එසැණ පුවත්

කොරෝනා යැයි සැක කාන්තාවක් හලාවත රෝහලට

කොරෝනා වයිරසය ආසාදනය වීමේ ලක්ෂණ බවට සැකපිට, කල්පිටිය පොලිස් බල ප්‍රදේශයේ කාන්තාවක හලාවත මූලික රෝහලට ඇතුළත් කළ බව කල්පිටිය පොලිසිය කියයි.

22 March 2020

ඇඳිරි නීතිය කඩ කළ 790 ක් අත්අඩංගුවේ

ඇඳිරිනීතිය උල්ලංඝනය කළ පුද්ගලයන් 790 දෙනෙක්ම දිවයින පුරා පොලිස් ස්ථාන මගින් මේ දක්වා අත්අඩංගුවට ගෙන ඇති බව පොලිස් මූලස්ථානය කියයි .

22 March 2020

ඇඳිරි නීතිය තිබියදී මත්පැන් විකිණූ අයෙක් දැලේ

ඇඳිරි නීතිය බල පැවැත්වෙන කාලය තුළ දී බලපත්‍ර නොමැතිව නීති විරෝධීව මත් පැන් විකිණූ 42 හැවිරිදි පුද්ගලයෙකු අද (22) බෝගහගොඩ කබරගලදී අත්අඩංගුවට ගත් බව ඉමදුව පොලිසිය කියයි.

22 March 2020

’අත්‍යවශ්‍ය භාණ්ඩ රජයේ පාලන මිලටත් වඩා අඩුවෙන් ලබා දෙනවා’

අත්‍යවශ්‍ය භාණ්ඩ මිල රජයේ පාලන මිලටත් වඩා අඩුවෙන් ප්‍රාදේශීය, කෝප්සිටි සහ තොග ගබඩා 45 කින් ජනතාවට ලබාගත හැකි බව කොටපොළ විවිධ සේවා සමුපකාර සමිතියේ සභාපති මනෝජ් ජයවර්ධන මහතා අද (22) පැවති සාකච්ඡාවකදී පැවසීය.

22 March 2020

උතුරේ දිස්ත්‍රික්ක 5 ඇඳිරි නීතිය දීර්ඝ කෙරේ

මන්නාරම, වව්නියාව, මුලතිව්, කිලිනොච්චි සහ යාපනය යන උතුරු පළාතේ දිස්ත්‍රික්ක 5 තුළ දැන් ක්‍රියාත්මක ඇඳිරි නීතිය මාර්තු (24) අඟහරුවාදා උදේ 6.00 දක්වා දීර්ඝ කර ඇති බව ජනාධිපති මාධ්‍ය අංශය පවසයි

22 March 2020

කටුනායකට පැමිණි 3491 ක් නිරෝධායන මධ්‍යස්ථාන වලට

ගෙවී ගිය දින 12 ක කාලය ඇතුළත කටුනායක ගුවන් තොටුපළ වෙත පැමිණි ගුවන් මගීන් 3,491 ක් නීරෝධායන කටයුතු සදහා, රට පුරා පිහිටුවා ඇති නීරෝධායන මධ්‍යස්ථාන 22 ක් වෙත යොමු කර ඇති බව ගුවන් තොටුපළ සහ ගුවන් සේවා සමාගමේ අධ්‍යක්ෂ ෂෙහාන් සුමනසේකර මහතා පැවසීය. කටුනායක ගුවන් තොටුපළ හරහා ශ්‍රී ලංකාවට පැමිණි පිරිස සඳහා 10 දින අලුයම 4.00 සිට ආරම්භ කර තිබූ නීරෝධායන කටයුතු අද(22) දින සවස 3.00 ට නිල වශයෙන් නිමාවට පත් කළ බව ද ඒ මහතා කීවේය.

22 March 2020

වෛද්‍ය නිර්දේශයකින් තොරව ඖෂධ වර්ග දෙකක් අලෙවිය තහනම්

විශේෂඥ වෛද්‍යවරයකුගේ වලංගු බෙහෙත් වට්ටෝරුවක් නොමැතිව chioroquine සහ hydroxychioroquine යන ඖෂධ නිකුත් නොකරන ලෙස ජාතික ඖෂධ නියාමන අධිකාරිය සියලු ඖෂධ අලෙවිසැල්වලට නියෝග කර තිබේ.

22 March 2020

නොමිලේ ඇමතුම් කාලයක් සමග දත්ත හුවමාරුව

ශ්‍රී ලංකා විදුලි සංදේශ නියාමන කොමිසම් සභාවේ නිර්දේශ මත, දැනට පවතින ඇඳිරි නීතිය සහ පාරිභෝගිකයන්ගේ අවශ්‍යතා සලකා බැලීමෙන් පසුව පෙරගෙවුම් පාරිභෝගිකයන් වෙනුවෙන් අමතර ඇමතුම් කාලයක් ලබාදීමට දුරකථන සේවා සපයන සමාගම් එකඟ වී ඇත.

22 March 2020

ඉන්දියාවේ සිටි වන්දනාකරුවන් 1500 ම ගෙන්වාගනී

වාණිජ මගී ගුවන් යානා සඳහා ශ්‍රී ලංකාවේ ගුවන්තොටුපළවල් තාවකාලිකව වසා දමන බව ශ්‍රී ලංකා රජය තීරණය කළායින් පසුව දඹදිව වන්දනා සඳහා ඉන්දියාවට ගොස් සිටි ශ්‍රී ලාංකික බෞද්ධ වන්දනාකරුවන් 1500 දෙනෙකු ආපසු දිවයිනට ගෙන්වීමට රජයට හැකි වූ බව විදේශ සබඳතා අමාත්‍යාංශය කියා සිටී.

22 March 2020

සංගක්කාර ස්වයං-නිරෝධායනයට

ලන්ඩන් නුවර සිට මේ මාසයේ ශ්‍රී ලංකාවට පැමිණීම සැලකිල්ලට ගනිමින් තමන් ස්වයං නිරෝධායනයට යොමු වී ඇතැයි ශ්‍රී ලංකාවේ හිටපු ක්‍රිකට් ක්‍රීඩකයකු වන කුමාර් සංගක්කාර මහතා පවසයි.

22 March 2020

සේවක අර්ථ සාධක අරමුදල් ප්‍රතිලාභ ඉල්ලුම්කිරීම විද්‍යුත් ක්‍රමයට

උද්ගතව ඇති නව කොරෝනා වයිරසය ව්‍යාප්තිය පාලනය සඳහා සේවක අර්ථ සාධක අරමුදල් ප්‍රතිලාභ ඉල්ලුම්කරන්නන්ට විද්‍යුත් ක්‍රමය ඔස්සේ තම ඉල්ලුම්පත්‍ර කම්කරු දෙපාර්තමේන්තුව වෙත යොමුකරීමට ක්‍රමයක් සකස් කර ඇති බව කම්කරු කොමසාරිස් ජනරාල් ඒ. විමලවීර මහතා පවසයි.

22 March 2020

භාණ්ඩ අපනයනය කළ නොහැකි ව්‍යාපාරිකයන්ට ඇමැතිගෙන් සහනයක්

වර්තමානයේ රට පවතින තත්වය හේතුවෙන් දැනටමත් අපනයනයට සූදානම් කර ඇති භාණ්ඩ අපනයනය කළ නොහැකිව සිටින ව්‍යාපාරිකයක් සඳහා සහනයක් ලබාදීමට කටයුතු සම්පාදනය කර ඇති බව වාරය හා නාවික කටයුතු මහාමාර්ග සහ මාර්ග සංවර්ධන අමාත්‍ය ජොන්ස්ටන් ප්‍රනාන්දු මහතා පැවසීය.

22 March 2020

කොරෝනා ආසාදිතයන් 7ක් වැලිකන්ද රෝහලේ

කොරෝනා ආසාදිත රෝගීන් 7 දෙනෙකු පොළොන්නරුව වැලිකන්ද මූලික රෝහලේ ප්‍රතිකාර ලබන බව පොළොන්නරුව ප්‍රාදේශීය සෞඛ්‍ය වෛද්‍ය සේවා අධ්‍යක්ෂ වෛද්‍ය සරත් ජයසිංහ මහතා පැවසීය.

22 March 2020

කොරෝනා ආසාදිත ලාංකිකයන්ගේ ගණන 81 දක්වා ඉහළට

කොරෝනා ආසාදිත පුද්ගලයන්ගේ සංඛ්‍යාව මේ වනවිට 81දක්වා ඉහළ ගොස් ඇතැයි වසංගත රෝග විද්‍යා ඒකකය කියයි.

22 March 2020

හිඟයකින් තොරව සහල් බෙදාහැරීමට සියලු පියවර ක්‍රියාත්මකයි

මහජනතාවගේ පරිභෝජනය සඳහා අවශ්‍ය සහල් හිඟයකින් තොරව මිලදී ගැනීමට සහ රට පුරා බෙදාහැරීම සඳහා අවශ්‍ය සියලු ක්‍රියා මාර්ග ගෙන තිබෙන බව පොළොන්නරුව දිස්ත්‍රික් ලේකම් ඩබ්.ඒ.ධර්මසිරි මහතා අද (22)පැවැසීය.

22 March 2020

දකුණු පළාතේ 1572ක් ස්වයං නිරෝධායනයේ

දකුණු පළාත තුළ මේ වනවිට පුද්ගලයින් 1572 දෙනෙකු නිවෙස්වලට වී ස්වයං නිරෝධානයට ලක්වෙමින් සිටින බැව් දකුණු පළාත් ආණ්ඩුකාර ආචාර්ය විලිගමගේ මහතා පවසයි.

22 March 2020

ඉන්ධන රැගත් නෞකාවක් කොළඹ වරායට

ඉන්ධන ට්‍රේක් ටොන් 40,000 ක් රැගත් නෞකාවක් ඉන්දියාවේ සිට කොළඹ වරායට අස සෙන්දු වූ බව ඛණිජ තෙල් ගබඩා ජර්යන්ත සමාගමේ සහාපති මොහොමඩ් නවුෂඩ් මොහොමඩ් මහතා පැවසීය.

22 March 2020

පුත්තලමේ ස්වයං නිරෝධායනයට යොමු වූ අයට විශේෂ සහතිකයක්

විදෙස් ගතවී පැමිණ තම නිවෙස් තුළම දින 14 ක ස්වයං නිරෝධායනය වු පුත්තලම දිස්ත්‍රික්කය තුළ පදිංචි පිරිස් වෙත විශේෂ සහතිකයක් ලබාදීම ආරම්භ කළ බව පුත්තලම දිස්ත්‍රික් සෞඛ්‍ය සේවා අධ්‍යක්ෂ වෛද්‍ය දිනුෂා ප්‍රනාන්දු මහත්මිය පවසයි.

22 March 2020

අත්‍යවශ්‍ය ආහාර පාර්සල් පොලිසියෙන් ඌවේ නිවාසවලට

අත්‍යාවශ්‍ය වියළි ආහාර ද්‍රව්‍ය ලබාගැනීමට පැමිණිමේදී සිදුවන තදබදය අවම කිරීම සඳහා එම ආහාර ද්‍රව්‍ය පාර්සල් කර සැපයීමේ වැඩසහනක් ක්‍රියාත්මක කිරීමට ඌව දිසාව භාර නියෝජ්‍ය පොලිස්පති අසංග කරවිට මහතාගේ උපදෙස් මත ඌව පළාතේ පොලිස් ස්ථානය පියවරගෙන තිබේ.

22 March 2020

කළුතර දිස්ත්‍රික්කයේ 750 ක් නිරෝධායනයේ

විදේශගතව සිට මෙරටට පැමිණි දේශීය හා විදේශීය පුද්ගලයින් 750ක ප්‍රමාණයක් අද(22) වන විට කළුතර දිස්ත්‍රික්කයේ තෝරාගත් ස්ථාන කිහිපයක නිරෝධායනයට ලක්කර ඇති බව කළුතර දිස්ත්‍රික් ප්‍රාදේශීය සෞඛ්‍ය වෛද්‍ය අධ්‍යක්ෂ උදය රත්නායක මහතා පවසයි.

22 March 2020

ඉන්ධන රැගත් දුම්රිය 4 ක් හෙට ප්‍රදේශ 4 කට

ඉන්ධන රැගත් දුම්රිය හතරක් කොළොන්නාව තෙල් ගබඩා පර්යන්තයේ සිට අනුරාධපුරය ,මඩකළපුව,පේරාදෙණිය සහ කටුනායක ජාත්‍යන්තර ගුවන්තොටුපොළට හෙට (23) පිටත් කර යවන ලෙස විදුලි බල හා බලශක්ති ඇමැති මහින්ද අමරවීර මහතා විසින් ලංකා ඛණිජතෙල් නීතීගත සංස්ථා බලධාරීන්ට අද(22) උපදෙස් දුන්නේය.

22 March 2020

වෙළඳපොළට එනවා නම් නිවසකින් එක් අයෙක් පමණයි

ඇඳිරි නීතිය ඉවත් කළ පසුව ආහාර ඇතුළු අත්‍යවශ්‍ය ද්‍රව්‍ය මිලදී ගැනීම සඳහා වෙළඳපොළ වෙත පැමිණෙන්නේ නම් එක් නිවසකින් එක් අයෙක් පමණක් පැමිණෙන්නැයි ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමය ජනතාවගෙන් ඉල්ලීමක් කරයි.

22 March 2020

කොරෝනා යයි සැකට කුරුණෑගල රෝහලේ සිටි 16 ක් ගෙදර යවති

කොරෝනා වෛරසය ආසාධිතයන් බවට සැකකොට කුරුණෑගල ශික්ෂණ රෝහලේ ප්‍රතිකාර ලබමින් සිටි රෝගීන් 20 දෙනාගෙන් 16 දෙනෙකුම කොරෝනා ආසාධිතයන් නොවන බවට වෛද්‍ය පරීක්ෂණ මගින් තහවුරු වීමෙන් පසුව මේවනවිට රෝහලෙන් පිටව ගොස් ඇති බව කුරුණෑගල ශික්ෂණ රෝහලේ නියෝජ්‍ය අධ්‍යක්ෂ වෛද්‍ය චන්දන කැඳන්ගමුව මහතා ප්‍රකාශ කරයි.

22 March 2020

ස්විස් පූජකයාගේ දේවමෙහෙයට පැමිණි 40 ක් හඳුනාගනී-10 ක් රෝහල්වල

ස්විස්ටර්ලන්තයේ කොරෝනා වැළඳුනු පූජකවරයකු විසින් යාපනය අරියාලෙයි ප්‍රදේශයේ පැවත්වූ පූජාවට සහභාගී වූවන්ගෙන් 40 දෙනෙකු පමණ මේ වන විට හඳුනාගෙන ඇති අතර තවත් 10 දෙනෙකු යාපනය හා වව්නියාවේ රෝහල් වෙතට ඇතුලත් වී ඇති බවට ආරක්ෂක අංශ පවසයි.

22 March 2020

ආර්ථික මධ්‍යස්ථාන හෙට විවෘතයි

දඹුල්ල ආර්ථික මධ්‍යස්ථානය ඇතුළු දිවයිනේ සියලුම ආර්ථික මධ්‍යස්ථාන හෙට (23) අලුයම 4.00 සිට විවෘත කිරීමට අවශ්‍ය පියවර ගෙන ඇතැයි රාජ්‍ය පරිපාලන ස්වදේශ කටයුතු පළාත් සභා හා පළාත් පාලන අමාත්‍ය ජනක බණ්ඩාර තෙන්නකෝන් මහතා අද (22) පැවසීය.

22 March 2020

කොලොම්බියාවේ ජනතාවත් දින 19 ක් නිවෙස්වල

කොවිඩ් නයින්ටීන් හෙවත් නව කොරෝනා වයිරසය පැතිර යාම හේතුවෙන් කොලොම්බියාවේ ජනතාවට දින 19 කාලයක් සිය නිවෙස් තුළ රැදී සිටින ලෙස එරට රජය දැනුම්දී ඇත.

22 March 2020

ඇමෙරිකා උප ජනපති කාර්ය මණ්ඩලයේ අයෙකුටත් කොරෝනා

ඇමෙරිකාවේ උප ජනාධිපති මයික් පෙන්ස්ගේ කාර්යය මණ්ඩල සාමාජිකයකු හට නව කොරෝනා වයිරසය ආසාදනය වී ඇතැයි එරට එන්.බී.සී පුවත් සේවය වාර්තා කළේය.

22 March 2020

වැඩිහිටි දීමනා ගෙදරටම

වැඩිහිටියන් හා රෝගී සඳහා තැපැල් කාර්යාලවලින් මෙතෙක් නිකුත් කරන ලද වැඩිහිටි දීමනා හා රෝගාබාධ දීමනා ග්‍රාමසේවා නිලධාරින් මාර්ගයෙන් එකී වැඩිහිටියන්ගේ නිවෙස්වලටම ලබාදීම කෙරෙහි රජයේ අවධානය යොමුවී තිබේ.

22 March 2020