(යොහාන් භාසුර)

බෘනායිහිදී පැවති Asia Pacific ICT Alliance (APICTA) සම්මාන උළෙලෙහි ශ්‍රී ලංකාව කැපී පෙනෙන සන්ධිස්ථානයක් අත්කර ගෙන ඇත. මෙරට තරුණ නවෝත්පාදකයින් ශ්‍රී ලංකාවට අභිමානයක් ගෙන එමින් එහිදී අනුශුරතාවක් සහ කුසලතා සම්මාන දෙකක් හිමි කරගෙන තිබේ.

අග්‍රාමාත්‍ය ආචාර්ය හරිනි අමරසූරිය මෙනෙවිය මෙම ජයග්‍රහණය ලබාගත් සිසුන් අග්‍රාමාත්‍ය කාර්යාලයේදී  හමු වූවාය.  එහිදී සිසුන් තාක්ෂණික නවෝත්පාදනය සඳහා දක්වන ලද විශිෂ්ට දායකත්වය පිළිබඳව අග්‍රාමාත්‍යවරිය සිය ප්‍රශංසාව පල කළාය.

ESOFT Metro Campus සත්කාරකයා ලෙස අධ්‍යාපන අමාත්‍යාංශය සහ කොළඹ විශ්ව විද්‍යාලයේ පරිගණක විද්‍යාලය සමඟ එක්ව FITIS විසින් සංවිධානය කරන ලද තරුණ පරිගණක විද්‍යාඥ (YCS) තරගය හරහා මෙම දරුවන් දස්කම් දැක්විය.

ඔවුන්ගේ සම්මානලාභී ව්‍යාපෘති මගින් AI බලයෙන් ක්‍රියාත්මක වන බලශක්ති කාර්යක්ෂමතාව, ස්මාර්ට් වාරිමාර්ග සහ අඩු පිරිවිතර උපාංග සඳහා ප්‍රශස්ත ක්‍රීඩා අත්දැකීම්, නවෝත්පාදන සහ නිර්මාණශීලිත්වය සමඟ සැබෑ ලෝකයේ අභියෝගවලට විසඳුම් ලබා දෙන්නක් විය.