(නිමල කොඩිතුවක්කු)

පවතින මගී ප්‍රවාහන බලපත්‍ර නීත්‍යානුකූලව අලෙවි කිරීමට බස් රට හිමියන්ට අවස්ථාව හිමිකර දෙමින් දශක 3 ක කාලයක් තිස්සේ ගැටලුවක්ව පැවති මගී සේවා අවසර බලපත්‍ර නෛතිකව පවරා දීමට අදාල ගැසට්ටුව අද(6) සිට බලාත්මක කර ඇතැයි ප්‍රවාහන මහාමාර්ග සහ නාගරික සංවර්ධන අමාත්‍ය බිමල් රත්නායක මහතා පැවසීය.

මින් ඉදිරියට කිසිදු අයුරකින් අයථා ලෙස අලුතින් මගී ප්‍රවාහන බලපත්‍ර නිකුත් නොකරන බවත් ගුණාත්මක බස් රථ සේවාවක් ක්‍රියාත්මක කිරීමේ අරමුණින් මෙම පියවර ගෙන ඇති බවත් අමාත්‍යවරයා සඳහන් කළේය.

බත්තරමුල්ල කොස්වත්ත හි පිහිටි ප්‍රවාහන හා මහාමාර්ග අමාත්‍යාංශ ශ්‍රවණාගාරයේ දී පැවැති මාධ්‍ය හමුවකට එක්වෙමින් ඔහු මේ බව පැවසීය.