එසැණ පුවත්

මාධ්‍ය මට්ටුකරන්න ඉඩ දෙන්නේ නෑ

මාධ්‍ය මර්දනය සඳහා රජය මගින් ගෙන ඒමට සැලසුම් කර ඇති පනත පාර්ලිමේන්තුවේ දී සම්මත කර ගැනීමට කිසිසේත් ඉඩ ලබානොදන බව ජාතික ජන බලවේගයේ නායක අනුර කුමාර දිසානායක මහතා පැවසීය.

12 June 2023

ජූඩ් සමන්තට සමාව දෙන්නැයි හිමිවරු-රදගුරු ජනපති අයැදලා

රෝයල් පාර්ක් හි තරුණියක මරා දැමීමේ සිද්ධිය සම්බන්ධයෙන් වරදකරු වී, මරණ දඬුවම නියමව සිටි ජූඩ් ශ්‍රාමන්ත නමැත්තාට ජනාධිපති සමාව ප්‍රදානය කරන ලෙස අතුරලියේ රතන හිමි, හිටපු පාර්ලිමේන්තු මන්ත්‍රීවරුන් වන බද්දේගගම සමිත හිමි සහ සරත් කොස්ගහගේ මහතා ඇතුළු පිරිසක් ජනාධිපති මෛත්‍රීපාල සිරිසේන මහතා මුණගැසී අයැද සිටි බව ජනාධිපති සහකාර ලේකම්වරයකු ඉදිරිපත් කළ ලිපියක් මගින් ශ්‍රේෂ්ඨාධිකරණය හමුවේ අනාවරණය විය.

12 June 2023

සිල්වියෝ බර්ලුස්කෝනි සමුගනී

ඉතාලියේ හිටපු අග්‍රාමිත්‍යවරයෙක් වූ සිල්වියෝ බර්ලුස්කෝනි අද(12) දා මිලානෝ සන් රෆේල් රෝහලේ දී මියගියේය.

12 June 2023

ඉතාලි පොසොන් දන්සලින්

පොසොන් පුර පසළොස්වක පොහොය දින නිමිති කරමින් මිලානෝ රෝ නගරයේ පිහිටි MAK restaurant අධිපතිනියන් වන මිනෝලි ප්‍රනාන්දු හා අප්සරා හේරත් මහත්මියගේ පුද්ගලික මුදලින් හා එම කාර්ය මණ්ඩලය සහයෝගයෙන් ප්‍රථම වරට බුරියානී දන් සැලක් පැවැත්විණි.

12 June 2023

රජරට වකුගඩු රෝහලට අසාධ්‍යයයි

පොලොන්නරුව ජාතික වකුගඩු රෝහලට ප්‍රතිකාර ලබා ගැනීමට පැමිණෙන රෝගීන්ට ප්‍රමාණවත් තරම් ඖෂධ නොමැතිකමින් තමන් දැඩි අසරණ තත්ත්වයකට පත්ව ඇතැයි වකුගඩු රෝගීහු පවසති.

12 June 2023

ආසියාවේ විශිෂ්ඨ විද්‍යාඥයන් 100 අතරට අපේ සිවු දෙනෙක්

ලොව සුප්‍රකට ‘ඒෂියන් සයන්ටිස්’ සඟරාව, මෙම 2023 වසරේ විශිෂ්ඨතම ආසියානු විද්‍යාඥයන් 100 දෙනා නම් කර ඇති අතර, ඊට ශ්‍රී ලාංකිකයන් සිවු දෙනකු ඇතුළත්ය.

12 June 2023

වලවේ ගඟේ කිඹුලා විශ්‍රාමික ගුරුමව ඩැහැ ගනී

අම්බලන්තොට පුහුල්යාය ප්‍රදේශයේදී වලව ගඟේ දිය නාද්දී කිඹුලකු විශ්‍රාමික ගුරුවරියක ඩැහැගෙන ගොස් ඇතැයි අම්බලන්තොට පොලීසිය කියයි.

12 June 2023

කළුතර ලාදුරු රෝගීන් වැඩි වීමක්

කළුතර දිස්ත්‍රික්කයේ ලාදුරු රෝගීන්ගේ වර්ධනයක් පෙන්නුම් කර ඇතැයි කළුතර ජ්‍යෙෂ්ඨ සෞඛ්‍ය නිලධාරියෙක් පැවැසීය.

12 June 2023

ටොනාඩෝවකින් බෝට්ටු කර්මාන්ත ශාලාවට හානි

හදිසියේ පැමිණි තද සුලං සහිත ටොනේඩෝවකට අසුව කළුතර නාගොඩ නාගොඩ කර්මාන්ත පුරයේ පිහිටි බෝට්ටු කර්මාන්ත ශාලාවකට දැඩි හානි සිදුව අවට නිවාස හතරකටත් සුළු හානි සිදුව ඇතැයි ප්‍රාදේශීය ලේකම් කාර්යාලය කියයි,

12 June 2023

අමරකීර්ති ඝාතනය විභාගයට ත්‍රිපුද්ගල විනිසුරු මඩුල්ලක්

පාර්ලිමෙන්තු මන්ත්‍රී අමරකීර්තී අතුකෝරල මහතා සහ ඔහුගේ ආරක්‍ෂක නිලධාරියාට පහරදී ඝාතනය කළ බවට විත්තිකරුවන් 42 දෙනෙකුට එරෙහිව පවරා ඇති නඩුව විභාග කිරීම සඳහා අගවිනිසුරු ජයන්ත ජයසුරියය මහතා විසින් ත්‍රිපුද්ගල මහාධිකරණ විනිසුරු මඩුල්ලක් පත් කරන ලදී.

12 June 2023

මාරු ලද ගුරුවරුන්ගෙන් මැසිවිලි

විධිමත් ස්ථානමාරු ලබා සිටින ගුරුවරුන් අනිවාර්යෙන්ම නව සේවා ස්ථානවලට වාර්තා කළ යුතු බව අධ්‍යාපන අමාත්‍යංශය නියෝග කර තිබියදී කොළඹ ජනප්‍රිය පාසල්වල ගුරුවරුන් වැඩි පිරිසක් එම නියෝගය කඩකර ඇතැයි වාර්තා වේ.

12 June 2023

හමුදාවේ මඩකලපුවේ තිබූ ඉඩම් බාරදෙයි

මඩකලපුවල චිට්ටන්ඩි ප්‍රදේශයේ යුද හමුදා භට පිරිස් මෙහෙයුම් අවශ්‍යතා සඳහා මෙතෙක් භාවිතා කළ අක්කර 8.6 ක ඉඩම නිදහස් කර නැවත රජයට බාර දුන් බව යුද හමුදාව පවසයි.

12 June 2023

කොළඹ ප්‍රදේශ කිහිපයකට පැය 20 ක ජල කප්පාදුවක්

හදිසි නඩත්තු කටයුත්තක් හේතුවෙන් කොළඹ ප්‍රදේශ කිහිපයකට හෙට (13) දිනයේ පැය 20 ක කාලයක් සඳහා ජල සැපයුම අත්හිටුවන බව ජාතික ජලසම්පාදන හා ජලප්‍රවාහන මණ්ඩලය නිවේදනය කරයි.

12 June 2023

මීගොඩ වෙඩි තැබීමේ සිද්ධිය සැකකරුවන් රඳවා ගන්න අවසර

බත්තරමුල්ල සමූපාකාර රක්ෂණ සමාගමේ හිටපු උපසභාපතිවරයාට වෙඩි තබා තුවාල කිරීමේ සිද්ධියට අදාලව මීගොඩ පොලිසිය අත්අඩංගුවට ගත් එම රක්ෂණ සමාගමේ මාතර ශාඛාවේ සභපතිවරයා ඇතුළු සැකකරුවන් සිව් දෙනකු පැය 48ක රැඳවුම් නියෝග මත රඳවා තබාගෙන ප්‍රශ්න කිරීමට හෝමාගම මහේස්ත්‍රාත් නිලුපුලි ලංකාපුර මෙනෙවිය අද අවසර දුන්නාය.

12 June 2023

පුරාවිද්‍යා අධ්‍යක්ෂ ඉල්ලා අස්වෙයි

පුරාවිද්‍යා දෙපාර්තමේන්තුවේ අධ්‍යක්ෂ ජනරාල් මහාචාර්ය අනුර මනතුංග මහතා එම තනතුරින් ඉල්ලා අස්විය.

12 June 2023

පොලිසිය වරෙන්තුකරුට වෙඩි තබා අල්ලයි

වරෙන්තුකරුවකු අල්ලා ගැනීමට ගිය ඌරගස්මන්හන්දිය පොලිසියේ නිලධාරින් සමග පොර බදා පැන යාමට උත්සහා කළ අවස්ථාවේ වෙඩි තබා අත්අඩංගුවට ගත් බව පොලිසිය කියයි.

12 June 2023

සදාචාරයක් නැති මාධ්‍ය විකාශන පනතට බිය විය යුතුයි

විකාශන අධිකාරි පනතට සදාචාරාත්මක නොවන අයුරින් මාධ්‍ය හසුරුවන ආයතන බිය විය යුතු බව ජනාධිපති පාර්ලිමේන්තු කටයුතු ලේකම් මහාචාර්ය ආශු මාරසිංහ මහතා පැවසීය.

12 June 2023

පොළොන්නරුවේ ගොවීන්ට පොහොර ගැන සුබ ආරංචියක්

පොලොන්නරුවේ ගොවීන්ට යුරියා පොහොර මිල දී ගැනීම සඳහා ලබා දී ඇති වවුචර්පත් වලට හෙට (13) සිට එම පොහොර මිල දී ගතහැකි බව රජයට අයත් පොහොර සමාගම් දෙකෙහි සභාපති ආචාර්ය ජගත් පෙරේරා මහතා පවසයි.

12 June 2023

නිදහස සභාවෙන් අලුත් සන්ධානයක්

අසංවේදී අන්තනෝමතික වික්‍රමසිංහ ජනාධිපතිවරයාගේ ආණ්ඩුව පරාජය කිරීමට විපක්ෂයේ පළල්ම දේශපාලන සන්ධානය ගොඩනැගීම සඳහා සමගි ජන බලවේගය ජාතික ජන බලවේගය පක්ෂ ඇතුළු විපක්ෂයේ ලොකු කුඩා සියලු දේශපාලන පක්ෂ සමඟ ළගදීම සාකච්ඡා කරන බව නිදහස් ජනතා සභාවේ නායක පාර්ලිමේන්තු මන්ත්‍රී ඩලස් අලහප්පෙරුම මහතා පැවසීය.

12 June 2023

අධ්‍යාපන ආයතනයක ලොක්කෙක් ගැන ලොකු විමර්ශනයක්

අධ්‍යාපනයට සම්බන්ධ ජාතික ආයතනයක ඉහළ තනතුරකට ව්‍යාජ අධ්‍යාපන සහතික ඉදිරිපත් කර පත්ව ඇතැයි පැවසෙන උසස් නිලධාරියකු සම්බන්ධයෙන් විගණන අංශ විශේෂ විමර්ශනයක් අරඹා ඇතැයි වාර්තා වේ.

12 June 2023

පතල් බලපත්‍ර දීමේදී බරපතළ දූෂණ රැසක්

භූ විද්‍යා හා පතල් කාර්යාංශය නිකුත් කළ බලපත්‍ර නිසි ක්‍රමවේදයකින් තොරව අන්තනෝමතික ලෙස අවලංගු කිරීමෙන් විවිධ බරපතළ මට්ටමේ අක්‍රමිකතා සිදුව ඇති බව පොදු ව්‍යාපාර පිළිබඳ පාර්ලිමේන්තු කාරක සභාවේදී (කෝප් කමිටුව) තොරතුරු අනාවරණයවී ඇත .

12 June 2023

කතරගම සියලු පාසල් 19 වැනිදා සිට වහයි

ඓතිහාසික රුහුණු මහා කතරගම දේවාලයේ වාර්ෂිකව පවත්වනු ලබන ඇසළ පෙරහැර මංගල්‍යය නිමිත්තෙන් කතරගම ඇති සියලු පාසල් මෙම මස 19 දින සිට වසා දැමීමට තීරණය කොට ඇතැයි තණමල්විල කලාප අධ්‍යාපන අධ්‍යක්ෂක බුද්ධික කරුණාදාස මහතා පැවසීය.

12 June 2023

බදු සහන දෙන හැටි ගැන රජය සාකච්ඡා අරඹයි

ජනතාවට බදු සහන ලබා දෙන්නේ කෙසේදැයි මේ දිනවල රජය සාකච්ඡා කරමින් සිටින බව නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පැවසීය .

12 June 2023

එක් දරු මව ගෙල කපා මරලා

ඉදුරුව ඇටවලවත්ත ප්‍රදේශයේ නිවසක තියුණු ආයුධයකින් කපා කොටා ඝාතනය කළ කාන්තාවකගේ මළ සිරුරක් අද (12)උදේ සොයා ගත් බව කොස්ගොඩ පොලීසිය කියයි.

12 June 2023

රිය අනතුරින් එකම පවුලේ 3ක් මරුට

කොළඹ කුරුණෑගල ප්‍රධාන මාර්ගයේ තුල්හිරිය ප්‍රදේශයේදී අද (12) ටිපර් රථයක් හා ත්‍රීරෝද රථයක් මුහුණට මුහුණ ගැටී සිදුවූ අනතුරකින් එකම පවුලේ තිදෙනකු මිය ගොස් ඇති බව වරකාපොල පොලිසිය පවසයි .

12 June 2023

සිසුන්ට මත්කරල් විකිණු අයෙක්ට වැඩ වරදී

කළුතර ප්‍රදේශයේ උපකාරක පංති වල සිසුන් ඉලක්ක කර ගනිමින් මත්කරල් අලෙවි කළ පුද්ගලයෙක් අත්අඩංගුවට ගත්බව කළුතර කොට්ඨාස අපරාධ විමර්ශන ඒකකය පවසයි .

12 June 2023

සාපෙළ සිසුන්ගේ විනෝද චාරිකාව මළගමක් වේ

පෞද්ගලික උපකාරක පන්ති සිසු සිසුවියන් පිරිසක් සමඟ විනෝද චාරිකාවකට ගොස් සිටි මාදම්පේ පනිරෙන්ඩාව ප්‍රදේශයේ පදිංචි අවුරුදු 17 ක් වයසැති සිසුවකු ලග්ගල තෝරපිටිය වැවේ නෑමට ගොස් දියේ ගිලී මිය ගොස් ඇතැයි ලග්ගල පොලිසිය පවසයි.

12 June 2023

මුහුදුබඩ මාර්ගයේ දුම්රිය ප්‍රමාදයක්

මුහුදුබඩ දුම්රිය මාර්ගයේ මේ වන විට දුම්රිය ප්‍රමාදයක් පවතී.

12 June 2023