විශේෂාංග

දූෂණ විරෝධී සටන් උපරිමයට

දූෂණය මුලිනුපුටා දැමීම ජාතික ජන බලවේගය මැතිවරණ ප්‍රකාශනය වන “සමෘද්ධිමත් ජාතියක්, සුන්දර ජීවිතයක්” හි ප්‍රධාන ඉලක්කයකි. පෙර ආණ්ඩු විසින් සිදු කරන ලද දූෂණ හෙළිදරව් කිරීම සම්බන්ධයෙන් එම පක්ෂයට ඔප්පු කළ හැකි වාර්තාවක් තිබූ අතර, පක්ෂ නායක අනුර කුමාර දිසානායක, තමාගේම වූ නමක් දිනා ගැනීමට සමත් වූයේ වසර ගණනාවක් තිස්සේ දූෂණයට එරෙහිව සටන් කිරීමෙනි.

10 June 2025

මේ කාලෙ නිර්මාණ පෙණ බුබුළු වගේ

වෙසක් පුන් පොහෝ දිනය තරමටම පොසොන් පුන් පොහෝ දිනය ශ්‍රී ලාංකික අපට වැදගත් වන්නේ පොසොන් පෝදා සිදුවූ මිහිදු මහ රහතන් වහන්සේගේ වැඩමවීමේ ඓතිහාසික සිදුවීම නිසාය. එම ඓතිහාසික සිදුවීම මෙරට සාහිත්‍යය, ලේඛනය, ජන ජීවිතය ඇතුළු ලාංකික සභ්‍යත්වයේ ද ආරම්භය විය. අදට යෙදී ඇති පොසොන් පුන් පොහෝ දිනයේ අප යළි යළි සිහිපත් කළ යුත්තේ බුදු දහමින් අප ලද දායාදයේ අර්ථාන්විතභාවය වඩාත් නිවැරැදි ලෙස මතු අනාගතයටද රැගෙන යා යුතු අන්දමය.

10 June 2025

ධර්ම දායාදයට බුද්ධ චරිතයෙන් දුන් ආදර්ශ

තථාගතයන් වහන්සේගේ උපත සිදු වූ භාරතීය සමාජයේ තත්කාලීන තත්වය පිළිබඳ සොයා බැලීමේදී විවිධ දර්ශනවාද ගෙන හැර දක්වන ලද විවිධ ශාස්තෘවරුන් පිළිබඳ අසන්නට ලැබේ. එම ඉගැන්වීම් අනුගමනය කරන්නෝ ද බොහෝය. එම ශාස්තෘවරුන් බොහෝ වයස්ගත වූවෝ වෙති. සංඝ ගණ, ගණාචරියෝ, ඤාතෝ ආදී වශයෙන් ඔවුන් පිළිබඳ හඳුන්වා දී ඇති අතර සිද්ධාර්ථ ගෞතමයන් වහන්සේගේ පහළ වීම මෙම දර්ශනවාද නිසා මානසිකව පීඩාවට පත්ව සිටි බොහෝ දෙනාට මහත් සහනයක් වූ බව ප්‍රකට කරුණකි.

10 June 2025

​මහින්දාගමනයේ දේශපාලනික සංස්කෘතික බලපෑම

ශ්‍රී ලංකාවට මිහිදු මහ රහතන් වහන්සේගේ වැඩමවීම සිදුවන්නේ ඉන්දියාව පසුබිම් කරගෙනය. එයින් පැහැදිලි වන්නේ ශ්‍රී ලංකාව අද මෙන්ම එදාත් ඉන්දියාව ඇතුළු රටවල වැඩි අවධානයට ලක් වූ රාජ්‍යයක් ව පැවැති බවය. ලංකාවේ භූමි පිහිටීම එම වැදගත්කමට විශේෂයෙන්ම බලපාන්නට ඇත.

10 June 2025

ඩ්‍රෝන ජාතික ආරක්ෂාවට තර්ජනයක්ද?

රුසියාව අභ්‍යන්තරයේ පිහිටි ගුවන් හමුදා කඳවුරුවල තිබූ විවිධාකාරයේ උපාය මාර්ගික ගුවන් යානාවලට යුක්රේනය එල්ල කළ අභීත ඩ්‍රෝන ප්‍රහාරයෙන් නූතන යුද්ධෝපායන් වෙනස් වී ඇති බවට ප්‍රතික්ෂේප කළ නොහැකි තියුණු සාක්ෂියත් ඉදිරිපත් වෙයි.

09 June 2025

ආර්ථිකයේ ගමන්මග නිවැරැදිද?

ආර්ථික අර්බුදයෙන් පසු ක්‍රමිකව යථාතත්වයට පත්වෙමින් තිබෙන ශ්‍රී ලංකා ආර්ථීකය නිවැරැදි මාවතක ගමන් කරන්නේ ද යන්න සම්බන්ධයෙන් ආර්ථීක විශ්ලේෂකයෝ සහ මහජනතාව නිරන්තරයෙන් අවධානයෙන් සිටිති. විශේෂයෙන් ජාත්‍යන්තර මූල්‍ය අරමුදලේ විස්තීර්ණ ණය වැඩසටහන ඔස්සේ ආර්ථිකය නැවත සාමාන්‍ය තත්වයට පත් කිරීමට අවශ්‍ය ක්‍රියාමාර්ග ගණනාවක් පසුගිය රජය මෙන් ම නව රජය විසින් ද ක්‍රියාවට නංවනු ලබමින් සිටියි.

09 June 2025

පරිත්‍යාගය, සාමය, සහජීවනය මුල් කොටගත් හජ් උත්සවය

ලොව පුරා වෙසෙන ඉස්ලාම් ධර්මය අනුගමනය කරන බැතිමතුන් අනිවාර්යයෙන් ඉටු කළ යුතු ප්‍රධාන වගකීම් පහ අතුරින් අවසන් වගකීම ලෙස හජ් වන්දනය සඳහන් කර තිබේ. එසේ වුවද හජ් වන්දනය ඉටු කිරීම අනිවාර්ය වෙන්නේ ඒ සඳහා අවශ්‍ය සම්පත් සහ ශරීර සෞඛ්‍යය ඇති අයට පමණි.

07 June 2025

මානව හිමිකම් අභියෝග

මානව හිමිකම් පිළිබඳ එක්සත් ජාතීන්ගේ මහ කොමසාරිස් වොල්ක ටූර්ක් (ෆොල්කා ටූර්ක් යනුවෙන්ද මේ නම ශබ්ද කෙරේ) මේ මස 26 වැනිදා ශ්‍රී ලංකාවේ සංචාරයක් කිරීමට නියමිතය.

07 June 2025

සත්ව සංගණනයට මොකද වුණේ?

කිසිම වගාවක් බේරගන්න බෑ වල් ඌරො, ඉත්තෑවෝ, රිළව්, වදුරො, මොනරු නිසා. කොච්චර පරිස්සම් කළත් කොහොම හරි ඇවිල්ලා කාලා යනවා. මඤ්ඤොක්කා අලත් කඩෙන් ගන්න වෙලා. වස විස නැතුව දරුවන්ට දෙන්න ඕන හින්දා පලතුරු වැව්වට දැන් පලතුරු ගන්න වෙලා තියෙන්නෙත් කඩෙන්.

06 June 2025

අධ්‍යාපනයේ උත්තර නැති පරණ ප්‍රශ්න

කොතලාවල විශ්වවිද්‍යාලයයේ වෛද්‍ය පීඨයට දේශීය සිසුන් බඳවා ගැනීම නවතා දමන බව ආරක්ෂක නියෝජ්‍ය අමාත්‍යවරයා පාර්ලිමේන්තූවේ දී පසුගිය දා ප්‍රකාශ කළේ ය. ලංකාවේ මුළු අධ්‍යාපන ක්ෂේත්‍රය ම වික්ෂිප්ත කරමින් ගත් එම තීන්දුව තරම් නොගතයුතු තීන්දුවක් ලංකා ඉතිහාසයේ අන් කිසිදු දිනක ගෙන නැත.

06 June 2025

ලාංකිකයන්ගේ හදවතේ රූ රැජින

ඇය මේ වනවිට ශ්‍රී ලාංකේය ජනතාවගේ හදවතේ රැජින වී හමාරය. ඉන්දියාවේ පැවැති “ලෝක රූ රැජින – 2025” තරගාවලිය වෙනුවෙන් ශ්‍රී ලංකාව නියෝජනය කළ ඇය, අවසන් 4දෙනා අතරට තේරී පත් නොවූවද, ශ්‍රී ලාංකේය රූ රැජින ඉතිහාසයේ වාර්තා තබන්නට සමත්වූවාය.

05 June 2025

පළමු පියවර විධායක බලය අහෝසි කිරීම

ශ්‍රී ලංකාවට නිදහස ලැබී ගතවුණු වසර හැත්තෑහතක කාලය තුළ, ආණ්ඩුක්‍රම ව්‍යවස්ථා තුනක්ම ආවේය. අප මේ මොහොතේ පාලනය වන්නේ, තුන්වැනි ව්‍යවස්ථාවෙනි. එනම්, 1978 ආණ්ඩුක්‍රම ව්‍යවස්ථාවෙනි. මේ වන විට එහි වයස අවුරුදු හතළිස්හතකි. ඒ කියන්නේ, මේ රටේ ජනතාව වැඩියෙන්ම ගොදුරු වී සිටියේත්, සිටින්නේත් 1978 වසරේදී ජේ.ආර්. ජයවර්ධන විසින් ජනතාව මත බලෙන් පටවන ලද ආණ්ඩුක්‍රම ව්‍යවස්ථාවට බවය.

05 June 2025

කොතලාවල වෛද්‍ය උපාධිය අපේ සිසුන්ට අකැපද?

රාජ්‍ය ආරක්ෂක නියෝජ්‍ය අමාත්‍යවරයා පසුගියදා පාර්ලිමේන්තුවේ විශේෂ ප්‍රකාශයක් කරමින් දන්වා සිටියේ මේ වසරේ සිට ජෝන් කොතලාවල ආරක්ෂක විශ්වවිද්‍යාලයේ වෛද්‍ය පීඨයට හමුදා සාමාජිකයන් සහ විදේශ සිසුන් පමණක් බඳවාගන්නා බවය. ඒ වනවිට එම විශ්වවිද්‍යාලය විසින් පළ කරන ලද දැන්වීම්වල මෙම ශිෂ්‍ය කණ්ඩායම් දෙකට අමතරව දේශීය සිසුන් ද වෛද්‍ය පීඨයට බඳවා ගන්නා බව සඳහන් කර තිබුණි.

04 June 2025

මාලිනීගේ අවමංගල්‍යය - රජයට චෝදනා

සිංහල සිනමාවේ රැජින ලෙස හඳුන්වනු ලබන ජනප්‍රිය නිළි මාලිනී ෆොන්සේකාගේ අවසන් කටයුතු පසුගිය සඳුදා (26) සවස කොළඹ නිදහස් චතුරශ්‍රයේදී සිදු වූයේ අයහපත් කාලගුණය නොතකා පැමිණි විශාල පිරිසක් මධ්‍යයේ ය.

04 June 2025

බොහෝ සාහිත්‍යකරුවෝ සමාජ වගකීම අමතක කරලා

ගුරුවරයකු, පුවත්පත් කලා වේදියකු මතු නොව සම්මානලාභී ලේඛකයකු ලෙස සම්භාවනාවට පත් වූ ඔහු දෙනගම සිරිවර්ධනය. මානව හිතවාදී ලේඛකයකු ලෙස නමක් දිනාගත් මේ සුන්දර මිනිසා කවියකු, නවකතාකරුවකු, යොවුන් කෘති රචකයකු ලෙස මෙරට සාහිත්‍යයට දායාද කළ කෘති බොහෝය.

04 June 2025

සහනාධාර දිගටම අවශ්‍යද?

නිදහස ලැබීමටත් පෙර අවධියේ සිටම සහනාධාර මත යැපෙන ප්‍රජාවක් බිහි කිරීමට අදාළ කටයුතු සිදු විය. ඒ අනුව 1945 සිට නිදහස් අධ්‍යාපනයත් 1951 සිට නිදහස් සෞඛ්‍යයත් 1940 ගණන්වල සිට ආහාර සහනාධාරත් ලබාදීම ආරම්භ විය. කෘෂිකාර්මික කටයුතු වෙනුවෙන් ද නොයෙක් සහනාධාර ලබා දීම සිදු විය.

04 June 2025

​හෙළ සිනමා නිළි රැජින ජාතික ලැයිස්තු මන්ත්‍රීවරියක කළේ ඇයි?

පළමු සිංහල වෘත්තාන්ත චිත්‍රපටය වන “කඩවුණු පොරොන්දුව” තිරගත වූයේ 1947 ජනවාරි 21 වැනි දින කොළඹ කිංස්ලි රඟහලේදීය.

02 June 2025

ජල ගැලීමක අවදානම අතළඟද?

ශ්‍රී ලංකාව නිවර්තන කලාපයේ පිහිටි රටක් ලෙස වසර පුරා හිරු රශ්මිය නිරන්තරයෙන් ලැබෙනවා සේම වර්ෂාපතනය ද කලානුරූපව ප්‍රධාන වශයෙන් නිරිත දිග හා ඊශාන දිග මෝසම් හරහා ලැබේ. ශ්‍රී ලංකාවේ තෙත් කලාපයට ‘නිරිත දිග මෝසම’ මූලික කරගෙනත්, වියළි කලාපයට ‘ඊශාන දිග මෝසම’ මූලික කරගෙනත් වර්ෂාපතනය ලැබේ.

02 June 2025

ආණ්ඩුව විපක්ෂය කොතැනද?

මහින්ද රාජපක්ෂ පාලනයේ අවසානය වනවිට, එනම් 2014 වනවිට එම ආණ්ඩුව දැඩි ලෙස මහජන අප්‍රසාදයට ලක් වී තිබිණි. ඒ එම ආණ්ඩුවේ ප්‍රබලයන් දැඩි ලෙස මහා පරිමාණ දූෂණ චෝදනාවලට ලක්වීම හේතුවෙනි.

31 May 2025

මදුරු මර්දනයට නව අවියක්

පහත ලිපියෙන් ඉස්මතු කිරීමට උත්සාහ දරන්නේ මෘදු බැක්ටීරියාවක් වන Bacillus thuringiensis israelensis (Bti) භාවිතයෙන් මදුරුවන් පාලනය කිරීම පිළිබඳ ප්‍රසිද්ධ කරුණුයි. බීටීඅයි මදුරුවන් හැර මිනිසුන්ට මෙන්ම අනෙකුත් ජීවීන්ට ද ඉතා ආරක්ෂිත වන අතර නිෂ්පාදනය කිරීමට සහ භාවිත කිරීමට ඉතා පහසු සහ ලාබදායී වේ. වසර කිහිපයකට පෙර ශ්‍රී ලංකාවේ දී බීටීඅයි සාර්ථකව භාවිත කළ බව මෙම ලියුම්කරු තේරුම් ගනී.

30 May 2025

සසුනට පහන් ටැඹක් වූ මල්වතු මහ නා හිමියෝ

තිබ්බටුවාවේ ශ්‍රී සිද්ධාර්ථ සුමංගල මල්වතු පාර්ශවයේ මහනාහිමියන්ගේ 81 වැනි ජන්ම දිනය අදට (30) යෙදී ඇත. මේ ලිපිය ඒ නිමිත්තෙනි.

30 May 2025

මාලිනී නැවත කියවමු

හෙළ සිනමා නිළි රැජින” ආචාර්ය මාලිනි ෆොන්සේකා නමැති විශිෂ්ට රූපණවේදිනිය පිළිබඳව එතුමියගේ අවමඟුල් උත්සවයේදී මහාචාර්ය සෞම්‍ය ලියනගේ පැවැසූ අදහස් මෙරට සිනමාවේ නියැළී සිටින්නවුන්ට මෙන්ම සිනමාව හදාරන අයට ද බොහෝ සේ වැදගත් යැයි අපට හැඟුණි. “රසවින්දන” නිතරම මෙරට සිනමාව පිළිබඳවත්, එහි නියැළී සිටින අයටත් බොහෝ සේ උදව් කරන්නේ, එහි සාධනීය තත්වයක් නිතරම අපේක්‍ෂා කරන බැවිනි.

30 May 2025

ආණ්ඩුවේ ගමන්මග සාර්ථකද?

රටේ දේශපාලනයේ අවිනිශ්චිත බවත් සෑම පැත්තකින්ම පෙන්නුම් කරමින් තිබේ. වර්ජන රැල්ලක් එක පැත්තකින් මතු වී ඇති අතර තවත් පැත්තකින් ආණ්ඩුවට විරුද්ධව යන සමාජ මාධ්‍ය විවේචන වැඩි වී ඇත. මේ විරෝධතා මතුවීම්වලට සාපේක්ෂව ආණ්ඩුවේ වැඩ සටහන්ද තවදුරටත් පෙන්වන්නේ යම් ආකාරයකින් දිගටම දුර්වල අන්තයකට ගමන් කරන ආකාරයක් ය.

30 May 2025

තුන්වේල කන්න බැරි රටක තරුණ පරපුරේ ඉරණම

ශ්‍රී ලංකාව සංවර්ධනය වෙමින් පවතින රටක් ලෙස සැලකුවද පසුගියදා ඇති වූ ආර්ථික අර්බුද සමග සංවර්ධනයේ මාවත සුනු විසුනු වී ගොස් යම්තම් ආර්ථිකය ගැට ගසා ගත් රටක් බවට පත් විය. ආර්ථික අර්බුදය හමුවේ උගතුන් රට හැර යාම ද තරුණ තරුණියන් වඩාත් ශක්තිමත් ආර්ථිකයක් සොයා විදේශ ගත වීමද ඉහළ ගියේය. බැලූ බැල්මට මෙය පුද්ගල ආර්ථික සංවර්ධනයට සුදුසු වුවද රටක් ලෙස ගත්කල ආර්ථික අවපාතය තවත් උග්‍ර වන්නේ අපේ රටේ ශ්‍රම බළකාය හිඟ වීමට පටන් ගැනීම නිසාය.

29 May 2025

ත්‍රස්තවාදය වැළැක්වීමේ පනතට නැවතීමක් නැද්ද?

2024 සැප්තැම්බර් 23, නව ජනාධිපති අනුර කුමාර දිසානායක දිවුරුම් දුන් දිනයේ පටන් මේ දක්වා අවම වශයෙන් 12 දෙනෙකු ත්‍රස්තවාදය වැළැක්වීම් පනත යටතේ අත්අඩංගුවට ගෙන තිබේ. මේ අයගෙන් 10 දෙනකු අත්අඩංගුවට ගෙන තිබෙන්නේ 2024 ඔක්තෝබර් සහ දෙසැම්බර් අතරය. අනෙක් දෙදෙනා අත්අඩංගුවට ගෙන ඇත්තේ 2025 මාර්තු - අප්‍රේල් මාසවලදීය. මෙම සංඛ්‍යා මාධ්‍ය වාර්තා පදනම් කොට ලබා ගත් ඒවා වන අතර සැබෑ සංඛ්‍යාව මීට වඩා ඉහළ සංඛ්‍යාවක් විය හැකියි.

29 May 2025

රාජ්‍ය සේවයේ වෙනසක් අවශ්‍ය ඇයි?

මෙරට රාජ්‍ය සේවය දූෂණ වංචාවලින්, අක්‍රමිකතාවෙන් හා අකාර්යක්ෂමතාවෙන් පිරී ඇති බවත් එය ඉන් මුදාගත යුතු බවත් දේශපාලන ක්ෂේත්‍රය තුළත් පොදු සමාජය තුළත් යළි කතා බහට ලක්වෙමින් තිබේ. ජාතික ජන බලවේග ආණ්ඩුව බලයට පත් වූයේම සමාජ දේශපාලන ක්‍රමයේ වෙනසක් ඇති කරන බව ප්‍රධාන සටන් පාඨය කරගනිමිනි. අප නිදහස ලබා වසර 75කට වැඩි කාලයක් ලංකාවේ පැවැති සමස්ත දේශපාලන ක්‍රමයේ පවත්නා ජරාජීර්ණත්වය සැලකිය යුතු ආකාරයකින් වෙනස් කිරීමේ අවධානය සමගි ජන බලවේග මැතිවරණ වේදිකාවල ප්‍රධාන

29 May 2025

ලෝකයේ දිගම පටිපණුවා කුරුණෑගල?

අවුරුදු දහයක් වයසැති කුඩා දැරුවකුගේ සිරුරින් පටිපණුවකු සොයා ගැනීමට වෛද්‍ය පර් යේෂණ ආයතනයේ පරපෝෂිත අංශය සමත් විය. සෙන්ටි මීටර් 70 ක් දිග මෙම පටිපණුවා, මෙරටින් හමුවුණු දිගින් වැඩිම පටිපණුවා ලෙස සැලකෙන බව වෛද්‍ය පර් යේෂණ ආයතනයේ අධ්‍යක්ෂ වෛද්‍ය සුරංග දොළමුල්ල මහතා පවසයි.

28 May 2025

සොල්දාදුවාගේත් ත්‍රස්තවාදියාගේත් වෙනස

දශක ගණනාවක් කුරිරු සිවිල් යුද්ධයකට මුහුණ දුන් ජාතියක් වන ශ්‍රී ලංකාව තුළ ගැටුම්වල කැළැල් ගැඹුරට පැතිරී ඇත. මෙම කැළඹිලි සහිත කාල පරිච්ඡේදය ගැන මෙනෙහි කරන විට, රාජ්‍යයේ අඛණ්ඩතාව ආරක්ෂා කිරීමට උත්සාහ කළ බලවේග සහ ප්‍රචණ්ඩත්වය සහ භීෂණයෙන් එය බිඳ දැමීමට ඉලක්ක කළ බලවේග අතර වෙනස පැහැදිලිව වෙන් කර හඳුනා ගැනීම අත්‍යවශ්‍ය වේ.

28 May 2025