එසැණ පුවත්

ලෝක චිත්‍ර තරගයකින් ලාංකික දැරියක් පළමු තැනට

ජපානයේ යුනිසෙෆ් කාර්යාලය සහ ජපානයේ තත්ත්ව සහතික පත්‍ර කාර්යාලය එක්ව 23වන වරටත් පැවැත්වූ අන්තර් ජාතික ලෝක ළමා චිත්‍ර තරගයකින් පුත්තලම කොච්චුකට්ටිය ජාතික පාසලේ 11 වන ශ්‍රේණියේ ඉගෙනුම ලබන බී මලීෂා නිර්මාලී ( 15 ) ලෝකයේ රටවල් අසූ තුනක දරුවන් පරදවා එම තරගයෙන් ප්‍රථම ස්ථානය හිමිකර ගෙන තිබේ.

06 June 2024

වව්නියාවේ ළිඳකින් ටී 56 උණ්ඩ තොගයක් මතුවෙයි

වවුනියාව ,පම්පමඩුව දෙමළ ප්‍රාදේශිය සභා ඉඩමෙහි ළිඳක්තුල තිබී ටි 56 වර්ගයේ ජීව උණ්ඩ 2298 ක් සොයාගත් බව පූවරසන්කුලම පොලිසිය පවසයි.

06 June 2024

බළන්ගොඩ කස්සප හිමි අත්අඩංගුවට

යෝජිත විදුලි පනතට එරෙහිව විරෝධතා පුවරුවක් රැගෙන පාර්ලිමේන්තුව අසල උපවාසයක නිරත විමට සූදානම් වූ පූජ්‍ය බලංගොඩ කස්සප හිමියන් අද (06) දහවල් අත්අඩංගුවට ගත් බව තලංගම පොලිසිය කියයි

06 June 2024

බානගල උපතිස්ස නාහිමි‌ගෙන් මෝදිට ආශිර්වාද

තෙවැනි වරටත් ඉන්දියාවේ අග්‍රාමාත්‍යවරයා ලෙස තේරී පත්වූ නරේන්ද්‍ර මෝදි මහතා වෙත ඉන්දියාවේ සාංචි චේතියගිරි විහාරය සහ ජපානයේ සවරා හී ලංකාජී විහාරස්ථානයේ විහාරාධිපති ජපානයේ ප්‍රධාන සංඝනායක බානගල උපතිස්ස නාහිමිපාණන් සුබ පැතුම් පිරිනමති.

06 June 2024

ඇඹිලිපිටිය පොලිසියේ හයකට එරෙහිව නඩුවක්

තම නිවස පිටුපස කානුවේ ගිණිඅවියක් සඟවා බොරු සාක්කි සෑදීම, ශරීරයට හෝ කීර්තියට හානිවන ආකාරයට චෝදනා කළැයි පවසමින් ඇඹිලිපිටිය පොලිසියේ නිලධාරීන් හයදෙනකුට එරෙහිව අගතියට පත් අයකු ගොනු කළ පැමිණිල්ල අගොස්තු මස 05 දින විභාගයට ගැනීමට ඇඹිලිපිටිය අතිරේක මහේස්ත‍්‍රාත් දිලූම් ප‍්‍රනාන්‍දු මහතා අද නියම කළේය.

06 June 2024

මෙක්සිකෝවේ කුරුලු උණ මරණයක්

මෙක්සිකෝවෙන් කුරුලු උණ රෝගියකුගේ මරණයක් වාර්තා වන බව ලෝක සෞඛ්‍ය සංවිධානය කියයි. මේ, කුරුලු උණ වයිරසය ආසාදනය වී මියගිය පළමු තැනැත්තාය.

06 June 2024

විශ්‍රාමික සෙබළුන්ට විදෙස් රැකියා

ශ්‍රී ලංකා රජයට ලැබෙන විදේශ රැකියා ප්‍රමාණයෙන් කොටසක් විශ්‍රාමික ත්‍රිවිධ හමුදා සාමාජිකයන්ට හා ඔවුන්ගේ පවුල්වල සාමාජිකයින්ට ලබාදීමට කම්කරු හා විදේශ රැකියා අමාත්‍යංශය කැමැත්ත ප්‍රකාශ කර ඇති බව ආරක්‍ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා පවසයි.

06 June 2024

ගාසා පාසලකට ඊශ්‍රායලය පහර දීලා

ගාසා තීරයේ, එක්සත් ජාතීන්ගේ සංවිධානයේ අනුග්‍රහයෙන් පවත්වාගෙන ගිය පාසලකට ඊශ්‍රායල හමුදා ඊයේ (6) ගුවන් ප්‍රහාරයක් එල්ල කළේය. එම ප්‍රහාරයෙන් පාසලේ රැඳී සිටි 27 දෙනෙක් ජීවිතක්ෂයට පත්වූහ.

06 June 2024

පොලිස් සැරයන්ගේ සංවිධානාත්මක කල්ලිය කොටුවෙයි

පොලිස් භෝජනාගාරවලට ලැබෙන සහල් සහ සිල්ලර භාණ්ඩ අඩු මුදලට ලබාදිය හැකි බව පවසා කොළඹ ප්‍රදේශයේ ව්‍යාපාරිකයන් රැසක් මුලා කරමින් සංවිධානාත්මක කල්ලියක් මෙහෙය වූ උප පොලිස් පරීක්ෂකවරයකු ලෙස පෙනී සිටි පොලිස් සැරයන් වරයෙකු ඇතුළු තිදෙනකු අත් අඩංගුවට ගත් බව දෙමටගොඩ පොලිසිය කියයි.

06 June 2024

‘විදුලි පනතේ අරමුණ අපේ විදුලිය අදානිට දීම ‘

නව විදුලි පනතේ අරමුණ රටේ විදුලි බලය තනි ඒකාධිකාරී සමාගමකට පවරාදීම බව ජාතික ජන බලවේගයේ ගම්පහ දිස්ත්‍රික් මන්ත්‍රී විජිත හේරත් මහතා පාර්ලිමේන්තුවේ දී පැවසීය.

06 June 2024

’’කුඩු ජයනි’’ කොරළවැල්ලේදී මාට්ටු

දැනට බන්ධනාගාරගතව සිටින කුඩු ජනිත් නැමැත්තකු විසින් මෙහෙයවනු ලබන මහාපරිමාණ මත්කුඩු ජාවාරමේ නිරතවන කොරළවැල්ලේ ‘කුඩු ජයනි‘ සහ ඇගේ ප්‍රධාන ගෝලයෙක් ලක්ෂ දහයකට අධික අයිස් මත්ද්‍රව්‍ය සමග කොරළවැල්ල ප්‍රදේශයේදී වලාන මධ්‍යම දූෂණ ප්‍රහාරක බළකාය විසින් අත්අඩංගුවට ගනු ලැබූහ.

06 June 2024

එකම දිනයේදී දෙවරක් එලොව ගිය කතක්

එකම දිනයේ දෙවතාවක් මියගිය කාන්තාවක් පිළිබඳ තොරතුරු ඇමෙරිකාවේ නෙබ්‍රස්කා ප්‍රාන්තයෙන් වාර්තා විය. නෙබ්‍රස්කා ප්‍රාන්තයේ අගනගරය වන ලින්කන්හි සත්කාර ලබමින් සිටි මෙම කාන්තාව පසුගිය (03) දා උදෑසන 9.44 ට ප්‍රථම වතාවට මියගොස් ඇතැයි ලින්කන් නගර බලධාරීහු ප්‍රකාශ කළහ.

06 June 2024

ලංකාවට ’’Starlink’’ ගේන්න අවසර දෙයි

ශ්‍රී ලංකාව තුළ චන්ද්‍රිකා තාක්ෂණය පදනම් කරගත් අන්තර්ජාල සේවා සැපයීම සඳහා ’’ස්ටාර් ලින්ක්’’ (Starlink)වෙත ශ්‍රී ලංකා විදුලි සංදේශ නියාමන කොමිෂන් සභාවේ මූලික අනුමැතිය ලබා දුන් බව තාක්ෂණ රාජ්‍ය අමාත්‍ය කනක හේරත් මහතා පැවසීය.

06 June 2024

ලංවිම සේවක නිවාඩු අවලංගු කරයි

ලංකා විදුලිබල මණ්ඩලයේ සියලුම සේවකයන්ගේ නිවාඩු නැවත දැනුම් දෙන තෙක් අවලංගු කළ බව එම මණ්ඩලය පැවසීය.

06 June 2024

සැමියා සොරාගන්නා රන් බඩු බිරිය උකස් කරලා

සැමියා රාත්‍රි කාලයේ නිවසක් බිඳ සොරා ගන්නා ලද රන් භාණ්ඩ බිරිඳ ගෙන ගොස් උකස් කර ඒ මුදලින් හෙරොයින් මත්ද්‍රව්‍ය ගෙන එමින් සිටියදී අත්අඩංගුවට ගත් බව බුලත්සිංහල පොලිසිය කියයි.

06 June 2024

ලයිට් බිල අඩු වෙන්නේ මෙහෙමයි

විදුලි ගාස්තු ලබන ජූලි මස 1 වැනිදා සිට අඩු කරන බව විදුලි බල හා බලශක්තිය අමාත්‍ය කාංචන විජේසේකර මහතා අද (6) පැවසීය.

06 June 2024

චෙක් ජනරජයේ දුම්රිය අනතුරක්

චෙක් ජනරජයේ මගී ප්‍රවාහන දුම්රියක් භාණ්ඩ ප්‍රවාහන දුම්රියක ගැටීමෙන් සිදුවූ අනතුරකින් අවම වශයෙන් සිව් දෙනකු මියගොස් 23 දෙනකු තුවාල ලබා ඇතැයි එරට බලධාරීහු ප්‍රකාශ කළහ.

06 June 2024

නව විදුලි පනතින් ඇතුලේ සමහරුන්ගේ බිස්නස් නැති වෙනවා

නව විදුලි පනත සම්මත වීමෙන් අනතුරුව විදුලිබල මණ්ඩලයේ සමහරුන්ට තිබෙන බිස්නස් නැති වී යන බව විදුලි බල හා බලශක්තිය අමාත්‍ය කංචන විජේසේකර මහතා පාර්ලිමේන්තුවේ දී පැවසීය.

06 June 2024

ජූඩ් ශමන්තට සමාව දීම ව්‍යවස්ථාවට පටහැනියි

රාජගිරිය, රෝයල් පාක් මිනීමැරුම් සිද්ධිය සම්බන්ධයෙන් වරදකරුවී මරණීය දණ්ඩනය නියම වී සිටි ජූඩ් ශමන්ත ජයමහ නැමැත්තාට ජනාධිපති සමාව ප්‍රදානය කිරීමට ගත් තීරණය ආණ්ඩුක්‍රම ව්‍යවස්ථාවට පටහැනි බව ශ්‍රේෂ්ඨාධිකරණය අද (06) තීන්දු කළේය.

06 June 2024

ගම්පහ ගංවතුර මඬින්න ඒකාබද්ධ කමිටුවක්

ගම්පහ දිස්ත්‍රික්කය ජලයෙන් යටවීම වැලැක්වීම සඳහා සියලු රාජ්‍ය ආයතන වලින් සමන්විත ඒකාබද්ධ මෙහෙයුම් කමිටුවක් පත් කර ඇත.

06 June 2024

ජනපති දේශපාලන කාර්යාලය විවෘත කරයි

ජනාධිපති රනිල් වික්‍රමසිංහ මහතා මීට සුළු මොහොතකට පෙර සිය දේශපාලන කාර්යාලය කොළඹදී සුබ මොහොතින් විවෘත කළේය

06 June 2024

පළාත් කිහිපයකට විටින් විට වැසි

බස්නාහිර, සබරගමුව, දකුණු සහ වයඹ පළාත්වලත් මහනුවර සහ නුවරඑලිය දිස්ත්‍රික්ක වලත් වැසි වාර කිහිපයක් ඇතිවන බව කාලගුණවිද්‍යා දෙපාර්තමේන්තුව කියයි.

06 June 2024

ගම්පහ පුරපතිගේ අමුතු කෑම බෙදිල්ල

රජයේ ප්‍රතිපාදනවලින් සකස් කර තිබූ ආහාර ද්‍රව්‍ය සහ වතුර බෝතල් ගංවතුරෙන් අවතැන් වූ ජනතාවට බෙදා දීමේදී රාජ්‍ය දේපළ අවභාවිත කළ බව කියන සිද්ධියක් සම්බන්ධයෙන් ගම්පහ හිටපු නගරාධිපති එරංග සේනානායක මහතාට එරෙහිව බස්නාහිර පළාත් සභාව මගින් පරීක්ෂණයක් ආරම්භ කර තිබේ.

06 June 2024

මහින්දානන්ද - ගුණතිලක වලිය ගැන සොයන්න පොලිසිය ජනපති කාර්යාලයට

ආණ්ඩු පක්ෂ මන්ත්‍රී කණ්ඩායම් රැස්වීමේදී ශ්‍රී ලංකා පොදු ජනපෙරමුණේ මහනුවර දිස්ත්‍රික් පාර්ලිමේන්තු මන්ත්‍රීවරුන් වන මහින්දානන්ද අලුත්ගමගේ සහ ගුණතිලක රාජපක්ෂ යන මහත්වරුන් අතර බහින් බස්වීමකින් පසුව ඇතිවූ ගැටුමකදී තුවාල ලැබූ රාජපක්ෂ මහතාගෙන් කොටුව පොලිසියේ නිලධාරී කණ්ඩායමක් පැයකට වැඩි කාලයක් ප්‍රශ්න කර අද ප්‍රකාශයක් සටහන් කර ගත්තේය.

06 June 2024

ආදරයට බාධා කළැයි කොල්ලයි කෙල්ලයි දිය ඇල්ලකින් පැනලා

ආදර සම්බන්ධතාවට මවුපියන් අකැමැති වුණැයි බාල වයස්කාර පෙම් යුවළක් රම්බොඩ ගැරඬිඇල්ල දිය ඇල්ලෙන් පහළට පැනීමෙන් තුවාල ලබා ගම්පොළ ශික්‍ෂණ රෝහලට ඇතුළත් කර ඇතැයි පුස්සැල්ලාව පොලිසිය පවසයි.

06 June 2024

අතුරලියේ පවුල් 50කට පාචනය

පැවති අයහපත් කාළගුණයෙන් නිල්වලා ගංගාව පිටාර ගලා මාතර දිස්ත්‍රික්කයේ වැඩිම ආපදාවක් වූ අතුරලිය ප්‍රාදේශීය ලේකම් කොට්ඨාසයේ ගංවතුරින් වටවී කොටුවී සිටින බලකාවල, කොඩිගහකන්ද යන ප්‍රෙද්ශයන්හි පවුල් 50 කට පාචනය හා වමනය සෑදී ඇතැයි සෞඛ්‍ය අංශ පවසති.

05 June 2024

සිසුවෙක් සිසුවකුට පිහියෙන් ඇනලා

අඟුණකොලපැලැස්ස වැටිය ප්‍රදේශයේ යාබද නිවෙස් දෙකක පාසල් දරුවන් දෙදෙනකු අතර ඇති වූ දබරයකින් පසු පිහි පහර කෑ අට හැවිරිදි දරුවකු තුවාල ලබා හම්බන්තොට මහ රෝහලට ඇතුලත් කර ඇති බව අඟුණකොළපැලැස්ස පොලිසිය කියයි.

05 June 2024

මෝදිගේ රාජාභිෂේකයට රනිලුත් යයි

ඉන්දීය අග්‍රාමාත්‍ය නරේන්ද්‍ර මෝදි මහතාගේ දිවුරුම් දීමේ උත්සවය සඳහා ජනාධිපති රනිල් වික්‍රමසිංහ මහතා සහභාගී වෙයි.

05 June 2024