උසාවිය

පරිඝනක දත්ත සොරා නොගත් බව ජනපතිගේ පෞද්ගලික ලේකම් කියයි

කෝට්ටේ නගර සභාවේ හිටපු නියෝජ්‍ය නගරාධිපතිවරයාගේ පරිගණකයේ තිබූ දත්ත නීතීවිරෝධී ආකාරයෙන් ලබාගැනීමේ චෝදනාවට තමන් නිවැරදිකරුවන් බව කෝට්ටේ නගර සභාවේ හිටපු නගරාධිපති, ජනාධිපති පෞද්ගලික ලේකම් ජනක රණවක මහතා සහ කෝට්ටේ නගර සභාවේ හිටපු පරිගණක ක්‍රියාකරුවකු කොළඹ මහාධිකරණ විනිසුරු මංජුල තිලකරත්න මහතා හමුවේ අද (09) පැවසුහ.

09 January 2019

පාසැල් දැරියට අතවර කළ යුධහමුදා කපිතාන් අත්අඩංගුවට

අවුරුදු 14ක් වයසැති පාසල් දැරියකට ලිංගික අතවර කළ යුද හමුදා කපිතාන්වරයෙකු හොරොව්පොතාන නගරය ආසන්නයේ පිහිටි තානායම් පාර ප්‍රදේශයේදී සැකපිට අද(09) සවස අත්අඩංගුවට ගත් බව හොරොව්පොතාන පොලිසිය කියයි.

09 January 2019

වරද පිළිගත් විත්තිකරුවෙකුට මාස 3 ක ලිහිල් සිරදඬුවමක්

කොළඹ රිමාන්ඩ් බන්ධනාගාරයට ජංගම දුරකතන දෙකක් සහ චාජර් දෙකක් රැගෙන යාමට උත්සහ කළ බව කියන චෝදනාවට මාලිගාකන්ද අධිකරණ හමුවේ වරද පිළිගත් විත්තිකරුවකුට අතිරේක මහේස්ත‍්‍රාත් අරුණි ආටිගල මහත්මිය අද (9) මාස 3 ක ලිහිල් සිරදඬුවමක් නියම කළාය.

09 January 2019

නේවි සම්පත් තවදුරටත් රිමාන්ඩ්

කොටහේන ප‍්‍රදේශයේ පුද්ගලයින් 11 දෙනෙකු අතුරුදන් කළැයි කියන සිද්ධියට අදාළ නාවික හමුදා හිටපු ලූතිනන් කමාන්ඩර් චන්දන ප‍්‍රසාද් හෙට්ටිආරච්චි නොහොත් ‘‘නේවි සම්පත්’’ ඇතුලූ සැකකරුවන් තිදෙනකු ලබන 23 වැනිදා තෙක් තවදුරටත් රක්ෂිත බන්ධනාගාර ගත කරන ලෙස කොළඹ කොටුව මහේස්ත‍්‍රාත් පි‍්‍රයන්ත ලියනගේ මහතා අද (09) නියෝග කළේය.

09 January 2019

වාලම්පුරියක් කියා මුහුදු බෙල්ලෙක් දුන් දෙදෙනෙකුට ඇප

වාලම්පුරියක් යැයි කියා අජීවි මුහුදු බෙල්ලෙක් ලබා දී රුපියල් හාරලක්ෂ තිස්පන්දහසක මුදලක් වංචා කිරීම සම්බන්ධයෙන් අත්අඩංගුවට ගත් ආයතනයක හිමිකරුවකු හා ඔහුගේ සහායකයා ගංගොඩවිල අධිකරණයට ඉදිරිපත් කිරීමෙන් පසු ඇප මත මුදා හැරීමට ගංගොඩවිල මහේස්ත්‍රාත් ඒ. එම්. ඒ. වසන්ත කුමාර මහතා නියෝග කළේය.

07 January 2019

අල්ලස් ගත් උපදේශකට සිරදඬුවම්

ගවයින් ප‍්‍රවාහනය කිරීමට බලපත‍්‍රයක් ලබාදීම සඳහා රුපියල් 5,000/-ක අල්ලසක් ලබා ගැනීමේ චෝදනාවට වරදකරු වු මස්කෙළිය පශූ වෛද්‍ය කාර්යාලයේ හිටපු සත්ත්ව සංවර්ධන උපදේශකවරයාට වසර 03 ක බරපතල වැඩ සහිත සිරදඬුවමක් කොළඹ මහාධිකරණ විනිසුරු ගිහාන් කුලතුංග මහතා නියම කළේය.

07 January 2019

අල්ලස් ගත් ගිරාදුරුකෝට්ටේ කොස්තාපල්ට සිරදඬුවම්

රථවාහන වරදක් සම්බන්ධයෙන් නීතී මඟින් කටයුතු නොකර සිටීම සඳහා රුපියල් 3,000/-ක අල්ලසක් ඉල්ලා ලබා ගැනීමේ චෝදනාවන්ට වරදකරු වු ගිරාදුරුකෝට්ටේ පොලිසියේ රථවාහන අංශයට අනුයුක්තව රාජකාරි කළ පොලිස් කොස්තාපල්වරයකුට කොළඹ මහාධිකරණ විනිසුරු ගිහාන් කුලතුංග මහතා වසර 16 ක බරපතල වැඩ සහිත සිරදඬුවමක් අද (3) නියම කළේය.

03 January 2019

සාක්කිකරුවන්ට බලපෑම් නම් අදාල පනතින් නඩුවක් දමන්න නියෝග

තරුණයන් 11 දෙනෙකු අතුරුදන් කළැයි කියන සිද්ධියට අදාළ සැකකරුවන් නඩුවේ සාක්ෂිකරුවන්ට බලපෑම් කරන්නේ නම් ඔවුන්ට එරෙහිව අපරාධයක වින්දිතයින් සහ සාක්ෂිකරුවන් ආරක්ෂා කිරීමේ පනත ප‍්‍රකාරව නඩුවක් ගොනු කරන ලෙසට කොළඹ කොටුව මහෙස්ත‍්‍රාත් රංග දිසානායක මහතා අපරාධ පරීක්ෂණ දෙපාර්තමේන්තුවට අද (19) නියෝග කළේය.

19 December 2018

මාධ්‍යවේදී කීත් නෙයාර්ගේ නඩුවේ උදෘත නීතිපතිට

මාධ්‍යවේදී කීත් නොයාර් මහතාට පහරදී කෲර වදහිංසා කළැයි කියන සිද්ධියට අදාළ විමර්ශන අවසන් කර නඩුවේ උදෘත නීතිපතිවරයා වෙත යොමු කර ඇතැයි අපරාධ පරික්ෂණ දෙපාර්තමේන්තුව ගල්කිස්ස මහෙස්ත‍්‍රාත් ලෝචනා අබේවික‍්‍රම මහත්මිය හමුවේ අද (11) දැනුම් දුන්නේය.

11 December 2018

හිටපු ජනපති කාර්ය මණ්ඩල ප්‍රධානී-දැව සංස්ථා සභාපතිට එරෙහි නඩුවේ විමර්ශන අවසන් බව රහස් පොලීසිය කියයි

අල්ලස් වශයෙන් රුපියල් මිලියන 20 ක් ඉල්ලා ලබා ගත් බව කියන සිද්ධියට අදාලව ජනාධිපති හිටපු කාර්ය මණ්ඩල ප්‍රධානී කුසුම්දාස මහනාම සහ රාජ්‍ය දැව සංස්ථාවේ හිටපු සභාපති පියදාස දිසානායක යන අය සම්බන්ධයෙන් විමර්ශන අවසන් බව අල්ලස් කොමිසම අද ප්‍රකාශ කළේය.

11 December 2018

හොඳම විසඳුම ජනතා පරමාධිපත්‍යයට ඉඩදීමයි

රට තුළ ඇති වී තිබෙන ව්‍යවස්ථාදායක අර්බුදයට විසඳුමක් ලබා ගැනීමට අධිකරණයෙන් දිය හැකි හොඳම විසඳුම වන්නේ ජනතාවට සිය ජනතා පරමාධිපත්‍යය අනුව කටයුතු කරන්න අවස්ථාව ලබාදීම යැයි ජනාධිපති නීතීඥ අලි සබ්රි මහතා අද (06) ශ්‍රේෂ්ඨාධිකරණය හමුවේ කීය.

06 December 2018

මාධ්‍යවේධිනියට එරෙහිව පැමිණිලි කළේ නෑ

ලංකාදීප මාධ්‍යවේධිනි රේඛා තරංගනී මහත්මිය අධිකරණ භූමියේ ජායාරූප ගන්න ආකාරය තමා නුදුටු බවත්, ඇය එසේ කළබව තමාට පැවසුවේ පොලිසිය බවත් එවටක සිටි මහේස්ත්‍රාත්තුමිය කළ දැනුම් දීමට අනුව සිද්ධිය සම්බන්ධයෙන් ප්‍රකාශයක් ලබා දුන්නා මිස මාධ්‍යවේදිනියට එරෙහිව පොලිසියට පැමිණිල්ලක් කලේ නැති බවත් මොරටු අධිකරණ හිටපු රෙජිස්ටාර් සිරියාවති පොන්සේකා මහත්මිය (26)මොරටු අධිකරණයේදී පැවසීය.

27 November 2018

පාර්ලිමේන්තු විසුරුවා හැරීමට එරෙහි තීරණය ගැන තවත් පෙත්සම් පහක් ශ්‍රේෂ්ඨාධිකරණයට

පාර්ලිමේන්තුව විසුරුවා හැරීමට ජනාධිපතිවරයා ගත් තීරණය ව්‍යවස්ථානුකූල නොවන බව පවසමින් දේශපාලන පක්ෂ හයක් , මැතිවරණ කොමිෂන් සභා සාමාජිකයෙකු හා සිවිල් සංවිධන කිහිපයක් එක්ව ශ්‍රේෂ්ඨාධිකරණය හමුවේ ගොනු කළ මූලික අයිතිවාසිකම් පෙත්සම් 13 කට එරෙහිව අතරමැදි පෙත්සම්කරුවන් පස් දෙනෙකු විසින් ශ්‍රේෂ්ඨාධිකරණය හමුවේ මූලික විරෝධතා ගොනු කරනු ලැබූහ.

20 November 2018

ගාමිණි සෙනරත්ගේ නඩුවේ සාක්කි විමසයි

නීතීවිරෝධී ක‍්‍රියාකාරකම් වලින් උපලබ්ද වු රුපියල් කෝටි 55 ක මුදලක් සාපරාධි ලෙස සාවද්‍ය පරිහරණය කළ බවට මුදල් විශූද්ධිකරණ පනත යටතේ චෝදනා ලැබ සිටින හිටපු ජනාධිපති මහින්ද රාජපක්‍ෂ මහතාගේ කාර්ය මණ්ඩල ප‍්‍රධානියා ලෙස කටයුතු කළ ගාමිණි සෙනරත් මහතා ඇතුළු විත්තිකරුවන් සිව් දෙනකුට එරෙහි නඩුවේ පැමිණිල්ලේ සාක්කි විමසීම විශේෂ ත‍්‍රිපුද්ගල මහාධිකරණය හමුවේ අද (15) ඇරඹිණි.

15 November 2018

අල්ලස් කොමිසමෙන් පැවරූ නඩුව පෙබරවාරි 12 ට කල්යයි

අභියාචනාධිකරණ විනිසුරු ඒ. එච්. එම්. ඩී. නවාස්, හිටපු අගවිනිසුරු සහ නීතිපති මොහාන් පීරිස් සහ ලංකා විදුලි පෞද්ගලික සමාගමේ හිටපු ලේකම් එම්. ඒ. ෆර්ඩිනෑන්ස් යන මහත්වරුන්ට එරෙහිව අල්ලස් කොමිසම විසින් පවරා තිබූ නඩුව ලබන පෙබරවාරි 12 වැනිදා තෙක් කල් තැබීමට කොළඹ ප‍්‍රධාන මහේස්ත‍්‍රාත් ලංකා ජයරත්න මෙනෙවිය අද (13) නියෝග කළාය.

13 November 2018

විග්නේෂ්වරන්ගේ පෙත්සම ඉවත⁣ට

උතුරු පළාත් සභාවේ හිටපු ධීවර හා ප‍්‍රවාහන අමාත්‍යවරයා ලෙස කටයුතු කළ පී.ඩෙනීෂ්වරන් මහතා එම තනතුරෙන් ඉවත් කිරීමට තමන් ගත් තීරණය ක‍්‍රියාත්මක කිරීම වළක්වාලමින් නිකුත් කර තිබෙන අතුරු නියෝගය එරෙහිව උතුරු පළාත් හිටපු ප‍්‍රධාන අමාත්‍ය සී.වී. විග්නේශ්වරන් මහතා ගොනු කළ අභියාචන පෙත්සම නිෂ්ප‍්‍රභ කිරීමට ශ්‍රේෂ්ඨාධිකරණය අද (8) තීන්දු කළේය.

08 November 2018

ඇලෝසියස් - පලිසේන යළි රිමාන්ඩ්

ශී‍්‍ර ලංකා මහ බැංකුව විසින් බැඳුම්කර නිකුතුවේදී අක‍්‍රමිකතාවක් සිදුවීම සහ රජයට පාඩු සිදුකළැයි රක්ෂිත බන්ධනාගාර ගත කර සිටි පර්පෙචුවෙල් ටෙ‍්‍රෂරීස් සමාගම් සමූහයේ අධ්‍යක්ෂක අර්ජුන් අලෝසියස් සහ එහි ප‍්‍රධාන විධායක නිලධාරී කසුන් පලිසේන ලබන 21 වැනිදා තෙක් තවදුරටත් රක්ෂිත බන්ධනාගාර ගත කරන ලෙස කොළඹ කොටුව මහේස්ත‍්‍රාත් රංග දිසානායක මහතා අද (8) නියෝග කළේය.

08 November 2018

කැලණිය කොට්ඨාස භාර ජ්‍යෙෂ්ඨ පොලිස් අධිකාරීවරයාට අධිකරණයේ පෙනී සිටින්න නියෝග

දරු දෙදෙනාගේ නඩත්තු නොගෙවා මාස 06 ක කාලයක් පුරා සැඟවී සිටින ව්‍යාපාරිකයකු අත්අඩංගුවට ගන්නා ලෙස නියම කරමින් පස්වරක් වරෙන්තු නිකුත් කර තිබුණත් මෙතෙක් ඔහු අත්අඩංගුවට ගැනීමට නොහැකිවීම හේතූවෙන් කැලණිය කොට්ඨාශය බාර ජ්‍යෙෂ්ඨ පොලිස් අධිකාරීවරයාට ලබන 21 වැනිදා අධිකරණයේ පෙනී සිටින ලෙස කොළඹ අතිරේක මහෙස්ත‍්‍රාත් තනුජා ජයතුංග මහත්මිය නියම කළාය.

06 November 2018

බොරු සාක්කි දුන් පොලිස් සැරයන් රිමාන්ඩ්

කුඩු ජාවාරම්කරුවකුට පක්‍ෂපාති වන අන්දමට අධිකරණය හමුවේ පරස්පර සාක්කි ලබාදුන් බව කියන පොලිස් සැරයන්වරයකු ලබන 21 වැනිදා තෙක් රිමාන්ඩ් බාරයේ රඳවා තැබීමට කොළඹ මහාධිකරණ විනිසුරු ගිහාන් කුලතුංග මහතා නියම කළේය.

01 November 2018

මාධ්‍යවේදිනියට එරෙහි නඩුව නොවැ. 26 විභාගයට

සිරකරුවකු පැන ගිය අවස්ථාවේ අධිකරණ භූමිය ජායාරූප ගත කිරීමේ සිද්ධියට අදාළව ‍මාධ්‍යවේදිනී රේඛා තරංගනී ෆොන්සේකා මහත්මියට එරෙහි නඩුවේ පැමිනිලි පාර්ශවයට සිතාසි නිකුත් කරන ලෙසත් නොවැම්බර් 26 වැනි දා නඩුව විභාගයට ගන්නා ලෙසත් මොරටුව අතිරේක මහේස්ත්‍රාත් ආර්.බී.එච්.ඩී ආර් වැලිගොඩපිටිය මහතා නියෝග කළේය.

28 October 2018

ශ්‍රේෂ්ඨාධිකරණ සංකීර්ණ ආපානශාලාවේ වෑංජනයක පණුවෝ

ශ්‍රේෂ්ඨාධිකරණ සංකීර්ණයේ පිහිටි ආපානශාලාවේ වෑංජනයක පණුවන් සිටි බවට එම ස්ථානයෙන් කෑම මිලට ගත් පුද්ගලයකු අද (26) ශ්‍රේෂ්ඨාධිකරණ සුබ සාධක සංගමයට පැමිණිලි කර තිබේ.

26 October 2018

හෙරොයින් ජාවාරම්කරු ජීවිතාන්තය දක්වා හිරේට

හෙරොයින් ග්‍රෑම් 20.08 ක් ළඟ තබා ගෙන ජාවාරම් කිරීමේ චෝදනාවට වරදකරු වු ගල්කිස්ස ප‍්‍රදේශයේ පදිංචිකරුවකුට කොළඹ මහාධිකරණ විනිසුරු සම්පත් විජයරත්න මහතා ජීවීතාන්තය දක්වා වු බරපතල වැඩ සහිත සිරදඬුවමක් අද(25) නියම කළේය.

25 October 2018

කර්නල් ජයන්ත ඇතුළු 8 දෙනාගේ ඝාතන නඩුව විභාගයට අවසර

ශ්‍රී ලංකා යුද හමුදාවේ ගජබා රෙජිමේන්තුවේ සේනා විධායකවරයාව සිටි කර්නල් ජයන්ත සුරවීර මහතා ඇතුළු අට දෙනෙකු විල්පත්තුව ජාතික වනෝද්‍යානය තුළදී කොටි ත්‍රස්තවාදීන් විසින් වෙඩි තබා ඝාතනය කිරීමේ සිද්ධියට අදාළ නඩුව ලබන නොවැම්බර් 13 වැනි දා විභාගයට ගැනීමට අනුරාධපුර අංක දෙක මහාධිකරණයේ විනිසුරු ගියාන් චන්ද්‍ර රණවක මහතා නියෝග කළේය.

24 October 2018

ලියාපදිංචි නොවූ විදේශ රැකියා ඒජන්සිකාරියට ලක්ෂයක් දඩ

විදේශ සේවා නියුක්ති කාර්යාංශයේ ලියාපදිංචි නොවී ව්‍යාජ විදේශ රැකියා ආයතනයක් පවත්වාගෙන යාමේ චෝදනාවට වරදකරු වූ විත්තිකාරියකට මිනුවන්ගොඩ වැඩ බලන මහේස්ත්‍රාත් මංගල වර්ණකුලසුරිය මහතා රුපියල් ලක්ෂයක දඩයක් නියම කළේය.

23 October 2018

‘සාක්කිකරුවන් ආරක්‍ෂා කරගැනීමට අල්ලස් කොමිසමේ නීතීඥවරුන් කටයුතු නොකිරීම කණගාටුවට කරුණක්‘

අල්ලස් නඩු වල සාක්කිකරුවන් ආරක්‍ෂා කරගැනීම අල්ලස් කොමිසමේ වගකීමක් බව පෙන්වා දුන් කොළඹ මහාධිකරණ විනිසුරු චම්පා ජානකී රාජරත්න මහත්මිය සාක්කිකරුවන් ආරක්‍ෂා කරගැනීමට අල්ලස් කොමිසමේ නීතීඥවරුන් කටයුතු නොකිරීම කණගාටුවට කරුණක් යැයි කීවාය.

17 October 2018

විග්නේෂ්වරන්ට එරෙහි මුලික විරෝධතා පිළිබඳ නියෝගය කල්යයි

අභියාචනාධිකරණ තීන්දුවක් ක‍්‍රියාත්මක නොකිරීමෙන් අධිකරණයට අපහාස කිරීම සම්බන්ධයෙන් උතුරු පළාත් ප‍්‍රධාන අමාත්‍ය සහ හිටපු ශ්‍රේෂ්ඨාධිකරණ විනිසුරුවරයෙකු වූ සී.වී. විග්නේශ්වරන් මහතාට එරෙහිව ගොනුකර ඇති පැමිණිල්ල සම්බන්ධ මුලික විරෝධතාව පිළිබද නියෝගය ලබන දෙසැම්බර් 10 දිනට කල් තැබීමට අද (16) අභියාචනාධිකරණය දින නියම කළේය.

16 October 2018

අලි රොෂාන් ඇතුළු පස් දෙනකුට විශේෂ මහාධිකරණයේ පෙනී සිටින්න සිතාසි

වනජීවී දෙපාර්තමේන්තුවේ තිබු අලි ලියාපදිංචි කරන පොත කූඨ ලෙස වෙනස් කොට බලපත‍්‍ර නොමැති අලි ඇතුන් ළඟ තබා ගැනීම සම්බන්ධයෙන් අලි ජාවාරම්කරුවකු බව කියන පුද්ගලයකු, වනජීවී දෙපාර්තමේන්තුවේ නිලධාරීන් ඇතුළු පස් දෙනෙකුට ලබන 26 වැනිදා විශේෂ ත‍්‍රි පුද්ගල මහාධිකරණය හමුවේ පෙනී සිටින ලෙස නියම කරමින් එම අධිකරණය අද (16) සිතාසි නිකුත් කළේය.

16 October 2018