සිතුම් චතුරංග

ජාතික ජල සම්පාදන හා ජලාපවාහන මණ්ඩල වවුනියාව ප්‍රාදේශීය කාර්යාලය නැවත දැණුම්දෙනතුරු වසා දැමීමට තීරණය කළ බව වවුනියාව සෞඛ්‍ය වෛද්‍ය නිලධාරී කාර්යාලය පවසයි.

වවුනියාව දිස්ත්‍රික්කයෙන් හමුවු කොවිඩ් 19 ආසාදිත පුද්ගලකු හමුවීමත් සමඟ ඔහු හා සමීපව ඇසුරුකල පවුලේ සාමාජිකයින් දෙදෙනෙකු ජාතික ජල සම්පාදන හා ජලාපවාහන මණ්ඩල කාර්යාලයේ සේවය කරන බවට තහවුරුවීමත් සමඟ ආරක්ෂිත පියවරක් ලෙස ජාතික ජල සම්පාදන හා ජලාපවාහන මණ්ඩලයේ වවුනියාව ප්‍රාදේශීය කාර්යාලය එලෙස වසා දැමු බව පැවසීය.

පවතින සෞඛ්‍ය අවදානම් තත්වය සැළකිල්ලට ගෙන ජාතික ජල සම්පාදන හා ජලාපවාහන මණ්ඩල වවුනියාව ප්‍රාදේශීය කාර්යාලය සේවකයින් ඉවත් කිරීමට පියවරගත් බවද මහජන සෞඛ්‍ය පරීක්ෂක නිලධාරීන් පැවසීය.

ආසාදිත පුද්ගලයා සමීපව ඇසුරු කළ ජාතික ජල සම්පාදන හා ජලාපවාහන මණ්ඩල වවුනියාව ප්‍රාදේශීය කාර්යාලයට අනුයුක්තව සේවය කළ පුද්ගලයින් මේ වන විට වවුනියාව පම්පමඩුව නිරෝධායන මධ්‍යස්ථානයක නිරෝධායනය වෙනුවෙන් යොමුකර තිබේ.

ජල සම්පාදන හා ජලාපවාහන මණ්ඩල වවුනියාව ප්‍රාදේශීය කාර්යාලය ඊයේ දිනයේ විෂබීජහරණය කිරීමටද නියමිතව තිබුණි.