එසැණ පුවත්

වව්නියාව නගර සභාපතිට පොලිස් ඇප

වව්නියාව තානායමේ ආරක්ෂක නිලධාරියාට පහරදුන් බව කියන සිද්ධියක් සම්බන්ධයෙන් අත්අඩංගුවට ගත් වව්නියාව නගර සභාපතිවරයා අද (15) පොලිස් ඇප මත මුදා හැරුණු බව වව්නියාව පොලීසිය පවසයි.

15 June 2021

කසිප්පු ජාවාරමෝ නිවිතිගල නිවසක් වනසති

කසිප්පු ජාවාරමක් ගැන කහවත්ත පොලිස් විශේෂ කාර්ය බළකායට ඔත්තුවක් ලබාදුන්නේ යැයි සැකය මත නිවිතිගල, කිරිබත්ගල වතුයායේ නිවෙසක් ජාවාරම්කරුවන් විසින් සම්පූර්ණයෙන් විනාශ කර ඇතැයි නිවිතිගල පොලිසිය පවසයි.

15 June 2021

ගුවන් සමාගමේ ආරක්ෂක තනතුරුවලට හොර පාරෙන්

ශ්‍රී ලංකා ගුවන්තොටුපොළ හා ගුවන් සේවා සමාගමේ ආරක්ෂක නිලධාරී තනතුරු සඳහා තෝරාගත් පිරිසට පත්වීම් නොදි දේශපාලන බලපෑම් මත වෙනත් පිරිසකට පත්වීම් ලබාදීමේ සූදානමක් ඇතැයි අන්තර් සමාගම් සේවක සංගමය චෝදනා කරයි.

15 June 2021

කොරෝනා මර්දන එන්නත් ලක්ෂයකට ලබා දෙයි

කොරෝනා මර්දන එන්නත් ලක්ෂයකට ආසන්න පිරිසකට ඊයේ දිනයේ පමණක් එන්නත් ලබා දී ඇතැයි කොළඹ වසංගත රෝහ විද්‍යා ආයතනය සඳහන් කරයි.

15 June 2021

සංචරණ සීමා ඉවත් කරන තීරණය 19 හෝ 20

සංචරණ සීමා ලබන 21 වැනිදා ඉවත් කරන්නේ ද යන්න තීරණය කරන්නේ ලබන 19 වැනිදා හෝ 20 වැනිදා බව කැබිනට් ප්‍රකාශක, ජනමාධ්‍ය අමාත්‍ය කෙහෙලිය රඹුක්වැල්ල මහතා පැවසීය.

15 June 2021

කොරෝනා මරණ අඩු වෙන්න තවත් සති දෙකක් තුනක් යාවි

කොරෝනා ආසාදිතයන් අඩු වුණත් කොරෝනා මරණ අඩුවීමට තවත් සති දෙකක් හෝ තුනක් යා හැකි යැයි කොරෝනා මර්දන රාජ්‍ය ඇමතිනී විශේෂඥ වෛද්‍ය සුදර්ශනී ප්‍රනාන්දුපුල්ලේ මහත්මිය පැවසුවාය.

15 June 2021

විදුලි සේවකයන්ට සියයට 25ක වැටුප් වැඩිවීමක්

ලංකා විදුලිබල මණ්ඩලයේ සේවකයනට මේ වසරේ ජනවාරි මාසයේ සිට ක්‍රියාත්මකවන පිරිද සියයට 25ක වැටුප් වැඩවීමක් ලබාදීමට තීරණය කළ බව ලංකා විදුලිබල මණ්ඩලය සඳහන් කරයි.

15 June 2021

‘‘යුරෝපා පාර්ලිමේන්තුව සම්මත කළ යෝජනාවේ සාවද්‍ය කරුණු ‘‘

ශ්‍රී ලංකාවේ තත්ත්වය, ත්‍රස්තවාදය වැළැක්වීමේ පනත යන කරුණු අඩංගු කර යුරෝපීය පාර්ලිමේන්තුවේදී සම්මත කළ ශ්‍රී ලංකාව පිළිබද යෝජනාව සාවද්‍ය කරුණු මත පදනම්ව සිදු කළ එකක් යැයි විදේශ අමාත්‍ය දිනේෂ ගුණවර්ධන මහතා මෙරට සිටින යුරෝපා සංගමයට අයත් රටවල තානාපතිවරුන් හමුවේ දැන්වූ බව විදේශ අමාත්‍යාංශය පවසයි..

15 June 2021

ශ්‍රී ලංකාව ඇතුළු රටවල් 6කට පිලිපීනය පැනවූ සංචාරක තහනම දීර්ඝ වෙයි

ශ්‍රී ලංකාව ඇතුළු රටවල් හයක සිටි පැමිණෙන පුද්ගලයින් සඳහා පිලිපීනය රජය පනවා තිබූ සංචාරක තහනම ලබන 30 වැනිදා තෙක් දීර්ඝ කිරීමට එරට රජය පියවර ගෙන ඇතැයි මැනිලා ශ්‍රී ලංකා තානාපති කාර්යාලය ආරංචි මාර්ග කියා සිටී.

15 June 2021

මහනුවර තැපැල් සේවකයෝ බෙහෙත් බෙදීමෙන් ඉවතට

මහනුවර දිස්ත්‍රික්කයේ තැපැල් සේවකයන්ට කොරෝනා එන්නත ලබා දීම දිගින් දිගටම ප්‍රමාද කිරීමට විරෝධය පලකරමින් එහි සියලු තැපැල් සේවකයෝ ඖෂධ බෙදීමේ කටයුත්තෙන් අද ඉවත් වුහ.

15 June 2021

වව්නියාව නගරා සභා සභාපති අත්අංඩංගුවට

වව්නියාව තානායමේ කළමණාකරුට පහරදුන් බව කියන සිද්ධියක් සම්බ්ධයෙන් වව්නියාව නගරා සභා සභාපතිඅත්අඩංගුවට ගෙන ඇතැයි පොලිස් මාධ්‍ය ප‍්‍රකාශක නියෝජ්‍ය පොලිස්පති අජිත් රෝහණ මහතා පවසයි.

15 June 2021

ඇසුරුම් යන්ත්‍රය පරණ යකඩ කඩයට වික්ක ප්‍රා.මන්ත්‍රිවරුන් අත්අඩංගුවට

කොළොන්නාව වී අළෙවි මණ්ඩලයට අයත් ගොඩනැගිල්ලක තිබූ කිලෝ 2220ක බර යන්ත‍්‍රයක් යකඩ බඩු කඩයකට විකුණීමේ සිද්ධියකට අදාළ කොළොන්නාව නගර සභාවේ නාගරික මන්තී‍්‍රවරුන් දෙදෙනා වැල්ලම්පිටිය පොලිසීය අද අත්අඩංගුවට ගත්තේය.

15 June 2021

කුඩු පැකට් 100ක් සමග හිටපු කොස්තාපල් අත්අඩංගුවට

හොරොයින් පැකට් 100යක් පමණ ප්‍රමාණයක් තබාගත් බව කියන හිටපු පොලිස් කොස්තාපල්වරයකු අවිස්සාවේල්ල ප්‍රදේශයේදී අත්අඩංගුවට ගත් බව සීතාවකපුර කොට්ඨාස දූෂණ මර්ධන අංශය කියයි.

15 June 2021

නිල්ගල රක්ෂිතයේ ගින්නක්

බිබිල නිල්ගල වන රක්ෂිතයේ පිටකුඹූර වන ප්‍රදේශයේ 15 දින ඇතිවු ගින්නක් සීඝ්‍රයෙන් පැතිරී යන බව ප්‍රදේශවාසීහු කියති.

15 June 2021

බහලුම් ප්‍රවාහන ගාස්තු සියයට 15කින් ඉහළ දමයි

ආනයන සහ අපනයන බහලුම් ප්‍රවාහන ගාස්තු ජූලි 1 වැනි දා සියයට 15කින් වැඩි කිරීමට සමස්ත ලංකා ඒකාබද්ද බහලුම් ප්‍රවාහන රථ හිමිකරුවන්ගේ සංගමයේ විධායක සභාව අද තීරණය කළ බව එම සංගමයේ සභාපති සහන් මංජුල මහතා පවසයි.

15 June 2021

හොරෙන් කැඩූ අන්නාසි ගෙඩි 350ක් ගමින් ගමට විකුණලා

සංචරණ සීමා නීති කඩ කරමින් අත්තනගල්ල නගරයේ අන්නාසි වත්තකින් අන්නාඩි ගෙඩි 350ක් කපා ඡංගම සේවයේ යෙදෙමින් එම අන්නාසි අලෙවි කළ බව කියන සිවු දෙනකු අත්අඩංගුවට ගත් බව නිට්ටඹුව පොලිසිය කියයි.

15 June 2021

’’බාර්’’ හතරක සීල් කඩලා

මත්පැන් අලෙවිසල් හතරක මුද්‍රා ගලවා ඇතැයි ලැබුණු පැමිණිලි සම්බන්ධයෙන් විමර්ශන අරඹා ඇතැයි සුරාබදු කොමසාරිස් (නීති) කපිල කුමාරසිංහ මහතා පවසයි.

15 June 2021

පළාත් රෝහල් නවයක් මධ්‍යම රජයට

පළාත් සභා මගින් පාලනය වන දිස්ත්‍රික් මහ රෝහල් නවයක් සෞඛ්‍ය අමාත්‍යාංශයේ පාලනය යටතට පත් කිරීමට අමාත්‍ය මණ්ඩල අනුමැතිය හිමිවූ බව කැබිනට් ප්‍රකාශක, ජනමාධ්‍ය අමාත්‍ය, කෙහෙලිය රඹුක්වැල්ල මහතා පවසයි.

15 June 2021

නැන්දම්මා ලේලිය ගැටුම දුරදිග ගොස් නැන්දම්මා මරුට

ලේලිය සහ නැන්දම්මා අතර ඇති වූ බහින් බස් වීමක් දුරදිග යාමෙන් නැන්දම්මා මිය යාමේ පුවතක් ගිරිඋල්ල මතව වැවගම ප්‍රදේශයෙන් වාර්තා වන බව ගිරිඋල්ල පොලිසිය කියයි.

15 June 2021

ශානිගේ ඇප තීන්දුව හෙට

රහස් පොලිසියේ හිටපු අධ්‍යක්ෂ ශානි අබේසේකර සහ උප පොලිස් පරීක්ෂක සුගත් මෙන්ඩිස්ට ඇප ලබාදීම ප්‍රතික්ෂේප කරමින් ගම්පහ මහාධිකරණය දුන් තීන්දුවට එරෙහිව ඉදිපත් කළ අභියාචනයේ තීන්දුව හෙට ප්‍රකාශයට පත් කිරීමට තීරණය කළේය.

15 June 2021

ළිඳට වැටුණු ගැබිණිය දරුවකු බිහිකරයි

ගැබිණි තරුණියක නිවෙස අසල ළිඳට වැටීමෙන් පසු දරුවා බිහි වීමෙන් එම බිළිඳා මරණයට පත්ව සිටියදී සොයාගත් බව රඹුක්කන පොලිසිය කියයි.

15 June 2021

බේකරි නිෂ්පාද කිහිපයක මිල ඉහළට

ඉන්ධන මිල ඉහළ යෑමට සාපේක්‍ෂව බේකරි හිමියන් පාන් හැර සෙසු බේකරි නිෂ්පාදනවල මිල රුපියල් 5 සිට 50 දක්වා මුදලින් ඉහළ දමා ඇතැයි වාර්තා වේ.

15 June 2021

ඔන්ලයින් ක්‍රමයට මත්පැන් විකිණීමේ යෝජනාව මුදල් අමාත්‍යාංශයට

සුපිරි වෙළඳසල් හරහා ඔන්ලයින් ක්‍රමවේද‍ය ඔස්සේ පාරිභෝගිකයන්ට මත්පැන් මිලදී ගැනීමට අවස්ථාව සලසා දෙන්නැයිවූ යෝජනාවක් මුදල් අමාත්‍යාංශයට ඉදිරිපත් කර තිබෙන බව සුරාබදු දෙපාර්තමේන්තුව පවසයි.

15 June 2021

‘මන්ත්‍රීවරුන්ට වාහන ගෙන්වන්න අපි අනුමැතිය දුන්නේ නැහැ‘

පාර්ලිමේන්තු මන්ත්‍රීවරුන් සඳහා අලුතින් වාහන ගෙවන්නේ නැතැයි තමා වගකීමෙන් ප්‍රකාශ කරන බව කෘෂිකර්ම අමාත්‍ය මහින්දානන්ද අලුත්ගමගේ මහතා පවසයි .

15 June 2021

අලි, මිනිස් ගැටුමෙන් මිනිස් ජීවිත 55ක් අහිමිවේ

වන අලින්ගේ පහරදීම්වලින් පුද්ගලයන් 55 දෙනෙකුගේ ජීවිත පසුගිය මාස හයේදී අහිමි වී ඇතැයි වන ජීවී සංරක්ෂණ දෙපාර්තමේන්තුව පවසයි.

15 June 2021

මාර්තුවේ සිට පී.සී.ආර් ලක්ෂ 38 කරලා

ශ්‍රී ලංකාව තුළ පසුගිය වසරේ මාර්තු මස සිට මේ දක්වා ‘කොවිඩ්’ 19 වයිරස් ආසාදිතයන් හදුනාගැනීමේ පී.සී.ආර්. පරීක්‍ෂණ ලක්‍ෂ 38 කට ආසන්න සංඛ්‍යාවක් (3,766,692) කර ඇතැයි සෞඛ්‍ය අමාත්‍යංශයේ නියෝජ්‍ය අධ්‍යක්‍ෂ ජනරාල් (රසායනාගාර සේවා) විශේෂඥා වෛද්‍ය සුදත් ධර්මරත්න මහතා පැවසීය.

15 June 2021

‘‘වැලිගමදී ඇල්ලූ කුඩු කිලෝ 220 හරක් කටාගේ‘‘

වැලිගම දී අත්අඩංගුවට ගත් කිලෝග‍්‍රෑම් 220කට ආසන්න හෙරොයින් මත්ද්‍රව්‍ය තොගය සම්බන්ධ ජාවාරම මෙහෙය වූ ප‍්‍රධාන පුද්ගලයා වන්නේ ඩුබායි රාජ්‍යයේ වාසය කරන නදුන් චින්තක නොහොත් ‘‘හරක් කටා’’ නමැත්තා වන බවට මේ වන විට කරුණු අනාවරණය වී ඇතැයි පොලිස් මාධ්‍ය ප‍්‍රකාශක නියෝජ්‍ය පොලිස්පති අජිත් රෝහණ මහතා පවසයි.

15 June 2021

තැබෑරුම් වැසීමෙන් පාඩුව කෝටි 1500ක්

සංචරණ සීමා හේතුවෙන් රට පුරා මත්පැන් අලෙවිසල් මාසයකට ආසන්න කාලයක් වසා තැබීම නිසා රජයට රුපියල් කෝටි 1500 ක ට වැඩි පාඩුවක් සිදුවී ඇතැයි ගණන් බලා තිබෙන බව සුරාබදු දෙපාර්තමේන්තුව පවසයි .

15 June 2021