(සුජිත් හේවාජුලිගේ සහ අංජුල මහික වීරරත්න)

ඛනිජ තෙල් නීතිගත සංස්ථාවේ දේපළ  කිසිවිටෙකත් පෞද්ගලීකරණය කරන්නේ නැතැයි බලශක්තිය අමාත්‍ය උදය ගම්මන්පිල මහතා පාර්ලිමේන්තුවේ දී අද  (7) පැවැසීය .

එසේම ඛනිජ තෙල් නීතිගත සංස්ථාවේ දේපළ  බදු දෙන්නේද නැතැයි පැවසූ ඇමැතිවරයා  එසේ කිරීමට තමාකිසිවිටෙකත් ඉඩ නොදෙන බවද  පැවසුවේය.

ඔහු මෙසේ පැවසුවේ සමගි ජන බලවේගයේ  රත්නපුර දිස්ත්‍රික් මන්ත්‍රී හේශා විතානගේ මහතා මේ සම්බන්ධයෙන් මතු කළ ප්‍රශ්නයකට පිළිතුරු දෙමිනි .

මේ මොහොතේදීත් බලශක්ති ඇමති තමා යැයිද  ඔහු කීවේය .

එසේම තෙල් බෙදා හැරීම චීනය  තබා වෙන කිසිම රටකට පැවරීමට තීරණයක් ගෙන නැතැයිද අඩු තරමින් ඒ සම්බන්ධයෙන් සාකච්ඡාවක්  හෝ පවත්වා නැතැයිද  අවධාරණය කළේය.

ත්‍රිකුණාමලයේ තෙල් ටැංකි සංවර්ධනය කිරීම සඳහා ඉන්දීය රජය සමග සාකච්ඡා කරගෙන යන බවද බලශක්ති ඇමතිවරයා පැවසීය .