එසැණ පුවත්

සහරාන් සමඟ සබඳතා තිබූ අයි.එස් සාමාජිකයෙක් මාට්ටු

ශ්‍රී ලංකාවට 2019 වසරේ එල්ල වූ පාස්කු ඉරුදින ප්‍රහාරයේ මහා මොළකරු ලෙස සැලකෙන සහරාන් හෂීම් සමඟ සබඳතා පැවැත්වූ ෂෙයික් හිදයතුල්ලා නම් අයි.එස් ත්‍රස්ත සංවිධානයේ සාමාජිකයකු අත් අඩංගුවට ගැනීමට ගැනීමට ඉන්දීය ජාතික විමර්ශන ඒජන්සිය සමත්ව ඇත.

හාර්ට් ටු හාර්ට් සංවිධානයෙන් වෛද්‍ය ආධාර තොගයක්

ඇමෙරිකාවේ ශ්‍රී ලංකා තානාපති මහින්ද සමරසිංහ මහතාගේ මගපෙන්වීම යටතේ හාර්ට් ටු හාර්ට් ජාත්‍යන්තර සංවිධානය තවත් ඇමෙරිකානු ඩොලර් මිලියන 7.27 (ශ්‍රී ලංකා රුපියල් බිලියන 2.7) ක හදිසි වෛද්‍ය ආධාර තොගයක් ශ්‍රී ලංකාවට පරිත්‍යාග කළ බව ඇමෙරිකාවේ ශ්‍රී ලංකා තානාපති කාර්යාලය නිවේදනයක් නිකුත් කරමින් ප්‍රකාශ කර ඇත.

පුරන් කුඹුරු අක්කර 14000ක් රජය පවරා ගනියි

දිස්ත්‍රික් අටක පුරන් කුඹුරු අක්කර 14,000ක් 2023 දී රජයට පවරාගෙන වගා කිරීමට පියවර ගන්නා ලෙස කෘෂිකර්ම අමාත්‍ය මහින්ද අමරවීර මහතා ගොවිජන සංවර්ධන දෙපාර්තමේන්තුවට උපදෙස් දුන්නේය.

ගොවි ගිණුම් වලට අද සල්ලි වැටෙයි

ආසියා සංවර්ධන බැංකුව මෙරට සියලුම ගොවීන් වෙනුවෙන් පිරිනමන ලද රුපියල් බිලියන අටක මූදල ගොවි ගිණුම්වලටම බැර කිරීම අද( 29) නිල වශයෙන් සිදු කෙරෙන බව කෘෂිකර්ම අමාත්‍ය මහින්ද අමරවීර මහතා පැවසීය.

‘ෆයිසර්’ එන්නත් ලක්‍ෂ 60ක් අපතේ

ශ්‍රී ලාංකිකයන් කොවිඩ් මර්දන සිවුවැනි එන්නත් මාත්‍රාව නොගැනීම නිසා ෆයිසර් එන්නත් ලක්‍ෂ 60 ක් පමණ කල්ඉකුත් වූ බවත් එම එන්නත් ප්‍රමාණය වෙනත් රටකට දීමේ උත්සහය ද අසාර්ථක වූ බවත් සෞඛ්‍ය අමාත්‍ය කෙහෙළිය රඹුක්වැල්ල මහතා පැවසීය.

චීන සංචාරකයන්ට ‘කොවිඞ්’ පරීක්ෂණ අනිවාර්යයි

චීනයේ සිට පැමිණෙන සංචාරකයන් සියලු දෙනා ‘කොවිඞ් 19’ පරීක්ෂණවලට යොමුවී, ආසදිතයන් නොවන බව තහවුරු කළ යුතු යැයි ඇමෙරිකන් සෞඛ්‍ය අංශ පවසයි.

වැඩ ප්‍රමාද වී කෝටි 3300 ගෙවන්න වෙලා

ව්‍යාපෘති සඳහා ලබාදුන් ණය මුදල් නිසි කලට නිසි පරිදි ප්‍රයෝජනයට නොගැනීම නිසා ණය ලබාදුන් විදේශ ආයතනවලට බැඳීම් ගාස්තු ලෙස රුපියල් කෝටි 3300කට අධික මුදල් ගෙවිමට සිදුව ඇතැයි විගණන වාර්තාවකින් අනාවරණය වේ.

රාජ්‍ය ආයතන කෝටි 250 ක් විදුලිබලයට පොල්ල තියලා

රාජ්‍ය ආයතන විදුලිබල මණ්ඩලයට රුපියල් බිලියන 2.5 ක් හෙවත් රුපියල් කෝටි 250 කට ආසන්න විදුලි ගාස්තු ගෙවීමට ඇති බව ලංකා විදුලිබල මණ්ඩලයේ නිලධාරියෙක් පැවසීය.

සෞඛ්‍ය අමාත්‍යංශය කෝටි 4,500 ක් ණයයි

සෞඛ්‍ය අමාත්‍යංශය විවිධ පාර්ශවලට රුපියල් බිලියන 45 ක් හෙවත් රුපියල් කෝටි 4500 ක් පමණ ගෙවීමට ඇති බව සෞඛ්‍ය අමාත්‍ය කෙහෙළිය රඹුක්වැල්ල මහතා පැවසීය.

වැස්ස ගැන කලගුණ අනාවැකිය

සබරගමුව පළාතේත්, ගාල්ල, මාතර දිස්ත්‍රික්කවලත් ස්ථාන ස්වල්පයක අද (29) සවස් කාලයේ හෝ රාත්‍රී කාලයේ දී වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

ඖෂධ මිලදී ගැනීමේදී ජනාධිපති මඟහැර නෑ

මුදල් අමාත්‍යවයා වන ජනාධිපතිවරයා මඟහැර ඉන්දියානු සමාගමකින් ඖෂධ මිලදී ගැනීමට සෞඛ්‍ය අමාත්‍යවරයා කටයුතු කරන්නේ යැයි පළවූ වාර්තා සම්පූර්ණයෙන් අසත්‍ය බවත් ඉන්දීය ණය යටතේ ඖෂධ මිලදී ගැනීමට මුදල් අමාත්‍යවරයා හරහා කැබිනට් අනුමැතිය ලබාගත් බවත් සෞඛ්‍ය අමාත්‍ය කෙහෙළිය රඹුක්වැල්ල මහතා අද (28) පැවසීය.

‘‘විදුලි බිල වැඩි කළොත් විසන්ධි කිරීම්වලට යන්නේ නෑ‘‘

ජනවාරි මස සිට විදුලි ගාස්තු ඉහළ දැමීමට පියවර ගත්හොත් විදුලි බිල ගෙවීම පැහැර හරින නිවෙස්වලට විදුලි සැපයුම විසන්ධි කිරීමට විදුලිය සේවකයන් නොයන වන බව ලංකා විදුලිබල මණ්ඩල එක්සත් වෘත්තීය සමිති සන්ධානයේ කැඳවුම්කරු රංජන් ජයලාල් මහතා පැවසීය.

රට දුන්නොත් කරන දේ සජිත් කියයි

සමගි ජනබලවේගය ප්‍රමුඛ විපක්ෂයට රට බාරදෙන්නේ නම් පවතින අර්බුදයට විසදුම් ලබාදී ජීවන වියදම පහත හෙළා ජනතාවට සහන ලබාදී රට ගොඩනගන බව විපක්ෂ නායක සජිත් ප්‍රේමදාස මහතා කොළඹදී පැවසීය.

ශාෆ්ටර් ඝාතන විමර්ශන ගැන සොයන්න පොලිස්පති සී.අයි.ඩීයට

ජනශක්ති සමූහ ව්‍යාපාරයේ සභාපති දිනේෂ් ශාෆ්ටර් මහතාගේ අභිරහස් මරණය සම්බන්ධයෙන් සිදුකරන විමර්ශනවලට අදාළව එහි ප්‍රගතිය සොයා බැලීම සඳහා පොලිස්පති සි. ඩි. වික්‍රමරත්න මහතා අපරාධ පරීක්ෂණ දෙපාර්තමේන්තුව වෙත අද ගිය බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ නිහාල් තල්දූව මහතා පැවසීය.

ඔලිම්පියාඩ් තරගාවලියේදී ශ්‍රී ලංකාව ඉදිරියට

අන්තර්ජාතික ඔලිම්පියාඩ් තරගාවලි අතරින් ප්‍රධාන ස්ථානයක් හිමිවන 54 වැනි අන්තර්ජාතික රසායන විද්‍යා ඔලිම්පියාඩ් තරගාවලියේදී (2022) ශ්‍රී ලංකා කණ්ඩායම රිදී පදක්කමක් සහ ලෝකඩ පදක්කම් තුනක් දිනාගැනීමට සමත් විය.

ශ්‍රී ලංකා ක්‍රිකට් කණ්ඩායම්වලට උප නායකයෝ දෙපළක්

ඉන්දියාවේදී ලබන ජනවාරි මස 3 වැනිදා ආරම්භ වන තරග සංචාරයේදී ශ්‍රී ලංකා එක්දින පිලේ උප නායකයා ලෙස කුසල් මෙන්ඩිස් සහ විස්සයි 20 පිලේ උප නායකයා ලෙස වනිඳු හසරංග නම් කිරීමට තේරීම් කමිටුව පියවර ගෙන තිබේ.

සංස්කෘතිය රැකගන්න නිලධාරීහූ පාරට

විදුලි බිලට වෙට්ටුවක් දැමූ තරුණයා මාට්ටු

විදුලි බිල්පත් වලට 10% සිට ඉහළට විශේෂ වට්ටම් ලබා දෙන බව පවසා විවිධ තරාතිරම්වල පුද්ගලයන් මුලාකර රුපියල් කෝටි දහයකට ආසන්න මුදලක් වංචා කළ තරුණයකු කොළඹ ප්‍රදේශයේ දී අත්අඩංගුවට ගත් බව අපරාධ පරීක්ෂණ දෙපාර්තමේන්තුවේ සමාජ මාධ්‍ය අපරාධ විමර්ශන ඒකකය කියයි.

පී.සී. ත්‍රිරෝද රියැදුරාන්ගෙන් අල්ලස් ගනින්දී මාට්ටු

ත්‍රීරෝද රථ රියදුරකුගෙන් පුද්ගලයකුගෙන් රුපියල් පන්දහසක මුදලක් ලබාගත් කොස්තාපල්වරයකු අත්අඩංගුවට ගත් බව අල්ලස් හෝ දූෂණ චෝදනා විමර්ශන කොමිෂන් සභාවේ අධ්‍යක්ෂක ජේෂ්ඨ පොලිස් අධිකාරී නුවන් අසංකා මහතා පැවසීය.

සුරාබදු දෙපාර්තමේන්තුවට අලුත් ලොක්කෙක්

සුරාබදු කොමසාරිස් ජනරාල් ලෙස ජ්‍යෙෂ්ඨ පරිපාලන නිලධාරී සමන් ජයසිංහ මහතා පත් කරනු ලැබ තිබේ.

හූනෙක් පවුලක් වනසයි

නයිජීරියාවේ ඔගුන් ප්‍රාන්තයේ සය දෙනකුගෙන් යුත් පවුලක් හූනෙකු හේතුවෙන් මියගොස් තිබේ.

ඇමතිත් අඩු මිල බිත්තර ගනී

රුපියල් 55ට බිත්තර අලෙවි කිරීමේ වැඩසටහන කොළඹ සහ ගම්පහ දී අද ආරම්භ කෙරුණු අතර කෘෂිකර්ම අමාත්‍ය මහින්ද අමරවීර මහතා බත්තරමුල්ලේ දී අඩු මිල බිත්තර මල්ලක් මිලදී ගත්තේය.

ජනතාව බය කර බිල වැඩි කරන්න එපා

විදුලි බිල සම්බන්ධයෙන් ජනතාව බිය වැද්දීමට තමා එකඟ නැතැයි පාර්ලිමේන්තු මන්ත්‍රී පාඨලී චම්පික රණවක මහතා පැවසීය.

ඡන්දෙට සල්ලි දුන්නොත් ගොඩගත් ආර්ථිකයත් වතුරේ

රජයේ මාසික ආදායම රාජ්‍ය සේවක වැටුප්, විශ්‍රාම වැටුප් සහ සමෘද්ධි දීමනා ගෙවීම සඳහා පමණක් ප්‍රමාණවත් ව තිබෙන පසුබිමක් යටතේ මැතිවරණයක් තැබුවහොත් ආර්ථික අර්බුදය තවත් උග්‍ර වී රට ගොඩගත නොහැකි තත්ත්වයකට ඇද වැටෙනු ඇතැයි මුදල් අමාත්‍යංශයේ ජ්‍යෙෂ්ඨ ප්‍රකාශකයෙක් පැවසීය.

ඩුබායි සුද්දාට ඇප

විදේශ සේවා නියුක්ති කාර්යංශයේ බලපත්‍රයක් නොමැතිව පුද්ගලයන් රැකියා සඳහා විදේශ ගතකිරීමේ චෝදනාවට අත්අඩංගුවට ගත් නිශාන්ත ප්‍රියදර්ශන නොහොත් ‘ඩුබායි සුද්දා’ රුපියල් ලක්ෂය බැඟින් වූ ශරිර ඇප දෙකක් මත මුදා හරින්නැයි කඩුවෙල මහේස්ත්‍රාත් ශ්‍යාමිනී විජේබණ්ඩාර මහත්මිය නියෝග කළාය.

‘ඩුබායි සුද්දා’ අධිකරණයට

විදේශ සේවා නියුක්ති කාර්යංශයේ බලපත්‍රයක් නොමැතිව පුද්ගලයන් රැකියා සඳහා විදේශ ගතකිරීමේ චෝදනාවට අත්අඩංගුවට ගත් නිශාන්ත ප්‍රියදර්ශන නොහොත් ‘ඩුබායි සුද්දා’ නැමැත්තා අධිකරණයට ඉදිරිපත් කිරීමට මීට සුළු මොහොතකට පෙර රැගෙන ගිය බව විදේශ සේවා නියුක්ති කාර්යංශයේ උසස් නිලධාරියෙක් පැවසීය.

හොර ඔප්පු නඩුව මඟහැර සිටි නීතිඥයා මාට්ටු

කූඨ ලේඛනවලින් ව්‍යාජ ඔප්පු දෙකක් සකස් කිරීම සම්බන්ධයෙන් කළුතර මහාධිකරණයේ විභාග වන නඩුවකට පෙනී නොසිටි නීතිඥවරයකු අත්අඩංගුවට ගත්බව කළුතර විශේෂ අපරාධ විමර්ශන ඒකකය පවසයි .

බෙහෙත් වර්ග 153ක් හොයා ගන්න නෑ

සෞඛ්‍ය අමාත්‍යංශය පාවිච්චි කරන බෙහෙත් වර්ග 300 ගණනින් බෙහෙත් වර්ග 153 ක් මේ වන විට තුළ රට තුළ නොමැති නිසා හැකි ඉක්මණින් එම අඩුව පිරවීමට කටයුතු කරමින් සිටින බව සෞඛ්‍ය අමාත්‍ය කෙහෙළිය රඹුක්වැල්ල මහතා අද (28) පැවසීය.