එසැණ පුවත්

ටිරාන් - දේශබන්දු ගැන පොලිසියෙන් විමර්ශනයක්

කොළඹ මහා අධිකරණ භූමියේදී නදුන් චින්තක වික්‍රමරත්න නොහොත් හරක් කටා නැමැත්තා විසින් හිටපු අමාත්‍ය ටිරාන් අලස් සහ අනිවාර්ය නිවාඩු යවා සිටින පොලිස්පති දේශබන්දු තෙන්නකෝන් සම්බන්ධයෙන් කළ ආන්දෝලනාත්මක ප්‍රකාශය සම්බන්ධයෙන් විමර්ශනයක් ආරම්භ කර ඇති බව පොලිස් මූලස්ථානය පවසයි.

ලැප්ටොප් හොරෙක් යක්කලින් අල්ලයි

දිවා හා රාත්‍රී කාලයේදී නිවෙස්වලට හොර රහසේ ලෙස ඇතුලුවීෙ ලැප්ටොප් පරිගණක සහ ජංගම දුරකථන සොරා ගෙන , මුහුණු පොත ඔස්සේ දැන්වීම් පළකොට ඒවා අලෙවි කළ බව කියන තරුණයකු අත් අඩංගුවට ගත් බව යක්කල පොලීසිය සදහන් කරයි.

ඇප කොන්දේසි නැතිව ඉඩම් ගොඩකිරීමේ හිටපු සභාපති බන්ධනාගාරට

රුපියල් ලක්ෂ 276ක් රජයට පාඩු කළේ යැයි කියන සිද්ධිය සම්බන්ධයෙන් ඇප ලැබූ ඉඩම් ගොඩකිරීමේ හා සංවර්ධණය කිරීමේ සංස්ථාවේ හිටපු සභාපති ලියන ආරච්චිගේ ප්‍රසාද් හර්ෂණද සිල්වා ඇප කොන්දේසි සම්පූර්ණ නොකිරීම හේතුවෙන් බන්ධනාගාරය වෙත රැගෙන ගියේය.

ජනපති කාර්යාලයේ සැප වාහන 17ක් විකිණේ

ජනාධිපති කාර්යාලය සතු සුඛෝපභෝගී වාහන අලෙවි කිරීමේ දෙවෙනි අදියර යටතේ සුඛෝපභෝගී වාහන සහ භාවිතයෙන් ඉවත් කර ඇති වාහන 26ක් අලෙවි කිරීමට අදාළ වෙන්දේසිය අද (15) පැවැත්විණි.

ජුනි 10 තෙක් ලුණු ආනයනයට අවසර

ආනයන සීමා ලිහිල් කරමින් ලුණු ආනයනය කිරීම සඳහා අවසර ලබා දීමට අද දින රැස් වූ කැබිනට් මණ්ඩලය තීරණය කොට ඇත.

තෙලිකඩ කසිප්පු පොළේ වෙඩි තැබීමක්

කසිප්පු වැටලිමකට ගිය තෙලිකඩ පොලිසියේ සැරයන්වරයකුට කසිප්පු පොලේ සිටි පුද්ගලයකු කඩුවකින් රැගෙන සැරයන් වරයාකු පසු පස පන්නද්දී පොලිසිය එල්ල කළ වෙඩි පහරකින් තුවල කරාපිටිය රෝහලට ඇතුළත් කළ තෙලිකඩ පොලිසිය පවසයි.

ආසියානු ජාතික ඵලදායිතා සම්මානය ජනක රත්නකුමාර

ජාතික ඵලදායිතා සම්මාන තරගාවලිය 2025/26 ප්‍රකාශයට පත් කිරීමේ සමාරම්භක අවස්ථාව කොළඹ අරලියගහ මන්දිරයේදී අද (15) පැවැත්විණි.

මාධ්‍ය සංවිධාන 21ක් මාධ්‍ය ඇමති හමුවෙයි

වවුනියාවේ බලය අල්ලන්න දෙමළ පක්ෂ දෙකක් එක් වෙති

ප්‍රජාතන්ත්‍රවාදී දෙමළ ජනතා සන්ධානය (ජනනායක තමිල් තේසිය කූටනි) සහ ඉලංගෙයි තමිල් අරසුකච්චි පක්ෂය එක්ව වවුනියාව දිස්ත්‍රික්කයේ පළාත් පාලන ආයතනයන් හි බලය පිහිටුවන බව ඉලංගෙයි තමිල් අරසුකච්චි පක්ෂයේ වන්නි දිස්ත්‍රික් පාර්ලිමේන්තු මන්ත්‍රී වෛද්‍ය පි.සත්‍යලිංගම් මහතා පැවසීය.

සිරිපුර බාල පොහොර ජාවාරමාට අයත් තවත් පොහොර ලොරියක් අල්ලයි

පොලොන්නරුව සිරිපුර බාල පොහොර ජාවාරම්කරුට අයත් බව කියන තවත් බාල පොහොර පටවා ගත් ලොරියක් දෙහිඅත්තකණ්ඩිය මැදගම ප්‍රදේශයේ සඟවා තිබ්යදි අද සවස සොයා ගත් බව දෙහිඅත්තකණ්ඩිය පොලිසිය කියයි.

පුංචි ආණ්ඩුවල දූෂණ මඩින්න විමර්ශන ඒකක

පළාත් පාලන ආයතන වල දූෂණ හා අක්‍රමිකතා මැඩීම සඳහා විමර්ශන ඒකක පිහිටුවීම සඳහා ජනාධිපති අනුර කුමාර දිසානායක මහතා අනුමැතිය ලබා දුන්නේය.

තරුණ කටයුතු නි.ඇමැති - කලාකරු හමුවක්

ජාතික තරුණ සේවා සභාවෙන් බිහි වූ ප්‍රවීණ කලාකරුවන් හා තරුණ කටයුතු නියෝජ්‍ය අමාත්‍ය එරංග ගුණසේකර මහතා අතර හමුවක් ජාතික තරුණ සේවා සභාවේ දී අද (15) සිදුවිය.

සරසවි සිසුවියකගේ නිරුවත් ඡායාරූප විකිණූ සිසුවෙකුට දඩ

විශ්ව විද්‍යාල ශිෂ්‍යාවකගේ නිරුවත් ඡායාරූපයක් තවත් විශ්ව විද්‍යාල සිසුවෙකුගෙ ඉල්ලීම පරිදි රුපියල් 500ක මුදලකට වට්ස්ඇප් වෙත යොමුකළ ශිෂ්‍යයෙකුට රුපියල් 5000 දඩයක් කොළඹ ප්‍රධාන මහේස්ත්‍රාත් තනූජා ලක්මාලි මහත්මිය අද (15) නියම කළාය.

අධිකරණ අමාත්‍යාංශයේ සැප වාහනත් වෙන්දේසි කරන්න යයි

අධිකරණ සහ ජාතික ඒකාබද්ධතා අමාත්‍යාංශයට අයත් ඉන්ධන කාර්යක්ෂමතාවය අවම සහ නඩත්තු වියදම් අධික සුඛෝපභෝගී වාහන මිල ගණන් කැඳවා වෙන්දේසි කිරීමට සැලසුම් කර ඇතැයි අමාත්‍යාංශය පවසයි.

ඉඩම් ගොඩකිරීම් සංස්ථාවේ හිටපු සභාපතිට ඇප

වේර්න්ස් ගඟ ව්‍යාපෘතියේ පළමු අදියර විවෘත කිරීමේ උත්සව කටයුතු සදහා රජයෙන් මුදල් වෙන්කර නොතිබියඳී භාතිය ජයකොඩි නමැති අයගේ ආයතනයකට එම කටයුතු භාර දෙමින් රුපියල් ලක්ෂ 276ක් රජයට පාඩු කළේ යැයි කියන ඉඩම් ගොඩකිරීමේ හා සංවර්ධණය කිරීමෙ සංස්ථාවේ හිටපු සභාපති ඇපමත මුදා හැරීමට කොළඹ ප්‍රධාන මහේස්ත්‍රාත් තනූජා ලක්මාලි මහත්මිය අද නියෝග කළාය.

රට යන අපේ තානාපතිවරුන්ට ජනපතිගෙන් දෙසුමක්

ශ්‍රී ලංකාවේ සිදුව තිබෙන දේශපාලනික පරිවර්තනය පිළිබඳ පණිවිඩය ජාත්‍යන්තරයට ගෙන යාම හා ජාත්‍යන්තරය හමුවේ ශ්‍රී ලංකාවේ ප්‍රතිරූපය ඔසවා තැබීම තානාපතිවරුන් සතු වගකීමක් බව ජනාධිපති අනුර කුමාර දිසානායක මහතා ප්‍රකාශ කළේය.

කොළඹ ජාතික රෝහලේ පිරිසිදු කිරීමේ ටෙන්ඩරය පිටපාරේ

කොළඹ ජාතික රෝහලේ පිරිසිදු කිරීමේ කොන්ත්‍රාත්තුව තාක්‍ෂණික ඇගයීම් කමිටුවේ අනුමැතිය නොමැතිව අවම සුදුසුකම් ලැබූ ටෙන්ඩර් මණ්ඩලයේ ඇතැම් සාමාජිකයන්ගේ හිතමිතුරු සමාගමකට ප්‍රදානය කිරීමට සූදානම් වන බව එම රෝහලේ වෘත්තීය සමිති චෝදනා කරයි.

ආබාධිත ප්‍රජාවට ඡන්දවලදී කෝටාවක්

ආබාධිත ප්‍රජාවට බලපාන ප්‍රධාන ගැටලු පිළිබඳව ආබාධ සහිත තැනැත්තන් සඳහා වන පාර්ලිමේන්තු සංසදය ආබාධිත සහිත කණ්ඩායම්වල නියෝජිතයන් සමඟ සාකච්ඡා කළේය

තානාපතිවරු හත් දෙනෙක් අක්තපත්‍ර බාර දෙති

ශ්‍රී ලංකාවට අලුතින් පත්ව සිටින තානාපතිවරු හත් දෙනෙක් අද (15) පෙරවරුවේ ජනාධිපති කාර්යාලයේදී ජනාධිපති අනුර කුමාර දිසානායක මහතා වෙත නිල වශයෙන් සිය අක්තපත්‍ර බාර දුන්හ.

සිසුවා සිසුවාගේ ගෙල කපා තුවාල කරලා

පුල්මුඩේ විදුහලක ඉගෙනුම ලබන සිසුවෙකු අද (15) එම පාසලේම 11ශ්‍රේණියේ ඉගෙනුම ලබන සිසුවෙකුගේ ගෙල තියූණු ආයූධයකින් කපා බරපතල තුවාල සිදුකර ඇතැයි පුල්මුඩේ පොලිසිය කියයි .

මහින්දානන්දගේ ඉල්ලූ ඇපයට කරුණු කියන්න දින දෙයි

ව්‍යාධිජනක ශුද්‍රජීවීන් හා අහිතකර බැක්ටීරියා අඩංගු කාබනික පොහොර නැවක් ආනයනයට නීත්‍යානුකූල අනුමැතිය ලැබීමට පෙර ණයවර ලිපි විවෘත කිරීමෙන් රජයට රුපියල් කෝටි 130කට අධික පාඩුවක් සිදු කලේ යැයි කියන සිද්ධිය සම්බන්ධයෙන් අත් අඩංගුවට ගැනීමට පෙර අපේක්ෂිත ඇප ඉල්ලා සිටි හිටපු ඇමති මහින්දානන්ද අලුත්ගමගේ මහතා ගොනුකළ පෙත්සමට ලබන (19)සඳුදා කරුණු ඉදිරිපත් කරන්නැයි කොළඹ ප්‍රධාන මහේස්ත්‍රාත් තනූජා ලක්මාලි මහත්මිය අල්ලස් කොමිසමට අද දන්වා සිටියාය.

සාපෙළ ප්‍රයෝගික පරීක්ෂණවලට දින දෙයි

අධ්‍යාපන පොදු සහතික පත්‍ර සාමාන්‍ය පෙළ විභාගයේ සෞන්දර්ය විෂය ප්‍රායෝගික පරීක්ෂණ මැයි 21 වනදා සිට 31 වනදා පැවැත්වෙන බව විභාග දෙපාර්තමේන්තුව පවසයි.

පාර්ලිමේන්තුවේ පක්ෂ නායකයෝ හෙට රැස්වෙති

පාර්ලිමේන්තු පක්ෂ නායකයන්ගේ රැස්වීමක් කතානායක වෛද්‍ය ජගත් වික්‍රමරත්න මහතාගේ ප්‍රධානත්වයෙන් හෙට (16) පැවැත්වේ.

නීතියට පිටුපාන පොලිස් නිලධාරීන්ට වැඩ වරදී

මාර්ග අනතුරු අවම කිරීමට තවත් දැඩි නීති ගෙන එන බව මහජන ආරක්ෂක අමාත්‍ය ආනන්ද විජේපාල මහතා පැවසීය.

’’මන්ත්‍රීවරුන් සතියක් ඇතුළත නම් කරන්න’’

පළාත් පාලන ආයතන සඳහා පත් කරන සභිකයන්ගේ තොරතුරු මේ සතිය ඇතුළත භාර දෙන ලෙස මැතිවරණ කොමිෂන් සභාව සියලුම දේශපාලන පක්ෂ සහ ස්වාධීන කණ්ඩායම් වලට දැනුම් ඇත.

මේ වසරේ රිය අනතුරුවලින් 965ක් මරුට

ජනවාරි මස සිට මේ දක්වා කාලය තුළ රිය අනතුරු 1842ක් වාර්තා වී ඇති අතර එම අනතුරුවලින් 965 දෙනෙකු මියගොස් ඇති බව පොලිස් මූලස්ථානය පවසයි.

සපුගස්කන්ද රන් බඩු කොල්ලයට අයෙක් සැකපිට

සපුගස්කන්ද ප්‍රදේශයේදී ගිනි අවි පෙන්වා බියවද්දා රුපියල් දෙකෝටි දහඅට ලක්ෂයකට අධික වටිනාකමින් යුතු රන් භාණ්ඩ හා මුදල් කොල්ලකෑමේ සිද්ධියට අදාළ සැකකරුවෙකු අත්අඩංගුවට ගත් බව බස්නාහිර පළාත උතුර අපරාධ කොට්ඨාසය පවසයි.

පතල්කරුවන්ට රක්ෂණයක්

පතල් කර්මාන්තයේ නිරත කාර්මිකයින් සඳහා වාර්ෂිකව අලුත් කළ හැකි හදිසි අනතුරු රක්ෂණ ක්‍රමවේදයක් ක්‍රියාත්මක කිරීමට කෘෂිකාර්මික හා ගොවිජන රක්ෂණ මණ්ඩලය තීරණය කර තිබේ.