තලවාකැලේ නිවසකත් ගෑස් ලිපක් පුපුරයි

( රංජිත් රාජපක්ෂ)

තලවකැලේ දුම්රිය පොල මාර්ගයේ පිහිටි නිවසක මුළුතැන්ගෙහි තිබු ගැස් සිලින්ඩරයට සම්බන්ධ කර තිබු ගැස් නලය සහ ගැස් උදුන අද (01)  පුපුරාගොස් ඇති බව තලවකැලේ පොලිසිය පැවසිය.

 උදැසන 11 ට පමණ නිවාස හිමියා ගැස් උදුනෙන් ජලය රත්කර තේ සැදිමෙන් අනතුරුව ගැස් උදුන ක්‍රියා විරහිර කර නිවසින් එළියට පැමිණි අවස්තවේ එකවරම විශාල ශබ්දයක් ඇසුණු බවත්, පසුව ඒ පිලිබදව පරික්ෂා කිරිමේදි ගැස් සිලින්ඩරයට සම්බන්ධ කර තිබු ගැස් නලය සහ ගැස් උදුන පුපුරා ගොස් ඇති බවයි පොලිසිය කියා සිටියේය.

පිපිරිමෙන් කිසිවෙකුටත් තුවාල සිදු වි නොමැති අතර , පිපිරිම සම්බන්ධයෙන් සහකාර පොලිස් අධිකාරිවරයෙකුගේ අධික්ෂණය යටතේ පොලිස් ස්ථාන පරික්ෂණ නිලධාරින්  යටතේ පරික්ෂණ පවත්වන බව තලවකැලේ පොලිසිය කියා සිටියේය.