බස්නාහිර පළාතේ ප‍්‍රධාන පෙළේ හෝටලයක පැවති විවාහ මංගල්‍ය උත්සවයකි. සිය පුතනුවන් දියණියන් දෙදෙනා  සහ බිරිය  සමඟ සැප රියකින් පැමිණි ඔහු එම පිරිසගෙන් මොහොතකට  වෙන්ව ගියේ මිතුරන්  සමග එක්වී මධුවිත තොල ගෑමටය. ගතවුයේ ටික වේලාවකි. ඔහු වෙත ආ හෝටල් සේවකයකු ”සර්ගේ වාහනේ නිසා වාහන දෙක තුනක් බ්ලොක් වෙලා ඒක පැත්තකට ගන්න පුතා යතුර ඉල්ලූවා” කීවේය. ඔහු සාක්කුවට අත දමා යතුර ගෙන  සේවකයා අත තැබුවේ අබිමානයෙනි. පැයකට පමණ පසු මිතුරු සාදය නිම කළ ඔහු පවුලේ අය සමීපයට ගොස් පුතාගෙන් යතුර ඉල්ලූවේ වාහනය කොතනට දැම්මා දැයි අසමිනි.” මොන යතුරද තාත්තේ?” පුතා කීමෙන් විමතියට පත්  ඔහු  කරුණු විමසමින් වාහන අංගනයට ගියේ මහත් සැකයකිනි. එහෙත් තමාගේ වාහනය එහි නොවීය. කපටියකුගේ ගැටයකට තමා හසුවී අති  බව දැනගත් ඔහු ඒ මේ අත දිව යමින් සෙවූ නමුත් වාහනය නම් හමු නොවීය.