උසාවිය

පර්පෙචුවෙල් අධ්‍යක්ෂක මුත්තුරාජා සුරේන්ද්‍රන්ට ඇප

ශ්‍රී ලංකා මහ බැංකුවේ බැඳුම්කර වෙන්දේසි දෙකකදී රුපියල් බිලියන 52ක් සාවද්‍ය පරිහරණය කළැයි කියන සිද්ධියට අදාළව රක්ෂිත බන්ධනාගාර ගතකර සිටි පර්පෙචුවෙල් ට්‍රෙෂරීස් සමාගමේ අධ්‍යක්ෂකවරයකු වූ මුත්තුරාජා සුරේන්ද්‍රන් මහතා රුපියල් ලක්ෂ 100 බැගින් වූ ශරීර ඇප දෙකක් මත මුදාහරින ලෙස කොළඹ කොටුව මහෙස්ත්‍රාත් රංග දිසානායක මහතා අද (18) නියෝග කළේය.

18 March 2020

අන්තරේ කැඳවුම්කරු ඇතුළු 22 දෙනාට ඇප

රක්ෂිත බන්ධනාගාරගත කර සිටි අන්තර් විශ්ව විද්‍යාල ශිෂ්‍යබල මණ්ඩලයේ කැඳවුම්කරු රත්කැරැව්වේ ජිනරතන හිමි ඇතුළු විශ්ව විද්‍යාල ශිෂ්‍යයින් 22 දෙනා එක් අයකුට රුපියල් ලක්ෂ 2 ක පෞද්ගලික ඇපයක් මත මුදාහැරීමට කොළඹ ප්‍රධාන මහේස්ත්‍රාත් ලංකා ජයරත්න මෙනවිය අද (18) නියෝග කළාය.

18 March 2020

අල්ලස් ගත් හිටපු ආදායම් බදු තක්සේරුකරුවකුට වසර 20 ක සිරදඬුවමක්

අඩු වටිනාකමක් යෙදු තක්සේරු වාර්තාවක් ලබාදීම සඳහා පුද්ගලයකුගෙන් රුපියල් 10,000/- ක අල්ලසක් ලබා ගැනීමේ චෝදනාවට වරදකරු වු දේශිය ආදායම් දෙපාර්තමේන්තුවේ මාතර කාර්යාලයේ හිටපු ජ්‍යෙෂ්ඨ තක්සේරුකරුට කොළඹ මහාධිකරණ විනිසුරු ගිහාන් කුලතුංග මහතා වසර 20 ක බරපතල වැඩ සහිත සිරදඬුවමක් නියම කළේය.

13 March 2020

අභියාචනා විනිසුරුවරයෙක් ලෙස නීතීඥ සෝභිත රාජකරුණා දිවුරුම් දෙයි

සෝභිත රාජකරුණා මහතා අභියාචනාධිකරණ විනිසුරුවරයකු වශයෙන් ජනාධිපති ගෝඨාභය රාජපක්‍ෂ මහතා ඉදිරියේ අද (26) දිවුරුම් දුන්නේය.

26 February 2020

වාස් ගුණවර්ධනට එරෙහි නඩුවේ සංශෝධිත චෝදනාවට නිවැරදිකරු බව උසාවියට දන්වයි

පාර්ලිමේන්තු මන්ත‍්‍රීවරයකු ලෙස කටයුතු කළ වසර තුනක කාලය තුළ නීතීවිරෝධි ක‍්‍රියාකාරකම් වලින් රුපියල් කෝටි 44 1/2 කට අධික මුදලක් උපයා ගත් බවට චෝදනා ලැබ සිටින හිටපු පාර්ලිමේනතු මන්ත‍්‍රී සජින් ද වාස් ගුණවර්ධන මහතාට එරෙහි නඩුවේ සංශෝධිත චෝදනාවන්ට තමන් නිවැරදිකරු බව සජින් ද වාස් ගුණවර්ධන මහතා අධිකරණයට දැනුම් දීමෙන් පසුව ඔහුට එරෙහි නඩුව විභාග කිරීමට කොළඹ මහාධිකරණ විනිසුරු ගිහාන් කුලතුංග මහතා අද (25) තීරණය කළේය.

25 February 2020

රියදුරු අධිකරණයට බාරවන තුරු පාඨලීගේ නිවසේ සැඟව සිටි බව දන්වයි

2016 වර්ෂයේදී වැලිකඩ ප‍්‍රදේශයේ රිය අනතුරක් සිදුකළැයි කියන සිද්ධියට අදාළව හිටපු අමාත්‍ය පාඨලී චම්පක රණවක මහතාගේ රියැදුරු වන දිලූම් තුසිත කුමාර යන අය අධිකරණයට බාරවන තුරු සැකකාර හිටපු අමාත්‍යවරයාගේ බත්තරමුල්ලේ පිහිටි නිවසේ සැඟව සිට ඇතැයි නියෝජ්‍ය සොලිසටර් ජනරාල් දිලීප පීරිස් මහතා අද (24) අධිකරණයට ප‍්‍රකාශ කළේය.

24 February 2020

පස්-වැලි ප්‍රවාහන බලපත්‍ර අහෝසි කිරීමට එරෙහි පෙත්සම පෙබ.27 කැඳවයි

පස් හා වැලි ප්‍රවාහනය කිරීම සඳහා පනවා තිබූ බලපත්‍ර ක්‍රමය කැබිනට් පත්‍රිකාවක් මඟින් අහෝසි කිරීම අත්හිටුවන අතුරු නියෝගයක් නිකුත් කරන ලෙස ඉල්ලා පාරිසරික යුක්ති කේන්ද්‍රය ගොනු කළ රිට් පෙත්සම ලබන පෙබරවාරි 27 වැනි දා කැඳවීමට අභියාචනාධිකරණය තීන්දු කළේය.

27 January 2020

ලාංකිකයන් තිදෙනාට ඩුබායි අධිකරණය ලබාදුන් තීන්දුවට එරෙහිව අභියාචනා ගොනු කර නෑ

සමාජ මාධ්‍ය ඔස්සේ ඉස්ලාම් ධර්මයට අපහාස කළ බවට චෝදනාවට වරදකරුවන් කරමින් ශ්‍රී ලාංකිකයන් තිදෙනෙකුට එක් අයෙකුට ඩිරාම් ලක්ෂ 5 (ශ්‍රී ලංකා මුදලින් රුපියල් කෝටි 2.5) බැගින් දඩයක් ගෙවන ලෙස ඩුබායි අධිකරණය ලබාදුන් තීන්දුවට එරෙහිව අභියාචනා ගොනු කිරීමට ලබාදුන් කාලය ඇතුළත එම චූදිතයන් අභියාචනා ගොනු කර නැතැයි ඩුබායි හී පළවන කලීජ් ටයිම්ස් පුවත්පත අද (21) වාර්තා කළේය.

21 January 2020

බිරිද ඝාතනය කළැයි ලාංකිකයෙයක්ට සයිප‍්‍රස් හිදි සිර දඩුවම්

සයිප‍්‍රස් හි මහල්නිවාස සංකීර්ණයකදී බිරිඳට පිහියකින් ඇන ඝාතනය කිරීමේ චෝදනාවට වරදකරුවූ තවත් ශ්‍රී ලාංකිකයෙකුට එරට අධිකරණයෙන් වසර 6 1/2 සිර දඬුවම් නියම කර ඇතැයි තානාපති ආංරංචි මාර්ග සඳහන් කර සිටී.

26 November 2019

හිටපු පොලිස් අධිකාරී උඩුගම්පොළට එරෙහි නඩුවේ වැඩිදුර විභාගය මාර්තු 23

හිටපු සහකාර පොලිස් අධිකාරී කුලසිරි උඩුගම්පොළ මහතාට එරෙහිව නීතිපතිවරයා විසින් පවරා ඇති නඩුවේ වැඩිදුර විභාගය ලබන වසරේ මාර්තු 23 වැනිදා පැවැත්වීමට කොළඹ මහාධිකරණ විනිසුරු ආදිත්‍ය පටබැඳි මහතා අද (25) නියම කළේය.

25 November 2019

සජින් වාස්ගේ නඩුව පෙබරවාරියේ සිට දිනපතා විභාගයට

හිටපු පාර්ලිමේනතු මන්ත‍්‍රී සජින් ද වාස් ගුණවර්ධන මහතාට එරෙහි නඩුවේ ලේඛන නිසි අන්දමින් විත්ති පාර්ශවයට ලැබී ඇති බව කොළඹ මහාධිකරණ විනිසුරු ගිහාන් කුලතුංග මහතාට දැනුම් දීමෙන් පසු නඩුව ලබන වසරේ පෙබරවාරි 25 වැනි දා සිට දිනපතා විභාග කිරීමට අද (1) තීරණය කළේය.

01 November 2019

ලලිත් කොතලාවලට එරෙහි නඩුව සමථයකට පත් කර ගැනීමේ යෝජනාවලියක්

තැන්පත්කරුවන් විසින් සෙලින්කෝ සමාගමේ තැන්පත් කර තිබු රුපියල් කෝටි 72 කට අධික මුදලක් සම්බන්ධයෙන් විශ්වාස කඩ කළ බවට සෙලින්කෝ හිටපු සභාපති ලලිත් කොතලාවල මහතාට එහි අධ්‍යක්‍ෂ මණ්ඩලය ඇතුළු විත්තිකරුවන්ට එරෙහිව පවරා ඇති නඩුව සමථයකට පත් කර ගැනීම සඳහා නීතීපතිවරයාට යෝජනාවලියක් ඉදිරිපත් කර ඇතැයි විත්තිකරුවන් වෙනුවෙන් පෙනී සිටි ජනාධිපති නීතීඥ ජයන්ත වීරසිංහ මහතා කොළඹ මහාධිකරණ විනිසුරු ආදිත්‍ය පටබැඳි මහතාට අද (30) දැනුම් දුන්නේය.

30 October 2019

රූපවාහිනී සංස්ථා පෙත්සමේ නියෝගය 4වැනිදා

ශ්‍රී ලංකා රූපවාහිනී සංස්ථාව ජනාධිපතිවරයා යටතට ගෙන ඇති බවට ප‍්‍රකාශිත අති විශේෂ ගැසට් නිවේදනය බලශූන්‍ය කරන ලෙස ඉල්ලා ගොනු කර ඇති පෙත්සම්, විභාගයට ගැනීමට අවසර ලබා දෙන්නේද නැත්ද යන්න පිළිබඳ නියෝගය ලබන 4 වැනිදා ප‍්‍රකාශයට පත් කරන බව ශ්‍රේෂ්ඨාධිකරණය අද (30) දැනුම් දුන්නේය.

30 October 2019

හිටපු දුම්රිය සාමාන්‍යාධිකාරීවරයා - දුම්රිය වාණිජ්‍ය අධිකාරීවරයා නිදහස්

දුම්රිය දෙපාර්තමෙන්තුවේ ස්ථාවර හා ජංගම භෝජනාගාරය ගිවිසුමකින් තොරව පුද්ගලයකුට පවත්වාගෙන යෑමට ඉඩ ලබා දුන් බවට චෝදනා ලැබ සිටි හිටපු දුම්රිය සාමාන්‍යාධිකාරීවරයා සහ හිටපු දුම්රිය වානිජ්‍ය අධිකාරීවරයා කොළඹ මහාධිකරණ විනිසුරු ධම්මික ගනේපොල මහතා විසින් නිදහස් කරන ලදී.

28 October 2019

උතුරු නැගෙනහිර විහාරස්ථානවල පුරාවිද්‍යාත්මක කලාප ආරක්ෂා කරන්නැයි ඉල්ලා පෙත්සමක්

උතුරු නැගෙනහිර ප‍්‍රදේශවල පිහිටි බෞද්ධ විහාරස්ථාන හා පුරාවිද්‍යාත්මක කලාප ආරක්ෂා කිරීමේ කඩිනම් වැඩපිළිවෙළක් සකස් කරන ලෙස රජයට නියෝගයක් නිකුත් කරන මෙන් ඉල්ලා නීතීඥවරයෙකු විසින් ශ්‍රේෂ්ඨාධිකරණය හමුවේ අද (28) මූලික අයිතිවාසිකම් පෙත්සමක් ගොනු කරනු ලැබීය.

28 October 2019

බැඳුම්කර සිද්ධිය ගැන මහබැංකුවෙන් වෝහාරික විගණන පරීක්ෂණයක්

ශී‍්‍ර ලංකා මහ බැංකුව බැඳුම්කර නිකුත් කිරීමෙන් 2016 වර්ෂයේදී අක‍්‍රමිකතාවක් සිදුකර රජයට පාඩු කළැයි කියන සිද්ධියට අදාළව වෝහාරික විගණන පරීක්ෂණ කටයුතු ශ්‍රී ලංකා මහ බැංකුව සිදුකරමින් බවතින බව රජයේ නීතීඥ ලක්මිණී ගිරියාගම මෙනෙවිය කොළඹ ප‍්‍රධාන මහේස්ත‍්‍රාත් ලංකා ජයරත්න මෙනෙවිය හමුවේ අද (28) ප‍්‍රකාශ කළාය.

28 October 2019

පාරිසරික යුක්ති කේන්ද්‍රයෙන් අභියාචනාධිකරණයට පෙත්සමක්

ඉදිරි මැතිවරණයේදී පෝස්ටර් , බැනර් සහ කටවුට් ප‍්‍රදර්ශනය කිරීමෙන් සිදුවන දෘෂ්‍ය දූෂණයට (Visual Pollution) අදාළ රෙගුලාසි වලට අනුව ක‍්‍රියාත්මක කිරීමට පොලිස්පතිවරයාට නියෝග කරන ලෙස ඉල්ලා පාරිසරික යුක්ති කේන්ද්‍රය අභියාචනාධිකරණය හමුවේ අද (17) රිට් පෙත්සමක් ගොනු කෙරිණි.

17 October 2019

හේමසිරිගේ-පුජිත්ගේ බැංකු ගිණුම් 81ක වාර්තා ඉල්ලයි

පාස්කු ඉරු දින එල්ල වූ ත්‍රස්ත ප්‍රහාරය වළක්වා ගැනීමට කටයුතු නොකිරීම සහ මිනී මැරුම් ඇතුළු චෝදනා කිහිපයක් සම්බන්ධයෙන් චෝදනා ලැබ සිටින හිටපු ආරක්ෂ ලේකම් හේමසිරි ප්‍රනාන්දු සහ හිටපු පොලිස්පති පුජිත් ජයසුන්දර යන මහත්වරුන්ගේ බැංකු ගිණුම් සම්බන්ධ වාර්තා කැඳවීමට කොළඹ ප්‍රධාන මහෙස්ත්‍රාත් ලංකා ජයරත්න මෙනවි අද (03) අවසර ලබා දුන්නාය.

03 October 2019

සජින් වාස්ගේ නඩුව පෙබරවාරී 25 සිට දිනපතා විභාගයට

පාර්ලිමේන්තු මන්ත‍්‍රීවරයකු ලෙස කටයුතු කළ වසර තුනක කාලය තුළ නීතීවිරෝධි ක‍්‍රියාකාරකම්වලින් රුපියල් කෝටි 44හමාරකට අධික මුදලක් උපයා ගත් බවට චෝදනා ලැබ සිටින හිටපු පාර්ලිමේන්තු මන්ත‍්‍රී සජින් ද වාස් ගුණවර්ධන මහතාට එරෙහි නඩුව ලබන වසරේ පෙබරවාරි මස 25 වැනිදා සිට දිනපතා විභාග කිරීමට කොළඹ මහාධිකරණ විනිසුරු ගිහාන් කුලතුංග මහතා අද (01) තීරණය කළේය.

01 October 2019

සරත් එන්.සිල්වාට එරෙහි පෙත්සමේ නියෝගය ප්‍රකාශ කිරීම කල් තබයි

මහජන රැළියකදී සිදු කළ ප‍්‍රකාශයකින් අධිකරණයට අපහාස කර ඇතැයි කියමින් හිටපු අගවිනිසුරු සරත් එන් සිල්වා මහතාට එරෙහිව ගොනුකර ඇති මූලික අයිතිවාසිකම් පෙත්සම සම්බන්ධයෙන් ඉදිරිපත් කර ඇති මූලික විරෝධතාව පිළිබඳ නියෝගය ප‍්‍රකාශයට පත් කිරීම පසුවට කල් තැබීමට ශ්‍රේෂ්ඨාධිකරණය අද (30) නියෝග කිළේය.

30 September 2019

නිශ්ශංක සේනාධිපති - පොලිස් කොමිසමේ ලේකම්ට අධි චෝදනා

ලංකාව අවට මුහුදේ ‘පාවෙන අවි ගබඩාවක්’ පවත්වාගෙන යෑමේ සිද්ධියට අදාළව ‘‘ඇවන්ට්ගාඩ්’’ සභාපති නිශ්ශංක සේනාධිපති, ‘රක්නා ලංකා’ හිටපු සභාපතිවරයා, ජාතික පොලිස් කොමිසමේ ලේකම්වරයා ඇතුළු විත්තිකරුවන්ට ත‍්‍රිපුද්ගල මහාධිකරණ විනිසුරු මඩුල්ල විවෘත අධිකරණයේ දී අද (27) අධිචෝදනා පත‍්‍ර බාරදුන්නේය.

27 September 2019

පාස්කු ප්‍රහාරයේ මූලික අයිතිවාසිකම් පෙත්සම විභාගයට ගන්නවාදැයි තීන්දුව කල්යයි

ප්‍රමාණවත් බුද්ධි තොරතුරු ලැබී තිබියදීත් පාස්කු ඉරුදින එල්ල කෙරුණු ත්‍රස්ත ප්‍රහාර මාලාව වළක්වා ගැනීමට හිටපු ආරක්ෂක ලේකම් හේමසිරි ප්‍රනාන්දු, පොලිස්පති පූජිත් ජයසුන්දර කටයුතු නොකිරීම තුළින් සිය මූලික අයිතීන් කඩ කළ බවට චෝදනා කරමින් ගොනු කර තිබෙන මූලික අයිතිවාසිකම් පෙත්සම් 12 විභාගයට ගන්නවාද නැත්ද යන පිළිබද නියෝගය පසුවට ප්‍රකාශයට පත් කිරීමට ශ්‍රේෂ්ඨාධිකරණය අද (26) තීන්දු කළේය.

26 September 2019

කරන්නාගොඩට 26 හෝ 27 සී.අයි.ඩී.යට එන්න කියයි

කොටහේන ප‍්‍රදේශයේ පුද්ගලයින් 11 දෙනෙකු අතුරුදන් කළැයි කියන සිද්ධියට අදාළව ඇතැම් චූදිතයින් ආරක්ෂා වන ආකාරයෙන් මුල් පැමිණීල්ල කොළඹ අපරාධ කොට්ඨාසය වෙත සිදුකිරිම සම්බන්ධයෙන් හෙට (26) හෝ අනිද්දා (27)යන දෙදින තුළ අපරාධ පරීක්ෂණ දෙපාර්තමේන්තුව වෙත ගොස් ප‍්‍රකාශයක් ලබා දෙන ලෙස කොළඹ කොටුව මහේස්ත‍්‍රාත් රංග දිසානායක මහතා හිටපු නාවික හමුදාපති අද්මිරාල් ඔෆ් ද ෆීල්ඞ් වසන්ත කරන්නාගොඩ මහතාට අද (25 )නියෝග කළේය.

25 September 2019

පූජිත්ගේ සංශෝධිත දිවුරුම් පෙත්සම ශ්‍රේෂ්ඨාධිකරණය පිළිගනී

අනිවාර්ය නිවාඩු යවා සිටින පොලිස්පති පූජිත් ජයසුන්දර මහතා පාස්කු දින ත්‍රස්ත ප්‍රහාරය සම්බන්ධයෙන් ගොනු කර ඇති මූලික අයිතිවාසිකම් පෙත්සම් විභාගයට අදාළව ඔහුට මුහුණ දීමට සිදුවූ කරුණු සඳහන් කරමින් ගොනු කළ සංශෝධිත දිවුරුම් පෙත්සම ශ්‍රේෂ්ඨාධිකරණය අද (25) පිළිගනු ලැබීය.

25 September 2019

බාලවයස්කරුවකුට අතවර කළ අයෙක්ට 30 වසරක සිරදඬුවම්

පොදු වැසිකිලියක් තුළදී අවුරුදු 13 ක බාලවයස්කාර පිරිමි ළමයකුට ලිංගික අතවර කිරීමේ චෝදනාවට වරදකරු වූ 63 හැවිරිදි වියේ පුද්ගලයකුට කොළඹ මහාධිකරණ විනිසුරු ශෂී මහෙන්ද්‍රන් මහතා වසර 30 බැගින් බරපතල වැඩ සහිත සිර දඬුවම් අද (24) නියම කළේය.

24 September 2019

ඇල්පිටිය පෙත්සමේ කරුණු තහවුරු කිරීම හෙටට කල්යයි

ඔක්තෝබර් 11 වැනි දින ඇල්පිටිය ප‍්‍රාදේශීය සභා මැතිවරණය පැවැත්වෙන බව ප‍්‍රකාශිත ගැසට් නිවේදනය බලශුන්‍ය කරන නියෝගයක් නිකුත් කරන ලෙස ඉල්ලා ඇල්පිටිය ප‍්‍රදේශයේ ඡන්ද දායකයින් පිරිසක් ගොනු කළ මූලික අයිතිවාසිකම් පෙත්සම සම්බන්ධයෙන් කරුණු තහවුරු කිරීම හෙට (25) දක්වා කල් තැබීමට ශ්‍රේෂ්ඨාධිකරණය අද (24) තීන්දු කළේය.

24 September 2019

ඇල්පිටි ඡන්ද දායකයින්ගේ පෙත්සම 24 වැනිදා කැඳවයි

ඔක්තෝබර් 11 වැනි දින ඇල්පිටිය ප‍්‍රාදේශීය සභා මැතිවරණය පැවැත්වෙන බව ප‍්‍රකාශිත ගැසට් නිවේදනය බලශුන්‍ය කරන නියෝගයක් නිකුත් කරන ලෙස ඉල්ලා ඇල්පිටිය ප‍්‍රදේශයේ ඡන්දදායකයින් පිරිසක් ගොනු කළ මූලික අයිතිවාසිකම් පෙත්සම මේ මස 24 වැනි දින කරුණු තහවුරු කිරීම සඳහා කැඳවන ලෙසට ශ්‍රේෂ්ඨාධිකරණය අද (20) නියම කළේය.

20 September 2019

කුණු කන්ටේනර් ගෙනයාම වළකාලමින් දුන් නියෝගය දීර්ඝ කෙරේ

කොළඹ වරාය පර්යන්තයේ සහ කටුනායක අපනයන සැකසුම් කලාපයේ රඳවා තිබෙන එක්සත් රාජධානියේ සිට මෙරටට ආනයනය කර ඇතැයි කියන සායනික අපද්‍රව්‍ය සහිත කැළි කසල අඩංගු බහාලුම් දිවයිනේ අභ්‍යන්තර ප‍්‍රදේශ වලට රැගෙන යාම වළක්වාලමින් නිකුත් කළ අතුරු නියෝගය ලබන ඔක්තෝබර් 21 වැනි දින දක්වා දීර්ඝ කිරීමට අභියාචනාධිකරණ අද (20) තීන්දු කළේය.

20 September 2019