එසැණ පුවත්

යතුරු පැදිය පැදගෙන ගිය හිමිවරු අනතුරක - හිමිනමක් අපවත්වෙති

මැදිරිගිරිය, බිසෝබණ්ඩාර, යාය 01 තිස්සපුර ආලෝකාරාම විහාරස්ථානයේ වැඩ විසු හිමිවරු දෙනමක් ගමන් ගත් යතුරුපැදියක් අද (16) මැදිරිගිරිය, බිසෝබණ්ඩාර ප්‍රදේශයේ දී මාර්ගයෙන් ඉවතට පැන විදුලි කණුවක ගැටීමෙන් සිදුවූ අනතුරකින් එක් හිමිනමක් අපවත් වී අනෙක් හිමිනම තුවාල ලබා ඇතැයි මැදිරිගිරිය පොලිසිය කියයි.

16 March 2018

සරසවි ගැටළු විසඳීමේ සාකච්ඡා අසාර්ථකයි - වෘත්තිය ක්‍රියා මාර්ග දිගටම

විශ්ව විද්‍යාල අනධ්‍යයන සේවක ගැටළු විසදීම සඳහා මුදල් හා ජනමාධ්‍ය අමාත්‍යාංශය මගින් අද (16) කැඳවු සාකච්ඡාව අසාර්ථක වු බව විශ්වවිද්‍යාල අනධ්‍යන සේවක වෘත්තීය සමිති ඒකාබද්ධ කමිටුවේ සම සභාපති එඩ්වඩ් මල්වත්ත මහතා පවසයි.

16 March 2018

උදයංග වීරතුංගට විවෘත වරෙන්තු

රුසියානු හිටපු ශ්‍රී ලංකා තානාපති උදයංග වීරතුංග මහතාට කොළඹ කොටුව මහේස්ත්‍රාත් විසින් විවෘත වරෙන්තුවක් නිකුත් කර තිබේ.

16 March 2018

ගාල්ලේ ජල සැපයුම යථා තත්ත්වයට

ගාල්ල වක්වැල්ලේ ජල පොම්පාගාරයේ ඇති වු ගින්නකින් පසු පැය 12 කට ආසන්න කාලයක් අකර්මන්‍යව තිබු ගාල්ල නගරයට ජලය සැපයීම මේවනවිට යථා තත්වයට පත්කර ඇතැයි ජලසම්පාදන හා ජලාපවහන මණ්ඩලයේ ගාල්ල ප්‍රාදේශීය ඉංජිනේරු එම්.කේ. ලෙස්ති මහතා පැවසීය.

16 March 2018

ලෝටස් පාර තාවකාලිකව වසයි

මිනින්දෝරු දෙපාර්තමේන්තුවේ සේවක පිරිසකගේ විරෝධතාවක් හේතුවෙන් කොළඹ කොටුවට ප්‍රවේශ වන ලෝටස් පාර තාවකාලිකව වසාදමා තිබේ.

16 March 2018

ගුරුවරුන්ගේ උසස්වීම් ගැන ගුරු සංගමයෙන් චෝදනා

උපාධියක් හා අධ්‍යාපන ඩිප්ලෝමාවක් යන සුදුසුකම් දෙකම ඇති ගුරුවරු සඳහා උසස්වීම් ලබාදීමේ නිසි ක‍්‍රමවේදයක් අධ්‍යාපන අමාත්‍යංශය මෙතෙක් හඳුන්වා දී නැතැයි ගුරු සංගමය චෝදනා කරයි.

16 March 2018

ජපානයට ගිය දූත පිරිසට ඥානසාර හිමියන් අයත්වූයේ නැතිලු

ජනාධිපති මෛත්‍රීපාල සිරිසේන මහතාගේ ජපාන රාජ්‍ය සංචාරයට ජනාධිපති සමඟ ජපානයට ගිය ශ‍්‍රී ලංකා දුත පිරිස අතරට ගලගොඩඅත්තේ ඥානසාර ස්වාමීන් වහන්සේ ද එක්ව සිටි බව පවසමින් මේ දිනවල සමාජ මාධ්‍ය ජාල හා වෙබ් අඩවිවල පළවන ප‍්‍රවෘත්ති, කිසිදු සත්‍යතාවයකින් තොර බව ජනාධිපති මාධ්‍ය අංශය පවසයි.

16 March 2018

සරසවි ගැටළුව විසඳන්න සාකච්ඡාවක්

සිය ඉල්ලීම් සම්බන්ධයෙන් සාකච්ඡාවක් සඳහා විශ්වවිද්‍යාල අනධ්‍යයන සේවක වෘත්තීය සමිති නියෝජිතයින් තිදෙනෙකුට අද (16) මුදල් හා ජනමාධ්‍ය අමාත්‍යාංශයෙන් කැඳවීමක් කර ඇතැයි විශ්වවිද්‍යාල අනධ්‍යන සේවක වෘත්තීය සමිති ඒකාබද්ධ කමිටුව පවසයි.

16 March 2018

‘ආටිගල මැක්කා‘ ඇතුළු 4ක් දැලේ

පාදුක්ක නගරයේ පිහිටි රන් භාණ්ඩ විකිණීමේ නිරත වෙළඳසලකින් රුපියල් හත් ලක්ෂයකට ආසන්න වටිනාකමකින් යුත් රන් භාණ්ඩ කොල්ල කා පලා ගොස් සිටි ‘‘ආටිගල මැක්කා’’ නැමැති 18 හැවිරිදි තරුණයෙකු විසින් මෙහෙය වූ බව කියන ‘‘හතරේ කල්ලිය’’ නමැති තරුණයින් සිව් දෙනෙකු අද (16) හංවැල්ල ආටිගල ප‍්‍රදේශයේ නිවසකදී සැකපිට අත් අඩංගුවට ගත් බව පාදුක්ක පොලිසිය පවසයි.

16 March 2018

වගා ළිඳකට වැටී අයියා මලෝ අවසන් ගමන් යති

මන්නාරම ,මඩු ,කාකේකුලම් ප‍්‍රදේශයේ අනාරක්ෂිත වගා ළිඳකට වැටී අවුරුදු පහක සහ හතක කුඩා ළමුන් දෙදෙනකු මිය ගොස් ඇතැයි පොලීසිය පවසයි.

16 March 2018

ගාල්ල ජල සැපයුම දහවල් වන විට යථා තත්ත්වයට

ගාල්ල වක්වැල්ලේ ජල පවිත්‍රාගාරයේ ඇතිවූ ගින්නෙන් පානීය ජලය බෙදාදීමේ ගැටලුකාරී තත්ත්වයක් හටගෙන ඇතත් කරාපිටිය ශික්ෂණ රෝහලට, මහමෝදර මාතෘ රෝහලට ඇතුළු රෝහල් වලට අඛණ්ඩ ජල සැපයුමක් ලබාදෙන බව ජල සම්පාදන හා ජලාපවාහන මණ්ඩලය පවසයි.

16 March 2018

වක්වැල්ලේ ගින්නෙන් ගාල්ලේ ජල පාරිභෝගිකයින් 25,000 ක් අමාරුවේ

ගාල්ල වක්වැල්ල ජලාපවිත්‍රාගාරයේ ප්‍රධාන විදුලි සැපයුම් පද්ධතියේ ඇතිවූ විදුලි කාන්දුවනිසා එහි විදුලි පද්ධතියේ විදුලිය මුළුමනින්ම විසන්ධි වී ඇත.

15 March 2018

ගාල්ල වක්වැල්ල ජල පොම්පාගාරයේ ගින්නක්

ගාල්ල ප්‍රධාන ජලපවිත්‍රාගාරයේ මීට සුළුමොහොතකට පෙර ඇතිවූ ගින්නකින් එහි ප්‍රධාන විදුලිය බෙදාහරින පද්ධතියට බරපතල හානි සිදුව ඇත.

15 March 2018

ශ්‍රී ලන්කන් විකිණීමේ තීරණය වෙනස් කරයි

ශ්‍රී ලන්කන් ගුවන් සේවය විකුණා දැමීමට කලින් ගෙන තිබු තීරණය අත්හැරීමට රජය තීරණය කර තිබේ.

15 March 2018

අල්ලස් ගත් නිලධාරීන් දෙදෙනා ගැන සෞඛ්‍ය අමාත්‍යාංශයෙන් පරීක්ෂණයක්

මහරගම නාවින්න ආයුර්වේද දෙපාර්තමේන්තුවේ නිලධාරීන් දෙදෙනකු රුපියල් 50 000 ක් අල්ලස් ගත් බව කියන සිද්ධිය සම්බන්ධයෙන් සෞඛ්‍ය අමාත්‍යාංශය මගින්ද පරීක්ෂණයක් ආරම්භ කර තිබේ.

15 March 2018

මහනුවර සිදුවූ දේපොළ හානිවලට වන්දි ගෙවීමට අමාත්‍යංශ 4ක්

ජාතිවාදී ස්වරූපයෙන් මහනුවරදී ඇතිවූ ගැටුම් හේතුවෙන් ඇතිවූ දේපොළ හානිවලට වන්දි ගෙවීමට අමාත්‍යංශ හතරක් යෙදවීමට රජය තීරණය කර තිබේ.

15 March 2018

හදිසි නීතිය ඉවත් කරන්න එපා - ආරක්ෂක අංශ

මහනුවර ඇති වු ජාතිවාදී ස්වරූපයේ ගැටුම් වල පරික්ෂණ අවසන් වන තුරු හදිසි නීතිය ඉවත් නොකරන ලෙස ආරක්ෂක අංශ රජයෙන් ඉල්ලා තිබේ

15 March 2018

බොදු බල සේනා සංවිධානයෙන් අගවිනසුරුට ලිඛිත පැමිණිල්ලක්

බොදු බල සේනා සංවිධානයේ මහලේකම් ගලගොඩ අත්තේ ඥානසාර හිමියන්ට අපහාස කිරීම සහ නීතීඥ වෘත්තීයට නොගැලපෙන ලෙස කටයුතු කරන නීතීඥ අජිත් ප‍්‍රසන්න සම්බන්ධයෙන් සුදුසු සහ අපක්ෂපාතී පරීක්ෂණයක් පවත්වන්නැයි ඉල්ලා බොදුබල සේනා සංවිධානය අගවිනසුරුවරයා සහ ශ්‍රී ලංකා නීතීඥ සංගමය වෙත අද (15) ලිඛිත පැමිණිල්ලක් ඉදිරිපත් කළේය.

15 March 2018

මත්කුඩු පැකට් 70ක් සමඟ පිය පුතු දෙපල පොලිස් දැලේ

ත්‍රීරෝද රථයකින් හෙරොයින් මත්කුඩු ප්‍රවාහනය කරමින් සිටි පිය පුතු දෙපලක් රුපියල් හැට දහසකට ආසන්න වටිනාකමකින් යුත් මත්කුඩු පැකට් 70ක් සමඟ අතුරුගිරිය හබරකඩ ප්‍රදේශයේදී අද (15) අත් අඩංගුවට ගත් බව පොලිස් විශේෂ කාර්ය බලකා බුද්ධි කොට්ඨාශය කියයි.

15 March 2018

මහින්දානන්දගේ අභියාචනයේ තීන්දුව අප්‍රේල් 05

තමන්ට එරෙහිව පවරා ඇති අල්ලස් නඩුව මහාධිකරණ විනිසුරු ගිහාන් කුලතුංග මහතා හමුවේ විභාගයට ගැනීම වළකාලන නියෝගයක් නිකුත් කරන ලෙස ඉල්ලා හිටපු අමාත්‍ය මහින්දානන්ද අලූත්ගමගේ මහතා ගොනු කළ රිට් පෙත්සම සම්බන්ධයෙන් වන තීන්දුව ප‍්‍රකාශයට පත් කිරීම ලබන අපේ‍්‍රල් 05 වැනිදාට කල්තැබීමට අභියාචනාධිකරණය අද තීන්දු කළේය.

15 March 2018

අධිකරණ සංවිධාන පනතට සහාය දක්වමින් ඇමැති චම්පිකත් අධිකරණයට

අධිකරණ සංවිධාන සංශෝධන පනත් කෙටුම්පතට එරෙහිව අධිකරණයට ඉදිරිපත්ව ඇති පෙත්සම්වලට විරෝධතා ඉදිරිපත් කිරීමට ජාතික හෙළ උරුමය කටයුතු කරන බව එහි මහ ලේකම් මහානගර සහ බස්නාහිර සංවර්ධන අමාත්‍ය පාඨලි චම්පික රණවක මහතා ප‍්‍රකාශ කළේය.

15 March 2018

මල්ලී අපයෝජනය කළ අයියා අල්ලයි

වනාතවිල්ලුව ප්‍රදේශයේ ගම්මානයක තම බාල සොහොයුරා අපයෝජනය කළ බව කියන වයස අවුරුදු 17ක සිසුවකු අත් අඩංගුවට ගත් බව වනාතවිල්ලුව පොලිසිය පවසයි.

15 March 2018

නීතීඥ සංගම් රීට් පෙත්සම් විභාගයෙන් විසිනුරුවරු දෙදෙනෙක් ඉවත්වෙති

අල්ලස් පනත යටතේ අභියාචනාධිකරණ විනිසුරු ඒ.එච්.එම්.නවාස් සහ හිටපු අගවිනිසුරු මොහාන් පීරිස් මහත්වරුන්ට එරෙහිව කොළඹ මහේස්ත‍්‍රාත් අධිකරණයේ ගොනු කර ඇති පැමිණිල්ල විභාගයට ගැනීම වළක්වාලන අතුරු නියෝගයක් ඉල්ලා ගොනු කළ රිට් පෙත්සම් විභාගයෙන් ශ්‍රේෂ්ඨාධිකරණ විනිසුරුවරු දෙනෙකු අද (15) ඉවත් වූහ.

15 March 2018

ලක්ෂ 106 ක භාණ්ඩ තොගයක් රේගුවෙන් අත්අඩංගුවට

කපු නූල් කිලෝ ග්‍රෑම් 2650 ක් බවට රේගුවට පවසමින් ලංකාවට ගෙන්වීමට තහනම් කරන ලද ගලයිෆොසෙට් පැකට් 10,000 ක් දුම්කුඩු ග්‍රෑම් ඇසුරුම් තිස්පන්දහසක් ,පාවහන් සහ දුම්වැටි ඇතුළු ලක්ෂ 106 ක වටිනාකමකින් යුත් භාණ්ඩ තොගයක් පෑලියගොඩ නව නුගේ පාරේ රේගු ගුදමේදී ශ්‍රී ලංකා රේගු නිවාරණ අංශය මගින් අද (15) අත්අඩංගුවට ගනු ලැබීය.

15 March 2018

‘වඳභාවය ඇති කළ හැකි පෙත්තක් මෙතෙක් සොයාගෙන නැහැ‘

බටහිර වෛද්‍ය ක්‍රමය අනුව වඳභාවය ඇති කළ හැකි පෙත්තක් සොයා ගෙන නැති බව ප්‍රජනන වෛද්‍ය විද්‍යාව පිළිබඳ මහාචාර්ය චන්දිකා විජේරත්න මහත්මිය අද (15) ශ්‍රී ලංකා වෛද්‍ය සංගමයේ මාධ්‍ය හමුවක දී පැවසීය.

15 March 2018

ලසන්ත ඝාතනයේ සාක්කි විනාශ කළැයි පොලිස් නිලධාරීන් තවදුරටත් රිමාන්ඩ්

සන්ඩේ ලීඩර් හිටපු කර්තෘ ලසන්ත වික්‍රමතුංග මහතාගේ ඝාතනය සම්බන්ධයෙන් සැකපිට රිමාන්ඩ් කර සිටින හිටපු ජ්‍යෙෂ්ඨ නියෝජ්‍ය පොලිස්පති හේමන්ති ප්‍රසන්න නානායක්කාර මහතා සහ උප පොලිස් පරීක්ෂක හෙට්ටිආරච්චිගේ තිස්සසිරි සුගතපාල මහතා ලබන 29 වැනිදා තෙක් රිමාන්ඩ් කරන ලෙස ගල්කිස්ස සහේස්ත්‍රාත් අධිකරණය නියෝග කළේය.

15 March 2018

ධීවරයින්ට ලබා දෙන භූමිතෙල් සහනාධාරය විකිණිමේ ජාවාරමක්

ත්‍රිකුණාමල කින්නියා ධීවර ඉන්ධන පිරවුම්හලට රජය මඟින් ලබාදෙන සහනාධාර භූමිතෙල් ප්‍රදේශයේ බස් හා ලොරි රථ වලට අලෙවි කරන ජාවාරමක් පිළිබඳ තොරතුරු අනාවරණය කරගැනීමට ලංකා ඛනිජ තෙල් නීතිගත සංස්ථාවේ වැටලීම් අද (15) සමත්ව තිබේ.

15 March 2018

ලක්ෂ 18 ක මත්කුඩු සමඟ අයෙක් දැලේ

රුපියල් ලක්ෂ 18 ක් අධික වටිනා හෙරොයින් මත්කුඩු තොගයක් සමග ජාවාරම්කරුවකු කොටහේන ප‍්‍රදේශයේ දී පොලිස් මත්ද්‍රව්‍ය නාශක කාර්යාංශය විසින් අත්අඩංගුවට ගෙන ඇති බව පොලිසිය කියයි.

15 March 2018