(ජේ.කේ.එල් චාමින්ද)

ජනාධිපතිවරණය සම්බන්ධව මැතිවරණ පැමිණිලි 164ක් ඔක්තෝබර් 1 වැනි දා සිට 9 වැනිදා දක්වා අතර කාලය තුළ ලැබී ඇති බව ගාල්ල දිස්ත්‍රික් මැතිවරණ පැමිණිලි කළමනාකරණ මධ්‍යස්ථානය පවසයි.

මැතිවරණ නීති උල්ලංඝණය කිරීම් 147ක්, ප්‍රචණ්ඩ ක්‍රියා 3 ක් හා වෙනත් පැමිණිලි 14ක් ලැබී ඇතැයි මැතිවරණ පැමිණිලි කළමනාකරණ මධ්‍යස්ථානය පෙන්වා දෙයි.

ලැබී ඇති පැමිණිලිවලින් 27 ක් අසත්‍ය පැමිණිලි බවට අනාවරණය වී ඇති බව ද එම මධ්‍යස්ථානය පෙන්වා දෙයි.

මින් වැඩිම මැතිවරණ පැමිණිලි සංඛ්‍යාවක් ලැබී ඇත්තේ ගාල්ල පොලිස් බල ප්‍රදේශයෙන් බවද මැතිවරණ පැමිණිලි කළමනාකරණ මධ්‍යස්ථානය පවසයි. 

ශ්‍රී ලංකා පොදුජන පෙරමුණේ මැතිවරණ කාර්යාලවල හිටපු ජනාධිපති මහින්ද රාජපක්ෂ මහතාගේ ඡායාරූපය ප්‍රදර්ශනය කිරිම, සම්බන්ධව වැඩි වශයෙන් පැමිණිලි ලැබී ඇති බව මධ්‍යස්ථානය සඳහන් කරයි.