බැංකුවේ ඇය ඔහු දුටුවේ ජනවරි 01 වනදාය. ඒ ඇය අලූත් අවුරුද්දට මුදල් ගනුදෙනු කිරීමට ගිය විටදීය.

පෞද්ගලික ආයතනයක සේවිකාවක් වූ ඇය 33 හැවිරිදිය. බැංකුවේ හඳුනාගත් තරුණයා ඇයට කීවේ තමා ගුවන් සේවා සමාගමක ඉහළ නිලදාරියකු බවයි.
හමු වූ පළමු දිනයේදීම දෙදෙනා කතාකර නගරයේ අවන්හලකට ගොස් තේ පානය කළහ.

කාලය කෙමෙන් ගෙවී යද්දි දෙදෙනාට දෙදෙනා නැතිව බැරි විය.

කළුතර නගරයේදී හමුවූ දෙදෙනා මුහුදු වෙරළක ඉන් නොනැවතී හෝටල් කාමරවලට ද ගියහ. එසේ ගිය ඇය තමා සතු වටිනාම දේද ඔහු වෙනුවෙන් පූජා කළාය.

එක් දිනක් ඇය සොයා ආ ඔහු තමාට මුදල් අවශ්‍යතාවයක් බව පවසා රුපියල් 1,60,000/=ක මුදලක් ද ඇය සතු ස්වර්ණාභරණද ඉල්ලා ගත්තේය.
ඉන් පසු ඔහුගෙන් ඇයට ඇමතුමක් නොවීය. දුරකතනය ද විසන්ධි කොට තිබුණි.

බලා හිඳ ඉන්නට බැරිම තැන ඇය ආවේ කළුතර දකුණ පොලිසියටය එසේ පැමිණ ඇය සිද්දිය පොලිසියට පැමිණිලි කළාය. එහෙත් ඇය පෙම්වතාගේ ලිපිනයවත් නොදැන සිටීම පොලිස් පරීක්ෂනවලට බාධාවක් බව පොලිස් නිලධාරීන් කීහ.