එසැණ පුවත්

අඹුසැමි යුවළ බියගන්වා ලක්ෂ 40 ක් කොල්ලකාලා

කළු පැහැති ඇඳුමින් සැරසි කළු පැහැති රෙදි වලින් මුහුණ වසාගෙන අතුරුගිරිය බොරළුගොඩ පාර දෙමහල් නිවසකට කඩා වැදුණු පස් දෙනකුගෙන් යුත් කල්ලියක් නිවැසි අඹුසැමි යුවළට තියුණු ආයුධ පෙන්වා බිය ගන්වා රුපියල් ලක්ෂ 40 කට ආසන්න වටිනා රන් ආභරණ තොගයක් කොල්ල කා පලා ගොස් ඇතැයි අතුරුගිරිය පොලිසිය කියයි.

රියදුරු දස්කමින් ජීවිත 80ක් බේරෙයි

තලවකැලේ සිට කොළඹ දක්වා ධාවනය වෙමින් තිබූ කඩවත ලංගම ඩිපෝවට අයත් බස් රථයේ හදිසියේ තිරිංග ක්‍රියා විරහිත විමෙන් බස් රථය රියදුරුගේ පාලනයෙන් මිදි අධික බැවුමක් සහිත ප්‍රදේශයකදී ධාවනය වෙමින් තිබියදී බස් රථය පස් කන්දක ගැටිමට සලස්වා රියදුරුදු විසින් නතර කර ගැනීමට සමත් වී ඇති බව ගිනිගත්හේන පොලීසිය කියයි.

ලක් මව රනින් සරැසු ‘ටාවි ‘ ලංකාවට

වයස අවුරුදු 11 න් පහළ ලොව අංක 01ස්ථානයේ පසුවන , ශ්‍රී ලාංකික මේස පන්දු ක්‍රීඩක ටාවි සමරවීර , බහරේනයේ සහ කටාර් රාජ්‍ය වල පැවති තවත් ලෝක ශ්‍රේණි ගත කිරීමේ තරගාවලි දෙකක් ජයග්‍රහණය කරමින් රන් පදක්කම් 02 ක් දිනා ගෙන අද(26) අලුයම කටුනායක ගුවන් තොටුපොළ ඔස්සේ මෙරටට පැමිණියේය .

කෝටි තුනක ‘අයිස්‘ සමඟ අයෙක් මාට්ටු

විදෙස්ගතව සිටින සංවිධානාත්මක අපරාධ හා මහාපරිමාණ මත්ද්‍ර‍ව්‍ය ජාවාරම් කරුවන් වන වැලිඔය ප්‍රියන්ත හා SF ජගත් නැමැත්තන්ගේ සමීපතමයෙකු රුපියල් කෝටි 03 කට අධික වටිනා කිලෝ 03 කට අධික අයිස් මත්ද්‍රව්‍ය සමඟ පුද්ගලයකු අත්අඩංගුවට ගත් බව පොලිස් විශේෂ කාර්ය බලකාය කියයි .

ගල් අඟුරු අර්බුදයක්

ආන්දෝලයට ලක්ව ඇති ගල් අඟුරු ටෙන්ඩරය යටතේ ලැබුණු ගල් අගුරුවල ප්‍රමිතිය සම්බන්ධයෙන් උද්ගතවී ඇති ගැටලුකාරී තත්වය හේතුවෙන් ලබන අප්‍රේල් මාසයට පෙර මෙම වසරට අවශ්‍ය ගල් අගුරු ප්‍රමාණය ආනයනය කළ නොහැකි තත්වයත් උද්ගතවී ඇති බවත් එසේ වුවහොත් රට දැඩි බලශත්කි අර්බුදයකට පත්වන බවත් විදුලිබල ක්ෂේත්‍රය පිළිබඳව විශේෂඥයෝ පවසති.

පළාත් කීපයකට අදත් වැසි

උතුරු, උතුරු-මැද, නැගෙනහිර ,වයඹ සහ ඌව පළාත්වලත් මාතලේ සහ නුවරඑළිය දිස්ත්‍රික්කවලත් වැසි වාර කිහිපයක් වැසි ඇති වන බව කාලගුණ විද්‍යා දෙපාර්තමේන්තුව දැනුම් දෙයි.

2025 වසරේ ඩොලර් බිලියන 1.057 සෘජු විදෙස් ආයෝජන මෙරටට ලැබිලා

අධිවේගයේ දමා ගිය සැක මෝටර් රථය

දක්ෂිණ අධිවේගී මාර්ගයේ අපරැක්ක හා බෙලිඅත්ත අතර කිලෝ මිටර 140 කණුව ආසන්නයේ දොරගුළුලා අත්හැර ගොස් තිබූ සැකකටයුතු අති සුඛෝභෝගී මෝටර්රථයක් සිය භාරයට ගෙන තිහගොඩ පොලිසිය ඒ සම්බන්ධයෙන් විමර්ශන ආරම්භ කළ බව පොලිස් මූලස්ථානය කියයි

කොළඹ පෙර පාසල් ගුරු වැටුප රු. 10,000 කින් ඉහළ දමයි

කොළඹ නගර සභාව පාලනය කරන පෙර පාසල්වල ගුරුවරුන්ගේ වැටුප රුපියල් 10,000 කින් ඉහළ දැමීමට එම නගර සභාවේ මුදල් කමිටුවේ අනුමැතිය ලැබුණු බවත් ඒ අනුව නගර සභාවේ පෙර පාසල් ගුරුවරයකුගේ වැටුප රුපියල් 30,000 ක් දක්වා ඉහළ දැමූ බවත් සමඟි ජන බලවේගයේ නාගරික මන්ත්‍රී චමින්ද අලුත්ගෙදර මහතා ‘ලංකාදීප’යට අද (25) පැවසීය.

ගල්අඟුරු බාලයි: සැපයුම්කරැගෙන් දඩයක්

ලක්විජය බලාගාරයට ගෙන ආ ගල් අඟුරු තොගයේ තාප ශක්ති අගයේ අඩුවක් ඇති බව හඳුනාගැනීම හේතුවෙන් සැපයුම්කරැගෙන් දඩයක් අය කර ගැනීමට රජය තීරණය කර ඇත.

ශ්‍රි ලංකාවට ගොඩයන ක්‍රමය අරවින්ද් පෙන්වයි

ශ්‍රී ලංකාව කෙදිනකවත් මෙරට ඇතිවූ දරුණුතම ආර්ථික අර්බුදයට මුල්වූ කරුණු අමතක නොකළ යුතු බවත් එමගින් ඉදිරියේදී ආර්ථික අර්බුදයක් ඇතිවීම වළක්වා ගතහැකි බවත් ප්‍රමුඛ ඉන්දීය ආර්ථික විද්‍යාඥ අරවින්ද් සුබ්‍රමනියම් මහතා ප්‍රකාශ කළේය.

සුදුසුකම් නැති ශිෂ්‍යාවක් වෛද්‍ය පීඨයට ඇතුළත් වෙලා

යාපනය විශ්ව විද්‍යාලයේ වෛද්‍ය පීඨයේ අධ්‍යන කටයුතු සඳහා ව්‍යාජ තොරතුරු ඉදිරිපත්කර ඇතුළත්වූ ශිෂ්‍යාවක ඉවත් කළ බව යාපනය විශ්ව විද්‍යාල පාලනාධිකාරිය පවසයි.

මහනුවර නියෝජ්‍ය පුරපතිට පිංකම් ගෙදරකදී පිරිසක් ගහලා

මහනුවර මහ නගර සභාවේ නියෝජ්‍ය පුරපති රුවන් කුමාර ගලපිටිය (ජාතික ජන බලවේගය) මහතාට සුදුහුම්පොල ප්‍රදේශයේදී පිරිසක් විසින් පහරදී ඇති බව මහනුවර පොලිස් මූලස්ථානයේ උසස් නිලධාරියෙක් පැවසීය.

කොල්ලුපිටියේ විද්‍යාලයක ගේට්ටුවට වෙඩි ප්‍රහාර 15ක්

යතුරු පැදියකින් පැමිණි නාඳුනන පුද්ගලයන් දෙදෙනෙකු අද (25) කොල්ලුපිටිය ආර් ඒ ද මෙල් මාවතේ සංගීත විද්‍යාලයක් පිහිටි ගොඩනැගිල්ල දෙසට හා ගේට්ටුවට ටි 56 ගිනි අවියකින් වෙඩි තබා පලා ගොස් ඇතැයි කොල්ලූපිටිය පොලිසිය සඳහන් කරයි.

ලංකාවේ පළමු ජාත්‍යන්තර අක්ෂි සත්කාර සමුළුව ඇරැඹේ

ප්‍රතිකාර මගින් වලක්වාගත හැකි අක්ෂි රෝග වලින් මිලියන සංඛ්‍යාත ජනතාවක් පීඩා විඳින අතර සැමට සාධාරණ අක්ෂි සත්කාර සහතික කිරීමට රජය කැපවන බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවැසීය.

රට නගන අරමුදලට ප්‍රොපර්ටි පීඑල්සී කෝටියක් දෙයි

දිට්වා සුළි කුණාටුවෙන් විපතට පත් ජනතාවට සහන සැලසීමේ අරමුදලට RIL ප්‍රොපර්ටි පීඑල්සී ආයතනයෙන් රුපියල් කෝටියක මූල්‍යමය පරිත්‍යාගයක් කළේය.

දුන් ණය යළි ඉල්ලීයැයි ගෙල කපා මරලා

මහනුවර නගරයේ යාචක කාන්තාවකගේ ගෙල කපා ඝාතනය කළ පුද්ගලයෙකු පොලිසියට බාර වී ඇති බව මහනුවර මුලස්ථාන පොලිසිය කියයි.

කෙසෙල්වත්තේ දිනුකට පැය 72ක රැඳවුම් නියෝග

ජාත්‍යන්තර රතු නිවේදන නිකුත් කර තිබියදි ඉන්දියාවේ චෙන්නායි නුවරදී අත්අඩංගුවට ගෙන මෙරටට පිටුවහල් කළ හේවා පේඩිගේ දිනූශ චතුරංග නොහොත් කෙසෙල්වත්තේ දිනුෂ්නමැති සංවිධානාත්මක අපරාධකරුට එරෙහිව පැය 72 ක කාලයකට රැඳයුම් නියෝග ලබාගත් බව කෙසෙල් වත්ත පොලිසිය සඳහන් කරයි

සිරිකොත නව ගමනකට මුල පුරයි

පිටකෝට්ටේ සිරිකොත එක්සත් ජාතික පක්ෂය මූලස්ථානයේ සර්ව රාත්‍රික පිරිත් පින්කම ඊයේ(24) පැවැත්විණි.

මත් සැකකරුවෝ 773ක්

’’රටම එකට’’ ජාතික මෙහෙයුම යටතේ රට පුරා කළ වැටලීම් වලදී මත්ද්‍රව්‍ය වැරැදි වලට සම්බන්ධ සැකකරුවන් 773 ක් ඊයේ (24) කළ මෙහෙයුම් වලදී අත්අඩංගුවට ගත් බව පොලිස් මාධ්‍ය කොට්ඨාශය කියයි.

දිට්වා හානි පනස්දාහ 70%කට දීලා අවසන්

දිට්වා සුළි කුණාටුවෙන් පසු පවුල් නැවත පදිංචි කරවීම සඳහා මුළුතැන්ගෙයි උපකරණ ලබාගැනීම වෙනුවෙන් රජයෙන් ලබා දෙන රුපියල් 50000 දීමනාව මේ වන විට 70%කට ගෙවා අවසන් කර තිබේ.

’’කෝට් එකට ගහනවා කියන්නේ නීතියට ගහන එක’’

ලාල් කාන්ත කෝට් එකට ගහනවා කිව්වේ නීතියට ගහනවා කියන එක යැයි පොදු ගැන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතා පැවසීය.

පහරදීමක් කළැයි පොලීසියේ 6ක් අත්අඩංගුවට

‎යතුරු පැදිය නොනවත්වා ධාවනය කළැයි උරණව පියතුමෙකුට පහර දුන් බව කියන පොලිස් යතුරු පැදි ඒකකයේ හය දෙනෙකු අද( 25) අලුයම සැකපිට අත්අඩංගුවට ගත් බව ගම්පහ පොලිසිය කියයි.

අට කෝටියක කුෂ් ගුවන් තොටෙන් අල්ලයි

රුපියල් අට කෝටි විසි දෙලක්ෂයක් වටිනා ’’ කුෂ්’’ මත්ද්‍රව්‍ය තොගයක් , මෙරටට රැගෙන විත් , ඒවා කටුනායක ගුවන් තොටුපොළෙන් පිට කර ගෙන යමින් සිටි ශ්‍රී ලාංකික ගුවන් මගියකු අද අත් අඩංගුවට ගත් බව ගුවන් තොටුපොළ පොලිස් මත්ද්‍රව්‍ය කාර්යාංශය කියයි.

හෝටලයේ මැනේජර් ගිනි අවි ජාවාරමක

අක්මිමණ පොලිස් විශේෂ කාර්ය බළකායේ නිලධාරින් අම්බලන්ගොඩ නගරයේ ප්‍රසිද්ධ හෝටලයක මුදල් අයකැමිවරයකු නවින පන්නයේ ගිණි අවියක් සමග අත් අංගුවට ගත් බව ගාලු දිසාබාර නියෝජ්‍ය පොලිස්පති කාර්යාලය පවසයි.

පොලිසිය වෙඩි තබා හරක් හොරු අල්ලයි

මහ රෑ හොර රහසේ ගවයන් සොරාගෙන ලොරියකට පැටවීමේ යෙදී සිටි පිරිසක් අත්අඩංගුවට ගැනීමට යාමේදී සිදුවූ වෙඩි තැබීමකින් ගව හොරෙකු තුවාල ලබා රෝහල්ගත කර ඇති බව නාල්ල පොලිසිය පවසයි.

පළාත් කීපයකට විටින් විට වැස්ස

උතුරු, උතුරු-මැද, නැගෙනහිර සහ ඌව පළාත්වලත් මාතලේ සහ නුවරඑළිය දිස්ත්‍රික්කවලත් විටින් විට වැසි ඇති වන බව කාලගුණ විද්‍යා දෙපාර්තමේන්තුව දැනුම් දෙයි.

සුපිරි මඟේ අනතුරින් කතක් මරුට

දක්ෂිණ අධිවේගී මාර්ගයේ දි තිදෙනෙකු ගමන් ගත් මෝටර් රථයක් අද (24) සවස උඩුකුරුව පෙරළී යාමෙන් කාන්තාවක් මිය ගොස් තවත් දෙදෙනකු පොලිස් මාධ්‍ය ප්‍රකාශක කාර්යාලය කියයි