එසැණ පුවත්

පෞද්ගලික බස් රථ වලට ලංගමෙන් ඉන්ධන

පොදු ප්‍රවාහනය සේවයේ යෙදන පෞද්ගලික බස් රථ සදහා අවශ්‍ය කරන ඉන්ධන ශ්‍රී ලංකා ගමනාගමන මණ්ඩලයට අයත් ඩිපෝ වලින් ලබා දීමට කටයුතු කරන බව ප්‍රවාහන රාජ්‍ය අමාත්‍ය දිලුම් අමුණුගම මහතා පැවසීය.

28 February 2022

වාද්දුවේ නිවසක ගින්නක්

වාද්දුව, රතනසාර මාවතේ නිවසක අද (28) පස්වරුවේ හටගත් ගින්නකින් නිවස සහ එහි ගෘහ උපකරණ සියල්ල මුළුමනින්ම විනාශ වී ඇතැයි වාද්දුව පොලිසිය පවසයි .

28 February 2022

දිවුරන්න එපා නීතිය ඉදිරියේ නිර්දෝෂීබව ඔප්පු කරන්න

හිටපු ජනාධිපති මෛත්‍රීපාල සිරිසේන මහතා පාස්කු ඉරුදින ත්‍රස්ත ප්‍රහාරය සම්බන්ධයෙන් වගකිවයුත්තෙක් නොවන්නේ නම් ඔහු කළයුත්තේ කුරුසියේ අත තබා දිවුරීම නොව නීතිය ඉදිරියේ තම නිර්දෝෂීභාවය ඔප්පුකිරීම යැයි කතෝලික සභාවේ මාධ්‍ය ප්‍රකාශක, සිරිල් ගාමිණී ප්‍රනාන්දු පියතුමෝ පැවසූහ.

28 February 2022

සළිඳුගේ මුදල් උණ්ඩියල් ක්‍රමයට යැවූ දෙදෙනාට ඇප

ඩුබායි රාජ්‍යයේ සැඟව සිටින සංවිධානාත්මක අපරාධ කල්ලි සාමාජිකයකු සහ මහාපරිමාණ මත්කුඩු ඡාවාරම්කරුවකු වන ‘පානදුර සළිඳු’ නමැත්තා මත්ද්‍රව්‍ය ඡාවාරමෙන් නිතිවිරෝධීව උපයා ගත් රුපියල් කෝටි 2ක මුදලක් උණ්ඩියල් ක්‍රමයට ඩුබායි රාජ්‍යයට යැවූ බව කියන සැකකරුවන් දෙදෙනා එක් අයකුට රුපියල් ලක්ෂ 5 බැගින් වූ ශරීර ඇප දෙකක් මත මුදා හැරිමට පානදුර මහේස්ත්‍රාත් චන්දන කලංසූරිය මහතා අද (23) නියෝග කළේය.

28 February 2022

ඩීසල් පෝලිම් තවත් දිගු වෙයි

ඩීසල් හිඟය අද (28) දිනයේ ද රට පුරා දැකිය වූ අතර ඒ හේතුවෙන් කොළඹ නගරය ඇතුළු බොහෝ ප්‍රදේශවල ඩීසල් මිලදී ගැනීමට දිගු පෝලිම් දැකිය හැකිවිය.

28 February 2022

පුෂ්පිකාගෙන් පැය දෙකහමාරක් ප්‍රශ්න කර ප්‍රකාශ සටහන් කරගනියි

හිරු මාධ්‍යවේදී චමුදිත සමරවික්‍රම මහතාගේ නිවසට ගල් සහ අසූචි ප්‍රහාරය එල්ල කිරීමේ සිද්ධිය සම්බන්ධයෙන් ශ්‍රී ලංකා විවාහක රූ රැජින පුෂ්පිකා ද සිල්වා මහත්මියගෙන් පැය දෙක හමාරකට ආසන්න කාලයක් ප්‍රශ්නකර ප්‍රකාශ සටහන් කරගත් බව පිලියන්දල පොලිසියේ ස්ථානාධිපති ප්‍රධාන පොලිස් පරීක්ෂක සනත් රංජිත් මහතා පැවසීය

28 February 2022

කිමිදුම් අභ්‍යාස සහයට ‘නිරීක්ක්‍ෂාක්’ ත්‍රිකුණාමලය වරයාට

නාවික හමුදා සමග කිමිදුම් අභ්‍යාස පැවැත්වීම සදහා ඉන්දියානු නාවික හමුදාවට අයත් කිමිදුම් සහය ලබා දෙන නෞකාවක් වන ‘නිරීක්ක්‍ෂාක්’ නෞකාව (28) ත්‍රිකුණාමලය වරායට පැමිණි බව නාවික හමුදාව කියයි.

28 February 2022

ඩීසල් නොදුන්නොත් හෙට සිට බස් දුවන්නෑ

පෞද්ගලික බස්රථ සඳහා ඉන්ධන ලබා දිමේ ක්‍රමවේදයක් සකස් නොකළහොත් හෙට (01) සිට බස් රථ ධාවනයෙන් ඉවත්වීමට සිදුවන බවට බස් සංගම් සඳහන් කරයි.

28 February 2022

මෝටර් රථ ප්‍රවාහන කොමසාරිස්ට බලපෑම් කළ සැකකරු යළි රිමාන්ඩ්

ජනාධිපති ලේකම් ගාමිණී සේදර සෙනරත් මහතා ලෙස පෙනී සිටිමින් මෝටර් රථ ප්‍රවාහන කොමසාරිස් ජනරාල්වරයාට දුරකතන ඇමතුමක් ලබාදෙමින් ‘මෝටර් රථ පරීක්ෂක තනතුරක්’ ලබා දෙන ලෙසට බලපෑම් කළැයි අපරාධ පරීක්ෂණ දෙපාර්තමේන්තුව අත්අඩංගුවට ගත් ඉංජිනේරුවරයෙකු ලබන 04 වැනිදා තෙක් රක්ෂිත බන්ධනාගාර ගත කරන ලෙස කොළඹ අතිරේක මහේස්ත්‍රාත් ලෝචනී අබේවික්‍රම මහත්මිය අද (28) නියෝග කළාය

28 February 2022

බදු පැහැර හැරීම වළක්වන යෝජනාවක් මැතිසබයට

බදු නොගෙවීම මගහැරීම වැලැක්වීම සඳහා ප්‍රතිපාදන සැලසෙන දේශීය ආදායම් පනත යටතේ යෝජනාවද පාර්ලිමේන්තුවේ අලුත්ම න්‍යාය පුස්තකයට ඇතුළත් කරනු ලැබ ඇත.

28 February 2022

‘පාර්සල් සිද්ධිය‘ වරප්‍රසාද කමිටුවට

සමගි ජන බලවේගයේ හරීන් ප්‍රනාන්දු මන්ත්‍රීවරයා සැකකටයුතු පාර්සලයක් පොලිස් නිලධාරීන්ට තර්ජනය කර පාර්ලිමේන්තු සංකීර්ණයට බලාත්කාරයෙන් රැගෙන එන ලදැයි කියන සිද්ධිය සම්බන්ධයෙන් පරීක්ෂණයක් පැවැත්වීම පාර්ලිමේන්තු වරප්‍රසාද කමිටුවට පවරන බව කතානායක මහින්ද යාපා අබේවර්ධන මහතා ලංකාදීපයට පැවැසීය.

28 February 2022

යුක්රේන ජනපති මරන්න ආ චෙච්නියා සෙබළුන් මැරුම්කයි

යුක්රේන ජනාධිපති ව්ලොදිමීර් සෙලෙන්ස්කි ඝාතනයට පැමිණි චෙච්නියානු විශේෂ බළකා සෙබළුන් කණ්ඩායමක් මරා දමමින් රුසියානු හමුදාවන්ට විශාල හානියක් සිදු කිරීමට යුක්රේන හමුදාවෝ සමත් වූහ.

28 February 2022

රුසියා - යුක්රේන් සාකච්ඡා ඇරැඹෙයි

රුසියානු-යුක්රේන ගැටුම සමථයකට පත් කර ගැනීම සඳහා දෙරට අතර සාකච්ඡ අද පස්වරුවේ ශ‍්‍රී ලංකා වේලාවෙන් 2.30 ට ආරම්භ විය. කලින් ඇති කරගත් එකඟතාවට අනුව, සාකච්ඡා පැවැත්වූයේ යුක්රේන බෙලරූස් දේශසීමාවේය.

28 February 2022

කොවිඩ් මරණ 30 ඉක්මවයි

කොවිඩ් ආසාදිත වූ තවත් රෝගීන් 32 දෙනකු ඊයේ (27) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (28) තහවුරු කළේය.

28 February 2022

‘මහ බැංකුවේ ඩොලර් සැපයුම ක්‍රියාත්මක වෙන්නේ නෑ‘

ඉන්ධන සඳහා මහ බැංකු අඛණ්ඩව ඩොලර් නිදහස් කරන බව පැවසුවද මහපොළව තුළ එය ඉටුනොවන බවත් ඩොලර් අඛන්ඩව ලබාදෙන්නේ නම් ඉන්ධන අර්බුදයක් නොමැතිව ඉන්ධන අඛණ්ඩව සැපයිම සහතික කළ හැකි බවත් බලශක්ති අමාත්‍ය උදය ගම්මන්පිල මහතා අද (28) පැවසීය.

28 February 2022

කැලේ සඟවා තිබූ කොටි බෝම්බ බෝට්ටුවක් සොයාගනී

කොටි ත්‍රස්ත සංවිධානයේ මුහුදු කොටි බළකායට අයත් මරාගෙන මැරෙන බොට්ටුවක් මුලතිව් චලෙයි ප්‍රදේශයේදී සොයාගත් බවට යුදහමුදාව පවසයි.

28 February 2022

හෙට විදුලිය කපන්නේ මෙහෙමයි

රට පුරා හෙට (1 වැනිදා) පෙරවරු 8.30 සිට පස්වරු 5.30 දක්වා පැය තුනක කාලයක් විදුලිය විසන්ධි කරන බවත් රාත්‍රී කාලයේ අතිරික්ක ඉල්ලුමක් ඇතිවුවහොත් විනාඩි 30 ක් විදුලිය විසන්ධි කිරීමට සිදුවනු ඇති බවත් මහජන උපයෝගිතා කොමිසමේ සභාපති ජනක රත්නායක මහතා අද (28) පස්වරුවේ පැවසීය.

28 February 2022

බොරතෙල් මිල ගැන අනාවැකියක්

ලෝක වෙළඳපොලේ බොරතෙල් බැරලයක මිල ඩොලර් 115කට පමණ ඉහල යනු ඇතැයි පුරෝකථනය කර තිබෙන බව එක්සත් ජාතික පක්ෂ නායක සහ හිටපු අග්‍රාමාත්‍ය රනිල් වික්‍රමසිංහ මහතා පැවසීය.

28 February 2022

කාදිනල්තුමෝ පාප්වහන්සේ හමුවෙති

වතිකානයේ සංචාරයක නිරත මැල්කම් කාදිනල් රංජිත් කොළඹ අගරදගුරුතුමන් හා ශුද්ධෝත්තම ෆ්‍රැන්සිස් පාප් වහන්සේ අතර හමුව මේ වන විට ආරම්භ වී ඇත.

28 February 2022

පුෂ්පිකා පොලිසියට

හිරු නාලිකාවේ මාධ්‍යවේදී චමුදිත සමරවික්‍රම මහතාගේ නිවසට එල්ලවුණු ප්‍රහාරය සම්බන්ධයෙන් කෙරෙන විමර්ශනයට අදාලව ප්‍රකාශයක් ලබා ගැනීම සදහා පිළියන්දල පොලිසියට කැඳවා සිටි ශ්‍රි ලංකා විවාහක රූ රැජින පුෂ්පිකා ද සිල්වා මහත්මිය මීට සුළු මොහොතකට පෙර පිළියන්දල පොලිසියට පැමිණියාය.

28 February 2022

දේවස්ථාන බෝම්බ සිද්ධියේ වෛද්‍යවරයා ඇතුලු පිරිස යළි රිමාන්ඩ්

බොරැල්ල සියළු සාන්තුවරයන්ගේ දේවස්ථානය ට ජීව අත්බෝම්බයක් තැබීමේ සිද්ධියට අදාළව රක්ෂිත බන්ධනාගාර ගත කර සිටි වෛද්‍ය ශර්ලි දයානන්ද හේරත් මහතා ඇතුළු සැකකරුවන් තිදෙනෙකු ලබන 17 වැනිදා තෙක් රක්ෂිත බන්ධනාගාර ගතකරන ලෙස ගත කරන ලෙස කොළඹ ප්‍රධාන මහේස්ත්‍රාත් අධිකරණය අද (28) නියෝග කළේය.

28 February 2022

තෙල් සංස්ථාව ඉදිරිපිට උද්ඝෝෂණයක්

කොලොන්නාව ලංකා ඛනිජ තෙල් නීතිගත සංස්ථාව ඉදිරිපිට අද (28) උද්ඝෝෂණයක් පැවැත්විණි.

28 February 2022

කාබනික වගාවෙන් ගොවියා හාන්සියිලු

මහවැලි බී කලාපයේ මෙවර මහ කන්නයේ කාබනික පොහොර යොදා වගා කළ කුඹුරු අක්කර 60,000කින් වී කිලෝ ලක්ෂ තුනක පමණ අඩුවක් පෙන්නුම් කරන බව ගොවීහු පවසති.

28 February 2022

‘රට මුදා ගන්න සියලු දේශපාලන නායකයින් ප්‍රතිපත්තිමය එකඟතාවකට එන්න‘

මතුව ඇති අවාසනාවන්ත තත්ත්වයෙන් රට මුදා ගැනීමට සියළුම දේශපාලන නායකයින් ප්‍රතිපත්තිමය එකඟත්වයට පැමිණෙන ලෙස ඉල්ලා සිටින බව සාධාරණ සමාජයක් සඳහා වන ජාතික ව්‍යාපාරයේ සභාපති හිටපු කථානායක කරු ජයසූරිය මහතා කොළඹදී පැවසීය.

28 February 2022

රුසියාවට ගූගල් තහනමක්

රුසියානු සමාගම්වල දැන්වීම් අන්තර්ජාලය තළ ප්‍රචාරණය තහනම් කර ඇති අතර රුසියානු සමාගම් යූ ටියුබ් ජාලයට උඩුගත කර ඇති වීඩියෝ සඳහා නැරඹුම් වාරයකට ගෙවන මුදලද ගූගල් සමාගම විසින් අත්හිටුවා ඇත.

28 February 2022

‘අධිභාර බද්ද‘ පනත පාර්ලිමේන්තුවේ අලුත්ම න්‍යාය පුස්තකයට

ආන්දෝලනාත්මක අධිභාර බද්ද පනත් කෙටුම්පත පාර්ලිමේන්තුවේ අලුත්ම න්‍යාය පුස්තකයට ඇතුළත් කරනු ලැබ ඇත.

28 February 2022

භූමිය පරීක්ෂා කරන ස්කෑනර් යන්ත්‍රයක් සමඟ 5ක් අත්අඩංගුවට

පුරාවිද්‍යා වටිනාකම් සහිත ඉඩම් භූමිය පරීක්ෂාකරන ස්කෑනර් යන්ත්‍රයක් භාවිතයෙන් පරීක්ෂාකළ පුද්ගලයින් පස් දෙනකු නවීන ස්කෑනර් යන්ත්‍රයක් හා කැබ් රථයක් සමඟ අද (28) වවුනියාව නගරයේදී අත්අඩංගුවටගත් බව පොලිස් විශේෂ කාර්ය බලකාය පවසයි.

28 February 2022

‘කොවිඩ් දරුවන් වැඩි පිරිසකගේ මවුපියන් බූස්ටර් අරගෙන නෑ‘

කොවිඩ් වැළඳී කොළඹ රිජ්වේ ආර්යා ළමා රෝහලට ඇතුළත් කරනු ලැබ සිටින දරුවන්ගෙන් අඩකට වැඩි පිරිසකගේ මවුපියන් බූස්ටර් එන්නත ලබාගෙන නැතැයි තොරතුරු අනාවරණයවී ඇති බව එම රෝහලේ ළමා රෝග පිළිබඳ විශේෂඥ වෛද්‍ය දීපාල් පෙරේරා මහතා ලංකාදීපයට පැවැසීය.

28 February 2022