මොරගොල්ලාගම සිසිර කැලේගම

තමාගේ විවාහක සැමියා අනියම් සම්බන්ධතාවයක් පැවැත් වූ බවට ඔප්පු කරන්නට ගිය අවට වැසියන්ට එම සැමියාගේ බිරිය දුන් උත්තරයෙන් රැස්ව සිටි පිරිසේ දත කට පූට්ටු වු පුවතක් ගැන යාපහු පුරවරයෙන් අසන්නට ලැබුණි.
විවාහක අඹු සැමියන් දෙදෙනා තරුණ වියේ සිට පෙම්වතුන් ලෙසට වසර ගණනාවක් ඇසුරු කොට ඔවුන් කවුද යන්න හඳුනාගෙන විවාහ වූ දෙපලකි.
දෙදෙනාම රාජ්‍ය සේවාවේ නියැලෙන අතර ඔවුනගේ දියණියෝ දෙදෙනා ද රාජ්‍ය අංශවල සේවය කරති.
මවුපිය දෙදෙනාගේ සමීපතාවය ගැන දරුවෝද කතා කරති. අන් අයට මේ දෙදෙනාගේ ඇසුර ආදර්ශයකි.
එහෙත් සමගිය දෙදරවන වැඩක් කරන්නට පිරිසක් වෙර දරමින් සිටියහ.

දිනක් නිවසේ සැමියා රැඳී සිටියේ තනියමය. ඒ ඔහු එදින නිවාඩුවක් අරගෙන සිටි නිසාය.
අවට අය ඔහු පමණක් ගෙදර සිටින බවත් බිරිය හා දරුවන් රැකියා සඳහා පිටවී ගොස් ඇති බවත් දැන සිටියහ.
එදින නිවසට ගමේ කාන්තාවක ගොඩ වැදුණාය. ඇය සෑහෙන වේලාවක් නිවසේ රැඳී සිටියාය. අවට අය ඇස් කන් අයාගෙන ඒ දෙස විපරම් කළහ.
බොහෝ වේලාවකට පසුව පැමිණි කාන්තාව පා ගමනින් පිටවී ගියාය. ඒ සමගම එහි නිවෙස් හිමිකරුවා ද යතුරුපැදියෙන් නිවසෙන් පාරට ගොඩ වුවා පමණි.
අවට රැස්ව සිටි අය ඔහු වටකර ගත්තේය “අද නම් වැඬේ අහුවුණා. හිටපන් අද ගෑනිට කියනවා. අද තමයි නිවසේ සාමය කුඩු පට්ටම් කරන දවස” යැයි හඩ නැගුහ. 
පා ගමනින් යන කත කිසිවක් නොදැන ඉදිරියටම ගියාය. 
ඔහු එහි පිරිස ඇමැතුවේය.
“මට පුළුවන් දෙයක් මං කරනවා. අපි දෙන්නා කැමැති නම් උඹලාට මොකද?
පාර දෙසින් ඇසෙන්නේ ශබ්දයකි. එය බලන්නට මෙන් නිවසේ දොර ඇරියාය. කතක් එතැනට ගියාය.
ඇය එනු දුටු පිරිස ”අන්න අක්කා එනවා. ඇයි අයියේ අද අක්කා වැඩට ගියේ නැද්ද? “කියා අසමින් එතැනින් පැන යන්නට හැදූහ.
 දුවන්නට නොදී ඔවුන් නවතා ගත් සැමියා වෙච්ච දේ එතැනට ආ තම බිරියට කීවේය.
“ඒ නංගි ආවේ මං හමු වෙන්න. අමු කැලෑ ගිනි අවුලන එවුන්ට ඔවුන්ගේ වැඩක් බලාගෙන ඉන්න කියන්න. මං මේ හති දාගෙන දුවගෙන ආවේ ඔයාට කරදරයක් ද කියලා බලන්න. පරක්කු වෙන්නේ නැතිව යන ගමන ඔයා යන්න” කියා ඇය ආපසු ගෙට ගියාය.
එවිට “ඇද්ද අහ ගත්තා” පැවසු සැමියාත් ගමන යන්නට යතුරු පැදිය පණ ගැන්වුවාලු‍.