දේශීය නර්තන සම්ප්‍රදාය සිංහල සිනමාවට හඳන්වා දුන් ප්‍රවීන භරත නැටුම් ආචාරිනී කලාශූරි කලා භූෂණ පද්මිණි දහනායක මහත්මිය අද (16) අභාවප්‍රාප්ත වූවාය.

සැඩ සුළං, දරුවා කාගෙද, සුජාතා ඇතුළු සිංහල සිනමාවේ මුල් කාලීන චිත්‍රපට රැසක නර්තන ශිල්පිනියක් වූ ඇය නැටුම් අධ්‍යක්ෂකවරියක් ලෙසද කටයුතු කර තිබේ.

නැ‌ටුම් ඉගනීමට කැමති අය සදහා නර්තන පාසලක්ද ඇය ඇරඹුවාය.

මියයන විට 81 වැනි වියේ පසුවූ දහනායක මහත්මිය අභාවප්‍රාප්ත ජනප්‍රිය ගායක මොරිස් දහනායක‌ මහතාගේ නැගණියක්ද වේ.

ඇයගේ දේහය හෙට (17) උදෑසන 9.00 සිට අනිද්දා (18) සවස 5.00 දක්වා බොරැල්ල ඒ.එන් රේමන්ඩ් මල් ශෘලාවේ තැම්පත් කර ඇති අතර අවසන් කටයුතු අනිද්දා (18) සවස 5.00ට බොරැල්ල කනත්ත ආදාහනාගාරයේදී සිදු කරන බව ඇයගේ දියණිය වන ප්‍රවීන නර්තනාචාරිණී රංගනා ආරියදාස මහත්මිය පැවසුවාය.

(සමන්ත යහම්පත් සහහ ආරියරත්න රණබාහු)