරම්කරුවන් ඇතුළු විශේෂ ගණයේ සැකකරුවන්ගේ ආරක්ෂාව සඳහා අද (25) සිට පොලිස් විශේෂ කාර්ය බළකාය යොදවා තිබේ.

25 February 2020

බස්-වෑන් අනතුරින් අයෙක් මරුට : 7 ක් රෝහලේ

දඹුල්ල කුරුණෑගල ප‍්‍රධාන මාර්ගයේ ගොකරැල්ල දොලොස්දාහ ප‍්‍රදේශයේදී අද (25) වෑන් රථයක් හා බස් රථයක් ගැටීමෙන් වූ අනතුරකින් වෑන් රථයේ ගමන් කළ එක් අයකු මියගොස් 7 දෙනෙකු බරපතල තුවාල ලබා ඇතැයි ගොකරැල්ල පොලිසිය පවසයි.

25 February 2020

ජාඇලට-කටුනායකට-සීදුවට හෙට ජල කප්පාදුවක්

ජාඇල සහ කටුනායක සීදුව නගර සභා බල ප්‍රදේශ, ඒකල, කඳාන, ආනියාකන්ද, බටගම, තුඩැල්ල, නිවන්දම, මාඑළිය, මහබාගේ, දික්ඕවිට, උස්වැටකෙයියාව, පමුණුගම, සහ බෝපිටිය යන ප්‍රදේශවලට හෙට (26) උදේ 9.00 සිට අනිද්දා (27) උදේ 3.00 දක්වා පැය 18 ක කාලයක් ජල සැපයුම අත්හිටුවන බව ජාතික ජල සම්පාදන හා ජලාපවාහන මණ්ඩලය පවසයි.

25 February 2020

කෝටි 4ක හෙරොයින් සමඟ 6දෙනෙකු අත්අඩංගුවට

දෙහිවල ප්‍රදේශයේදී රුපියල් කෝටි 4කට අධික හෙරොයින් මත්කුඩු සමඟ පුද්ගලයන් 6දෙනෙකු අත්අඩංගුවට ගත් බව පොලිස් මත්ද්‍රව්‍ය කාර්යංශය කියයි.

25 February 2020

ඇමැති දිනේෂ් ජිනීවා යයි

විදේශ කටයුතු අමාත්‍ය දිනේෂ් ගුණවර්ධන මහතා ජිනීවා නුවර බලා අද(25) අලුයම කටුනායක ගුවන් තොටුපළෙන් පිටත්ව ගියේය.

25 February 2020

වෑන් රථයක් ප්‍රපාතයකට පෙරැළී අයෙක් මරුට-3ක් රෝහලේ

හල්දුම්මුල්ල කදිරේෂන් ඇල්ල පෙදෙසෙහිදී අද(25) අලුයම වෑන් රථයක් අඩි 300ක පමණ ප්‍රපාතයකට පෙරැළීමෙන් පුද්ගලයකු මිය ගොස් තිදෙනෙකු තුවාල ලබා ඇතැයි හල්දුම්මුල්ල පොලිසිය කියයි.

25 February 2020

ගාල්ලට මන්ත්‍රී ආසනයක් අහිමිවෙයි

2019 නව ඡන්ද හිමි නාම ලේඛනයට අනුව ගාල්ල දිස්ත්‍රික්කයට හිමිව තිබූ පාර්ලිමේන්තු මන්ත්‍රී ආසනයක් අඩුවී බදුල්ල දිස්ත්‍රික්කයට එක් මන්ත්‍රී ආසනයක් වැඩි වී තිබේ.

24 February 2020

මහාමාර්ග අමාත්‍යාංශයෙනුත් කෝටි 4381 ක් හිඟයි

ඉකුත් වසරේ සිදුකරන ලද මහාමාර්ග ව්‍යාපෘති වෙනුවෙන් මුදල් ගෙවීමට නොහැකිව රුපියල් කෝටි 4381 ක පමණ හිඟ බිල්පත් මහාමාර්ග අමාත්‍යාංශය සතුව පවතින බව මාර්ග හා මහාමාර්ග ඇමැති ජොන්ස්ටන් ප්‍රනාන්දු මහතා කැබිනට් මණ්ඩලයට දැනුම් දි ඇත.

24 February 2020

විදේශ දූත මණ්ඩල පත්කිරීමේ බලය ජනපතිට

විදේශ දූත මණ්ඩලවල රාජ්‍ය තාන්ත්‍රික තනතුරු සඳහා සියලු පුද්ගලයන් පත්කිරීමේ බලය ප්‍රතිපත්තියක් වශයෙන් ජනාධිපතිවරයාට පැවරීමට කැබිනට් මණ්ඩලය තීරණය කර ඇත.

24 February 2020

අත්‍යවශ්‍ය ඖෂධ වර්ග 310 ක් වහාම ගෙන්වයි

රජයේ රෝහල්වල හිඟයක් ඇතිවිය හැකි අත්‍යවශ්‍ය ඖෂධ වර්ග 310 ක් හිදිසි මිලදී ගැනීම් යටතේ කඩිනමින් ආනයනය කිරීමට රජය තීරණය කර ඇත.

24 February 2020