දියත

බුදු දහමේ හරයන් ජීවිත වලට එක් කරගන්න

අවිහිංසාව, දයාව සහ සියලු සත්වයන් කෙරෙහි පවතින අප්‍රමාණ මෛත්‍රිය පෙරදැරි කරගත් සම්බුදු දහමේ හරයන් තවදුරටත් අප ජීවිතවලට එක් කර ගැනීමට සියලු දෙනාට ආරාධනා කරන බව ජනාධිපති අනුර කුමාර දිසානායක මහතා වෙසක් දින පණිවිඩයෙන් පවසයි.

මත්ද්‍රව්‍ය දොරටුව වසන්න ආගමික ප්‍රබෝධය අත්‍යවශ්‍යයි

මත්ද්‍රව්‍ය හා බැඳුණු විනාශකාරී දොරටුව වසා දැමීම සදහා තරුණ පරපුර තුළ ආගමික ප්‍රබෝධයක් ඇති කිරීම අත්‍යවශ්‍ය බව ජනාධිපති අනුර කුමාර දිසානායක මහතා පැවසීය.

පරිසර සතියක් නම් කරයි

ජගත් පරිසර දිනය නිමිත්තෙන් පරිසර සතියක් ප්‍රකාශයට පත් කළ බව පරිසර අමාත්‍යාංශය පවසයි.

නව සංශෝධනයේදී ඉන්ධන මිල අඩු කළ නොහැකියි

ඉදිරියේදී සිදුකිරීමට නියමිත ඉන්ධන මිල සංශෝධනයේදී ඉන්ධන මිලෙහි අඩුවීමක් අපේක්ෂා නොකළ යුතු බව ලංකා ඛනිජ තෙල් නීතිගත සංස්ථාවේ (CPC) කළමනාකාර අධ්‍යක්ෂ මයුර නෙත්තිකුමාර මහතා පැවසීය.

ඩොලරය රුපියල් 334ක සීමාව ඉක්මවයි

ඇමෙරිකන් ඩොලරයක විකුණුම් මිල රුපියල් 334 සීමාව ඉක්මවා ගිය බව ශ්‍රී ලංකා මහ බැංකුව අද නිවේදනය කළේය.

ප්‍රවාහන ලේකම් මහාචාර්ය කපිල අස්වෙයි?

ප්‍රවාහන, මහාමාර්ග හා නාගරික සංවර්ධන අමාත්‍යාංශයේ ලේකම් මහාචාර්ය කපිල පෙරේරා මහතා සිය ධුරයෙන් ඉවත් වීමට තීරණය කර ඇතැයි වාර්තාවේ.

’’හදිසිය’’ තව දික් කරයි

රටේ මහජන හදිසි තත්ත්වය තවදුරටත් දීර්ඝ කරමින් අතිවිශේෂ ගැසට් නිවේදනයක් නිකුත් කර ඇත

අදත් තැනින් තැනට වැස්ස

බස්නාහිර, සබරගමුව, සහ වයඹ පළාත්වලත් ගාල්ල, මාතර, මහනුවර සහ නුවරඑළිය දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව දැනුම් දෙයි.

කෝටි පහකට අධික කුඩු බදුරලියේ කලෑවකි හමුවේ

රුපියල් කෝටි පහමාරකට ආසන්න වටිනා අයිස් මත්ද්‍රව්‍ය තොගයක් බදුරලිය තුඹගල්ල කන්ද කැලෑවක සඟවා තිබියදී සොයා ගත් බව බදුරළිය පොලිසිය සඳහන්කරයි.

ක්ෂේත්‍ර 15ක් අත්‍යවශ්‍ය කරමින් ගැසට් නිවේදනයක්

විදුලිය, ඛණිජ තෙල්,රෝගී ප්‍රතිකාර,ගිලන් රථ ඇතුළු ක්ෂේත්‍ර 15ක් අත්‍යවශ්‍ය සේවා කරමින් ජනාධිපති අනුර කුමාර දිසානායක මහතාගේ අණ පරිදි අති විශේෂ ගැසට් නිවේදනයක් නිකුත් කර තිබේ.

‘‘ Goy pay ‘‘ හරහා තවත් වංචාවක්

රජයේ ඩිජිටල් ආයතනය මගින් හඳුන්වා දී ඇති රථවාහන වැරදි සඳහා එම ස්ථානයේදීම අන්තර්ජාලය හරහා දඩ ගෙවීමේ goy pay ක්‍රමවේදය( link) සැබදිය ව්‍යාජ අයුරින් අයුරින් සකස්කර මෙරට පුද්ගලයන්ට එවා මුදල් බැර කර ගැනීමේ විදේශ රට වල සිට සිදුකරන ජාවාරමක තොරතුරු රැසක් ලැබී ඇතැයි පිළියන්දල පොලිසිය කියයි.

රංග දිසානායකට එරෙහිව ඒකාබද්ධ විපක්ෂයෙන් පැමිණිල්ලක්

අයි.එම්.එෆ් ණය යටතේ ලංකාවට ඇමෙරිකානු ඩොලර් මිලියන 695

ජාත්‍යන්තර මූල්‍ය අරමුදල මෙරටට ලබාදී අර්මුදල් වැඩසටහන ක්‍රියාත්මක කිරීමෙහිලා ශ්‍රී ලංකාව ලබාගෙන ඇති ප්‍රගතිය මැන බැලීම සඳහා සිදුකළ පස්වැනි සහ හයවැනි සමාලෝචනවලට විධායක කමිටු අනුමැතිය ලැබුණු බව ජාත්‍යන්තර මූල්‍ය අරමුදලේ මෙරට දූත මණ්ඩල ප්‍රධානී එවන් පැපජෝජියෝ මහතා අද මාර්ගගතව පැවැති මාධ්‍ය හමුවකදී ප්‍රකාශ කළේය.

’’රුපියල පාවෙන තුරු මහ බැංකුව පොල් ගෑවාද’’

නූල කැඩුණු සරුංගලේ වගේ රුපියල පාවෙන තුරු මහ බැංකුව පොල් ගෑවාද කියලා ප්‍රශ්න කරන්න වෙනවා යැයි පිවිතුරු හෙළ උරුමයේ නායක නීතිඥ උදය ගම්මන්පිල මහතා පැවසීය.

මන්නාරම බලාගාරයට පණ දෙන සුළං පෙති කොළඹ වරායට

අඩු වියදමින් විදුලිය ජනනය කිරීමේ අරමුණින් ක්‍රියාත්මක වන මන්නාරම මෙගාවොට් 50 සුළං විදුලිබලාගාර ව්‍යාපෘතිය සඳහා අවශ්‍ය සුළං ටර්බයින පෙති (Wind Turbine Blades) කොළඹ වරායට රැගෙන ආ බව වාර්තා වේ.

බොරු නඩුවක් දැමූ පොලිස් ලොක්කොන්ට වන්දි ගෙවීමට නියෝග

මත්ද්‍රව්‍ය ළඟ තබා ගත් බවට බොරුවට නඩු පැවරූ පුද්ගලයෙකුට රුපියල් ලක්ෂ දෙකක වන්දියක් ගෙවීමට ගම්පහ දූෂණ මර්දන අංශයේ පොලිස් නිලධාරීන් තිදෙනෙකුට සහ පොලිස් දෙපාර්තමේන්තුවට ගම්පහ මහේස්ත්‍රාත් බන්ධුල ගුණරත්න මහතා නියම කළේය.

දින 6 බිළිඳා වාට්ටුවේ දමා මව පිටව ගිහින්

අනුරාධපුර ශික්ෂණ රෝහලේදි දින හයකට පෙර උපන් පිරිමි බිළිදු දරුවා වාට්ටුවේ හැර දමා මවක් රෝහලෙන් පිටව ගොස් ඇතැයි අනුරාධපුර පොලිසිය කියයි.

ගැබිණි ග්‍රාම නිළධාරීනියක් රිය අනතුරකින් මරුට

අනුරාධපුර ගුවන්තොටුපළ මාර්ගයේදී සිදුවූ අනතුරකින්, ගැබිණි ග්‍රාම නිළධාරීනියක් ඊයේ (27) ජීවිතක්ෂයට පත් වූ බව කවරක්කුලම පොලිසිය පවසයි.

වැලිකඩ ඕ.අයි.සී රිමාන්ඩ්

අන්තර් ජාල ජාවාරමක් සම්බන්ධයෙන් අත්අඩංගුවට ගත් චීන ජාතිකයන්ගේ විදේශ ගමන් බලපත්‍ර නීතිවිරෝධී ආකාරයෙන් ආපසු ලබාදීම සඳහා රුපියල් ලක්ෂ තුන බැගින් අල්ලස් ඉල්ලූ බව කියන වැලිකඩ පොලීසියේ ස්ථානාධිපති ලබන 9 වැනි දා තෙක් රිමාන්ඩ් බාරයේ තබන්නැයි කොළඹ මහෙස්ත්‍රාත් අසංක එස්.බෝදරගම මහතා නියෝග කළේය.

කන්ටේනර් කමිටු රැස්වීම කල්යයි

කොළඹ වරායෙන් බහාලූම් 323 ක් බාහිර පරීක්ෂාවකින් තොරව මුදා හැරීමේ සිද්ධිය සම්බන්ධයෙන් විමර්ශන පවත්වන පාර්ලිමේන්තු විශේෂ කාරක සභාවේ රැස්වීම ඊයේ පැවැත්වීමට නියමිතව තිබුණත් එය කල් ගොස් ඇතැයි වාර්තාවේ.

දුම්රියේ ගැටී කාන්තාවක් මරුට

උතුරු දුම්රිය මාර්ගයේ සාලියපුර ප්‍රදේශයේ පිහිටි අනාරක්ෂිත දුම්රිය හරස් මාර්ගයකදී දුම්රියේ ගැටුණු කාන්තාවක් ජීවිතක්ෂයට පත්වූ බව අනුරාධපුර මූලස්ථාන පොලිසිය පවසයි.

ලොතරැයියේ වාහන හයක් ආගිය අතක් නෑ

ජාතික ලොතරැයි මණ්ඩලයේ මෝටර් රථ පහක් සහ මෝටර් ලොරි රථයක් පිළිබඳව කිසිදු තොරතුරක් නැතැයි ජාතික විගණන කාර්යාලය නිකුත් කළ වාර්තාවක සඳහන්වේ

තලපති විජේ මෝදි හමුවෙයි

තමිල්නඩු මැතිවරණයේ විශිෂ්ට ජයක් හිමි කර ගනිමින්, තමිල්නාඩු මහ ඇමැති ධුරයට පත්වුණු සුපිරි නළු තලපති විජේ සහ ඉන්දීය අග්‍රාමාත්‍ය නරේන්ද්‍ර මෝදි අතරේ හමුවක් පැවැත්විණි. ඒ, නවදිල්ලියේ අග්‍රාමාත්‍ය කාර්යාලයේදීය.

කළුතර වෙඩික්කරුවන් ආ මෝටර් රථය තෙබුවන දමා ගිහින්

පොලිසියට ඔත්තු දුන්නැයි කියන සිද්ධියක් සම්බන්ධයෙන් ව්‍යාපාරිකයකු වෙඩි තබා ඝාතනය කළ සැකකරුවන් පැමිණි බව කියන මෝටර් රථය තෙබුවන තැපැල් කාර්යාලය ආසන්නයේ විකල්ප මාර්ගයේ දමා ගොස් තිබී පොලිසිය මගින් සොයාගෙන ඇත.

දන්සල් වලට මාර්ගෝපදේශ මාලාවක්

දන්සැල් පැවැත්වීම සඳහා මාර්ගෝපදේශය මාලාවක් සෞඛ්‍ය හා ජනමාධ්‍ය අමාත්‍යාංශයේ වසංගත රෝග විද්‍යා අංශය විසින් නිකුත් කර තිබේ.

IMF 5 වැනි - 6 වැනි සමාලෝචනවලට විධායක කමිටු අනුමැතිය

ජාත්‍යන්තර මූල්‍ය අරමුදල මෙරටට ලබාදී අර්මුදල් වැඩසටහන ක්‍රියාත්මක කිරීමෙහිලා ශ්‍රී ලංකාව ලබාගෙන ඇති ප්‍රගතිය මැන බැලීම සඳහා සිදුකළ පස්වැනි සහ හයවැනි සමාලෝචනවලට ඊයේ (27) විධායක කමිටු අනුමැතිය ලැබුණු බව ජාත්‍යන්තර මූල්‍ය අරමුදල නිවේදනයක් නිකුත් කරමින් ප්‍රකාශ කළේය.

සුබසාධක ප්‍රතිලාභ හෙට බැංකුවලට

අස්වැසුම සුබසාධක ප්‍රතිලාභ යෝජනා ක්‍රමයේ පළමු අදියර යටතේ, වයස අවුරුදු 70 ට වැඩි වැඩිහිටියන් 625,128 දෙනෙකු වෙනුවෙන් මෙම මස වැඩිහිටි දීමනාව හෙට (29) දිනයේ බැංකු ගිණුම් වලට බැර කිරීමට නියමිත බව සුබසාධක ප්‍රතිලාභ මණ්ඩලය පවසයි.

ගල්අඟුරු ගනුදෙනු: කෝප් වාර්තාව ලබන මාසයේ පාර්ලිමේන්තුවට

ල්අඟුරු ගනුදෙනු පිළිබඳ කෝප් කමිටු විමර්ශනයේ වාර්තාව ලබන මාසයේ පාර්ලිමේන්තුවට ඉදිරිපත් කරන බව එහි සභාපති පාර්ලිමේන්තු මන්ත්‍රි වෛද්‍ය නිශාන්ත සමරවීර පවසයි.