එසැණ පුවත්

රාජපක්ෂ පවුල අල්ලන්න ජාත්‍යන්තර වරෙන්තු ඉල්ලයි

ජනාධිපති ගෝඨාභය රාජපක්ෂ මහතා සහ ඔහුගේ හිතවතුන් අත්අඩංගුවට ගැනීමට ජාත්‍යන්තර වරෙන්තුවක් නිකුත් කළ යුතු බව බ්‍රිතාන්‍ය ලිබරල් ප්‍රජාතන්ත්‍රවාදී පක්ෂයේ නායක ශ්‍රීමත් එඩ් ඩේවි මහතා නියෝජිත මන්ත්‍රී මණ්ඩලයට යෝජනාවක් ඉදිරිපත් කර ඇත.

14 July 2022

හමුදාවෙන් දැඩි නිවේදනයක්

මහජන දේපල මෙන්ම සියලු මර්මස්ථාන සහ මහජන ජීවිත සුරැකීමේ වගකීම හමුදාව වෙත පැවරී ඇති බවත්, හමුදාව එම බලය පාවිච්චි කිරීමට කිසිසේත්ම මැලි නොවන බව යුද හමුදාව නිවේදනයක් නිකුත් කරමින් දන්වා සිටියි.

14 July 2022

ඉන්ධනහලේ සිට ගෙදර යද්දී වැටී මරුට

දින කීපයක් හලාවත ප‍්‍රදේශයේ ඉන්ධන පෝලිමක රැදීසිට නැවත සිය නිවස කරා යමින් සිටි කාර්මිකයකු හදිසියේ රෝගාතුර වී හලාවත කුරුණැගල මාර්ගයේ මුන්නේස්වරම ප‍්‍රදේශයේදී ඇද වැටී මරණයට පත්ව ඇති බව හලාවත පොලීසිය පවසයි.

14 July 2022

කොළඹ එන දුම්රිය නවතී

කොළඹ දිස්ත්‍රික්කයට ඇඳිරිනීතිය පැනවීම හේතුවෙන් පිට පළාත් සිට කොළඹට ධාවනය වීමට නියමිතව තිබූ සියලු දුම්රිය අත්හිටුවූ බවත් අද පස්වරුවේ කොළඹින් පිටත්වීමට නියමිත දුම්රිය සාමාන්‍ය පරිදි ධාවනය වන බවත් දුම්රිය සාමාන්‍යාධිකාරී ධම්මික ජයසුන්දර මහතා පැවසීය.

14 July 2022

ජනාධිපති සිංගප්පූරුව බලා පිටත් වෙයි

ජනාධිපති ගෝඨාභය රාජපක්ෂ මහතා ඇතුළු පිරිස සිංගප්පුරුව බලා සෞදි ගුවන් සේවයට අයත් එස්.වී 788 ගුවන් යානයෙන් සුළු මොහොතකට පෙර පිටත් වූ බව බංගලාදේශ මාධ්‍ය වාර්තා කළේය.

14 July 2022

කොළඹට ඇඳිරිනීතිය

කොළඹ දිස්ත්‍රික්කය සඳහා අද (14) දහවල් 12.00 සිට හෙට (15) අළුයම 5.00 දක්වා ඇඳිරිනීතිය පනවමින් ගැසට් නිවේදනයක් නිකුත් කර ඇත.

14 July 2022

මන්දිරවලින් ඉවත්වීමට අරගලකරුවෝ තීරණය කරති

අත්පත් කරගත් ගොඩනැගිලිවලින් ඉවත්වීමට තමන් තීරණය කළ බව ගාලු මුවදොර අරගලකරුවෝ පවසති.

14 July 2022

ලංකාවේ වත්මන් අර්බුදයට රුසියාව වගකිව යුතුයි

ශ්‍රී ලංකාවේ ඇති වී තිබෙන වත්මන් අර්බුදයට රුසියාව වගකිව යුතු බව යුක්රේන ජනාධිපති ව්ලොදිමීර් සෙලෙන්ස්කි මහතා සියොල් නුවර පැවති ආසියානු නායකත්ව සමුළුව අමතමින් ප්‍රකාශ කළේය.

14 July 2022

’’කතානායකවරයාට රට භාරදෙන්න’’

වහාම ධුරයෙන් ඉල්ලා අස්වී සර්වපාක්ෂික ආණ්ඩුවක් පිහිටුවීම සඳහා කතානායකවරයාට රට භාර දෙන මෙන් අගමැතිවරයාගෙන් ඉල්ලා සිටින බව ස්වාධීන පක්ෂ එකමුතුව නිවේදනයක් නිකුත් කරමින් කියා සිටී.

14 July 2022

ජනාධිපතිගේ ගමනාන්තය අඟහරු ලෝකයද?

ජනාධිපතිගේ ගමනාන්තය අඟහරු ලෝකය දැයි සමඟි ජන බලවෙිගයේ පාර්ලිමේන්තු මන්ත්‍රී මුජුබුර් රහුමාන් මහතා පැවසීය.

14 July 2022

’’ඉල්ලා අස්වීමේ ලිපිය තවමත් නෑ’’

ජනාධිපති ගෝඨාභය රාජපක්ෂ මහතාගේ ඉල්ලා අස්වීමේ ලිපිය තවම තමාට ලැබී නැතැයි කතානායක මහින්ද යාපා අබේවර්ධන මහතා පැවසීය.

14 July 2022

තැනින් තැනට වැසි වාර කීපයක්

සබරගමුව පළාතේත් මහනුවර සහ නුවරඑළිය දිස්ත්‍රික්කවලත් අද (14) වැසි වාර කිහිපයක් ඇතිවන බව කාලගුණ විද්‍යා දෙපාර්තමේන්තුව පවසයි.

14 July 2022

මාලෙන් පිටවෙන්න ජනපතිට පෞද්ගලික ගුවන් යානයක් ?

ජනාධිපති ගෝඨාභය රාජපක්ෂ මහතා මාලේ සිට සිංගප්පූරුව බලා යාමට නියමිතව තිබූ එස්.කිව් 437 සිංගප්පූරු ගුවන් යානයෙන් පිටත් නොවූ බව විිදෙස් මාධ්‍ය වාර්තා කළේය.

14 July 2022

අරගලය අස්සේ සෙබළුන්ගේ අවි උදුරන් යයි

බත්තරමුල්ල පොල්දූව හංදියේ ඊයේ (13) ඇති වු නොසන්සුන්තාව අතරතර ප්‍රකෝප වු පිරිස් එහි ආරක්ෂාවට කැඳවා සිටි හමුදා සෙබළුන් දෙදෙනකුට පහර දී බරපතල තුවාල සිදුකර ඔවුන් සතුව තිබු ටී 56 ගිනි දෙකක් පැහැගෙන ගොස් ඇති බව හමුදා ප්‍රකාශක බ්‍රිගේඩියර් නිලන්ත ප්‍රේමරත්න මහතා පවසයි.

14 July 2022

කලබල අස්සේ 84ක් රෝහල

කොළඹ සහ බත්තරමුල්ල පොල් පොල්දූව මංසන්ධිය අසල වූ විරෝධතාවලින් තුවාල ලැබූවන් 84 දෙනකු මේ වන විට කොළඹ ජාතික රෝහලට ඇතුළත් කර ඇතැයි එහි ජ්‍යෙෂ්ඨ ප්‍රකාශකයෙක් පැවසීය

14 July 2022

‘‘පාර්ලිමේන්තුව වාහා කැඳවා විධිමත් පාලනයක් ගොඩනගන්න‘‘

රට තුළ නිර්මාණය වී ඇති දේශපාලන අස්ථාවරත්ව හේතුවෙන් රටේ ආරක්‍ෂාවට මෙන්ම මහජන ජීවිත ද දැඩි තර්ජනයට පත්ව ඇති මෙම තීරණාත්මක මොහොතේ ප්‍රජාතන්ත්‍රවාදී ව්‍යුහය තුළ පාර්ලිමේන්තුව වාහා කැඳවා විධිමත් පාලන තන්ත්‍රයක් ගොඩනැගිය යුතු යැයි නැවතත් අවධාරණය කරන බව සඳහන් කරමින් ත්‍රෛනිකායික මහ නාහිමිවරු මාධ්‍ය නිවේදනයක් අද (13) රාත්‍රී නිකුත් කළහ.

13 July 2022

හෙට අළුයම 5.00 දක්වා රටටම ඇඳිරි නීතිය පනවයි

සමස්ත රට බලපාන පරිදි අද (13) මධ්‍යහන 12.00 සිට ඇඳිරි නීතිය පනවා හෙට (14) අළුයම 5.00 ට ඉවත්කරන බව සඳහන් කරමින් වැඩබලන ජනාධිපතිවරයා ලෙස අග්‍රාමාත්‍ය රනිල් වික්‍රමසිංහ මහතා ගැසට් නිවේදනයක් නිකුත් කර තිබේ.

13 July 2022

ජනාධිපති ගෝඨාගෙන් ගැසට්ටුවක්

ජනාධිපති ධූරයේ වැඩ බැලීම සඳහා අද (13) සිට බලපැවැත්වෙන පරිදි අග්‍රාමාත්‍ය රනිල් වික්‍රමසිංහ පත් කරමින් ජනාධිපති ගෝඨාභය රාජපක්ෂ විසින් අති විශේෂ ගැසට් නිවේදනයක් නිකුත් කර ඇත.

13 July 2022

‘‘සාමකාමීව කටයුතු කරන්න‘‘

සාමකාමීව කටයුතු කරන්නැයි සියලු පාර්ශවවලින් ඉල්ලා සිටින බව ශ්‍රී ලංකාවේ ඇමෙරිකා එක්සත් ජනපද තානාපතිනි ජුලී චන්ග් මහත්මිය ට්විටර් පණිවුඩයක් නිකුත් කරමින් සඳහන් කරයි.

13 July 2022

එක්සත් ජාතීන්ගේ සංවිධානයෙන් නිවේදනයක්

ප්‍රචණ්ඩත්වයෙන් වැළකී සාමකාමී බලය පැවරීමකට සහයෝගය ලබා දෙන ලෙස එක්සත් ජාතීන්ගේ මානව හිමිකම් පිළිබඳ මහ කොමසාරිස් කාර්යාලය සියලු පාර්ශ්වයන්ගෙන් ඉල්ලා සිටියේය.

13 July 2022

‘‘හැමෝම පිළිගන්න අගමැති කෙනෙක් නම් කරන්න‘‘

සර්වපාක්ෂික ආණ්ඩුවක් පිහිටුවීම සඳහා ආණ්ඩු පක්ෂය හා විපක්ෂය යන දෙපාර්ශවයම පිළිගන්නා අග්‍රාමාත්‍යවරයකු නම් කරන ලෙස වැඩබලන ජනාධිපති සහ අග්‍රාමාත්‍ය රනිල් වික්‍රමසිංහ මහතා කතානායක මහින්ද යපා අබේවර්ධන මහතාට අද(13) දැනුම් දුන්නේය.

13 July 2022

අග්‍රාමාත්‍ය කාර්යාලයේ දේපළ අරගලකරුවෝ ආරක්‍ෂා කරති

අරගලකරුවන් අද (13) පස්වරුවේ අත්පත්කරගත් කොළඹ 7, මල්පාරේ පිහිටි අග්‍රාමාත්‍ය කාර්යාලයේ දේපළ ආරක්‍ෂා කිරීමට අරගලකරුවන් පියවර ගෙන තිබීම කැපී පෙනේ.

13 July 2022

නීතිය - සාමය ස්ථාපිත කරන්නැයි පොදුජන පෙරමුණ ඉල්ලා සිටියි

රට තුළ වහාම නීතිය හා සාමය පරිපූර්ණ ලෙස ස්ථාපිත කරන ලෙස වැඩබලන ජනාධිපතිපතිවරයාගෙන් සහ ආරක්‍ෂක අංශ වෙතින් දැඩිව ඉල්ලා සිටින බවත් ශ්‍රී ලංකා පොදුජන පෙරමුණ ඒ සඳහා පූර්ණ සහයෝගය ලබාදීමට සූදානම් බවත් ශ්‍රී ලංකා පොදුජන පෙරමුණ නිවේදනයක් නිකුත් කරමින් පවසයි.

13 July 2022

අගමැති රනිල් ඉල්ලා අස්විය යුතුයි: පක්ෂ නායකයෝ කියති

රටේ මතුවී අර්බුදය විසඳා ගැනීමට නම් රනිල් වික්‍රමසිංහ මහතා සිය ධූරයෙන් වහාම ඉල්ලා අස්විය යුතු බව පක්ෂ නායකයන් බහුතරයක් පාර්ලිමේන්තු කටයුතු පිළිබඳ කාරක සභා රැස්වීමේදී කතානායකවරයාට පෙන්වාදී ඇතැයි පාර්ලිමේන්තු ආරංචි මාර්ගවලින් පැවසේ.

13 July 2022

‘ලිබරල් සහෝදරත්වයෙන්’ අරගලකරුන්ට පණිවුඩයක්

අරගලකරුවන් ආරම්භයේ සිට සාමකාමීව කටයුතු කිරීම නිසා අරගලයේ මූලික ඉල්ලීම වූ ජනාධිපති ගෝඨාභය රාජපක්‍ෂ මහතා ධූරයෙන් ඉවත්වීමට ආසන්න තිබෙන ශ්‍රී ලංකා ඉතිහාසයේ අතිශයෙන් තීරණාත්මක ජයග්‍රහණය ළගාකරගැනීමට හැකි වූ බවත් ප්‍රචණ්ඩත්වයෙන් යුත් අරගලයකින් ජනතාව සහ සමස්ත ශ්‍රී ලංකාවටම හානියක් වනවා මිස ජයග්‍රහණයක් හිමිකරගත නොහැකි බවත් ‘ලිබරල් සහෝදරත්වය’ සංවිධානය නිවේදනයක් නිකුත් කරමින් පවසයි.

13 July 2022

යථාර්ථයට පිටින් ගන්නා තීන්දු තීරණවලට සහාය නෑ

මහපොළවේ යථාර්ථය තේරුම් නොගෙන ගන්නා තීන්දුතීරණවලට තමන් සහය නොදෙන බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ප්‍රමිත බණ්ඩාර තෙන්නකෝන් මහතා පැවසීය.

13 July 2022

වැඩබලන ජනාධිපති බව කියමින් රනිල් ජනතාව මර්දනය කරන්න හදනවා

වැඩබලන ජනාධිපති බව කියා ගනිමින් මේ රටේ හදිසි නීතිය, ඇඳිරි නීතිය දමමින් ජනතාව මර්දනය කිරීමට රනිල් වික්‍රමසිංහ මහතා උත්සාහ කරමින් සිටින බව සමඟි ජනබලවේගයේ මහ ලේකම් රංජිත් මද්දුම බණ්ඩාර මහතා කොළඹදී අද (13) පැවසීය.

13 July 2022

පාර්ලිමේන්තුව අසළත් කඳුළු ගෑස් ප්‍රහාරයක්

පාර්ලිමේන්තුවට පිවිසෙන මාර්ගයේ විරෝධතාවක නිතරව සිටින පිරිසකට පොලිසිය මීට සුළු මොහොතකට පෙර කඳුළු ගෑස් ප්‍රහාරයක් එල්ල කළ බව වාර්තා වේ.

13 July 2022