( තිළිණි ද සිල්වා )

මෙරට කොරෝනා මර්දන කටයුතු වල නිරත සෞඛ්‍ය සේවයේ ඉදිරිපෙළ සේවයේ නිරතවන්නන් සඳහා පුද්ගලික ආරක්ෂක උපකරණ කට්ටල 600ක් පරිත්‍යාග කිරීමට එක්සත් ජාතීන්ගේ සංවර්ධන  වැඩසටහනේ  ශ්‍රී ලංකා කාර්ය මණ්ඩලය පියවර ගෙන ඇත.
 
ඒඅනුව , බස්නාහිරපළාතේ පළාත්සෞඛ්‍ය සේවා අධ්‍යක්ෂක කාර්යාලයට පුද්ගලික ආරක්ෂක උපකරණකට්ටල 500ක්ද, කළුතර රෝහලට පුද්ගලික ආරක්ෂක උපකරණ කට්ටල 100ක්ද ,  සිය කාර්ය මණ්ඩලයේ ස්වේච්ඡා දායකත්වයෙන් පරිත්‍යාග කල බව එක්සත් ජාතීන්ගේ සංවර්ධන වැඩසටහනේ ශ්‍රී ලංකා කාර්යාලය කියා සිටී.
 
වසංගතයේ ව්‍යාප්තිය මර්දනය සඳහා රජයේ වැඩපිළිවෙළට සහය දක්වමින් සෞඛ්‍ය සේවයේ ඉදිරිපෙළ සේවයේ නිරතවන සෞඛ්‍ය සේවකයින් සදහා මෙම පුද්ගලික ආරක්ෂක උපකරණ පරිත්‍යාග කළ බවද එක්සත් ජාතීන්ගේ සංවර්දන වැඩසටහනේ ශ්‍රී ලංකා කාර්යාලය වැඩිදුරටත් කියා සිටී.