2022 නොවැම්බර් මස 30 වන බදාදා
කොරෝනාවෙන් බේරෙන ක්‍රමය විශේෂඥ වෛද්‍ය සුදත් සමරවීර කියයි
(ගයාන් සූරියආරච්චි)
නව කොරෝනා වයිරසය ශීඝ්‍රයන් පැතිරයන අතර ලෝක සෞඛ්‍ය සංවිධානය මගින් නිර්දේශිත සෞඛ්‍ය ආරක්ෂිත ක්‍රමවේද නිසිපරිදි අනුගමනය කිරීමෙන් කොරෝනාවෙන් ආරක්ෂා විය හැකි බව සෞඛ්‍ය අමාත්‍යාංශයේ වසංගත රෝග පිළිබද ප්‍රධාන විද්‍යාඥ විශේෂඥ වෛද්‍ය සුදත් සමරවීර මහතා කියයි.
● නව කොරෝනා වයිරස රෝගියකුගෙන් තවත් අයකුට ආසාදනයවීමේ ප්‍රතිශතය වැඩිවන අතර සංකූලතාද වැඩිවිය හැකිය.
● වයිරස ආසාදිතයකු සමග සමීප සබදතා පැවැත්වීම රෝගය ආසාදනයවීමට මූලික හේතුව වන බැවින් නිවෙසටම වී සිටීම ඉතා වැදගත්වේ.
● සමාජ දුරස්ථභාවය, මුව ආවරණ පැළැදීම, විසබීජ නාශක හෝ සබන් යොදා හොදින් දෑත් සේදීම යන මූලික සෞඛ්‍යාරක්ෂිත ක්‍රමවේද පෙරටත් වඩා අනුගමය කිරීම ඉතා වැදගත්වේ.
● යම් පුද්ගලයකුට උණ, කැස්ස, සෙම්ප්‍රතිශ්‍යාව, උගුරේ වේදනාව, හුස්මගැනීමේ අපහසුතාව, ගද සුවද නොදැනීම, හිසේ කැක්කුම වැනි රෝග ලක්ෂණ මතුවී ඇත්නම් වහාම රෝහලකට පැමිණ පරීක්ෂාකර ගැනීම වැදගත්වේ.
● උණුවතුර පානය කිරීමෙන් මෙම වයිරසයෙන් බේරීමට හැකියාව ඇතිබවට කටකතා පැතිරැණුද, කොපමණ උණුවතුර පානය කළද නිර්දේශිත සෞඛ්‍ය ආරක්ෂිත ක්‍රමවේද අනුගමනය නොකරන්නේ නම් වයිරසය ආසාදනය වනු ඇත. නිර්දේශිත සෞඛ්‍ය උපදෙස් පිළිපදිමින් උණුවතුර පානය කිරීමේ වරදක් නොමැත.
