නව කොරෝනා ආසාදිතයන් වාර්තා වීම වැඩිවීමත් සමඟ රාජස්ථාන් ප්‍රාන්තයට සීල් තැබීමට ප්‍රාන්ත බලධාරීහු අද (10) පියවර ගත්හ.

ඒ අනුව ප්‍රාන්තයෙන් පිටවීමටත් ප්‍රාන්තයට පැමිණීමටත් හැකියාව ඇත්තේ අවසර ඇති අයට පමණක් යැයි රාජස්තාන් ප්‍රාන්ත බලධාරීහු කීහ.

පන්ජාබ්, උත්තර් ප්‍රදේශ්, මධ්‍ය ප්‍රදේශ් සහ හර්යානා යන ප්‍රාන්ත රාජස්ථාන් ප්‍රාන්තයට මායිම් වන අනෙක් ප්‍රාන්තය.

ප්‍රාන්තයේ සෑම සංචලනයක්ම නියාමනය හා නිරීක්ෂණය කරන බවත් අදාළ අවසර පත්‍ර නොමැතිව කිසිදු පුද්ගලයකුට ප්‍රාන්තයට ඇතුළු වීමටත් ප්‍රාන්තයෙන් පිටතට යෑමටත් නොහැකි බවත් ප්‍රාන්ත පොලිසියේ අධ්‍යක්ෂ ජෙනරාල් එම්.එල්. ලාදර් නියෝගයක් නිකුත් කරමින් සඳහන් කළේය.

රාජස්ථාන් ප්‍රාන්තයෙන් අද උදෑසන නව කොරෝනා ආසාදිතයන් 123දෙනකු හඳුනාගෙන ඇති අතර ඒ අනුව එම ප්‍රාන්තයෙන් වාර්තා වන සමස්ත ආසාදිතයන්ගේ ගණන 11,245ක් වන අතර එම ප්‍රාන්තයෙන් වාර්තා වන සමස්ත මරණ 256ක් දක්වා ඉහළ ගොස් ඇත.