එසැණ පුවත්

දක්ෂිණ අධිවේගී මාර්ගයේ රථවාහන තදබදයක්

දක්ෂිණ අධිවේගී මාර්ගයේ බණ්ඩාරගම සහ කහතුඩුව අතර වාහන දෙකක් එකිනෙක ගැටී සිදු වූ අනතුරක් හේතුවෙන් දැඩි රථ වාහන තදබදයක් ඇතිවී ඇතැයි දක්ෂිණ අධිවේගී රථවාහන පාලන මධ්‍යස්ථානය කියයි.

01 September 2020

බන්ධනාගාරයට රැගෙන ආ බෝතලයක් තුළ තිබී සිම්පත් 2 ක් සොයාගනී

මැගසින් බන්ධනාගාරයට රැගෙන ආ සැකකරුවෙක් පොලිස් විශේෂ කාර්ය බලකා නිලධාරීන් පරීක්ෂා කිරීමේදී එම සැකකරු ගෙන ආ වතුර බෝතලයක මූඩිය ගලවා බැලූ විට එහි සූක්ෂම ලෙස සඟවා තිබූ සිම්පත් දෙකක් සොයා ගත්බව බන්ධනාගාර ආරංචි මාර්ග සඳහන් කරයි.

01 September 2020

ජනපතිගේ ධූර කාලය - පාර්ලිමේන්තුවේ නිල කාලය වෙනස් වෙන්නෑ

යෝජිත 20 වන ව්‍යවස්ථා සංශෝධනයෙන් 19 වන ව්‍යවස්ථා සංශෝධනය අහෝසි කළද ජනාධිපතිවරයාගේ ධූර කාලය හා පාර්ලිමේන්තුවේ නිල කාලය සම්බන්ධයෙන් වන වගන්ති වෙනස් නොවන බව රජයේ ජ්‍යෙෂ්ඨ ඇමැතිවරයෙක් ලංකාදීපයට පැවසීය.

01 September 2020

අමතර කොටස් අතර සඟවා වාහන ගෙන්වන ජාවාරමක්

ජපානයෙන් වාහන අමතර කොටස් ගෙන්වන මුවාවෙන් ඒ අතර සඟවා වාහන මෙරටට ගෙන්වා රේගු නිලධාරින් සහ මෝටර් රථ ලියාපදිංචි කිරීමේ දෙපාර්තමේන්තුවේ ඇතැම් නිලධාරීන්ගේ සහාය ලබාගෙන ඒවා ලියාපදිංචි කර විකිණීමේ මහා පරිමාණ ජාවාරමක් මෙහෙය වූ සංවිධානාත්මක කණ්ඩායමක ප්‍රධාන සැකකරු හා තවත් පුද්ගලයෙකු අද (01) අත්අඩංගුවට ගත්බව පෑලියගොඩ අපරාධ කොට්ඨාසය කියයි.

01 September 2020

පැරණි භාණ්ඩ රැසක් සමඟ හෝටල් හිමිකරුවෙක් අත්අඩංගුවට

නිධානයකින් ගත් ඒවා යැයි කියන වටිනාකමක් ඇති භාණ්ඩ රැසක් සමඟ හෝටල් හිමිකරුවෙකු අද (01) අත්අඩංගුවට ගත්බව මිනුවන්ගොඩ පොලිසිය පවසයි.

01 September 2020

මාලදිවයිනේ සිට පැමිණි 6 කට කොරෝනා

මාලදිවයිනේ සිට මෙරටට ඉකුත් 30 වැනිදා පැමිණ කොග්ගල සංචාරක හෝටලයක පවත්වාගෙන යනු ලබන නිරෝධාන මධ්‍යස්ථානයක නිරෝධායනය වෙමින් සිටී පුද්ගලයන් හය දෙනෙකුට කොවිඩ් 19 ආසාදනය වී ඇති බවට අද (01) තහවුරු වීමෙන් පසු ඔවුන් ප්‍රතිකාර සඳහා කොළඹ අයි.ඩී.එච් රෝහලට යැවූ බව හබරාදුව සෞඛ්‍ය වෛද්‍ය නිලධාරී වෛද්‍ය පමෝද් සිරිවර්ධන මහතා පැවසීය.

01 September 2020

මම ස්ථාන පරීක්ෂාවක් කළා - ආනවිළුන්දාවට කිසිම පරිසර හානියක් වෙලා නෑ

‘‘ජනාධිපවරයා මගෙන් කතාකරලා ඇහුවා නිශාන්ත ආනවිළුන්දාව සම්බන්ධයෙන් මොකද්ද ඔය සමාජ මාධ්‍ය ජලා වල යන්නේ ඒකට මොකද්ද ඔයාගේ තියෙන සම්බන්ධය කියලා, මම ජනාධිපතිවරයාට කිව්වා මේ කිසිඳු දේකට මගේ සම්බන්ධයක් නෑ, මගේ වචනයකින් හරි සම්බන්ධයක් තියෙනවානම් මම ඕනෑම දඬුවමකට යටත් වෙන්න සූදානම් කියලා. නමුත් මේක මගේ ප්‍රදේශයේ මගේ ඡන්ද දායකයෙක් කරපු කටයුත්තක් කියලා මම ජනාධිපතිවරයාට කිව්වා.‘‘ යැයි ග්‍රාමීය හා ප්‍රාදේශීය පානීය ජල සම්පාදන ව්‍යාපෘති සංවර්ධන රාජ්‍ය අමාත්‍

01 September 2020

‘‘අවශ්‍ය වුවහොත් මත්පැන් බාගේ බෝතලයද තහනම් කරනවා‘‘

මත්පැන් කාලේ බෝතලය සහ කුඩා පැකට් තහනම් කරන්න කටයුතු කරනවා වගේම ඉදිරියේදී අවශ්‍ය වුවහොත් මත්පැන් බාගේ බෝතලයද තහනම් කිරීමට පියවර ගන්නවා යැයි පරිසර අමාත්‍ය මහින්ද අමරවීර මහතා අද (01) පැවසීය.

01 September 2020

ඉමෝ තාක්ෂණයෙන් නිරුවත පෙන්වූ පොලිස් පරීක්ෂකගේ වැඩ තහනම්

ජංගම දුරකථනයෙන් ඉමෝ තාක්ෂණය ඔස්සේ කාන්තාවකට නිරුවත පෙන්වූ බව කියන පානදුර පොලිස් කොට්ඨාසයේ පොලිස් පරීක්ෂකවරයකුගේ වැඩ තහනම් කළ බව සහකාර පොලිස් අධිකාරි ඩි.යු.පී.අමරතුංග මහතා පැවසීය.

01 September 2020

‘නව ව්‍යවස්ථා සංශෝධනයට ශ්‍රීලනිපයේ සහය ලබාදෙනවා’

රජය විසින් ඉදිරියේ දී සිදුකිරීමට නියමිත ව්‍යවස්ථා සංශෝධය ක්‍රියාවලියට හා නව ආණ්ඩුක්‍රම ව්‍යවස්ථාවක් නිර්මාණය කිරීම සඳහා වන ක්‍රියාවලියට ශ්‍රී ලංකා නිදහස් පක්‍ෂයේ සම්පූර්ණ සහයෝගය ලබාදෙන බව ශ්‍රී ලංකා නිදහස් පක්‍ෂ මහලේකම්, බතික්, අත්යන්ත්‍ර රෙදි හා දේශීය ඇඟළුම් නිෂ්පාදන රාජ්‍ය අමාත්‍ය දයාසිරි ජයසේකර මහතා අද (1) පැවසීය.

01 September 2020

ඉන්දියාවෙන් සතියකදී කොරෝනා ආසාදිතයන් ලක්ෂ 5 ක්

ඉකුත් සතියේ දී ලොව වැඩිම කොරෝනා වයිරස ආසාදිතයන් ගණනක් වාර්තා වී ඇත්තේ ඉන්දියාවෙන් යැයි ද එම ගණන ලක්ෂ පහකට ආසන්න යැයි ද ලෝක සෞඛ්‍ය සංවිධානය ප්‍රකාශ කරයි.

01 September 2020

සාක්කි දීමේදී නිශාන්ත සිල්වා බලපෑම් කළා

මාධ්‍යවේදී කීත් නෝයර් මහතා පැහැරගෙන ගොස් පහරදීමට හිටපු ආරක්ෂක ලේකම් වත්මන් ජනාධිපති ගෝඨාභය රාජපක්‍ෂ මහතා නියෝග කළ බව පවසන ලෙස අපරාධ පරීක්‍ෂණ දෙපාර්තමේන්තුවේ හිටපු පොලිස් පරීක්‍ෂක නිශාන්ත සිල්වා මහතා බලපෑම් කළ බව යුද හමුදා බුද්ධි බලකායේ මාණ්ඩලික විශ්‍රාමික සැරයන් ප්‍රියන්ත කුමාර මහතා දේශපාලන පලිගැනීම් පිළිබඳ විමර්ශනය කරන ජනාධිපති කොමිසම හමුවේ සාක්‍ෂි දෙමින් ඊයේ (31) පැවසීය.

01 September 2020

දුම්රිය රියැදුරෝ වර්ජනය අත්හිටුවති

චීන මැදිරි සහිත දුම්රිය ධාවනය කිරීමෙන් ඉවත්වීමට දුම්රිය රියදුරන් ගත් තීරණය තාවකාලිකව අත්හිටවූ බව දුම්රිය එන්ජින් රියදුරන්ගේ සංගමයේ ලේකම් ඉන්දික දොඩංගොඩ මහතා ලංකාදීපයට පැවසීය.

01 September 2020

සියලු තොරතුරු තිබුණත් ප්‍රහාරයට පෙර සහරාන්ලා අල්ලන්න බැරිවුණා

ජාතික තවුහිද් ජමාත් සංවිධානයේ සහරාන් හෂිම් ඇතුළු කල්ලියේ තොරතුරු ලැබී තිබියදීත් අප්‍රේල් 21 ප්‍රහාරයට පෙර ඔවුන් අත්අඩංගුවට ගැනීමට නොහැකි වූ බව ත්‍රස්ත විමර්ශන කොට්ඨාසයේ විමර්ශන අංක දෙකේ ස්ථානාධිපති පොලිස් පරීක්ෂක රුවන් තරංග කුමාර මහතා ඊයේ (31) පැවසීය.

01 September 2020

කුමන වනයේ ගවේෂණයකදී බුදු පටුන්ගල පුරාවිද්‍යා උරුමය හමුවෙයි

කැලණිය විශ්වවිද්‍යාලයේ පුරාවිද්‍යා පශ්චාත් උපාධි ආයතනයේ පුරාවිද්‍යාව පිළිබඳ ජ්‍යෙෂ්ඨ මහාචාර්ය රාජ් සෝමදේව මහතා ඇතුළු පුරාවිද්‍යා ගවේෂණ කණ්ඩායමක් කළ ගවේෂණයකදී කුමන වනාන්තරයේ පිහිටි ඓතිහාසික පුරාවිද්‍යාත්මක වටිනාකමකින් යුත් ‘‘බුදු පටුන්ගල’’ නමැති ස්ථානය සොයාගෙන තිබේ.

01 September 2020

කඳුරට ජනතා පෙරමුණේ නියෝජ්‍ය මහ ලේකම් ධූරයෙන් අනූෂා චන්ද්‍රසේකරන් ඉවතට

කඳුරට ජනතා පෙරමුණේ නිර්මාතෘ පෙරියසාමි චන්ද්‍රසේකරන් මහතාගේ දියණිය වන අනූෂා චන්ද්‍රසේකරන් මහත්මිය පක්ෂයේ නියෝජ්‍ය මහලේකම් ධූරයෙන් සහ සාමාජිකත්වයෙන් ඉවත් කිරීමට එම පෙරමුණේ ජාතික සභාව විසින් පියවර ගනු ලැබීය.

01 September 2020

විගණන කොමිසමේ කාර්යාලය කෝටි 232 ක් ගිල ගනී

බොරැල්ලේ පිහිටි ජාතික විගණන කොමිසමේ කාර්යාලයෙන් මෙතෙක් කිසිදු සේවාවක් සිදු නොවෙතත් එය පිහිටුවා මේ වනතුරුත් ගත වූ මාස 58ට එහි වියදම් ලෙස රුපියල් කෝටි 232 කට අධික මුදලක් ගෙවා ඇතැයි වාර්තා වේ.

01 September 2020

ආසාදිතයන් 53 දෙනෙකු අද හමුවීම සුළුවෙන් තකන්න බැහැ

විදේශයන්හි සිටින ශ්‍රී ලාංකිකයින් රැගෙන ඒම සමාජය තුළ කොරෝනා වයිරසයේ විෂබීජ පැතිරීම තවදුරටත් වැළැක්වෙන ආකාරයට කිරීමට කටයුතු යොදන බව යුද හමුදාපති ලුතිනන් ජෙනරාල් ශවේන්ද්‍ර සිල්වා මහතා අද(01) පැවසීය. අද දිනයේදී හමවූ කොරෝනා ආසාදිතයන් 22 ත් සමගින් පැය 24 ක් තුළ කොරෝනා ආසාදිතයන් 53 දෙනෙකු හමුවීම බැරෑරුම්ව සිතිය යුතු බවත්,

01 September 2020

අධිකරණයට අපහාස කළ සැකකරු රක්ෂිත බන්ධනාගාරයට

අධිකරණ කටයුතුවලට බාධාවන අයුරින් වෙබ් අඩවියක පුවත් පළ කළේ යැයි කියන සිද්ධියකට අදාළව පොලිස් අපරාධ පරීක්ෂණ දෙපාර්තමේන්තුවේ පරිගණක අපරාධ ඒකකය විසින් අත්අඩංගුවට ගත් තැනැත්තා ලබන 14 වැනිදා තෙක් රක්ෂිත බන්ධනාගාරගතකිරීමට කොළඹ අලුත්කඩේ අංක 6 අතිරේක මහේස්ත්‍රාත් ලෝචනී අබේවික්‍රම වීරසිංහ මහත්මිය නියෝග කළාය.

01 September 2020

පැය 24 ට ශ්‍රී ලංකාවෙන් කොරෝනා රෝගීන් 53 ක්

පැය 24 ක් තුළ විදේශයන්හි සිට පැමිණි ශ්‍රී ලාංකිකයන් අතුරින් 53 දෙනකුට කොරෝනා වයිරසය අසාදනය වී ඇතැයි තහවුරු වී තිබේ.

01 September 2020

ඉන්දියාවේ හිටපු ජනපතිගේ අභාවයට රනිල්ගේ කනගාටුව

හිටපු ඉන්දීය ජනපති ප්‍රනාම් මුඛර්ජි මහතාගේ අභාවයට සිය ශෝකය පළ කරමින් හිටපු අග්‍රාමාත්‍ය සහ එක්සත් ජාතික පක්ෂ නායක රනිල් වික්‍රමසිංහ මහතා ශෝක පණිවුඩයක් නිකුත් කරමින් ඉන්දීය ජනතාවට සිය කනගාටුව ප්‍රකාශ කළේය.

01 September 2020

කුඩු ජාවාරම්කරු සමඟ පොලිස් නිලධාරියා ප්‍රපාතයකට

කුඩු ජාවාරම්කරුවෙකු අත්අඩංගුවට ගැනීමට ඔහු හඹා ගිය පොලිස් නිලධාරියෙකු අදාළ සැකකරු ද සමඟ අඩි 15ක පමණ ප්‍රපාතයකට පෙරළී දෙදෙනාම තුවාල ලබා මාතලේ දිස්ත්‍රික් මහ රෝහලට ඇතුළත් කළ බව මාතලේ පොලිසිය පවසයි.

01 September 2020

දියණියත් යතුරුපැදියේ තියාගෙන මව-පියා ගංජා විකුණලා

අවුරුදු දෙක හමාරක් වන තම දියණිය ද යතුරු පැදියේ නංවාගෙන කේරළ ගංජා අලෙවි කිරීමේ යෙදී සිටි අඹු සැමි යුවළක් කටුගස්තොට පොලිසියේ දූෂණ මර්දන අංශය අද (01) අත්අඩංගුවට ගනු ලැබ තිබේ.

01 September 2020

උඩවලවේ කැළයක දඩමස් කිලෝ 122 ක් - මුව අංතට්ටු - තුවක්කු

උඩවලව ජාතික වනෝද්‍යාන බල ප්‍රදේශයට අයත් තිඹිරියමංකඩ ප්‍රදේශයේ කැළැයක තිබී දඩමස් කිලෝ 122 ක්, මුවන්ගේ අංතට්ටු කීපයක්, තුවක්කු තුනක්, වෙඩි බෙහෙත්, ඊයම් බෝල, අහස් වෙඩි විශාල ප්‍රමාණයක්, ලණු කඹ, බණ්ඩි කියතක්, හැළිවලං ඇතුළු භාණ්ඩ තොගයක් තම බාරයට ගත් බව උඩවලව වනජීවී කාර්යාලය පවසයි.

01 September 2020

කරදියානට කසළ බැහැරකිරීමේ තහනම තාවකාලිකව ඉවතට

කරදියාන කුණු කන්දට මිශ්‍ර සහ අවශේෂ කසළ බැහැර කිරීමට නොහැකි වන ලෙස බස්නාහිර පළාත් අපද්‍රව්‍ය කළමනාකරණ අධිකාරිය විසින් අද (01 ) සිට පනවා තිබූ තහනම දින කිහිපයකට අතිහිටුවමින් සීමා සහිතව කසළ බාර ගැනීමට පියවර ගත්බව අපද්‍රව්‍ය කළමනාකරණ අධිකාරියේ අධ්‍යක්ෂ නලින් මාන්නප්පෙරුම මහතා පැවසීය.

01 September 2020

මත්ද්‍රව්‍ය වලින් තොර ශ්‍රී ලංකාවක් කරන බව එස්බී කියයි

මේ රටේ මත්ද්‍රව්‍ය ජාවාරම කවුරු මෙහෙයවුවද ජනාධිපති ගෝඨාභය රාජපක්ෂ මහතාගේ නායකත්වයෙන් යුතුව මත්ද්‍රව්‍ය ජාවාරම සම්පූර්ණයෙන්ම නැතිකර මත්ද්‍රව්‍ය වලින් තොර ශ්‍රී ලංකාවක් බවට කඩිනමින් පත් කරන බව නුවරඑළිය දිස්ත්‍රික් පාර්ලිමේන්තු මන්ත්‍රී එස්.බී.දිසානායක මහතා පැවසීය.

01 September 2020

කටුනායකට තවත් පී.සී.ආර් යන්ත්‍රයක්

පී.සී.ආර් පරීක්ෂණ 1000 ක් කළ හැකි අංග සම්පූර්ණ රසායනාගාරයක් ඉදිරි දින කිහිපයේ දී කටුනායක ගුවන් තොටුපළෙහි ඉදිකිරීමට ජාත්‍යන්තර ශ්‍රමිකයන්ගේ සංගමය පියවර ගෙන ඇතැයි එම සංවිධානයේ ශ්‍රී ලංකා ප්‍රධානී සරට් ධාෂ් මහතා කම්කරු අමාත්‍ය නිමල් සිරිපාල ද සිල්වා මහතා හමුවේ පවසා තිබේ.

01 September 2020

ලක්ෂ 20 ක ගංජා සමඟ යුවළක් අත්අඩංගුවට

කළුතර දිස්ත්‍රික්කය පුරා මහා පරිමාණයෙන් කේරල ගංජා බෙදාහැරීමේ නිරත වූ කාන්තාවක් සහ පුද්ගලයෙක් බුලත්සිංහල කොබවක ප්‍රදේශයේදී සහ පයාගල කලමුල්ල ප්‍රදේශයේදී රුපියල් ලක්ෂ 20කට ආසන්න කේරල ගංජා තොගයක් සමඟ අත්අඩංගුවට ගත් බව කළුතර කොට්ඨාස අපරාධ විමර්ශන අංශය කියයි

01 September 2020