එසැණ පුවත්

ආපදාව ගණන් නොගත්තාට ආණ්ඩුවට නඩු

කාලගුණ ආපදාව සම්බන්ධයෙන් කල්තියා තොරතුරු ලැබී තිබියදී අවශ්‍ය ක්‍රියාමාර්ග නොගැනීම සම්බන්ධයෙන් ආණ්ඩුවට එරෙහිව නඩු පවරන බව සමගි ජන බලවේගයේ කුරුණෑගල දිස්ත්‍රික් මන්ත්‍රී නීතිඥ දයාසිරි ජයසේකර මහතා පැවසීය.

ජනපති, ආණ්ඩුකාරවරුන් - පළාත් ලේකම්වරුන් අමතයි

රටටම එකවර බලපෑ ආපදා තත්ත්වය හේතුවෙන් මෑත කාලයේ සිදුවූ විශාලම විනාශයට රටට මුහුණ දීමට සිදුව තිබෙන බවත්, මෙම තත්ත්වය කඩිනමින් මගහරවා ගනිමින් යළි රට ගොඩනැගීමේදී ආණ්ඩුකාරවරුන්ට සහ පළාත් ප්‍රධාන ලේකම්වරුන්ට පුළුල් වගකීමක් පැවරී තිබෙන බවත් ජනාධිපති අනුර කුමාර දිසනායක මහතා පැවසීය.

ආපදාවට හසුවූ නිවාසවලට දැනුම් දෙන තුරු යන්න එපා

ජාතික ගොඩනැගිලි පරීක්‍ෂණ ආයතනයේ නිලධාරීන් පරීක්‍ෂා කර නිවසට යන ලෙස නිර්දේශ කරන තෙක් නිවසින් පිටව සිටින ජනතාවගෙන් නැවත නිවසට නොයන ලෙස ඉල්ලා සිටින බව ජාතික ගොඩනැගිලි පරීක්‍ෂණ ආයතනයේ ජ්‍යෙෂ්ඨ භූ විද්‍යාඥ ආචාර්ය වසන්ත සේනාධීර මහතා අද (1) පැවසීය.

කැලණි ගඟ රුදුරු වී

කැළණි ගඟ පිටාර ගැලීම හේතුවෙන් කඩුවෙල නගරය සහ අධිවේගී අධිවේගී පිවිසුම අවට අඩි දහයක පමණ ජලය මට්ටමක් දක්නට ලැබිණි.

ප්‍රමාණවත් දුම්රිය නොමැති නිසා මගීහු මහ මග

දුම්රිය ගමන් වාර සංඛ්‍යාව සීමා කිරීමට සහ කුඩා දුම්රිය ධාවනයේ යෙදවීමට බලධාරීන් උපදෙස් දී ඇතැයි දුම්රිය දෙපාර්තමේන්තුවේ නිලධාරීහූ පවසති.

චීනයේ විශ්වාසය

ජනාධිපති අනුර කුමාර දිසානායක මහතාගේ ස්ථාවර නායකත්වය සහ ජාත්‍යන්තර ප්‍රජාවගේ සාමූහික සහයෝගය යටතේ ආපදා තත්වයෙන් ගොඩඒමස සඳහා ශ්‍රී ලාංකිකයන් සියලු දෙනා එක්ව සහයෝගයෙන් කටයුතු කරනු ඇතැයි චීනය විශ්වාස කරන බව මෙරට චීන තානාපති කාර්යාලය නිවේදනයක් නිකුත් කරමින් ප්‍රකාශ කළේය.

රට යළි ගොඩනගන අරමුදලට කැබිනට් අනුමැතිය

‘දිට්වා’ සුළි කුණාටුවෙි හානියෙන් පසුව රට යළි ගොඩනැංවීම අරමුණු කරගත් ‘Rebuilding Sri Lanka’අරමුදල ස්ථාපනය කිරීමට කැබිනට් අනුමැතිය ලැබී තිබේ.

නවසීලන්තයෙන් ඩොලර් මිලියනයක් ආධාර

දිට්වා සුළි කුණාටුවෙන් පීඩාවට පත් ශ්‍රී ලාංකිකයන්ට සහන සැපයීමට නවසීලන්ත ඩොලර් මිලියනයක් ආධාර ලෙස ලබාදීමට නවසීලන්ත රජය තීරණය කර ඇතැයි මෙරට නවසීලන්ත මහ කොමසාරිස් කාර්යාලය අද ප්‍රකාශ කළේය.

බන්ධනාගාරයට ස්කෑන් ගැනීමේදී සමාගම් දෙකකට සැළකිල්ලක්

බන්ධනාගාර දෙපාර්තුමේන්තුව සිරකරුවන් සහ සිරකරුවන්ට දෙන පාර්සල් ස්කෑන් කිරීමට රුපියල් කෝටි ගණනක් වටිනා නවීණ ස්කෑන් යන්ත්‍ර 8 ක් මිලදීගැනීම සඳහා ප්‍රසිද්ධ කර ඇති ටෙන්ඩර් දැන්වීමට සැපයුම්කරුවන්ගේ සුදුසුකම් වැරදි ලෙස නිර්දේශ කර ඇතැයි බන්ධනාගාර දෙපාර්තුමේන්තු ඇතැම් නිලධාරීහූ පවසති.

දුම්රිය වාර ප්‍රවේශපත්‍රයේ කාලය 7 දක්වා දීර්ඝ කරයි

රට පුරා පවතින අපදා තත්වය හේතුවෙන් දුම්රිය ගමනාගමනයට බාධා ඇතිවීම පිළිබඳ අවධානය යොමු කරමින් නොවැම්බර් මස දුම්රිය වාර ප්‍රවේශ පත්‍රයේ කාලය මෙම මස 7 වැදා දක්වා දීර්ඝ කළ බව එම දෙපාර්තමේන්තුව පැවසීය.

ආපදාවක් නැති පළාත්වල ලංගම වැඩ

මගී ප්‍රවාහන බස් ආපදාවට පත්ව නොමැති සියලුම ප්‍රදේශවලට ඊයේ (1) දිනයේ ධාවනය කළ ලංකා ගමනාගමන මණ්ඩලය සහ පෞද්ගලික බස් රථ නියාමනය කරන ආයතන පැවසීය. දුම්රිය ගමන් වාර සංඛ්‍යාව ද අද පස්වරුව වන විට තව දුරටත් වැඩි කිරීමට දුම්රිය දුම්රිය දෙපාර්තමේන්තුව පියවර ගෙන තිබුණි.

ආපදා හේතුවෙන් මිය ගිය ගණන තවත් ඉහළට

දිට්වා සුළි කුණාටුව හේතුවෙන් දිවයිනට බලපා ඇති ආපදා තත්වයෙන් අද (01) දිනය වන විට මරණ 366ක් සිදුවී 367 ක් අතුරුදන් වී ඇතැයි ආපදා කළමනාකරණ මධ්‍යස්ථානය පවසයි.

මෝය කටේ වැලි ඉවත් කරමින් සිටි නාවික හමුදාවේ 5ක් අතුරුදන්

අධික වර්ෂාව හේතුවෙන් මුලතිව්, චලේ ප්‍රදේශයේ වැලිවලින් වැසී ගිය කලපුවක ජල මාර්ගය පිළිසකර කරමින් සිටි නාවික හමුදාවේ පස් දෙනකු අද (1) අධික ජල පහරට හසුව අතුරුදන්ව ඇති බව නාවික හමුදා මාධ්‍ය ප්‍රකාශක බුද්ධික සම්පත් මහතා පැවැසීය.

ශ්‍රීපාද හැටන් මාර්ගයට කඩා වැටුණු පස් කන්ද කපා ඉවත් කරයි

රන් පවුමක මිල තවත් ඉහළට

රත්තරන් පවුමක මිල දින පහක් තුළ රුපියල් 6,000 කින් ඉහළ යෑමෙන් කොළඹ හෙට්ටිවීදිය රත්තරන් වෙළෙඳපොළේ කැරට් 22 රන් පවුමක් මිල රුපියල් 315,000 ක් බවට පත්වූ බව හෙට්ටිවීදිය රත්තරන් ව්‍යාපාරිකයෝ අද (1) පැවසූහ.

යළි සුළි කුණාටුවක් නෑ

ඉදිරි සති දෙකක කාලය තුළ දිවයිනේ හිතකර සාමාන්‍ය කාලගුණ තත්ත්වයක් පවතින බව කාලගුණ විද්‍යා පර්තමේන්තුව පවසයි

ආපදා වලින් නුවරඑලියේ 75ක් මරුට 62ක් අතුරුදහන්

වැලිමඩ- කැප්පෙටිපොල එළවළු තොග ගොඩ ගැහිලා

ප්‍රධාන එළවළු සැපයුම් ප්‍රදේශ වන බදුල්ල දිස්ත්‍රික්කයේ වැලිමඩ සහ කැප්පෙටිපොල ආර්ථික මධ්‍යස්ථාන වලට විශාල වශයෙන් ගෝවා, කැරට්, බෝංචි ආදී එළවළු වර්ග තොග ලැබෙමින් පවතින බව කෘෂිකර්ම අමාත්‍යංශය පවසයි.

ආපදා කඳවුරු වල පිහිටට ’’ආරෝග්‍ය’’ එයි

සෞඛ්‍ය හා ජනමාධ්‍ය අමාත්‍යාංශය මඟින් පවත්වන ආරෝග්‍යා සෞඛ්‍ය සායනය ආපදා සුරක්ෂිතතා මධ්‍යස්ථාන වල ක්‍රියාත්මක කරන බව අමාත්‍යංශය කියයි.

අධාර රැගත් ඉන්දියානු නෞකාවක් ත්‍රි‘මලේ වරායට

ජල ගැලීම්වලින් විපතට පත් නැගෙනහිර ජනතාවට සහන සැලසීම සඳහා ආධාර තොගයක් රැගත් ’’සුඛන්‍යා’’ (INS Sukanya ) නැමැති ඉන්දියානු නාවික නෞකාව අද (01) ත්‍රිකුණාමල අෂ්රොප් ජැටියට සේන්දු වුහ.

බදුල්ලේ 82ක් මරුට

බදුල්ල දිස්ත්‍රික්කයේ සිදුවූ ආපදාවන්වලින් මියගිය ගණන 82 දක්වා අද (01) ඉහළ ගිය බව බදුල්ල දිස්ත්‍රික් ලේකම් පණ්ඩුක ශ්‍රී ප්‍රභාත් අබේවර්ධන මහතා පවසයි.

මහියංගන රෝහලේ ඕ.පී.ඩී අරී

මහියංගන මූලික රෝහලේ බාහිර රෝගී අංශය (OPD) අද(1) විවෘත කළ බව සෞඛ්‍ය හා ජනමාධ්‍ය අමාත්‍යාංශයේ තෘතීය සත්කාර සේවා අංශයේ අධ්‍යක්ෂ වෛද්‍ය ප්‍රියන්ත අතපත්තු මහතා පැවසීය.

ලාෆ් ගෑස් මිල වෙනස් නොවේ

ලාෆ් ගෘහස්ථ ගෑස් මිල මෙම මස (දෙසැම්බර්) සංශෝධනය නොවන බව ලාෆ් සමාගමේ අධ්‍යක්ෂ ආචාර්ය නිරෝෂන් ජේ. පීරිස් මහතා පැවසීය.

ගම්පහ පිරිසිදු කරයි

දින කිහිපයක් ඇදහැලුනු ධාරානිපාත වර්ෂාව මත ඇතිවූ ගංවතුර ගැලීම හේතුවෙන් අප ජලය මුසුව අපවිත්‍ර වූ ගම්පහ නගරය පවිත්‍ර කිරීමට මහ නගර සභාව පියවර ගනු ලැබීය.

මධ්‍යම පළාතේ පුද්ගල මරණ 202ක්

දිවයිනට බලපා ඇති අයහපත් කාලගුණික තත්ත්වය හේතුවෙන් මේ වනවිට මහනුවර දිස්ත්‍රික්කයේ ප්‍රාදේශීය ලේකම් කොට්ඨාස 20ක මරණ 103ක් ද, නුවරඑළිය දිස්ත්‍රික්කයේ පුද්ගලයන් 75 ක් ජීවිතක්ෂයට පත්ව පුද්ගලයන් 62 ක් අතුරුදන්ව ඇතැයි ද මාතලේ දිස්ත්‍රික්කයේ පුද්ගලයන් 24ක් ජීවිතක්ෂයට පත්ව පුද්ගලයන් 06ක් අතුරුදන්ව ඇතැයි ආපදා කළමනාකරණ මධ්‍යස්ථාන නිවේදනය කරයි.

හෙලිකොප්ටර අනතුර ගැන හොයන්න විමර්ශන මණ්ඩලයක්

ශ්‍රී ලංකා ගුවන් හමුදාවට අයත් බෙල් 212 හෙලිකොප්ටරයේ අනතුර සම්බන්ධයෙන් සොයා බැලීමට විශේෂ විමර්ශන මණ්ඩලයක් පත්කර අැත

යක්කල ආයුර්වේදය අසලින් එක් මං තීරුවක් විවෘත කරයි

කොළඹ - මහනුවර මාර්ගයේ, යක්කල ආයුර්වේදය අසල කොටසක් ගිලා බැසීමට ලක්වූ පාළමෙන් දෙපසට රථවාහන ධාවනය කිරීම සඳහා මංතීරුවක් විවෘත කිරීමට පියවර ගත් බව මාර්ග සංවර්ධන අධිකාරියේ ගම්පහ දිස්ත්‍රික් කාර්යාලය සදහන් කරයි.

පොළොන්නරුවේ පවුල් 7,434ක් අපදාවට

දින කිහිපයක් පුරා පොළොන්නරුව දිස්ත්‍රික්කයට බලපා තිබූ අයහපත් කාලගුණික තත්ත්වය හා ගංවතුර තත්ත්වය නිසා පවුල් 7434 ක පුද්ගලයින් 25293 දෙනෙකු අද( 01 ) වනවිට ආපදාවට ලක්වී සිටින බව පොළොන්නරුව දිස්ත්‍රික් ආපදා සහන සේවා මධ්‍යස්ථානය සඳහන් කරයි.