(ටී. කේ. ජී. කපිල) 

මැදපෙරදිග සේවය කරමින් සිටියදී, ඝාතනය කරන ලද තිදෙනකුගේ සිරුරු තුනක් ගුවන් මගින් කටුනායක ගුවන් තොටුපළ වෙත අද (7) රැගෙන විත් ඇති බව ගුවන් තොටුපළ සෞඛ්‍ය වෛද්‍ය ඒකකයේ ප්‍රකාශකයෙක් පැවසීය .


එහෙත් මෙම ප්‍රවෘත්තිය පළවීමත් සමගින් ලංකාදීපයට කතා කළ සෞදි අරාබියේ වැඩබලන ශ්‍රී ලංකා තානාපති මධූක වික්‍රමාරච්චි මහතා එම මළ සිරුරු සෞදි අරාබියෙන් එවා නැති බව තහවුරු කර සිටියේය.

වික්‍රමාරච්චි මහතා වැඩිදුරටත් කියා සිටියේ අද දින (7 වැනිදා) ශ්‍රී ලංකාවට පැමිණි ගුවන් යානයෙන් සෞදි අරාබියේ සිට ශ්‍රී ලංකාවට එවා ඇත්තේ මළ සිරුරු 4 ක් පමණක් බවත් එයින් එක් අයකු සියදිවි හානිකරගත් පුද්ගලයකුගේ බවත්ය.

මිය ගිය දියණිය ප්‍රේම සබදතාවක් පවත්වාගෙන ගිය කටාර් රාජ්‍යයේ සේවයේ නියුතු විවාහක පුද්ගලයකු සමඟ ඇති වූ ආරවුලක් මත මෙම ඝාතනය සිදුවී ඇතැයි වාර්තා වේ. පසුගිය මාර්තු මස 1 වැනිදා මෙම ඝාතනය සිදුව තිබී ඇති අතර කොරෝනා වයිරසය ව්‍යාප්තිය හේතුවෙන් සිරුරු දිවයිනට ගෙන ඒමට ප්‍රමාද වී තිබේ.

කෙසේ වෙතත්  අද (7) සෞදි අරාබියේ රියාද් නුවර සිට පැමිණි ශ්‍රී ලන්කන් ගුවන් සේවයේ යූ.එල්.- 266 දරන විශේෂ ගුවන් යානයෙන් මෙම මළ සිරුරු තුනත් සමග තවත් මළ සිරුරු 4 ක් කටුනායක ගුවන් තොටුපළ වෙත රැගෙන විත් තිබූ අතර , ඒ අනුව එම ගුවන් යානයෙන් මළ සිරුරු 7 ක් කටුනායක ගුවන් තොටුපළ වෙත රැගෙන විත් තිබූ බවත්, ඔවුන් අතුරින් සිව් දෙනකු වෙනත් හේතු මත මිය ගොස් සිටි අයගේ මළ සිරුරු බවත් ගුවන් තොටුපළ සෞඛ්‍ය වෛද්‍ය ඒකකයේ ප්‍රකාශකවරයා පැවසීය .

ගෙල කැපීමෙන් මිය ගිය තිදෙනා කැළණිය , බියගම පාරේ , පන්සල අසළ  ප්‍රදේශයේ පදිංචිකරුවෝ පිරිසකි. එමෙන්ම ඔවුන් එකම පවුලේ සාමාජිකයන් තිදෙනකු  බවට තොරතුරු ද වාර්තා වේ.  මෙම තිදෙනා දරුණු අයුරින් කපා කොටා , පසුව  ගෙළ සිද මරා දමා ඇති බව මෙම මළ සිරුරු සමග තිබූ ලිපි ලේඛන වලින් අනාවරණය වන බව පැවසේ .