වෙඩි වැදීමෙන් හිමි නමක් අපවත් වෙති

(චන්ද්‍රසේන ගමගේ)

හුංගම පොලිස් වසමේ හාතාගල ප්‍රදේයේ දී අද (19) දහවල් වෙඩි වැදීමෙන් හිමිනමක් අපවත් වී  ඇතැයි හුංගම පොලිසිය පවසයි.

මෙලෙස අපවත් වී ඇත්තේ හාතාගල රජමහා විහාරයේ විහාරවාසීව වැඩ විසූ 21 හැවිරිදි වියේ පසුවූ බුත්තල සීලරතන හිමියන්ය.

පුද්ගලයන් දෙනෙකු ලුහුබැඳ ගිය පොලිස් නිලධාරියකුගේ ගිනි අවියක් ක්‍රියාත්මක වීමෙන් මෙම අනතුර සිදුව ඇත.

භික්ෂූන් වහන්සේ දහවල් දානයක් සඳහා වෑන් රථයකින් වැඩම කරමින් සිටියදී මෙලෙස වෙඩි වැදී තිබේ.

අපවත් වූ හිමිනමගේ  දේහය අගුණකොළපැලැස්ස මුලික රෝහලේ තැන්පත් කර තිබේ.