IMG-LOGO

2025 නොවැම්බර් මස 30 වන ඉරිදා


ලව් කරන්න පන්දාහක රීලෝඞ් කොන්දේසියක්

(හසලක වාර්තාකරු)
ඔහු තිස් හතර හැවිරිදි වියේ පසුවන තරමක් මෝඩ පහේ අවිවාහකයෙකි. පියාගේ ඇවෑමෙන් පසු හැත්තෑ තුන් හැවිරිදි මව සමඟ ජීවත් වූ මොහු ගමේ කවුරුත් ඉතා කුළුපගව ඇසුරු කළේය. දිනක් ගමේ තරුණ පිරිසක් සමඟ කතාබහ කරමින් සිටින විටදී ඔවුන් ඔහුට යෝජනා කළේ අපි හැමෝම ගැහැනු ළමයි එක්ක යාළුවෙලා ඉන්නවා වාගේ ඔයත් ගැහැනු ළමයෙක් එක්ක යාළුවන ලෙසය. 


මේ අදහස සිතේ තදින්ම කා වැදුණු ඔහු දිනක් තම ගමට යාබද ගමක පදිංචි අවිවාහක විසිහතර හැවිරිදි තරුණියක හමුවී තම අදහස ඇයට කීවේය. ඇය ගත් කටටම පැවැසුවේ ඒ අදහසට තමන් ටික දිනකින් කල්පනා කර බලා පිළිතුරක් දුරකතනයෙන් ලබාදෙන බවත් ඒ සඳහා තමන්ගේ ජංගම දුරකතනයට රුපියල් පන්දහසක රීලෝඞ් එකක් දමන ලෙසත්ය. ඇය තම ජංගම දුරකතන අංකය සටහන් කළ කොළයක් ද ඔහු අතට පත් කළාය. 


ඉහේ මලක් පිපුනා සේ උද්දාමයට පත් ඔහු වහාම නිවෙසට දිව ගියේය. මව ඒ වනවිටත් නිවෙසින් පිටත කිසියම් වැඩක නිරත වී සිටියාය. එය ඔහුගේ වැඬේට පහසු විය. නිවෙසට ගොඩවූ ඔහු මවගේ අල්මාරිය හොර රහසේම විවෘත කර එහි තිබූ රුපියල් 5000 මුදල් නෝට්ටුවක් ගෙන පෙරලා දිව ගියේ ගමේ ජංගම දුරකතන අලෙවි කරන වෙළෙඳසලකටය. කඩිමුඩියේ එම ආයතනයට ගොඩවූ ඔහු එහි සිටි සේවිකාවකට මුදල් නෝට්ටුව දී පැවැසුවේ කඩදාසි කොළයක සටහන් කරගෙනවිත් තිබූ දුරකතන අංකයට රීලෝඞ් එකක් දමන ලෙසය. 


මේ පුද්ගලයා ගැනත් පවුල ගැනත් තොරතුරු දන්නා තරුණිය සිතුවේ මේ මුදල අනිවාර්යයෙන්ම මවගෙන් සොරකම් කරගෙන ආ බවත් මොහු කාගේ හෝ මුලා කිරීමකට හසුවී ඇති බවත්ය. 
ඔහොම වාඩිවෙලා ඉන්නැයි ඔහුට පැවැසූ ඇය වහාම තරුණයාගේ මවට දුරකතනයෙන් කතා කර සිද්ධිය පවසා ඇත. ඒ අනුව ක්‍රියාත්මක වූ මව ත්‍රිරෝද රථයකින් පැමිණ වෙළෙඳසල ඉදිරිපිටින් බසිනවාත් සමඟ තරුණයා පස්ස නොබලා දිව ගියේ මවගෙන් ලැබීමට නියමිත ගුටි පූජාවෙන් බේරීමට බව එම ස්ථානයේ සිටි කාටත් අවබෝධ විය. වෙළෙඳ සේවිකාවගේ ස්ථානෝචිත ප්‍රඥාව නිසා තම දරුවාත් මුදලුත් බේරාදීම ගැන එම මව තරුණියට මුව නොසෑහෙන්න ස්තුති කර පිටව ගියේ මෙවන් අහිංසකයන්ගෙන් මුදල් සූරා ගන්නා කාන්තාවන්ට නම් හොඳක් වෙන්න එපා යැයි කියා රුපියල් පන්දහසක මුදල ද අතේ ගුලි කරගෙනය. 



අදහස් (0)

ලව් කරන්න පන්දාහක රීලෝඞ් කොන්දේසියක්

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 217 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 270 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 1182 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

Our Group Site