(අංජුල මහික වීරරත්න සහ සුජිත් හේවාජුලිගේ)

ඩොලරයේ ඉහළ යාම රටට අහිතකර යැයිද අදම IMF සමග සාකච්ඡා කර අනුප්‍රාප්තික ගිවිසුමක් ඇති කර ගන්නැයි විපක්ෂ නායක සජිත් ප්‍රේමදාස මහතා පාර්ලිමේන්තුවේදී පැවසීය.

මේ ආකාරයට ඩොලරයේ අගය ඉහළ යාම සම්බන්ධයෙන් විපක්ෂයක් ලෙස සමගි ජන බලවේගය සියලු පර්ශ්වයන් සමඟ අද සවස සුවිශේෂ සාකච්ඡාවක් පවත්වන බව විපක්ෂ නායක සජිත් ප්‍රේමදාස මහතා එහිදී කීය.

රජයත් නිදිගැට කඩා මේ තත්ත්වය සම්බන්ධයෙන් පාර්ලිමේන්තුවේ නිවැරදි සාකච්ඡාවක නිරත වී මහා ඛේදවාචකයක් කරා රටයන ගමන වළක්වාලීමට කටයුතු කළ යුතු බවද විපක්ෂ නායකවරයා සඳහන් කළේය.

සියලු දෙනා අත්වැල් බැද ගෙන ලක්ෂ 220 ජනතාව වෙනුවෙන් යුතුකම ඉටු කරණ ලෙසත් පැහැදිලි ආර්ථික ප්‍රතිපත්තියක් මත පිහිටා අදම IMF  සමග සාකච්ඡා කර අනුපාතික ගිවිසුමක් කරා යොමු වන ලෙසත් සජිත් ප්‍රේමදාස මහතා ඉල්ලා සිටියේය.