ලොව  විශාලම මගී ප්‍රවාහන ගුවන් යානය වන එයාර් බස් සමාගමේ A 380 වර්ගයේ තට්ටු දෙකේ මගී ගුවන් යානයේ නිෂ්පාදන කටයුතු නවතා දමා ඇති බව වාර්ථා වේ.

ප්‍රමාණවත්  මගීන් ප්‍රමාණයක් නොසිටීම නිසා මෙම තීරණය ගත් බව යුරෝපීය අභ්‍යවකාශ යානා නිෂ්පාදකයන් අතර දැවැන්තයා වන එයා බස් සේවාව බ්‍රහස්පතින්දා ප්‍රකාශයක් නිකුත් කරමින් මේ බව පවසා සිටියේය.

දැවැන්ත පිරිවැය‍ට අනුව අපේක්ෂිත ලාභය ලබාගැනීමට නොහැකි වීම නිසා 2021 වර්ෂයේදී  මෙම ගුවන් යානා අලෙවිය අත්හිටවනු ඇත.

මෙම තීරණය  සමඟ ඔවුන්ගේ විශාලතම පාරිභෝගිකයා වූ ඩුබායි එමිරේට්ස් ගුවන් සේවය සිය ඇනවුම් සීමා කිරීමට තීරණය කර ඇත. 

ඒ අනුව එමිරේට්ස් ගුවන් සේවය  ගුවන් යානා 39ක් (162-123) ඇනවුම් කිරීම අඩුකර ඇත.

ඕස්ට්‍රේලියාවේ ක්වන්ටාස් ගුවන් සමාඟම විසින් ඇනවුම් කර තිබූ A380 වර්ගයේ  මගී ගුවන් යානා 08ක් පෙබරවාරි 07 වැනිදා  අවලංගු කර ඇත. 

මෙහි ප්‍රතිඵල ලෙස එයාර් බස් සමාගම අනෙකුත් ගුවන් සමාගම පසුගාමීත්වයක් පෙන්නුම් කරන බව වාර්ථා වේ.

මෙම ගුවන් යානයේ මගීන් 800කට ගමන්කළ හැකි අතර මෙහි විශාලත්වය නිසාම බොහෝ ගුවන්තොටුපළවල් නවීකරණය කීරීමට සිදු වී ඇත. 

(ඒ එෆ් පී ඇසුරෙනි)

63226