(කලවාන උපේන්ද්‍ර ප්‍රියංකර ජාතුංගම)
වාතයක් වන සිය ඡන්ද දායකයන්ගෙන් බේරීමට අපූරු උපක්‍රමයක් යෙදූ ප්‍රාදේශීය දේශපාලනඥ    යකු පිළිබඳව ගම්බද ප්‍රදේශයකින් වාර්තා වේ.

මෙම පුද්ගලයා ගමේ සිටින එක් පක්‍ෂයකට ලැදි පුද්ගලයෙකි. ඔහු එම පක්‍ෂයේම එක් අපේක්‍ෂකයකුට සෑම මැතිවරණයකම උදව් කර තිබේ. එම අපේක්‍ෂකයා මැතිවරණයෙන් ජයග්‍රහණය කර ප්‍රාදේශීය මන්ත්‍රීවරයකු ලෙස කටයුතු කරමින් සිටී. මන්ත්‍රීවරයාගේ උදව්කරු කිසිදු රැකියාවක් නොකර අනුන්ගේ පිහිටෙන් මන්ත්‍රීතුමා පාවා දෙමින් හොඳට කා බී විනෝදයෙන් කල් ගෙවයි. 

“මට මගේ මන්ත්‍රීතුමාට කියලා කරගන්න බැරි දෙයක් නැහැ.” යැයි කියමින් මොහු මන්ත්‍රීගෙන් වැඩක් කරදීමට කියා ඇතමුන්ගෙන් මුදල් ගරාගෙන හොඳට කමින් බොමින් දවස් ගෙවයි.

මොහු කතා කරන විට කෙළ විසිවන අතර කාගේ හෝ වාහනයකට නැගුන විට ඒ තුළම කාරා කෙළ ගැසීම මොහුගේ පුරුද්දකි. මන්ත්‍රීවරයා ඡන්දය ඉල්ලන කාලේ මොහු වාහනයේ දමාගෙන ගොස් ඇත්තේ මොනවා කළත් වැඩට දක්‍ෂයා බව දන්නා හෙයිනි. මෝඩ පහේ අයකු වන මොහු මළ පොතේ අකුරක්වත් නොදනි. ඒ මෝඩ කමින් මන්ත්‍රීවරයා මොහුගෙන් හොඳ හැටි වැඩ ගෙන ඇත.
දිනක් මන්ත්‍රීවරයා තම වාහනයේ යනු දුටු මොහු අත දමා ඇත්තේ ළඟ සිටි අයකු රවටා ගැනීමටය. මන්ත්‍රීවරයා දුටුවත් වාහනය නවතා නැත්තේ මොහු වාහනය තුළ කෙළ ගසා අපවිත්‍ර කරන නිසාය.

එවිට ඔහු තමා ළඟ සිටි පුද්ගලයා ද රැගෙන මන්ත්‍රීවරයා හමුවට ගොස් “ඇයි සර් මාව දැකලත් වාහනය නැවැත්තුවේ නැත්තේ? යැයි විමසීය. ඒ විට මන්ත්‍රීවරයා “සොරි සන්, මගේ වාහනේ දෙන්නෙකුට එන්න විතරයි ඩීසල් තිබුණේ. ඔයා දැක්කනෙ දෙන්නෙක එනවා පිටි පස්සේ සීට්වල කවුරුත් හිටියේ නැහැනේ.” යැයි පවසා ඇත්තේ මොහු මෝඩ පුද්ගලයකු බව දන්නා නිසාය. එවිට ඔහු ළඟ සිටින පුද්ගලයා අමතා “දැක්කනේ මම කිව්වා අපේ මන්ත්‍රීතුමා මට එහෙම කරන් නැහැ කියලා.

එවිට අනෙක් පුද්ගලයා “ඔව් ඡන්ද කාලේ විතරයි මුළු වාහනේම මිනිස්සු ගෙනියන්න ඩීසල් ගහන්නේ නේද ? යැයි අසමින් හිනාවෙද්දී ඔහුට තරු පෙනුනාලු.