එසැණ පුවත්

අම්බලන්ගොඩ දී වෙඩි වැඳුණු මාළු ව්‍යාපාරිකයා මරුට

අම්බලන්ගොඩ මහජන පුස්තකාලය ඉදිරිපිට දී වෙඩි ප්‍රහාරයට ලක් වූ මාළු ව්‍යාපාරිකයා මරුමුවට පත්වූ බව අම්බලන්ගොඩ පොලීසිය කියයි.

04 November 2025

සුව නි.ඇමති හදිසියේ ජාතික රෝහලට

කොළඹ ජාතික රෝහලේ කටයුතු පිළිබඳව සොයා බැලීමට සෞඛ්‍ය නියෝජ්‍ය අමාත්‍ය වෛද්‍ය හංසක විජයමුණි මහතා කොළඹ ජාතික රෝහලේ හදිසි නිරීක්‍ෂණයක නිරත විය.

04 November 2025

චරිත රත්වත්තේ අත්අඩංගුවට

අග්‍රාමාත්‍ය ජේෂ්ඨ උපදේශකවරයකු වූ චරිත රත්වත්තේ මහතා අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරින් විසින් අද අත්අඩංගුවට ගනු ලැබීය.

04 November 2025

නුගේගොඩ රැලියට හිටපු ජනපතිලා පහම නෑ

නුගේගොඩදී ලබන 21 වැනිදා පැවැත්වෙන ඒකාබද්ධ විපක්ෂයේ මහජන රැලියට හිටපු ජනාධිපතිවරුන් කිසිවකු සහභාගි නොවන බව වාර්තාවේ.

04 November 2025

මාළු ව්‍යාපාරිකයාට අම්බලන්ගොඩදී වෙඩි තබයි

අම්බලන්ගොඩ මහජන පුස්තකාලය ඉදිරිපිට අද (4) පෙරවරුවේ සිදුවූ වෙඩි තැබීමකින් පුද්ගලයකු බරපතල තුවාල ලබා රෝහල් ගත කළ අම්බලන්ගොඩ පොලීසිය කියයි.

04 November 2025

බිත්තියක් කඩා වැටී සෙබළෙකු මිය ගොස් තවත් 3කට තුවාල

මුලතිව් මුල්ලියාවේලි 59 වැනි සේනාංක කඳවුරේ අතහැර දමා තිබූ ගොඩනැගිල්ලක ගඩොල් බිත්තියක් කඩා වැටීමෙන් හමුදා සෙබළකු මිය ගොස් තවත් සෙබළුන් තිදෙනෙකු තුවාල ලබා ඇතැයි මුලතිවි පොලිසිය පවසයි.

04 November 2025

මතට හිත ගිය තවත් 1264ක් පොලිස් දැලට

රටම එකට ජාතික මෙහෙයුම යටතේ රට පුරා කළ වැටලීම් වලදී මත්ද්‍රව්‍යවලට සම්බන්ධ සැකකරුවන් 1264ක් ඊයේ (3)දිනය ඇතුළත අත්අඩංගුවට ගත් බව පොලිස් මාධ්‍ය කොට්ඨාශය කියයි.

04 November 2025

කෝටියක මත්ද්‍රව්‍ය සමඟ දෙන්නෙක් මාට්ටු

කළුතර බන්ධනාගාරයේ සිට මහා පරිමාණයෙන් මෙහෙය වූ මත්ද්‍රව්‍ය ජාවාරමට සම්බන්ධ කාන්තාවක් සහ තවත් පුද්ගලයෙකු බණ්ඩාරගම ගම්මන්පිලදී රුපියල් කෝටියකට ආසන්න වටිනා මත්ද්‍රව‍ය සමග අත්අඩංගුවට ගත් බව පානදුර වලාන මධ්‍යම දූෂණ මර්දන ප්‍රහාරක බලකාය කියයි.

04 November 2025

ඩෙංගු - චිකුන්ගුන්යා රෝගීන් වැඩි වීමක්

ඩෙංගු සහ චිකුන්ගුන්යා රෝගීන් වාර්තාවීම වැඩි අගයක් ගන්නා ප්‍රදේශ ඉලක්ක කර ගනිමින් විශේෂ මදුරු මර්දන වැඩසටහන් ක්‍රියාත්මක කරන බව සෞඛ්‍ය අංශ පවසයි.

04 November 2025

ගුරුකම් කරන්න අන්තර්ජාලයෙන් සල්ලි ගරලා හිමි නමක් මාට්ටු

යූ ටියුබ් හරහා දෙස් විදෙස් පුද්ගලයන් රවටා, ආරක්ෂා යන්ත්‍ර මන්ත්‍ර කරදෙන බවට පවසමින් ඔවුන්ගෙන් තම බැංකු ගිණුම්වලට මුදල් බැර කරගෙන වංචා රැසක් සිදුකළ බව කියන ඓතිහාසික දිඹුලාගල ආරණ්‍ය සේනාසනයේ භික්‍ෂූන් වහන්සේ නමක් අත්අඩංගුවට ගත් බව මනම්පිටිය පොලිසිය කියයි.

04 November 2025

පළාත් කීපයකට අදත් වැස්ස

සබරගමුව, මධ්‍යම, ඌව සහ උතුරු පළාත්වලත් ත්‍රිකුණාමලය දිස්ත්‍රික්කයෙත් ස්ථාන කීපයකට අද පස්වරු 2.00 න් පමණ පසු වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව කියයි.

04 November 2025

සේවයෙන් පහ කළ දුම්රිය රියැදුරා වසර 4ක් පඩිත් දී විශ්‍රාම ගන්වලා

කොළඹ - මහනුවර සීඝ්‍රගාමී දුම්රියක් ගණේමුල්ලේ දී අනතුරකට ලක්කර රජයට රුපියල් ලක්ෂ 93ක පාඩුවක් සිදු කළේ යැයි වසර හතක් විනය පරීක්ෂණ පවත්වා සේවයෙන් පහ කිරීමේ නිවේදනද නිකුත් කර ඇති දුම්රිය රියදුරු තවත් වසර හතරක් සේවයේ තබාගෙන වැටුප් අතිකාලද ගෙවා සුවසේ විශ්‍රාමගන්වා ඇති බව අල්ලස් කොමිසම කොළඹ මහේස්ත්‍රාත් අධිකරණය හමුවේ කරුණු දක්වමින් අද (03) පැවසීය.

03 November 2025

ඉර පැන්න ඉන්දීය ධීවරයන් 35ක් අල්ලයි

වෙත්තලකේනි ප්‍රදේශයට ඔබ්බෙන් සහ අනලතිව් දූපතට ඔබ්බෙන් වූ මෙරට මුහුදු සීමාවේ සිදු කළ විශේෂ සෝදිසි මෙහෙයුමකදී, මෙරට මුහුදු තීරයේ අනවසර ධීවර කටයුතු සිදු කළ ඉන්දීය ධීවර යාත්‍රා හතරක් සමඟ ඉන්දීය ධීවරයන් 35 නාවික හමුදා බාරයට ගෙන ඇත.

03 November 2025

විශ්වවිද්‍යාල කොමිස මටත් ඇමති බංගලාවක්

ඇමැති බංගලාවක් විශ්ව විද්‍යාල ප්‍රතිපාදන කොමිෂන් සභාවට ලබාදීමට මේ දිනවල කරුණු සලකා බලාගෙන යන බව රාජ්‍ය පරිපාලන පළාත් සභා හා පළාත් පාලන අමාත්‍ය ආචාර්ය චන්දන අභයරත්න මහතා පැවසීය.

03 November 2025

කින්නියා තවත් ගවයන් හතර දෙනකු කපා දමලා

කින්නියා කුරුංජාන් කේණි ගොවිජන සේවා බල ප්‍රදේශයේ කොරොංගු පන්ජාන් තෘණ භූමියක වී වගාව මුල් කරගෙන ගව පට්ටිකරුවන් හා වී ගොවීන් අතර පවතින ආරවුලක ප්‍රතිඵලයක් ලෙස දෙවන වරටත් අද (03) මී ගවයන් හතර දෙනකු තියුණු ආයුධවලින් ඇන කපා කොටා දමා ඇතැයි කින්නියා පොලිසිය කියයි.

03 November 2025

කුඩු සමග ඇල්ලූ ධීවරයන් රඳවා ප්‍රශ්න කරන්න අවසර

දකුණු මුහුදු තීරයේදී බහුදින ධීවර යාත්‍රාවකින් අයිස් මත්ද්‍රව්‍ය කිලෝග්‍රෑම් 251.,18 ක් සහ හෙරොයින් මත්ද්‍රව්‍ය කිලෝ ග්‍රෑම් 85 ක් ජාවාරම් කිරීම සම්බන්ධයෙන් අත්අඩංගුවට සැකකරුවන් 06 දෙනා ලබන 08 වනදා දක්වා පොලිස් මත්ද්‍රව්‍ය නාශක කාර්යාංශයේ රඳවාගෙන ප්‍රශ්න කිරීමට කොළඹ ප්‍රධාන මහේස්ත්‍රාත් අසංග එස් බෝදරගම මහතා අද (03)අවසර ලබා දුන්නේය.

03 November 2025

ගුවන් අනතුරැ වළක්වන පෙරහුරැවක්

ශ්‍රී ලංකාවට අයත් සාගර සහ ගුවන් අවකාශය තුළ යම් අනපේක්ෂිත අන්දමින් ගුවන් යානයක් අතුරුදන්වීමකට හෝ අනතුරකට මුහුණ දුන් අවස්ථාවක ඒ වෙනුවෙන් කඩිනම් ප්‍රතිචාර දැක්වීම පිළිබද ශ්‍රී ලංකාවේ පළමු වරට තෙදින ඒකාබද්ධ වැඩමුළුවක් අද (03) උදෑසන කටුනායක සිවිල් ගුවන් සේවා අධිකාරී ශ්‍රවණාගාරයේ දී පැවැත්විණ

03 November 2025

’’බදාදා සුනාමි පෙරහුරුවක්’’

ලෝක සුනාමි ආපදා දැනුවත් කිරීමේ දිනට සමගාමීව ඉන්දියා සාගර සුනාමි පෙරහුරු අභ්‍යාසයක් බදාදා (5) ස්ථාන පහකදී පැවැත්වීමට නියමිතව ඇති හෙයින් එදින සුනාමි ගැන අනියත බියක් ඇති කර නොගන්නා ලෙස ආපදා කළමනාකරණ මධ්‍යස්ථානය ජනතාවගෙන් ඉල්ලා සිටී.

03 November 2025

කඩවතින් යන එන අයට පොලිසියෙන් දැනුම් දීමක්

මධ්‍යම අධිවේගී මාර්ග ව්‍යාපෘතියෙහි ඉදිකිරීම් හේතුවෙන් කොළඹ නුවර ප්‍රධාන මාර්ගයේ කඩවත බණ්ඩාරවත්ත ප්‍රදේශයෙන් රථ වාහන ගමනාගමනය සීමා කිරීමට සිදුවන බව පොලිස් මාධ්‍ය කොට්ඨාසය පවසයි.

03 November 2025

ජාතික ලොතරැයි මණ්ඩලය ආදායම් ඉලක්කය ඉක්මවයි

ජාතික ලොතරැයි මණ්ඩලය 2025 වර්ෂය සඳහා වූ එහි මූලික ආදායම් ඉලක්කය වන රුපියල් බිලියන 40 සීමාව මාස 10 කින් අත්පත් කර ගැනීමට සමත්වී තිබේ.

03 November 2025

රට පුරා කාන්තාවන්ට නොමිලේ රෝග පරීක්ෂාවක්

කාන්තාවන් වෙනුවෙන් පියයුරු පිළිකා කල් තියා හඳුනා ගැනීමේ වැඩසටහනක් රට පුරා නොමිලයේ ක්‍රියාත්මක කිරීමට රාජපුත්‍ර පදනම තීරණය කර ඇත.

03 November 2025

හැඳුනුම්පත් එක් දින සේවය වයඹට

පුද්ගලයන් ලියාපදිංචි කිරීමේ දෙපාර්තමේන්තුවේ වයඹ පළාත් කාර්යාලයේ එක් දින සේවා රාජකාරි කටයුතු ආරම්භ කරන ලද බව පුද්ගලයන් ලියාපදිංචි කිරීමේ දෙපාර්තමේන්තුව පවසයි.

03 November 2025

රාජ්‍ය සේවා පත්වීම් වල වැඩි පංගුවක් සෞඛ්‍යට

රාජ්‍ය සේවයට අළුතින් බඳවා ගන්නා 72,000 ක පිරිසෙන් 9000ක් බඳවා ගැනෙන්නේ සෞඛ්‍ය අමාත්‍යාංශයට බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසීය.

03 November 2025

ඉංජිනේරු සංස්ථාවේ හිටපු අධ්‍යක්ෂට ඇප

එක්සත් ජාතික පක්ෂයේ ’’සිරිකොත’’ පක්ෂ මූලස්ථානය ගාස්තු අය නොකර අලුත් වැඩියා කිරීම සඳහා ශ්‍රී ලංකා රාජ්‍ය ඉංජිනේරු සංස්ථාවේ සේවකයින් යොදවා රජයට පාඩු කළේ යැයි අත්අඩංගුවට ගෙන අධිකරණයට ඉදිරිපත් කළ එම සංස්ථාවේ හිටපු ක්‍රියාකාරී අධ්‍යක්ෂ සරච්චන්ද්‍ර ගුණරත්න ජයතිලක සැකකරු ඇප මත මුදා හැරීමට කොළඹ ප්‍රධාන මහේස්ත්‍රාත් අසංක එස් බෝදරගම මහතා (03) නියෝග කළේය.

03 November 2025

හොර සහතික දුන් විදෙස් රැකියා පුහුණු ආයතනයක් තහනම් කරයි

ගෘහාශ්‍රිත විදේශ රැකියා සඳහා අවශ්‍ය NVQ සහතික ව්‍යාජ ලෙස නිර්මාණය කළ මාවනැල්ලේ පුහුණු ආයතනයක් තාවකාලිකව තහනම් කිරීමට ශ්‍රි ලංකා විදේශ සේවා නියුක්ති කාර්යාංශය පියවර ගෙන ඇත.

03 November 2025

සමිද්ධි සමරකෝන්ට තනතුරක්

විශේෂඥ වෛද්‍ය සමිද්ධි සමරකෝන් මහත්මිය සෞඛ්‍ය හා ජනමාධ්‍ය අමාත්‍යාංශ‌යේ නියෝජ්‍ය අධ්‍යක්ෂ ජනරාල් (වෛද්‍ය සේවා) II තනතුරේ වැඩ බාර ගැනීම අද (03) සිදු විය.

03 November 2025

මන්ත්‍රීලාට පිස්තෝල දෙන්නේ මෙහෙමයි

ඉල්ලීම් කර ඇති විපක්ෂ මන්ත්‍රීවරුන්ට අපරාධ විශ්ලේෂණ වාර්තා පරික්ෂා කිරීමෙන් අනතුරුව පිස්තෝල ලබාදීමට කටයුතු කරන බව පොලීසිය පවසයි.

03 November 2025

උසස් පෙළ උපකාරක පන්ති හෙට සිට තහනම්

මෙවර උසස් පෙළ විභාගය සඳහා පැවැත්වෙන සියලුම උපකාරක පන්ති පැවැත්වීම, විෂයානුබද්ධ සම්මන්ත්‍රණ , දේශන සහ වැඩමුළු පැවැත්වීම සහ අනුමාන ප්‍රශ්න පත්‍ර සාකච්ඡා කිරීම ඇතුළු විභාගය සම්බන්ධ සියලුම ප්‍රචාරණ කටයුතු හෙට (04) මධ්‍යම රාත්‍රි 12 සිට තහනම් බව විභාග කොමසාරිස් ජනරාල් ඒ. කේ. එස්. ඉන්දිකා කුමාරි ලියනගේ මහත්මිය කීවාය.

03 November 2025