එසැණ පුවත්

හිටපු මහ බැංකු අධිපති අත්අඩංගුවට ගන්න වරෙන්තු

හිටපු මහ බැංකු අධිපති අර්ජුන් මහේන්ද්‍රන් අත්අඩංගුවට ගෙන අධිකරණට ඉදිරිපත් කරන ලෙස කොළඹ කොටුව මහේස්ත්‍රාත් ලංකා ජයරත්න මෙනවිය අද (15) වරෙන්තුවක් නිකුත් කළාය.

15 March 2018

‘සමාජ මාධ්‍ය රජයේ අත්අඩංගුවෙන් මුදන්න‘ - ජවිපෙ කියයි

අන්තර්ජාල සමාජ මාධ්‍ය කඩිනමින් ආණ්ඩුවේ ‘අත්අඩංගුවෙන්’ මුදා හැරීමට පියවර ගන්නා ලෙසත් ජනතාවගේ පුළුල් ප‍්‍රජාතන්ත‍්‍රීය අයිතිවාසිකම් උල්ලංඝනය කරන මාධ්‍ය මර්දනයකට නොකරන ලෙසත් ඉල්ලමින් ජනතා විමුක්ති පෙරමුණේ ප‍්‍රචාරක ලේකම් විජිත හේරත් මහතා මුදල් හා ජනමාධ්‍ය අමාත්‍ය මංගල සමරවීර මහතා වෙත ලිපියක් යවා ඇත.

15 March 2018

මුලතිව් ඉඩමක ජීව මෝටාර් බෝම්බයක්

මුලතිව් ශිලාවත්ත දියෝගනගර්හි නැවත පදිංචි ගම්මානයේ ඉඩමක තිබී ජීව මෝටාර් බොම්බයක් සොයාගත් බව මුලතිව් පොලීසිය පවසයි.

15 March 2018

නීතී විරෝධිව ගෙන ආ විදේශිය දුම්වැටි සමඟ ලාංකියා දැලේ

නීතිවිරෝධී ලෙස ශ්‍රී ලංකාවට රැගෙන ආ රුපියල් 2,10,000 ක් පමණ වටිනාකමකින් යුතු විදේශීය දුම්වැටි තොගයක් අද (15) අලුයම කටුනායක ගුවන් තොටුපොළේ දී රේගු නිලධාරීන් විසින් අත් අඩංගුවට ගෙන තිබේ.

15 March 2018

ඇලෝසියස්-පලිසේන උසාවියට

බැඳුම්කර වංචාව සම්බන්ධයෙන් රිමාන්ඩ් බාරයේ සිටි පර්පචුවල් ට්‍රෙෂරීස් සමාගමේ හිමිකරු අර්ජුන ඇලෝසියස් සහ එහි ප්‍රධාන විධායක නිලධාරී කසුන් පලිසේන අද (15) කොටුව මහේස්ත්‍රාත් උසාවිය වෙත රැගෙන එනු ලැබීය.

15 March 2018

මිතුරන් දෙදෙනාට ටිපරයෙන් මරුවා එයි

වැලිගම කප්පරතොටදී මෝටර් රථයක් හා ටිපර් රථයක් මුහුණට මුහුණලා ගැටී අද (15) උදෑසන සිදු වු අනතුරකින් මෝටර් රථයෙහි ගමන් කළ තරුණයින් දෙදෙනා මියගොස් ඇතැයි පොලීසිය පවසයි.

15 March 2018

හදිසි නීතිය ඉවත් කිරීම ජනපති ලංකාවට පැමිණි පසු

මහනුවර ඇතිවූ කළහකාරී සිදුවීම් සමග ජනාධිපතිවරයා විසින් පවන ලද හදිසි නීති රෙගුලාසි ඉවත් කිරීම සම්බන්ධයෙන් තීරණයක් ගන්නේ ජනාධිපති මෛත්‍රීපාල සිරිසේන මහතා විදේශ සංචාරය නිමවී ලංකාවට පැමිණි පසුව බව ජනාධිපති ලේකම් ඔස්ටින් ප්‍රනාන්දු මහතා ලංකාදීපයට පැවසීය.

14 March 2018

අායුර්වේද දෙපාර්තමේන්තු නීති නිලධාරියෙකුත් අල්ලස් ගනිද්දී අල්ලයි

රුපියල් ලක්ෂ තුනක අල්ලසක් ඉල්ලා රුපියල් 50,000ක අත්තිකාරමක් ලබා ගැනීමට උත්සාහ කළ බව කියන ආයුර්වේද දෙපාර්තමේන්තුවේ සහකාර නීතී නිලධාරියකු සහ සූත්‍ර කමිටු සාමාජිකයකු අද (14) අත්අඩංගුවට ගත් බව අල්ලස් හෝ දූෂණ චෝදනා විමර්ශන කොමිෂන් සභාව කියයි.

14 March 2018

පළාත් පාලන ආයතන බලය පිහිටුවීම 22 දා

පළාත් පාලන ආයතන 326 ක බලය පිහිටුවීම මෙ මස 22 වැනිදා සිට සිදු කරන බව පළාත් සභා පළාත් පාලන අමාත්‍ය ෆයිසර් මුස්තාපා මහතා පවසයි.

14 March 2018

දිනේෂ්ගේ පෙත්සමට අතරමැදි පෙත්සම් 11ක්

විශේෂ මහාධිකරණ තුනක් පිහිටුවීමේ විධි විධාන ඇතුළත් , අධිකරණ සංවිධාන පනත් කෙටුම්පතට එරෙහිව ඒකාබද්ධ විපක්ෂයේ නායක දිනේෂ් ගුණවර්ධන මහතා ගොනු කළ පෙත්සමට කරුණු දැක්වීමට මැදිහත් වන්න අවසර ඉල්ලා දේශපාලන නියෝජිතයින් හා සිවිල් සංවිධාන නියෝජනය කරමින් කිහිපදෙනෙක් අද (15) ශ්‍රේෂ්ඨාධිකරණය හමුවේ අතරමැදි පෙත්ස්ම් ගොනුකළහ.

14 March 2018

අගමැති ලේකම් නමින් පොලිසිවලට බලපෑම් කරලා

අග්‍රමාත්‍ය ලේකම් යනුවෙන් පවසමින් දිවයිනේ විවිධ පොලිස් ස්ථාන වලට කතා කරමින් පෞද්ගලික අවශ්‍යතාවයන් ඉටුකරගත් පුද්ගලයකු සම්බන්ධයෙන් වහාම විමර්ශන සිදු කරන ලෙස අග්‍රමාත්‍ය ලේකම් සමන් ඒකනායක මහතා ඉහළ පොලිස් නිළධාරින් වෙත අද(14) දිනයේ දැනුම් දි තිබේ.

14 March 2018

ජනපති ලේකම් කාර්යාල ප්‍රධානීහු හෙට ෆේස්බුක් නියෝජිතයන් හමුවෙති

ජනාධිපති ලේකම් ඔස්ටින් ප්‍රනාන්දු මහතා ඇතුළු උසස් නිලධාරීන් පිරිසක් හෙට ෆේස්බුක් සමාගමේ ඉන්දියානු නියෝජිතයන් පිරිසක් හමුවීමට නිමිත බව ජනාධිපති ලේකම් කාර්යාල ආරංචි මාර්ග කියයි.

14 March 2018

වී අස්වනු මිලදී ගන්න වී අලෙවි මණ්ඩලය සුදානම්

මෙවර මහ කන්නයේ වී අස්වැන්න මිලදී ගැනීම සඳහා වී අලෙවි මණ්ඩලය යටතේ පවතින වී ගබඩා 200ක් සුදානම් කර තිබෙන බව ග්‍රාමීය ආර්ථිකය පිළිබඳ අමාත්‍යාංශය සඳහන් කරයි.

14 March 2018

ඊවා වනසුන්දර පක්ෂග්‍රාහීව කටයුතු කර ඇතැයි අල්ලස් කොමිසම කියයි

හිටපු අගවිනිසුරු මොහාන් පීරිස් සහ අභියාචානාධිකරණ විනිසුරු ඒ.එච්.එම්.නවාස් මහතාට එරෙහිව අල්ලස් කොමිසම කොළඹ මහේස්ත‍්‍රාත් අධිකරණයේ ගොනු කර ඇති පැමිණිල්ල විභාගයට ගැනීම අත්හිටුවීමට නියෝග කළ ශ්‍රේෂ්ඨාධිකරණ විනිසුරු මඩුල්ලේ සාමාජිකයෙකු ලෙස කටයුතු කළ ඊවා වනසුන්දර මහත්මිය පක්ෂග‍්‍රාහීව කටයුතු කර ඇතැයි සඳහන් කරමින් එම නියෝගය අවලංගු කරන ලෙස ඉල්ලා අල්ලස් කොමිසම ශ්‍රේෂ්ඨාධිකරණය හමුවේ අද (14) රිට් පෙත්සමක් ගොනු කර ඇත.

14 March 2018

‘සීනිගොඩ පැට්ටා’ සමඟ තවත් අයෙක් අත්අඩංගුවට

විවිධ වර්ගයේ ගිනි අවි නිෂ්පාදනය කර කාලයක් තිස්සේ මුදලට අලෙවි කිරිමේ යෙදුණු යුද හමුදාවෙන් පලා ආ සෙබළකු වන සීනිගොඩ පැට්ටා නැමැත්තා හා තවත් පුද්ගලයකු අද (14) අත්අඩංගුවට ගත් බව කලුතර දිසා අපරාධ ඒකකය කියයි.

14 March 2018

වට්ස්ඇප් තහනමත් ඉවතට

සමාජ මාධ්‍ය අවහිර කිරීමත් සමඟ රජය විසින් අවහිර කරනු ලැබූ වට්ස්ඇප් සමාජ ජාලය වෙත පිවිසීමේ අවස්ථාව ලබා දෙන ලෙස ජනාධිපති ලේකම් කාර්යාලය සහ ආරක්ෂක අමාත්‍යංශය විදුලි සංදේශ නියාමන කොමිෂන් සභාවට දැනුම් දී තිබේ.

14 March 2018

අල්ලස් ගත් සීදුව ඕඅයිසී රිමාන්ඩ්

සීදුව පොලිස් ස්ථානයේ අපරාධ අංශයේ ස්ථානාධිපතිවරයා ලබන 28 වැනි දා දක්වා රිමාන්ඩ් කරන ලෙස කොළඹ ප්‍රධාන මහේස්ත්‍රාත් බණ්ඩාර රණසිංහ මහතා අද (14) නියෝග කළේය.

14 March 2018

හිටපු අගවිනිසුරුගේ පෙත්සම යළි කැඳවන්නැයි ඉල්ලයි

හිටපු අගවිනිසුරු මොහාන් පිරිස් මහතාට සහ අභියාචනාධිකරණ විනිසුරු නවාස් මහතාට එරෙහිව අල්ලස් කොමිසම විසින් පවරන ලද නඩුව විභාගයට ගැනීම වළකාලමින් ශ්‍රේෂ්ඨාධිකරණය දුන් නියෝගය නැවත සළකා බැලීම සඳහා එම පෙත්සම යළි කැඳවන්නැයි අල්ලස් කොමිසම අද (14) ඉල්ලීමක් කළේය.

14 March 2018

හෙරොයින් ළඟ තබා ගත් අයෙක්ට මරණ දඬුවම

හෙරොයින් ග්‍රෑම් 14 ක් ළඟ තබා ගැනීමේ චෝදනාවකට වරදකරු වු පුද්ගලයකුට කොළඹ මහාධිකරණ විනිසුරු ගිහාන් කුලතුංග මහතා අද (14) මරණ දඩුවම නියම කළේය.

14 March 2018

නීතිවිරෝධීව ඕස්ට්‍රේලියා-ස්විට්සර්ලන්ඩ් ගිය 26 ක් යළි ලංකාවට

නීතිවිරෝධී ලෙස ඕස්ට්‍රේලියාවට සහ ස්විට්සර්ලන්තයට ගොස් සිටි ශ්‍රී ලාංකිකයන් 26 දෙනෙකු , එම රටවලින් පිටුවහල් කර අද (14) යළිත් ආපසු ශ්‍රී ලංකාවට එවා තිබුණි.

14 March 2018

අතුරුදන් වු ධීවරයන් සොයා මෙහෙයුම්

මුලතිව් මුහුදේ දී අතුරුදන් වූ ධීවරයින් තිදෙනා සොයා තවදුරටත් මෙහෙයුම් ක‍්‍රියාත්මක කරන බව ධීවර හා ජලජ සම්පත් සංවර්ධන අමාත්‍යාංශය පවසයි.

14 March 2018

ස්ටීවන් හෝකින්ස් සමුගනී

බ්‍රිතාන්‍ය ජාතික භෞතික විද්‍යාඥ ස්ටීවන් හෝකින් අභාවප්‍රාප්ත වූ බව මීට ටික වේලාවකට පෙර ඔහුගේ පවුල නිවේදනයක් නිකුත් කරමින් සඳහන් කළේය.

14 March 2018

වීරකැටියේ දී සිදු වූ අනතුරකින් පුද්ගලයෙක් මරුට

වීරකැටිය මැදමුලන ප්‍රදේශයේදී අද (14) උදෑසන සිදුවූ අනතුරකින් එක් අයෙක් ජීවිතක්ෂයට පත්වූ බව වීරකැටිය පොලිසිය පවසයි.

14 March 2018

මිනුම්දෝරුවෝ අද සිට දින තුනක් වැඩ වරති

රජයේ මිනුම්දෝරු සංගමය අද (14) සිට තෙදිනක සංකේත වර්ජනයක් ක්‍රියාත්මක කරන බව එම සංගමයේ සභාපති දුමින්ද උදුගොඩ මහතා පැවසීය.

14 March 2018

සමාජ ජාලා අවහිර කිරීම ගැන ජාත්‍යන්තර මාධ්‍යයේ අවධානය

මහනුවර ඇති වූ සිදුවීම් දාමයත් සමඟ ෆේස්බුක්, ඉන්ස්ටග්‍රම්, වට්ස්අප්, වයිබර් යන සමාජ මාධ්‍ය සහ පණිවිඩ මාධ්‍ය වෙත ප්‍රවේශ වීම අවහිර කිරීම සම්බන්ධයෙන් ජාත්‍යන්තර මාධ්‍යයේ වැඩි අවධානයක් යොමු විය.

13 March 2018

ෆේස් බුක් තහනම ඉවත්කරන්න’යි ඇමති පාඨලී කියයි

ෆේස්බුක් ඇතුළු සමාජ මාධ්‍ය වාරණය වහා ඉවත් කිරීමට ආණ්ඩුව කටයුතු කළ යුතු යැයි ජාතික හෙළ උරුමය මහ ලේකම් අමාත්‍ය පාඨලී චම්පික රණවක මහතා ප‍්‍රකාශ කලේය.

13 March 2018

සමාජ ජාල වෙබ් අඩවි වලට නව නීති මාලාවක් - හරීන් ප‍්‍රනාන්දු

ෆේස්බුක් ඇතුලූ සමාජ ජාලා වෙබ් අඩවි සම්බන්ධයෙන් නව නීති සකස් කරන බව විදුළි සංදේශන ඩිජිටල් යටිතල පහසුකම් සහ විදේශ රැකියා අමාත්‍ය හරීන් ප‍්‍රනාන්දු මහතා අද (13) කොළඹදී පැවසීය.

13 March 2018

මහනුවර ඇතිවූ ප‍්‍රචන්ඩ කි‍්‍රයාවලට සම්බන්ධ පැමිණීලි 445ක්

මහනුවර පොලිස් කොට්ඨාසයේ සහ අනිකුත් ප‍්‍රදේශ වල සිදු වු ප‍්‍රචන්ඩ කි‍්‍රයා සම්බන්ධයෙන් නිවාස හා වෙළෙද සැල්වලට අලාභ හානි සිදුකිරීමේ පැමිණිලි 445ක් පොලිස් ස්ථාන වෙත ලැබී ඇති බව පොලිස් මාධ්‍ය ප‍්‍රකාශ පොලිස් අධිකාරි රුවන් ගුණසේකර මහතා අද (13) පැවසීය.

13 March 2018