එසැණ පුවත්

අමාත්‍යංශ දෙකක වැය ශීර්ෂ වැඩි ඡන්දයෙන් සම්මතයි

ආරක්ෂක අමාත්‍යාංශයේ සහ මහජන ආරක්ෂක සහ පාර්ලිමේන්තු කටයුතු අමාත්‍යංශයේ වැය ශීර්ෂ වැඩි ඡන්දයෙන් පාර්ලිමේන්තුවේදී අද(18) පස්වරුවේ සම්මත විය.

වෙඩි පහරින් අඹුසැමි යුවළ මරුට

තංගල්ල උණාකූරුව වැව අසල දී අද (18) යතුරු පැදියකින් පැමිණි නාදුනන පුද්ගලයින් දෙදෙනෙකු විසින් අඹුසැමි යුවලක් වෙඩිතබා ඝාතනය කර ඇතැයි පොලිසිය කියයි.

වැවට ගිය සෙබළාගේ මළ සිරුර හමුවෙයි

වීරවිල වැවට ගොස් අතුරුදන්ව සිටි යුද හමුදා සෙබෙළෙකුගේ මළ සිරුර අද (18) පස්වරුවේ සොයාගත් බව පොලිසිය පැවසීය .

වෘත්තීය ආරක්ෂණ පනත සංශෝධනයට

ජාතික වෘත්තීය ආරක්ෂණ සහ සෞඛ්‍ය පිළිබඳ ආයතනය පනත සංශෝධන කිරීමට කැබිනට් අනුමැතිය ලැබී ඇත.

චාමර මාසයක් ගොළු වෙන්න ඔට්ටුවක් අල්ලයි

විපක්ෂය සංවිධානය කරන නුගේගොඩ රැස්වීමට විසිදාහක් නොආවොත් තමා පාර්ලිමේන්තුවේ මාසයක් කතා නොකරන බව නව ප්‍රජාතන්ත්‍රවාදී පෙරමුණේ බදුල්ල දිස්ත්‍රික් මන්ත්‍රී චාමර සම්පත් දසනායක මහතා පාර්ලිමේන්තුවේදී අද පැවසීය.

සත්ව මස් සමඟ කපුවා අල්ලයි

අනුරාධපුර පුජා භුමියේ ප්‍රධානතම ආගමික ස්ථානයක ප්‍රධාන කපුවා වනසතුන්ගේ මස් තොගයක් සමග අද (18)දින වනජිවි දෙපාර්තමේන්තුවේ නිලධාරින් පිරිසක් විසින් අත්අඩංගුවට ගෙන තිබේ.

අර්තාපල් ගොවීන්ට සහනාධාරයක්

දේශීය අර්තාපල් ගොවීන්ගේ ගැටලු විසඳීමට කෙටි කාලීන, මධ්‍යකාලීන සහ දිගුකාලීන සැලසුම් ඔස්සේ ක්‍රමවත් වැඩපිළිවෙළක් සකසන බව කෘෂිකර්ම, පශු සම්පත්, ඉඩම් සහ වාරිමාර්ග අමාත්‍ය කේ.ඩී. ලාල්කාන්ත මහතා පැවැසීය.

’’චාමරට එරෙහි විමර්ශන අවසන්’’

ඌව පළාත් ප්‍රධාන අමාත්‍යවරයාව සිටියදී රජයට රුපියල් ලක්ෂ 173ක පාඩුවක් කලේ යැයි කියන පාර්ලිමේන්තු මන්ත්‍රී චාමර සම්පත් දසනායක මහතා ඇතුළු සැකකරුවන් තිදෙනාට එරෙහි විමර්ශන අවසන් කර ඇති බැවින් ඉදිරියේදී මහාධිකරණය හමුවේ අධි චෝදනා ගොනු කිරීමට කටයුතු කරන බව කොළඹ ප්‍රධාන මහේස්ත්‍රාත් අසංග එස් බෝදරගම මහතා හමුවේ කරුණු දැක්වූ අල්ලස් කොමිසම (18)පැවසීය.

අල්ලස් ගත් මිනුම්දෝරුවකුගේ ඇප විසි වෙයි

අක්කරේපත්තුව දිසා අධිකරණයෙහි විභාග වන ඉඩම් නඩුවක විත්තිකරුවෙකුට වාසි සහගත අයුරින් මැනුම් වාර්තාවක් ලබාදීම සඳහා රුපියල් ලක්ෂ තුනක අල්ලස් මුදලක් ලබා ගත්තේ යැයි කියන මිනුම්දෝරු සැකකරුගේ ඇප ඉල්ලීම ප්‍රතික්ෂේප කර යළි රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත් අසංග එස් බෝදරගම මහතා (18) නියෝග කළේය.

මිනිසුන් එකතු කරන්න හැකියාව තියෙන්නේ අධ්‍යාපනයට

මිනිසුන් දේශපාලන, සමාජ සහ ආර්ථික වශයෙන් එක් කිරීමට හැකියාව ඇත්තේ අධ්‍යාපනයට බව අග්‍රාමාත්‍ය ආචාර්ය හරිනි අමරසූරිය මෙනවිය පැවසුවාය.

අලි ඇතුන් හොරෙන් පෙන්වන ජාවාරමක්

කවුඩුල්ල ජාතික උද්‍යානයේ වන අලින් පෙන්වා රජයට ලැබිය යුතු මුදල් හොර රහසේ කාලයක් තිස්සේ ලබාගත් ජාවාරමක් හෙළිකර ගැනීමට වනජීවී දෙපාර්තමේන්තුවේ වැටලීම් කණ්ඩායමකට හැකි විය.

ආණ්ඩුවේ මන්ත්‍රීන්ටත් ආරක්ෂාව ඕනෑ

විපක්ෂයේ මන්ත්‍රීවරුන්ට පමණක් නොව ආණ්ඩුවේ මන්ත්‍රීවරුන්ටත් ආරක්ෂාවක් තිබිය යුතු බව කළුතර දිස්ත්‍රික් මන්ත්‍රී රෝහිත අබේගුණවර්ධන මහතා:-(න.ප්‍ර.පෙ) පාර්ලිමේන්තුවේ දී පැවසීය.

කොළඹට ජාතික හදවත් රෝහලක්

ජනතාවගේ සෞඛ්‍ය තත්ත්වය ඉහළ නැංවීම සඳහා ජාතික හදවත් රෝහලක් ස්ථාපිත කිරීම ඇතුලු සෞඛ්‍ය අංශයේ නව ව්‍යාපෘති නමයක් ක්‍රියාත්මක කිරීමට කැබිනට් අනුමැතිය ලැබී ඇතැයි කැබිනට් මාධ්‍ය ප්‍රකාශක, සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසීය.

ත්‍රි‘මලේ සිද්ධියට දිඹුලාගල හිමිත් කනගාටු වෙති

ත්‍රිකුණාමලය ශ්‍රී සම්බෝධි ජයන්ති විහාරයේ බුදු පිළිමය රැගෙන යාම පිළිබඳව තමා කණගාටුව සහ බලවත් අප්‍රසාදය පළ කරන බව ඓතිහාසික දිඹුලාගල ආරණ්‍ය සේනාසනාධිපති‍ දිඹුලාගල රාහුලාලංකාර නාහිමියෝ පැවැසූහ.

බංකොලොත් රට හැදුව වගේ රටේ නීතියත් හදනවා

බංකොලොත් කර තිබූ රට ආර්ථික වශයෙන් ස්ථාවර කළා සේම නීතියේ ආධිපත්‍යය තහවුරු කරන බව මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල මහතා පාර්ලිමේන්තුවේදී පැවසීය.

මත්ද්‍රව්‍ය මර්දන වැඩේට විපක්ෂයට ආරාධනා කළේ නෑ

මත්ද්‍රව්‍ය නිවාරණ වැඩසටහනට දේශපාලන පක්ෂ පාට වලින් තොරව පැවැත්විය යුතු නම් පළමුවෙන්ම කරන්නට තිබුණේ අදාළ වැඩසටහන සඳහා විපක්ෂයටත් ආරාධනා කිරීම බවගම්පහ දිස්ත්‍රික් මන්ත්‍රී හර්ෂණ රාජකරුණා මහතා:-(ස.ජ.බ) පාර්ලිමේන්තුවේදී පැවසීය.

ජාතික ආරක්ෂාවට ඕන ඉඩම් හමුදාව සතුව තිබිය යුතුයි

ජාතික ආරක්ෂාවට වැදගත් බිම් කොටස් ආරක්ෂක හමුදා සතුව තබා ගැනීම ප්‍රමුඛතාව විය යුතු බව කුරුණෑගල දිස්ත්‍රික් මන්ත්‍රී නලින් බණ්ඩාර මහතා:-(ස.ජ.බ) පාර්ලිමේන්තුවේදී පැවසීය.

දැදුරුඔය වාන් අරියි

දැදුරුඔය ජලාශයේ වාන් දොරටු 06 ක් අද (18) දහවල් සිට විවෘත්ත කර ඇති බව ජලාශය බාර වාරි ඉංජිනේරු කාර්‍යාලය සඳහන් කරයි.

ජාතික ආරක්ෂාව ගැන නි.ඇමතිගෙන් සහතිකයක්

නැවත කිසි දිනක ජාතික ආරක්ෂාවට තර්ජනයක් වෙන්න ජාතික ජන බලවේග රජය ඉඩ තියන්නේ නැතැයි ආරක්ෂක නියෝජ්‍ය අමාත්‍ය අරුණ ජයසේකර මහතා පාර්ලිමේන්තුවේදී පැවසීය.

මහා සඟරුවන ත්‍රි‘මලයට

මේ ආණ්ඩුවේ ඇත්තෝ කියනවා ඒ අය බුදුපිළිමය අත්අඩංගුවට ගත්තේ බුදු පිළිමයේ ආරක්ෂාවටලු. අපි අහනවා එහෙම නම් මහා සංඝරුවනට පහර දුන්නේ සාසනයේ ආරක්ෂාවටදැයි කියලා යැයි සීනිගම පුෂ්පාරාමාධිපති අකුරල මංජුලතිස්ස අමරපුර මූලවංශ මහා නිකායේ ලේඛකාධිකාරී හිමියෝ ශ්‍රී සම්බුද්ධ ජයන්ති විහාරස්ථ බෝධිවර්ධන දහම් පාසල් ගොඩනැගිල්ලේ සිද්ධියේ නිරීක්ෂණයට අද (18) ත්‍රිකුණාමලයට වැඩම කර පැවැත්වු මාධ්‍ය හමුවකදි මෙම ප්‍රශ්නය මතු කළේය.

පක්ෂයට පිටින් ගිය සීතාවක සර්ව ජන මන්ත්‍රි පක්ෂයෙන් දොට්ට

සීතාවක ප්‍රාදේශීය සභාවේ සභාපතිවරයා පත්කර ගැනීම සඳහා අද (18) පැවති ඡන්ද විමසීමේදී පක්ෂයේ තීරණයට එරෙහිව ජාතික ජන බලවේගය ඉදිරිපත් කළ අපේක්ෂකයා සභාපති ලෙස පත්කර ගැනීමට සහාය දුන් සර්වජනබලය පක්‍ෂයේ මන්ත්‍රී චන්දන ප්‍රේමනාත් මුදුන්කොටුව මහතාගේ පක්ෂ සාමාජිකත්වය අත්හිටුවීමට එම පක්‍ෂය තීරණය කර තිබේ.

කොළඹ - බදුල්ල පාරට රොන්මඩ ගලා එයි

පවතින ධාරාණිපාත වර්ෂාව සමඟ කොළඹ - බදුල්ල ප්‍රධාන මාර්ගයට කළුපහන 171 කිලෝමීටර් කනුව අසලදී අද පෙරවරුවේ රොන් මඩ සහිත පස් කන්දක් කඩා වැටී ගමනා ගමනය ට තරමක් බාධා එල්ල වී ඇතැයි හල්දුම්මුල්ල පොලීසිය කියයි.

සර්ව ජනයේ පිහිටෙන් සීතාවක බලය ජාජබ පිහිටුවයි

පළාත් පාලන මැතිවරණය පැවැත්වීමෙන් පසු මාස හයකට වැඩි කාලයක් කල්දැමුණු සීතාවක ප්‍රාදේශීය සභාවේ සභාපතිවරයා තෝරාපත් කර ගැනීම සදහා අද පැවැති ඡන්ද ව්මසීමේදී ජාතික ජන බලවේගය නියෝජනය කරන පී.කේ.ප්‍රේමරන්න මහතා අභිනව සභාපතිවරයා ලෙස තේරී පත්විය.

නුවර රේල්ලුවට සත් මහල් නේවාසිකාගාරයක්

මහනුවර බහුවිධ ප්‍රවාහන පර්යන්ත සංවර්ධන ව්‍යාපෘතිය යටතේ ශ්‍රී ලංකා දුම්රිය සේවය සඳහා යෝජිත මහනුවර සත්මහල් නේවාසික ගොඩනැගිල්ල ඉදිකිරීමේ කොන්ත්‍රාත්තුව පිරිනැමීමට කැබිනට් අනුමැතිය ලැබී ඇත.

අයිස් කිලෝ 100ක් බේරුවල මුහුදෙන් සොයා ගනී

අයිස් මත්ද්‍රව්‍ය බවට සැක කිලෝ 100 කට ආසන්න ප්‍රමාණයක් බේරුවල මුහුද මැද පවෙම්න් තිබියදී ඊ නාව්ක හමුදාව මගින් සොයාගෙන් ගෙන ගොඩබිමට රැගෙන විත් බේරුවල පොලීසියට බාර දුන්නේය.

සාරා ජස්මින් ගැන මුජීබර්ගෙන් ප්‍රශ්නයක්

ත්‍රිකුණාමල සම්බුද්ධ ජයන්ති විහාරාධිපතිගෙන් පෙත්සමක්

ත්‍රිකුණාමලය සම්බුද්ධ ජයන්ති බෝධිරාජ විහාරයේ දේවාල දෙකක් කඩාබිඳ දැමීමට වෙරල සංරක්ෂණ අධ්‍යකෂ ජනරාල්වරයා ගෙන ඇති තීරණය බල රහිත කිරීමේ නියෝගයක් නිකුත් කරන ලෙස ඉල්ලා එහි විහාරාධිපති ත්‍රිකුණාමලයේ කල්‍යාණවංශ තිස්ස හිමියෝ අභියාචනාධිකරණය හමුවේ රිට් පෙත්සමක් ගොනු කළහ.

සන්තෝෂ් ජා - මහින්දගේ ගෙදරට සුබ පැතුමක් යවයි

ඉන්දීය මහ කොමසාරිස් සන්තෝෂ් ජා මහතා හිටපු ජනාධිපති මහින්ද රාජපක්ෂ මහතාගේ උපන්දිනයට අද(18) සුබ පැතුවේය.