(අංජුල මහික වීරරත්න)

කාල්ටන් නිවසට පැමිණි දින සිට ගත වූ බොහෝ දිනයන්හි පොඩි දරුවන් වෙනුවෙන්  දින චර්යාවෙන් කෙටි කාලයක් හෝ වෙන් ව තිබීම, දෛනිකව  නැවුම් අත්දැකීමක් එක් කරන්නක් බව

හිටපු ජනාධිපති මහින්ද රාජපක්ෂ මහතා තංගල්ලේ සිට සඳහන් කරයි.

"චිත්‍රයක් පෙන්වමින්, රස කතන්දර කියමින් සිටින දරුවන් අගයන ඔවුන්ගේ මිතුරා ලෙස මහින්ද රාජපක්ෂට කටයුතු කිරීමට ලැබීම සතුටට කරුණක්" යනුවෙන් ද ඔහු කියයි.

මහින්ද රාජපක්ෂ මහතා මේ බව කියන්නේ සිය නිල ෆේස්බුක් අඩවියේ සටහනක් තබමිනි.

"මාතෘ භූමියේ අඳුරු යුගය අවසන් කර නිදහස් රටක් දිනා දීමෙන් අප රටේ ආදණීය දරු පරම්පරාව වෙනුවෙන් මට ලබා දිය හැකි හොඳම දේ මා ලබා දී ඇතැයි සිතනවා. මේ රටේ දුවා දරුවන්ගේ සිනහවත්, සිහිනත් සැමදා මෙසේ ආරක්ෂා වේවායි ප්‍රාර්ථනා කරමි.

එසේ දරුවන්ගේ සිහින රැක ගනිමින් අකුරුවලින් ලෝකය ද මිනිසත් බවින් ජීවිතය ද කියා දෙන පෙර පාසලේ සිට විශ්ව විද්‍යාල අධ්‍යාපනය දක්වා වූ සියලුම ගුරුවරුන් ද, දහම් අධ්‍යාපනය ලබා දෙන ගුරුවරුන් ද ඇතුළු සියලුම ආදරණීය ගුරු මව්වරුන් ද පියවරුන් ද ලෝක ගුරු දිනය යෙදෙන අද දිනයේදී මහත් ගෞරවයෙන් සිහිපත් කරමි, යනුවෙන්ද මහින්ද රාජපක්ෂ මහතා පවසයි.