එසැණ පුවත්

පිළියන්දර- මහරගම පාර අලුත් වෙයි

මහරගම - පිළියන්දල මාර්ගයේ කිලෝමීටර 2000 සිට කිලෝමීටර 3+700 දක්වා මාර්ග කොටස පුනරුත්ථාපනය කිරීම සහ වැඩි දියුණු කිරීමට කැබිනට් අනුමැතිය ලැබී ඇත.

05 November 2025

පළාත් කීපයකට අද තරමක තද වැසි

ඌව සහ උතුරු පළාත්වලත් ත්‍රිකුණාමලය දිස්ත්‍රික්කයේත් පස්වරු 2.00 න් පමණ පසු වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව කියයි.

05 November 2025

අධික රුධිර පීඩනයට තනි පෙත්තක ඖෂධයක්

අධික රුධිර පීඩනයෙන් පෙළෙන රෝගීන් සඳහා වර්තමානයේ වෛද්‍යවරුන් නිර්දේශ කරන පෙති වර්ග තුනක මාත්‍රාව වෙනුවට එම පෙති තුනේම ඖෂධ ගුණය එකතු කර එක පෙත්තක් නිපදවීමේ සාර්ථක පර්යේෂණයක් කිරීමට කැලණිය විශ්ව විද්‍යාලයට අනුබද්ධ රාගම වෛද්‍ය පීඨයේ වෛද්‍ය කණ්ඩායමක් සමත්වූහ.

05 November 2025

මෙවර අයවැයෙන් ප්‍රතිලාභ රැසක්

ආර්ථිකය සංවර්ධනය ඉලක්ක කරගත් ජනතාවට ප්‍රතිලාභ රැසක් හිමිවන අයවැයක් මෙවර ඉදිරිපත් කරන බව කැබිනට් මාධ්‍ය ප්‍රකාශක, සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසීය.

04 November 2025

සුළං විදුලි ව්‍යාපෘතිය ගැන ලොකු අධ්‍යයනයක්?

සංක්‍රමණික කුරුල්ලන් පැමිණෙන ප්‍රදේශයක් වන මන්නාරමේ අදානි සමාගම අත්හැර දැමූ සුළං විදුලි ව්‍යාපෘතිය ආරම්භ කිරීමට ප්‍රථමයෙන් සංක්‍රමණික කුරුල්ලන් පිළිබඳව ගැඹුරු අධ්‍යනයක් සිදු කළ යුතු බව යෝජනා වී ඇතැයි දැන ගන්න ඇත.

04 November 2025

සජිත් ඉන්දීය මුදල් ඇමැතිනිය හමුවේ

ඉන්දියාවේ නිල සංචාරයක නිරත වන විපක්ෂ නායක සජිත් ප්‍රේමදාස මහතා ඉන්දීය මුදල් අමාත්‍ය නිර්මලා සීතාරාමන් මහත්මිය හමුවී ද්විපාර්ශ්වික සාකච්ඡා පවත්වනු ලැබීය.

04 November 2025

හෑෂ් කිලෝ 12ක් සමග අයෙක් මාට්ටු

වැල්ලම්පිටිය මෙගොඩ කොලොන්නාව ප්‍රදේශයේදී ඈෂ් මත්ද්‍රව්‍ය කිලෝ දොළහයි ග්‍රෑම් දෙසිය දොළහක් සමග පුද්ගලයකු අත්අඩංගුවට ගත් බව වැල්ලම්පිටිය පොලිසිය පවසයි.

04 November 2025

නුගේගොඩ රැලියට යනවාද නැද්ද:විපක්ෂය කඹ ඇදීමක

නුගේගොඩ රැලියට යනවාද නැද්ද යන්න සම්බන්ධයෙන් විපක්ෂයේ ඇතැම් දේශපාලන පක්ෂවලට පැහැදිලි තීරණයක් මෙතෙක් ගැනීමට නොහැකි වීම හේතුවෙන් එම පක්ෂ තුළ බරපතළ මතභේදාත්මක තත්වයක් නිර්මාණය වී තිබෙන බව වාර්තාවේ.

04 November 2025

ආදායම් බදු වාර්තා 30 පෙර ඕනෑ

2024/2025 තක්සේරු වර්ෂ සඳහා ආදායම් බදු වෙනුවෙන් ලියාපදිංචි වී ඇති සියලුම තැනැත්තන් ආදායම් බදු වාර්තා මාර්ගගතව නොවැම්බර් මස 30 වන දින හෝ එදිනට පෙර භාරදීම අනිවාර්ය බව දේශීය ආදායම් දෙපාර්තමේන්තුව නිවේදනය කරයි.

04 November 2025

සීවලී මැදි විදුහලේ ශිෂ්‍ය පාර්ලිමේන්තුව ජනපති කාර්යාලයේ

රත්නපුර සීවලී මධ්‍ය මහා විද්‍යාලයේ ශිෂ්‍ය පාර්ලිමේන්තුවේ මංගල සැසිවාරය ජනාධිපති කාර්යාලයීය පැරණි පාර්ලිමේන්තු සභාගර්භයේදී අද (04) පැවැත්විණි.

04 November 2025

රාජ්‍ය නිලධාරීන්ගේ හොඳ තීන්දු ගැන ස්තුතියක් වත් නෑ

රාජ්‍ය නිලධාරීන් සත්භාවයෙන් ගන්නා තීරණ වලදී සිදුවන පාඩු ගැන රාජ්‍ය පරිපාලන චක්‍රලේඛන සහ මුදල් අමාත්‍යංශයේ රෙගුලාසි අනුව ක්‍රියා කළ යුතු බව එක්සත් ජාතික පක්ෂ සභාපති වජිර අබේවර්ධන මහතා පැවසීය.

04 November 2025

අම්බලන්ගොඩ වෙඩිතැබීමේ සිද්ධියේ මෝටර් රිය සොයාගනී

අම්බලන්ගොඩ නගර සභාව ප්‍රදේශයේදී යතුරු පැදියකින් ගමන් කරමින් සිටි මාළු ව්‍යාපාරිකයකුට වෙඩි තබා පළා ගිය මෝටර් රථය කරන්දෙණිය එගොඩවෙල ප්‍රදේශයේදී අත්අඩංගුවට ගත් බව පොලිස් මාධ්‍ය කොට්ඨාසය පවසයි.

04 November 2025

ධීවර සංස්ථාවේ හිටපු සභාපති ඇතුළු 4 දෙනාට ඇප

ලංකා ධීවර සංස්ථාවට අවශ්‍ය නොවන මොහොතක නියමිතය ප්‍රසම්පාදන ක්‍රියාවලියකින් තොරව මාළු වැකුම් කිරීමේ යන්ත්‍රයක් මිලදීගෙන රජයට රුපියල් ලක්ෂ 58 ක පාඩුවක් කළේ යැයි අත්අඩංගුවට ගෙන අධිකරණයට ඉදිරිපත් කළ එම සංස්ථාවේ හිටපු සභාපති ඇතුළු සැකකරුවන් සිව් දෙනා ඇපමත මුදා හැරීමට කොළඹ ප්‍රධාන මහේස්ත්‍රාත් අසංග එස් බෝදරගම මහතා අද (04) නියෝග කළේය.

04 November 2025

චරිත රත්වත්තේට ඇප

අග්‍රාමාත්‍ය ජ්‍යෙෂ්ඨ උපදේශකවරයකු වූ චරිත රත්වත්තේ රුපියල් ලක්ෂ 10 බැගින් වූ ශරීර ඇප දෙකක් මත මුදා හරින්නැයි කොළඹ ප්‍රධාන මහේස්ත්‍රාත් අසංග එස් බෝධරගම මහතා නියෝග කළේය.

04 November 2025

ධීවර සංස්ථාවේ හිටපු සභාපති ඇතුළු හතරක් අත්අඩංගුවට

රජයට රුපියල් 5,856,116,00 මුදලක් පාඩු කර දූෂණයක් සිදු කිරීමේ චෝදනාව මත ලංකා ධීවර සංස්ථාවේ හිටපු සභාපතිවරයකු ඇතුළු සිව් දෙනකු අත්අඩංගුවට ගත් බව අල්ලස් හෝ දූෂණ චෝදනා විමර්ශන කොමිෂන් සභාව කියයි.

04 November 2025

වතිකාන විදෙස් ඇමැති ජනපති අනුර හමුවෙයි

රටේ ආර්ථික සහ දේශපාලන ස්ථාවරත්වය ඇති කරමින් ශ්‍රී ලංකාව යළි යථා තත්ත්වයට ගෙන ඒමට ජනාධිපතිවරයා ප්‍රමුඛ රජය ගන්නා උත්සාහය බෙහෙවින් අගය කරන බව වතිකානයේ රාජ්‍ය සහ ජාත්‍යන්තර සංවිධාන සබඳතා පිළිබඳ ලේකම් පෝල් රිචඩ් ගැලගර් අගරදගුරු තුමෝ ප්‍රකාශ කළහ.

04 November 2025

අල්ලස් ගත් පී.සී අල්ලයි

කල් ඉකුත් වූ රියදුරු බලපත්‍රයක් පාවිච්චි කළ පුද්ගලයකු අධිකරණ කටයුතු වලින් තොරව මුදාහැරීමට රුපියල් 5000 ක අල්ලසක් ගත් බව කියන පොලිස් සැරයන්වරෙයක් අල්ලස් හෝ දූෂණ චෝදනා විමර්ශන කොමිෂන් සභා නිළධාරින් විසින් අත්අඩංගුවට ගනු ලැබීය.

04 November 2025

ප්‍රජා වෛද්‍ය ලොකු දොස්තරලා 80ක් පිට වැඩට දාලා

ප්‍රජා වෛද්‍ය විද්‍යාව පිළිබඳ විශේෂඥතාවය ලද නිලධාරීන් 160 දෙනකුගේ පුරප්පාඩු පැවතියදීත් එම විශේෂඥතාවය ලද වෛද්‍ය නිලධාරීන් අසූ දෙනකු වෛද්‍ය පරිපාලන තනතුරුවලට හිතුමතේ පත් කර ඇතැයි ජාතික විගණන කාර්යාලය නිකුත් කළ අලුත්ම නිවේදනයක දැක්වේ.

04 November 2025

සජිත් ඉන්දියාවට කරපු යෝජනාව

ඉන්දියාවේ සංචාරයක නිරත විපක්ෂ නායක සජිත් ප්‍රේමදාස නවදිල්ලියේ දී ඉන්දීය කර්මාන්ත සම්මේලනයේ නියෝජිතයින් හමුවී සාකච්ඡා පවත්වා ඇත

04 November 2025

ප්‍රා.ලේ නැවතුනු ගොඩනැගිලිවල වැඩ අරඹයි

දැනට ඉදිවෙමින් පවතින සහ ඉදිකිරීම් අතරමග අත්හිටුවා ඇති දිස්ත්‍රික් ලේකම් කාර්යාල සහ ප්‍රාදේශීය ලේකම් කාර්යාල ගොඩනැගිලි ඉදිකිරීම් ව්‍යාපෘති වල වැඩ නිම කිරීමට කැබිනට් අනුමැතිය ලැබී ඇත.

04 November 2025

ලංකා - උස්බෙකිස්තාන් සහයෝගිතා ගිවිසුමක්

ශ්‍රී ලංකා - උස්බෙකිස්තාන් ද්වි පාර්ශ්වික උපදේශන යාන්ත්‍රණයක් ස්ථාපිත කිරීම පිළිබඳ අවබෝධතා ගිවිසුමට අත්සන් තැබීමට කැබිනට් අනුමැතිය ලැබී ඇත.

04 November 2025

අපේ සරසවි විදෙස් සරසවි එක්ක ගිවිසුම් හතරක්

ශ්‍රී ලංකාවේ විශ්ව විද්‍යාල හා විදේශීය විශ්වවිද්‍යාල අතර අධ්‍යාපනික සහයෝගීතාව අරමුණු කර ගනිමින් අවබෝධතා ගිවිසුම් වලට එළඹීමට කැබිනට් අනුමැතිය ලැබී ඇත.

04 November 2025

නාවික හමුදාවට ජපානෙන් තෑග්ගක්

ශ්‍රී ලංකා නාවික හමුදාව වෙත චන්ද්‍රිකා සන්නිවේදන අන්තර් නිරෝධන පද්ධතියක් ලබා ගැනීම සඳහා මත්ද්‍රව්‍ය සහ අපරාධ පිළිබඳ එක්සත් ජාතීන්ගේ කාර්යාලය සමඟ අවසාන පරිශීලක සහ භාර දීමේ ගිවිසුම අත්සන් කිරීමට කැබිනට් අනුමැතිය ලැබී ඇත.

04 November 2025

සංචාරක සංවර්ධන වැඩට ආසියා සංවර්ධන බැංකුවෙන් ණය

තිරසර සංචාරක අංශ සංවර්ධන වැඩසටහන (STSDP) ක්‍රියාත්මක කිරීම සඳහා ආසියා සංවර්ධන බැංකුව සමඟ ණය ගිවිසුම් වලට එළඹීමට කැබිනට් අනුමැතිය ලැබී ඇත.

04 November 2025

මන්නාරම් දූපතේ අලුතින් සුළං විදුලි ව්‍යාපෘති බෑ

ඉදිරියේදී මන්නාරම් දූපතේ නව සුළං විදුලි ව්‍යාපෘති ක්‍රියාත්මක කිරීම අත්හිටුවීමට කැබිනට් අනුමැතිය ලැබී ඇත.

04 November 2025

පොන්නි සම්බා රටින් ගේන රෙගුලාසිය පාර්ලිමේන්තුවට

ආනයන හා අපනයන (පාලන) රෙගුලාසි පාර්ලිමේන්තුවේ අනුමැතිය සඳහා ඉදිරිපත් කිරීමට කැබිනට් අනුමැතිය ලැබී ඇත.

04 November 2025

පිරිමින්ට සීමා වූ දුම්රිය තනතුරු කීපයකට කතුන්ට අවස්ථාව

ශ්‍රී ලංකා දුම්රිය දෙපාර්තමේන්තුවේ දුම්රිය එන්ජින් රියැදුරු, දුම්රිය නියාමක, දුම්රිය ස්ථානාධිපති සහ දුම්රිය අධීක්ෂණ කළමනාකරු යන තනතුරු සඳහා කාන්තා නිලධාරීන් බඳවා ගැනීමට කැබිනට් අනුමැතිය ලැබී ඇත.

04 November 2025

විශේෂ කාර්ය බලකායට ත්‍රිරෝද රථ පනහක්

විශේෂ කාර්ය බලකාය සඳහා යතුරු පැදි 100 ක් සහ ත්‍රිරෝද රථ 50ක් මිල දී ගැනීමට කැබිනට් අනුමැතිය ලැබී ඇත.

04 November 2025