එසැණ පුවත්

පොලීසිය කරන්නේ ඇඟ බේරාගැනීමයි

තව්හිද් ජමාද් සංවිධානයේ නායක මොහොමඩ් සහරාන්ලාගේ ඡායාරූප රාජ්‍ය බුද්ධි අංශයේ ඇති බවත් ඔවුන්ගේ ඡායාරූප ගැනීම රාජ්‍ය බුද්ධි අංශයේ වගකීමක් බවත් පාස්කු ඉරිදා ප්‍රහාරය සම්බන්ධයෙන් සොයා බැලීමට පත් කළ ජනාධිපති විමර්ශන කොමිෂන් සභාව හමුවේ සාක්කි දෙමින් පරිසර හා ප්‍රජා පොලිස් කොට්ඨාස භාර නියෝජ්‍ය පොලිස්පති මුදිත පුස්සැල්ල මහතා පැවැසීය.

29 May 2020

සරත් ෆොන්සේකාගෙන් පැයක ප්‍රකාශයක්

කොළඹ අපරාධ කොට්ඨාශයට අද (29) පැමිණි සරත් ෆොන්සේකා මහතා පැයක පමණ කාලයක් ප්‍රකාශයක් ලබාදීමෙන් පසුව පිටව ගොස් තිබේ.

29 May 2020

නිදහසින් උදම්වනවා සේම ආරක්ෂාව ගැනත් සිතන්න

දින හැටහතකට පසුව රට ඇඳිරියෙන් මිදුණේය. එහිදී විමසිලිමත් බව සමඟ මුසු වූ සතුටක් සියලු‍ පුරවැසියන්ට දැනුණු බව මහ මාර්ගවලට පිවිසුණු සියලු‍ දෙනාට දැකගත හැකි විය. දින 67ක් පුරා කොළඹ නගරය පුරා නොතිබුණු මහාමාර්ග තදබදය පසුගිය අඟහරුවාදා (25) සිට දැකගන්නට ලැබිණි. එසේ වුවද මාර්ග තදබදයට එරෙහිව නිරතුරුවම මහජනතාවගෙන් නැඟෙන ආවේගශීලී ප්‍රතිචාර නම් අසන්නට දකින්නට නොතිබුණේය.

29 May 2020

අමාත්‍ය අරුමුගම් තොණ්ඩමන්ගේ දේහය ගුවනින් ගම්පොළ ක්‍රීඩාංගණයට

අභාවප්‍රාප්ත, ලංකා කම්කරු කොංග්‍රසයේ නායක සහ අමාත්‍යය ආරුමුගන් තොණ්ඩමන් මහතාගේ දේහය කොළඹ සිට ගුවන් හමුදාවේ එම්.අයි 17 හෙලිකොප්ටර් යානයකින් ගම්පොල ක්‍රිඩාංගණය වෙත අද (29) උදැසන රැගෙන ආවේය.

29 May 2020

පොහොර ඉල්ලා ගොවීහු පාරට බසිති

තම වගාවන් වලට අවශ්‍ය පොහොර ඉල්ලා කැකිරාව මඩාටුගම ප්‍රදේශයේ ජනතාව ප්‍රධාන මාර්ග වසා විරෝධතාවයක නිරත වෙද්දී දඹුල්ල ප්‍රදේශයේ ගොවීහු අලුයම් කාලයේ සිට පොහොර ලොරි එනතුරා වෙළඳසැල් ඉදිරිපිට දිගු පෝලිම් වල සිටිති.

29 May 2020

අශ්ව පැටවෙකු සොරාගත් දෙදෙනකු රිමාන්ඩ්

මාස දෙකක් වයසැති අශ්ව පැටියකු සොරාගෙන ගිය බවට චෝදනා එල්ල වූ සැකකරුවන් දෙදෙනෙකු ලබන මස 03 වැනිදා දක්වා රක්ෂිත බන්ධනාගාර ගත කරන ලෙස දඹුල්ල මහේස්ත්‍රාත් සෙනරත් බණ්ඩාර ඉලංගකෝන් මහතා නියෝග කළේය.

29 May 2020

නිරිතදිග මෝසම ඇරඹේ

නිරිත දිග මෝසම ක්‍රමයෙන් ස්ථාපිත වෙම්න් පවතින නිසා ඉදිරි දිනවලදීත් දිවයිනේ නිරිත දිග කලාපයෙහි වැසි තත්වය තදුරටත් පවතිනු ඇතැයි කාලගුණවිද්‍යා දෙපාර්තමේන්තුව පවසයි.

29 May 2020

මැතිවරණ දිනයට එරෙහි පෙත්සම් 8 වැනි දිනටත් සලකා බැලේ

පවතින නීතී උපයෝගී කරගනිමින් ශ්‍රී ලංකාව කොවිඩ් 19 සාර්ථකව මර්දනය කර ඇති බව පැහැදිලිවම පෙනී යන හෙයින් නව නීතී සඳහා පාර්ලිමේන්තුව යළි කැඳවීමට අවශ්‍ය නොවන බවට ජනාධිපතිවරයා තීරණය කර ඇති බව ජනාධිපති නීතීඥ අලි සබ්රි මහතා අද (28) ශ්‍රේෂ්ඨාධිකරණය හමුවේ කියා සිටියේය.

28 May 2020

‘හොංකොං’වලට තවදුරටත් විශේෂයෙන් සලකන්න බැහැ : ඇමෙරිකානු රාජ්‍ය ලේකම්

ඇමෙරිකා එක්සත් ජනපද නීතිය යටතේ විශේෂ සැලකිලි ලැබීමට ‘හොංකොං’ තවදුරටත් සුදුසු නැතැයි ඇමෙරිකා රාජ්‍ය ලේකම් මයික් පොම්පෙඕ පැවැසීය.

28 May 2020

කොරෝනා අසාදිතයින් ගණන 1530 දක්වා ඉහළට

කොරෝනා අසාදිතයින් ගණන 1530 දක්වා ඉහළට

28 May 2020

ඡන්ද පත්‍රිකා මුද්‍රණයට සුදානම් වෙන්නැයි මුද්‍රණාලයාධිපතිනියට කොමිසම කියයි

මහමැතිවරණයේ ඡන්ද පත්‍රිකා මුද්‍රණය කිරීම සඳහා සූදානමින් සිටින්නැයි මැතිවරණ කොමිෂන් සභාව රජයේ මුද්‍රණාලයාධිපතිනියට අද (28) දැනුම් දී ඇත.

28 May 2020

දරුවන් පාසල් ගෙන්වන්න තිබෙන විශාලම අභියෝගය පොදු ප්‍රවාහනයයි

පාසල් විවෘත කිරීම පිළිබඳ නිශ්චිත දිනයක් ප්‍රකාශයට පත්කිරීමට තවත් සතියක් හෝ දෙකක් පමණ ගතවනු ඇතැයි අධ්‍යාපන, ක්‍රීඩා හා යෞවන කටයුතු අමාත්‍ය ඩලස් අලහප්පෙරුම මහතා අද (28) පැවැසීය.

28 May 2020

ඉන්දියාවේ කොරෝනා ආසාදිතයන්ගේ ගණන 158,300 ඉක්මවයි

අඛණ්ඩව නවවැනි දිනටත් ඉන්දියාවෙන් පැය 24ක් ඇතුළත වාර්තා වූ කොරෝනා ආසාදිතයන්ගේ සංඛ්‍යාව අද (28) හයදහස ඉක්මවා ගියේය.

28 May 2020

කුවේට් සිට පැමිණ ආසාදිතවු 65ක් හම්බන්තොට රෝහලට

කුවේට් රටේ සිට පැමිණ ත්‍රිකුණාමලය චින වරාය යුද හමුදා කඳවුරේ නිරෝධායනයට යොමුකර සිටියදී කොරෝනා වයිරසය ආසාදනය වු බවට තහවුරුවූ රෝගින් 65ක් ප්‍රතිකාර සඳහා අද(28) හම්බන්තොට පැරණි රෝහල වෙත ගෙන එන ලද බව දකුණු පළාත් සෞඛ්‍ය සේවා අධ්‍යක්ෂ කාර්යාලය පවසයි.

28 May 2020

දකුණු කොරියාව නැවතත් වයිරස පාලන සීමා පනවයි

නව කොරෝනා වයිරස පොකුරු කිහිපයක් හඳුනාගැනීමත් සමඟ නැවත වරක් වයිරසය ව්‍යාප්ත වීමට පාලනය කිරීම සඳහා සීමා පැනවීමට දකුණු කොරියාව අද (28) පියවර ගත්තේය.

28 May 2020

මාලේ-ලන්ඩන්-මෙල්බන් වලට ශ්‍රීලන්කන් සීමිත ගුවන් ගමන් අරඹයි

ශ්‍රී ලන්කන් ගුවන් සේවය සංක්‍රමණික ගුවන් මගීන් 289 ක් යොදා ගෙන අද (28) දින කටුනායක ගුවන් තොටුපළේ සිට මාලේ , ලන්ඩන් සහ මෙල්බර්න් ගුවන් තොටුපළ වෙත සීමිත ගුවන් මෙහෙයුමක් ක්‍රියාත්මක කළේය.

28 May 2020

ඉන්දියාවේ ප්‍රාන්ත පහකට පළඟැටියෝ කඩාවදිති

පාකිස්තානයේත් නැගෙනහිර අප්‍රිකාවේත් වගාබිම් අක්කර ගණනක් විනාශ කළ කාන්තාර පළඟැටියන් මේ වනවිට ඉන්දියාවේ ප්‍රාන්ත පහකට කඩා වැදී ඇත.

28 May 2020

ප්‍රවීණ පරිවර්තක තොම්සන් ඒ. වැන්දබෝනා සමුගනී

ශ්‍රී ලංකාවේ ප්‍රවීණ පරිවර්තකයකු, ලේඛකයකු වූ තොම්සන් ඒ. වැන්දබෝනා මහතා අභාවප්‍රාප්ත වී ඇත.

28 May 2020

ඩෙංගු අවදානමෙන් මේ වසරේදී 20 ක් මිය ගිහින්

ඩෙංගු රෝගයෙන් මේ වසරේ 20 දෙනකුත් පසුගිය වසරේ 150 දෙනකුත් මරණයට පත්වී ඇතැයි සෞඛ්‍ය අමාත්‍ය පවිත‍්‍රා වන්නිආරච්චි මහත්මිය පැවසුවාය.

28 May 2020

කොරෝනා අසාදිතයින් ගණන 1486 දක්වා ඉහළට

කොරෝනා අසාදිත මුළු රෝගීන් සංඛ්‍යාව 1486 ක් වන බව වසංගත රෝග විද්‍යා අංශය සඳහන් කරයි.

28 May 2020

අඩුආදායම්ලාභී පාසල් සිසුන්ට වියළි ආහාර සලාකයක්

අඩු ආදායම්ලාභී පාසල් සිසුන්ට පෝෂ්‍යදායී ආහාරවේලක් ලබාදීමේ රජයේ වැඩපිළිවෙල යටතේ ආහාරවේලක් හිමි සිසුන් ලක්‍ෂ 12කට පසුගිය මාස දෙකක කාලය වෙනුවෙන් වෙන් කළ යුතු මුදලින් වියළි ආහාර මල්ලක් ලබාදීමට අමාත්‍ය මණ්ඩල අනුමැතිය හිමිව තිබේ.

28 May 2020

අක්කරෙයිපත්තුව ආලයඩිවෙම්බු ප්‍රා. ලේකම් - සැලසුම් අධ්‍යක්‍ෂක අත්අඩංගුවට

නිල නොවන කොන්ත‍්‍රාත්කරුවකුගෙන් රුපියල් ලක්ෂ තුනක අල්ලස් මුදලක් ඉල්ලා ලබාගත් බව කියන අක්කරෙයිපත්තුව ආලයඩිවෙම්බු ප‍්‍රාදේශීය ලේකම්වරයා සහ සැලසුම් අධ්‍යක්ෂවරයා අද (28) සවස අත්අඩංගුවට ගනු ලැබූ බව අල්ලස් හෝ ඳුෂණ විමර්ශන කොමිසමේ අධ්‍යක්ෂ (විමර්ශන) ජ්‍යෙෂ්ඨ පොලිස් අධිකාරී පද්මිණී වීරසූරිය මහත්මිය පැවසුවාය.

28 May 2020

කුවේට් සිට පැමිණි පිරිසෙන් කොරෝනා අසාදිතයින් වාර්තාවීමේ වගකීම ආණ්ඩුව ගත යුතුයි

කුවේට් හි ලබා දුන් පොදු සමාකාලයේ දී භාර වී අප්‍රේල් 21 වැනිදා ශ්‍රීලංකාවට පැමිණීමට සූදානම් වූ ශ්‍රී ලාංකිකයන් එසේ පැමිණීමට සූදානමින් සිටිය දී එරටින් වාර්තාවූයේ කොරෝනා රෝගීන් 1995 ක් පමණක් බවත් රෝගීන් 16784 ක් වාර්තාවනතුරුත් මාසයකට ආසන්න කාලයක් ඔවුන් ගෙන්වා ගැනීම පමා කරන ලද ආණ්ඩුව මෙම පිරිස කොරෝනා ආසාදිතයින් බවට පත්වීමේ වගකීම භාරගත යුතු බවත් එතෙර අපි සංවිධානයේ කුවෙට් ශාඛාව පවසයි.

28 May 2020

ශ්‍රී ලංකා වරාය අධිකාරිය මෙහෙයුම් කටයුතු අරඹයි

ශ්‍රී ලංකාව තුළ කොරෝනා වයිරස ව්‍යාප්තිය පාලනයවීමත් සමඟ ශ්‍රී ලංකා වරාය අධිකාරිය ද සිය මෙහෙයුම් කටයුතු ආරම්භ කර ඇති අතර ඒ අනුව කොළඹ වරාය වෙත අද (28) පෙරවරුවේ සුඛෝපභෝගී මගී නෞකාවක් පැමිණියේය.

28 May 2020

වරිපනම් බදු ඉහළ නැංවීම වසර දෙකකට අත්හිටුවයි

පළාත් පාලන ආයතන මගින් අයකරන වරිපනම් බදු වසර දෙකක් යන තුරු ඉහළ නොදැමීමට රජය තීරණය කළ බව කැබිනට් ප්‍රකාශක, තොරතුරු හා සන්නිවේදන තාක්‍ෂණ, උසස් අධ්‍යාපන, තාක්‍ෂණ හා නවෝත්පාදන අමාත්‍ය, ආචාර්ය බන්දුල ගුණවර්ධන මහතා පැවසීය.

28 May 2020

ෆොන්සේකා හෙට කොළඹ අපරාධ කොට්ඨාසයට කැඳවයි

මෙරට කොරෝනා වයිරස තත්ත්වය පිළිබ`දව ෆේස්බුක් හරහා තොරතුරු ලැබී ඇති බව ස`දහන් කරමින් මාධ්‍ය ප‍්‍රකාශයක් ලබාදීමේ සිද්ධියකට අදාළව හිටපු අමාත්‍ය ෆීල්ඩ් මාෂල් සරත් ෆොන්සේකා මහතා හෙට (29) කොළඹ අපරාධ කොට්ඨාසය හමුවේ ප‍්‍රකාශයක් ලබා දීමට නියමිතව ඇත.

28 May 2020

ඇඳිරිනිතිය වෙලාවේ වස්ගමුවට ගිය ප්‍රා. සභා මන්ත්‍රීලාට ලක්ෂ 4 ක් දඩ

බලපත‍්‍රයක් නොමැතිව වස්ගමුව ජාතික වනෝද්‍යානයට නීති විරෝධී ලෙස ඇතුලුවී එහි රැඳී සිටි ප‍්‍රාදේශීය සභා මන්ත‍්‍රීවරු දෙදෙනෙක් හිමිනමක් ඇතුළු වග උත්තරකරුවෝ 28 දෙනෙකු වනජීවී නිලධාරීන් විසින් අත් අඩංගුවට ගෙන අධිකරණයට ඉදිරිපත් කළ අවස්ථාවේ සැකකරුවන් අදාල චෝදනාවලට වරද පිළිගනු ලැබීමෙන් පසුව එක් අයෙකුට රුපියල් 15,000 බැගින් රුපියල් 420,000ක දඩ මුදලක් ගෙවන ලෙසට පොලොන්නරුව මහේස්ත‍්‍රාත් අසේලද සිල්වා මහතා අද(28) නියෝග කළේය.

28 May 2020

රාජිතගෙන් අදත් පැය 4 ක් ප්‍රශ්න කරයි

කොළඹ පාසලක සිසුන් පිරිසකට කොවිඩ් - 19 ආසාදනය වී ඇති බවට මාධ්‍ය හමුවකදී සිදු කළ ප්‍රකාශයක් සම්බන්ධයෙන් හිටපු පාර්ලිමේන්තු මන්ත්‍රී රාජිත සේනාරත්න මහතාගෙන් කොළඹ අපරාධ කොට්ඨාසය අද (28) පැය 4 ට ආසන්න කාලයක් ප‍්‍රශ්න කර ප‍්‍රකාශ සටහන් කරගත් බව පොලිසිය කියයි.

28 May 2020